اختي رذاذ اولا انا ما دافعت عن احد .. انا اقول بدال ما اتكلمون و تنتقدون و تدعون باللعنه مثل العاده ليش ما تسوون شي انتو بأنفسكم و تستغنون عن قوقل و تخلونه ( للنصارى ) يشبعون فيه
ثاني شي الحروب اللي تقولين عنها حبيبتي رذاذ بسبب النصارى ما قامت بفعل النصارى فقط .. لو تحللين الجيش الأمريكي مثلا ترى بتلقين فيه مسلمين و اذا مو مصدقتني دوري بالنت او سألي اي شخص متمرس بهالأمور و بتشوفين .. انا اتكلم عن دراية لاني بالكويت و مرت علينا جميع اصناف الجيوش .. الجيوش اللي تغزو العالم ما تغزو بمزاجها .. السلطه اهي اللي تأمرهم غصبا عليهم .. منو اللي مستعد يترك وطنه و اسرته عشان يدخل بحرب ماراح يستفيد منها لا بحالة الفوز ولا بالخسارة ؟؟
يمكن كلامي يضايقج لكن اسمحيلي حبيبتي رذاذ خلوا نظرتكم اوسع شوي .. الإلتزام بالدين الإسلامي و تعاليمه شي مفروض بدون نقاش لكن الإعتداء على الأديان الثانية و الدعاء عليهم مو من حقنا ابدا .. الدعاءعلى أعداء المسلمين معاج حق فيه لكن تدعين على موقع قوقل !! الجماعه ما سوولج شي .. قال رسول الله صلى الله عليه و سلم : ليس المسلم باللعان، ولا الطعان، ولا الفاحش البذيء.
واضح ان احنا دخلنا بالدين و السياسه بعيد عن الموضوع الأصلي لكن اختلاف الآراء لا يفسد للود قضية