يهددها ..بالفضيحه - منتديات عروس

ا

ابنية_امخروشه

عروس جديدة

10-03-2005 | 01:31 PM

بسم الله الرحمن الرحيم
السلام عليكم ورحمة الله وبركاته

انا بقولكم مشكلتي عل وعسى تلقولي حل...

انا بنت عمري 18 سنه ..تعرفت على ريال من سنه ونص ...عاد كيف اتعرفت عليه ؟؟..
كانت عندي ربيعه اسمها فاطمه اتعرف واحد اسمه سلطان وكانت على كلامها اتحبه وتموت فيه..ودايما اتكلمني عنه...في يوم من الايام دقتلي الساعه 3 الصبح وتصيح وتقولي مايحبني وزعل عليه ومن هالكلام ..وقالتلي دخيلج يا ظبيه كلميه الحينه وقوليله يردليه شرات لول..قوليله اني احبه وماقدر اعيش بدونه..تمت اتزن عراسي ..آآخر شي قلتلها اوكيه..وكلمته وتميت اكلمه وقوله سامحها وهي اتحبك ..ودايم اتكلمنيه عنك..حرام عليك..هي ماتلعب عليك وصدق اتحبك المهم لين الساعه خمس ونص الصبح ونا افهمه آآخر شي قاله اوكيه خلاص انا سامحتها والحينه بدقلها وبرد لها شرات لول..يوم دقلها حصل عندها خط ثاني ..والحبيبه ماترد عليه ..دقلها كذا مرره وهي ماترد..وعندها خط ثاني...دقلي وقالي وهو معصب ..هاي اللي اتحبني وماتقدر تستغنى عني ..جوفي ربيعتج منو اتكلم هالحزه..انا انحرجت وقمت ادقلها وهي ماترد!!

اليوم الثاني ..

كلمتني اربيعتي وقالتلي انها كانت اترمس واحد ثاني ..احسن عن سلطان ونها ماتبا سلطان عافته...ونا هذا اللي عرفته بنسيها اياه...المهم خليتها على راحتها..
بعد كم يوم...

دقلي سلطان ...

وتم يسولف عن علاقته مع فطوم..انها كيف كانت فاشله..(وفطوم كانت اتكلمه عني وايد وعرف منها ان بيتنا في فريجهم ونا سيارة دريولنا(السائق) رصاصيه وعليها مخفي شاامل)

وهو بيته جنب بيتنا وكان كل يوم يجوفني سايره المدرسه ..وكنت في خاطره بس هب عارف كيف يوصلي...وكان شاك ان البنت اللي تكلمه عنها فاطمه ربيعة فاطمه اللي وايد كلوز معاها هي انا اللي كل يوم يجوفها...

المهم تم يسولف عن بيت جيرانا..وطرى اسم ابوي وقالي انا بنته اعرفها ..قمت انا وعصبت وقلتله هاي البنت حشيمه ومادري شو..تأكد هاذيج الساعه انها انا ...

وقالي انتي فخاطري من زمان..بس ماعرفت اوصلج..وستوت بينا قصه حـــــــب مافي مثلها...كملنا مع بعض سنه ..وبعدها طلب صوريه..قالي دايما اتوله عليج وزن على راسي وبعد ماطفرني ..عطيته الصور...كنت وايد اذله وعذبه..

بعدها قام يهددني بصوري..وقالي والله لطرشها لهلج...قلتله اذا انت ماخذ صوري عشان اذلني وتهددني ماعاش اللي يذلني ...وذا تبا تعطيها هليه الصور وصلها...عااااااااادي ..مستعده انضرب ونذبح بس مانذل حق واحد مثلك!!

مثل ماخلاني احبه خلاني اكرهه..ووصل الصور لهليه..وتكوووووووووفنت طبعا...وابوي ماعرف يعني اخواني وخواتي ماقالوله لنه ابويه ريال شديد وفي الجيش ..وعادي يثور الفرد في راسي..وبعدين ابوي مكانه وايد حساس ..يعني منصبه...فكان يقولي انا وصلت الصور لخوانج لكن والله لوصلها لبوج ان مارديتي اتكلميني ..والله لخلي فلان بن فلان على آآخر عمره يدخل مراكز الشرطه عسبت مغازل بنته..ونا خايفه..حرام ابويه ريال دين وله هيبة الناس كلها تحترمه ..وتقدره وهالنذل يباني اتم معاه ..ولا بيوصلها له...بليييييييييز ساعدوني انا في مشكله عوووووووده...وعلى فكره دايم يطرش حق امي مسجات جوفي ينتج شو تسوي في حجرتها ..اتغازل...وعلى فكره امي راعي ضغط وسكر وقلب...وذا ابوي عرف برد السبب كله على امي...وامي حرااااام..والله مسكينه وعلى نياتها..قولولي شو اسوي...وترا سلطان هب من كبره عمره 19 سنه بس..اتريا مساعدتكم

ا

ام فتون و غروب

عروس متألقة

10-03-2005 | 02:09 PM

يا اختي لا اعرف ماذا اقول لك
اجد لك حل ام اعاتبك؟؟؟؟؟؟؟؟؟؟
الم تسمعي او تقرئي يوما ما عن قصص مشابهة لقصتك ؟؟ الم تاخذي منها العبرة ؟
سبحان الله
اعرف انك الان حزينة و مقهورة و ما اريد ازيد عليك

كان من المفروض ان تفكري بامك و ابوك و اهلك قبل ان تتورطي مع هذا الشخص

انا اعتبرك اختى الصغيرة و سانصحك بما اراه مناسبا
انت اخطاتي و عليك اولا ان تستغفري ربك كثيرااااااا عسى ان يغفر لك خاصة اكثري من الدعاء بان يخلصك الله من هذا الشخص الذى يريد بك السوء
طبعا هو يهددك بان يوصل صورك لابوك و لا زم تثبتي له انك لا تخافين من تهديده
و ضعي فى راسك جيدا ان هذا النوع من البشر لن يتوانى لحظة فى ايذائك و سيتواصل مسلسل تهديداته لك و بامور اكبر ان خفت منه و انصعت لطلباته
صدقيني هو يهددك الان بالصور حتى يتمكن ان يمسك عنك ادلة اكبر و اخطر فلا تمكنيه من غرضه الدنيء
كوني قوية و لا تنفذي ما يطلبه منك لا تعودي اليه و لا تحاولى ان تكلميه ابدااا
صدقيني اذا راى انك متماسكة و ما تخافين من تهديداته السخيفة سيمل منك و سيدعك ليبحث عن فريسة اخرى
اما بخصوص اهلك و معاقبتهم لك فعليك ان تتحملي نتيجة غلطك و تحاولى ان تكلمي امك و تشرحي لها انك اخطات و تعديها انك لن تكرري هذا ابداا
و ان شاء الله تفهمك و تسامحك

ان شاء الله يحصل خير و اتمنى ان يبعد الله عنك هذا السافل

بانتظار مستجداتك و اتمنى ان تكون الاخبار طيبة

غ

غدورة

عروس نشيطة

10-03-2005 | 02:28 PM

الحين الصور وصلت لاخوانك واكيد هم درو بالموضوع
كلمي اخوك الكبير وفهميه انك ندمانه عاللي سويتيه.. وخليه يتصرف بالموضوع..

ن

نوووسهUAE

عروس ماسية

10-03-2005 | 04:22 PM

المصايب ما تطلع الا من هالاشكال والاعمار المراهقين

الله يعينج ولازم تدعين كل يوم وتصلين تدعين الله

واخوانج كم عمرهم؟؟؟ وليش مايتصرفون؟؟؟

واحد مراهق قاص عليهم ؟؟؟

خلهم يصرفون ؟؟

بس الضرب لج لازم يتصرفون بموضوع الولد ووقفونه عند حده

وهاذي عبرة لج ولغيرج عسى الله يستركم عليكم ويبعد الشر عنكم

ع

عروس اللولو

عروس مبدعة

10-03-2005 | 04:48 PM

الله يرحمنا برحمته ... اختي الأنسان دوم له غلطات و زلات .. و السعيد من اتعظ بغيره و الشقي من اتعظ في نفسه ... و العمر بين 18 و 22 عمر حساس الصراحة .. عمر العلاقات و الطيش و الحب و غيره من هالسوالف سواء للشاب أو الشابة ..

بس بقولج أول ما يهددج أي أنسان طنشيــــــــــــــــــــــه ... لأنه لو راددتيه بالكلام و تحدتيه عشان يثب لنفسه قبل ما يثب للناس انه انسان قادر على تنفيذ كلامه و انه كد كلمته ..

الغالية شو كبر الموضوع أكثر هو لما صارت المشكلة مع أخوانج .. انتي لسبب من الأسباب و انا اتوقع الضغط اللي انتي فيه خلاج تردين و تتكلمين معاه .. المفروض كان تقطعين أي نوع من التواصل معاه .. لأنه بعدين هو ما بيعرف شو بيسوي .. أو شو صار لج بالضبط و فما بيعرف خطوته اليايه وين بتكون...

المهم عفا الله عما سلف .. اللحين الحل العملي لهاي الأزمة أول شي لازم أهلج يدرون انه قاعد يهددج مرة ثانية بأي طريقة من الطرق .. و انتي تقطعين أي صلة فيه لا كلام و لا غيره و حتى لو يا صوب بيتكم ما تتطاعين صوبه و لا نظره وحده لو شو ماسوا من حركات جذب انتباه .. اعتبريه ظل أو أي شي .. المهم ما تخلين أي قناة اتصال بينج و بينه لأي شكل من ألأشكال ...

طبعا لما بتخبرين أخوانج بتسوي بعض الخلافات اللي انتي خايفه منها اللحين .. بس لا تخافين في المستقبل لما تذكرين الموضوع بتقولين أخواني معاهم حق .. بس محد بيحل الموضوع غيرهم حطي هالشي ابالج عدل .. فأنتي لا تتدخلين .. أياج ثم أياج تتدخلين

طبعا لازم تتوقعين العلاقة بينج و بين أهلج بتم مهزوزة لفترة .. بس انتي لازم تردين تكسبين ثقتهم مرة ثانية

أهم نقطة خليتها للأخير عشان اتحطينها في بالج عدل .. فوضي أمرج لله سبحانه و تعالى ..و ادعي ان الله سبحانه و تعالى ان يغفر لج و يسير أمورج .. و الغالية نصيحة من القلب للقلب أدعية الصباح و المساء .. ما تودرينها ابداً وشوفي ربي كيف بيحفظج من الشر و الخبث بكل أنواعه

و ربي يساعدج ان شاء الله .. و ان شاء الله نسمع عنج خبر طيب جريب

مع السلامة

ق

قلوووووووب

عروس برونزية

10-03-2005 | 09:14 PM

البنات ما قصروا بالرد

لكن بقولج شي بما ان اخوانج دروا بالموضوع لازم تخبرينهم بالي يصير الحين
قولي لهم انا ما ابي اكلمه وهو يضغط علي بهالشي وخبريهم هم رجال ويعرفوا يتصرفوا زين ممكن يرخبرون ابوه او احد خوانه الكبار ويتفاهمون معهم لازم انتي تحطين حد وما حد بينفعج بهالموقف غير اخوانج

ت

ترانيم قطر

عروس رائعة

10-03-2005 | 09:25 PM

صراحة لاتزعلين انتي غبية مع احترامي لج

يعني ماتسمعين الي يدور حولج .. الدنيا خربت .. والله

اسمعي كلميه واعتذري له .. وعقب فهمي انه حرام الي يسويه

وعقب اخذي الصور وقولي له الله يستر عليك وعلي

سالفتج نفس سالفة وحده في ناس تهدد نفس الشي بس ماتطبق

بعدين رساليني عل الخاص ابيج ضروري

ت

ترانيم قطر

عروس رائعة

10-03-2005 | 10:43 PM

قولي ذا الدعاء دوم

((اللهم استرني فوق الارض .. وتحت ارض .. ويوم العرض))

وان شاءالله .. الله يستر عليك

ب

بشبشه

عروس رائعة

10-03-2005 | 11:17 PM

((اللهم استرني فوق الارض .. وتحت ارض .. ويوم العرض))
والله يستر علينا وعلى بنات المسلمين!!

أ

أشواق لا تنتهي

مشرفة سابقة

10-03-2005 | 11:17 PM

هذا عقاب من رب العالمين عشان اتحرمين اتعيدينها مره ثانيه:down:
اشلون مافكرتي بنفسج بابوج الكبير وامج المريضه واخوانج الي بتطلع على اختهم سمعه مو زينه؟؟؟؟؟؟؟؟
على فكره انا حاسه من كلامج ان ماعندج احساس بالمسؤليه لانج قاعده اتقولين اساميكم واتوصفين السياره؟؟؟؟؟؟؟؟؟؟
بالله عليج اشبقى ماذكرتيه:pain:
تذكري يابنيه ان مهما سويتي بهالدنيا مردج لحفره ضيقه وكفن بعشره درهم
بدل ماتخافين على ابوج وامج:sad:
خافي من ربج وتوبي وحرمي من هالسوالف والله يهداج:no:
سامحيني اذا ردي كان قاسي بس انا ماشوف مجال للدبلوماسيه

ع

عضوة

10-03-2005 | 11:29 PM

هذا جزائك في الدنيا
وانا ماني حزنانه عليج
حزنانه علي اهلج الا ربوكي والنهايه طعنتيهم في ضهرهم
وطيتي روسهم في الارض وين كان عقلج
الله يستر عليك وعلي جميع بنات المسلمين

ع

عنيدة نفسي

عروس نشيطة

11-03-2005 | 12:11 AM

[CENTER]
شوفي حبيبتي اذا بغيتي تتخلصي من هذي المشكلة سوي مثل طريقة هالحرمة
هذي الحرمة اتعرفت على واحد واتكلمت معاة بس اللة ستر عليها وتزوجت واحد وكونت عائلة بس
رجع حبيبها القدبم وصار يهددها بالصور وبالمكالمات
فهي اعترفت بغلظهاا وما حبيت تهدم بيتها فاللي سويتة انا هي اتصلت الى الشرطة واتكلمت مع المسئول وقالت
اللي قصتها فقال لها دقي على الرجال وكلمية وتواعدي معاة
فنفذت الشئ اللي قال لها المسئول وقابلتة
وطبعا الشرطة مسكتة واخذت منة الصور والمكالمات وكل شئ
وانتهت هالمشكلة والرجال خذ جزاء
فاتمني انك ما تتهوري
واللة يتسر عليكي وعلى بنات المسلمين

ا

العيناوية

عروس ماسية

11-03-2005 | 12:19 AM

[CENTER]

علاقتج في البدايه غلط وحرام ... اذا انتي فاهمه وعاقله المفروض ماتكلمين واحد

اسمحيلي أقول صايع ... أي حب أي خرابيط ... هذا الشاب يتسلى وكذب وهدد

أكثر من وحده قبلج ... لكن الشرهه على البنات الي يكلمونهم وينزلون بنفسهم

الي يحب وحده مايكلمها ولاياخذ صورها يروح يدق باب بيتهم أقول انا بتزوجها

اتخيلي شو بيقولون أهلج عنج الي تعبوا وربوج أحسن تربيه والله حرام

خلي كرامتج عاليه وفكري بعقلج بلا حب بلا خرابيط وتفاهات

هذا كله حرام ... اتخيلي كبر الذنب الي سويتيه عند رب العالمين

اتحملي نتيجة الي سويتيه لأنه مافي حل مدام وصل الأمر الى أهلج ....

وهذا اذا ماسجل صوتج بعد ويوصله الى أهلج لانها صارت وااااااايد ؟؟؟

والسموحه ...

ش

شوق العين

عروس مشرقة

11-03-2005 | 01:06 AM

خواتي البنيه مبين عليها انها ندمانه مافي داعي لهالتجريح والله يستر عليها في الدنيا والآخره
نحن الحين لازم ما نكون ضدها ونساعدها في حل مشكلتها
الي صار خلاص استوى وراح وما نقدر نغير شي
اهم شي اختي انج ما تردين على مكالماته وطنشيه ولا تعطينه اي مجال انه يهددج واهو بروحه بيمل وبيتركج لانه ما بيستفيد شي من التهديد
اهو كل الي يبيه انج تكلمينه وتكونين وياه
وانا بصراحه اشجعج على جرأج في طرحج لمشكلج لانه وايد بنات بيستفيدن من تجربج
والله يستر على بناتنا

اختج
شوق

ع

عروس اللولو

عروس مبدعة

11-03-2005 | 01:23 AM

في بعض الخوات ردودهم لا تودي و لا اتيب .. مب بس بهذا الموضوع أنا لاحظت وايد مرات بنات يعصبون من السالفة المطروحة و راحوا يتكلمون كلام لو وزناه مل بيطلع له ثجل .. بس هذربان حريم .. أنا أقول مدام الأنسان رمس .. لازم نعطيه حلول عملية .. و الكلام و التجريح ما منه فايده

بالعكس احنا اهنيه نساعد و نعاون الناس اللي في مشلكة مب نحكم عليهم من خلال تصرفاتهم .. المهم الغالية موضوعج جدا مكرر و أنا متأكدة ان وايد من الخوات بستفيدون من ردود المطروحة .. بس انتي كوني واثقة من نفسج انج بتطلعين من هاي السالفة أكثر خبرة بالحياة من قبل

ا

ابنية_امخروشه

عروس جديدة

11-03-2005 | 08:15 AM

بسم الله شو فييييكم عليـــــه...
ياناس انا هاي كانت تجـــربه في حياتيه وفشلــــــــــــــــت...وتبت من بعدها..ووالله العظيم وربيه يشهد عليه انها هاي كانت غلطت عمررريه...بعدين..انا خبرت اخواني قبل واخوي العود سجنااه شهر في مخيرز...وكفخووه هناك...ويوم ظهر رد يهددني..ويقولي مستعد انسجن طول عمريه..انا وراج وراج...وبعدين اللي حرق قلبه ازياده ان خاله خطبني...وطبعا هو مايعرف بلي بينا...وربع عند اميه وقالها ابا بنتج..اميه قلعته وقالتله سر كلك كم صحن فيزياء عصحن كيمياء بعدين تعال اخطــب بنات الناس..فهاي الكلمه قهرته ...ونا على فكرره مافكرر في العرس..وعنديه طمووووح واهدااف وايده ابا اسويها...قمت اداوم في شركه ابويه..ومسكت الادارة الماليه فيها..مع صغر سني قمت افهم في التجاره...وصار العرس والحب من آآخر سلم اهتماماتي..

ا

ام ربى

عروس مبدعة

11-03-2005 | 08:35 PM

قريت ردود الاخوات..للأسف الاغلبية لجأ الى التجريح والشماته...يااخوات حاسبوا على كلامكم قبل ان تحاسبوا يوم القيامه..

وترى الدنيا اخذ وعطاء...لا وبعد دين وسلف...ويمكن تمرين بهالموقف وربي يسخر لك هالبنيه تحل مشكلتكم..وبعدين احنا بدل مانحل

المشكلة نفرنا البنت...وين النصيحه الزينه ؟وين الكلام الطيب؟...وتذكروا قول الرسول صلى الله علية وسلم"من كان يؤمن بالله واليوم

الاخر فليقل خيرا او ليصمت"

اختي المغلوبه على امرها...اتبعي معي هذه الطريقة لعل فيها الحل باذن الله:

1-لا تردين على مكالماته نهائيا..حتى لو هدد تصبري ولا تردين..و حاولي وانتي رايحه المدرسه ماتمرين جنب بيتهم وياليت لو احد من اهلك يوديك ويجيبك..يكون احسن..وانت طالعه من البيت قولي "اللهم اكفنيهم بما شئت""اللهم انا نجعلك في نحورهم ونعوذ بك من شرورهم"

2-قيام الليل والدعاء بخشوع..وادعي بهذا الدعاء"الله اكبر.الله اعز من خلقه جميعا.الله اعز مما اخاف واحذر.اعوذبالله الذي لا اله الا هو الممسك السموات السبع ان يقعن على الارض الا باذنه من شر عبدك "فلان" وجنوده واحزابه واشياعه من الجن والانس.اللهم كن لي جارا من شرهم جل ثناؤك وعز جارك وتبارك اسمك ولا اله غيرك"وردديها باستمرار

3-اذا حدث وعلم الوالد بالقصة مافي مشكلة لو كذبتي "وقولي ان وحده من زميلاتك اخذت صورك من غير علمك..وحدث بينكم خلاف فحبت تنتقم منك فاعطت صورك الشخص هذا ...ومن هالكلام..

والله يعينك ويصبرك وخلي الشيء هذا درس لك..الله يعينك ويفرج كربتك..

ا

الأمل المستحيل

عروس مشاركة

11-03-2005 | 08:58 PM

الله يعينك يا بنيه
عندي ليك حل انشالله يساعدك غيري رقمك والرقم القديم أعطيه لواحد من اخوانك او لوالدتك الله يعطيها الصحه بس الرقم الجديد لا تعطيه لحد في الوقت الحالي ولو بيكلمك عتلفون البيت بيسوي لنفسة مشاكل .. بالنسبه لخطوبتك بتسويلك تهديد جديد فقولي لخاله أحسن ولا تبدي حياتك بمشاكل ...
والدك قد ما يكون شديد وصعب بيعرف يتصرف أحسن من أخوانك لا تبقي مخبيه عليه لأنك بضلك خايفه نصيحة من مجرب قولي الصدق و خذي جزاك مدام فعلا ندمت لا تستمري بالغلط ولا تخافي ابوك ما رباك عشان يذبحك!! توكلي عالله وقوليله وانشالله بيساعدك واقولك اياها عن خبره لانه مصيره بيعرف

ش

شموع لاتنطفي

عروس رائعة

11-03-2005 | 10:03 PM

[CENTER]

مشكلتك فعلاً كبييرة :down:

وهذي الغلطة اللي دايم يقعون فيها البنات (w)
الوحدة حرام عليها تعطي بس نظرة للرجـــــال

لأنه راح تروح بشي ما شافتــه

يا حلو انك تكونين أسـرة وزوج صالح

ما فكرتي اشلون ؟ إذا كبرتي شتسوين
تنتشر فضيحتك وتروحين فيها

بصراحة أنا بنت مثلك ما أحب أحــد يذلنـــــــي .. مهما كان

لكن المفروض تروحين عند أبوك وتقولين لـــه .. مافيه أكثر من حنية وتفاهم الأب والأم
قولي له شصار بالتفصيل
لأنك لو كذبتي بيجي شي من هينا وهيناك وتنكشفييين , وبعدين ياخذها أبوك عليك

فهمي أبوك
واعتبري هذي غلطة عمــر
يبيلك تفكرين بعمرك ألحين ..
انتي ما شاءالله عليك عمرك 18 سنة .. يعني بنت فعمر الزهوور:flower:
والمفروض ما تضيعين

أنا عمري 15 سنة .. ما عمري كلمت رجــال بدون مدح لنفسي :flower:
مع انه كثيير من هالنوعييية يضحكون على بنات الناااس

لأني عارفة نفسي حساسة وأتأثر كثيير بهالكلام ..
وصدقوني البنت إذا ماأهلها اهتموا فيها أشد الاهتمام خصوصاً بهالسن راح تروح فيها

مهما كانوا أهلهــــــــا

زي ما قلت لك أنصحك تستخيرين وتروحين تكلمين أبوك

حسسيه انك ندمانة :sad:
وقوليله يصرف لك حـــــل

آسفة .. شكلي طولت
بس والله من قهري وضياع هالبنات بكلمتين من ولد ما يسوى

أتمنى ما تقاطعينا
وتقولين لنا ش صـــــــار

أختك في الله

ا
ل
م
ط
ن
ش
ة

أ

أوراق الخريف

مشرفة سابقة

12-03-2005 | 01:26 PM

السلام عليكم ورحمة الله وبركاته..

والله خليتيني اعصب علهلكلام!؟ والله انكم يهال..
الحين تذكرتي امج وابوج!؟
وين كنتي في البدايه..
يا خسارة تربيتهم فيج..

واللي يقول لا تجرحون.. هذي مثل اختنا كيف ما انحس فيها.. اتخيلو حد من خواتكم سوت هالحركه اكيد في البدايه بتعصبون وبتسمعونها كلام وعقب تنصحونها..

الله يهديج يا اختي..
رمسي حد من العايله الي انتي وايد معاه ويكون شخص كبير وخليه يشتكي عند الشرطه من هالمغازلجي..

ولا تتزوجين اي حد من اهله علشان ما تزيد المشاكل..

يسعدني بان تشاركي بالرد على مواضيعي