مرجع لجميع الماركات لجمال بشرتك وجسمك

fay fay 07-03-2005 25 رد 9,244 مشاهدة
f
السلام عليكم والرحمه

يابنات نبي نسوي مراجع بسيط للماركات والأشياء اللي استخدمناها منها بشكل موزع بحسب الماركه ونوع الاستفاده سواء مكياج او عنايه بالبشره والجسم ،، يعني هنا بقسم البشره راح يكون هذا الموضوع خاص بالمستحضرات الي استخدمناها من ماركات عالميه وفادتنا سواء للبشره اوالجسم وفي قسم المكياج بنحط المكياج في الموضوع الخاص فيه ..

المهم تكفون كل وحده تدخل هالموضوع تحط لنا بالضبط كل ماركه و وش استخدمت منها واذا تبي تحط صورة المنتج فعندها الموقع تحت اسم الماركه تقدر تستعين به ..


ماركة لابريري
http://go.3roos.com/TzF7yhsH7Oo

ماركة كلارنس
http://go.3roos.com/ckQ35K4J35j

ماركة استي لودر
http://go.3roos.com/dGabUzCfhYV

شانيل
http://go.3roos.com/oWKPFTLVBp9

ايف سان لوران
http://go.3roos.com/5IjGClGRqYU

لانكوم
http://go.3roos.com/Tj4ddCXXm4d

شيسيدو
http://go.3roos.com/FUz8ZXgxtMK

جيرلان
http://go.3roos.com/mUydwB8XWiZ

كلينك
http://go.3roos.com/7bSSopTWoo8

ديور
http://go.3roos.com/hIajhzObVTv

هلينا روبنشتاين "RH"
http://go.3roos.com/NQNlxDVCQRf

_______________________

عن نفسي
اغلب المستحضرات اللي استخدمتها كانت من كلارنس وكلينك وشانيل
وراح ارجع لكم بالصور واعلمكم بالضبط كل مستحضر وش اعطاني من جماليات ومساوءه بنفس الوقت ان كانت له عيوب ..


تكفون بنات ورونا همتكم لان بصراحه تعبت الماركات كثيره وزواجي قريب وانا ابي اهتم ببشرتي وجسمي مثل اي عروس وماني عارفه وش اشتري :( وبصراحه اسعارهم ماتساعد الوحده تشتري الف ماركه وتجرب ولا حتى الوقت :( ماعاد يمدي ..

تحياتي لكم وبأنتظار مشاركاتكم هنا وفي قسم المكياج راح احط نفس الموضوع لكن خاص بالمكياج فقط ..

:)
f
بنات ليش محد يرد .. يعني محد منكم استخدم مستحضرات للبشره من هالماركات ؟؟
ولا حتى لاجسامكم ..

اتمنى اشوف ردود تحمسني شوي :( وتفيدنا جميع

بالنسبه لي ابي اذكر لكم اشياء سحريه استخدمتها من كلارنس

استخدمت هالكريم المقشر



ووالله العظيم ان ركبتي كانت كنها ركبه بعير هههههههههههههه الخطوط فيها عريضه وغزيره ولونها قامج
بعد فتره من استخدامه اللهم لك الحمد تغيرت صارت ناعمه ولونها حلو نفس لون جسمي وصارت الخطوط اللي فيها مو غزيره بالعكس ناعمه ،، شي ثاني .. هالمقشر استخدمته من فتره طويله نوعاً ما لكن تخيلو الي الان ركبتي حلوه :)


المستحضر الثاني


كريم يد
وبأختصار
خلى يدي قطعه من مرمر
وعلى فكره يدي كان فيها اكزيما وهو عالجها .. حتى علاج الدكتور مافاد مثل هالكريم ..


الثالث


ديودرنت رهييييييييييييييييييييييييييييييب مفعوله طويل المدى وربي


اتمنى هالمجموعه تفيدكم واتمنى اذا فيه وحده منكم استخدمت مستحضر للسلولليت او مستحضرات شد الصدر تخبرني لان ودي استخدمها :)
f
من هيلينا روبن شتاين

استخدمت كريم
FORCE C PREMIUM
Super Energizing Cream



وبصراحه توني لي 3 ايام من استخدمته وما اقدر احكم عليه بشكل كامل لكن كقوام .. الكريم ثقيل .. وبشرتي تتشربه بصعوبه واول احساس لي معاه هو لسع خفيف احسه على وجهي كله ،،
بأول يوم مالاحظت فرق ،، وثاني يوم بصراحه حسيت ان بشرتي صارت دهنيه اكثر مع العلم ان انا بشرتي مختلطه .. يعني منطقه الانف عندي صارت تصير فيها دهون لكن بنفس الوقت حسيت فيها انعم بكثير ومرتاحه .. و بثالث يوم بصراحه حسيت وجهي منوووووووور حيل .. بشرتي احسها صافيه بشكل مختلف ومنوره ،،

ابي اواصل عليه وبشوف وش راح يصير :)


بناااااااات تكفون وربي اني شاده حيلي معاكم ابي الكل يستفيد بس انتو مطنشيتي

تكفون نبي تفاعل ووصف دقيق لكل شي عشان مانصير مثل العميان بس نشتري في هالمستحضرات ولا ندري وش هي ..

عشان خاطري تجاوبو شوي ..
ا
جربي جيرلان مجموعة التبييض عجيييبة


تصفي البشرة وتنورها وتفتحها وتصغر المسامات
ر





منظف للوجه في ثلاث خطوات تنظيف وتونك ومغذي


جدا رائع استخدمه من سته شهور
f
الجادل
اشكرك عزيزتي لمشاركتك اياي في هالمرجع ،،
بتجاربكم الكل يستفيد

عموماً الغاليه ياليتك تكتبين لنا اسم مجموعه التبييص وتوصفين لنا مدى استفادتك .. وهل سببت لك مشاكل وكم المده اللي استغرق علاجك لبشرتك معاها ..

عموماً انا في الفتره الجايه ناويه اشتري مجموعه عنايه وتبييض لان عندي اختلاف قليل في لون بشرتي وحابه اخليه لون واحد .. وكنت محتاره بين جيرلان وشانيل وشسيدو .. وشكلي بهالتجربه الطيبه راح اقرر جيرلان :) بس ياليتك تعطينا معلومات اكثر :)


مشكوره
M
fay fay
أنا ماراح أحط صور لانه اذا حطيت تحميل الصفحة بتقعدون فيه يوم كامل هي هي هي بس بذكر الأسامي
احم احم بداية استخدمت لا بريري
بعدين جربت الفيتامين سي من هيلينا مثل اللي انتي حاطه صورته و نفسه بعد للعين تحسين بشرتج صار فيها لون شوية صج فيتامين سي :) جربت منهم كريم POWER A. فظيع لليل طبعا اهوا ريتينول ( يعني فيتامين أ) بس لليل بس فظيع البشرة تكون ناعمة لما تغسلين ويهج الصبح بس غالي بعد كان سعره 29 دينار كويتي
بعدها و لا زلت أستخدم جيرلان للتبييض بس مو المجموعة كلها بس اهم الاشياء الغسول و التونيك و كريم الليل ودي الحين أكمل بجيرلان أو أرد أبدي بهيلينا ماني عارفة
على فكرة جيرلان عندهم مجموعة للسيلولايت و التخسيس يقولون حلوة بس خالية اعتقد المجموعة كانت ب 85 دينار أو ما شابه بس يقولون تنحت الجسم نحت بس ما جربتها أنا ما عندي سيلوليت وايد بس في منطقة البطن "مع العلم اني غير متزوجة هي هي هي بنت مكرشة :) "
طبعا الديودرانت نصحتني فيه عروسه حلوة معانا قالت لي عن بايو خذيت منه ديودرانت بس على هيئة لوشن
طبعا انا ماعندي اسرار اذا تبون معلومات اكثر جربوا توقيعي :)
مع السلامة
ا
شوفي اختي جيرلان حلو حيييييييل


بس لازم اول اسبوعيين من البرنامج تحطين امبولات واقنعة على وجهج بالصبح وبالليل هذا طبعا غير المنظف والتونيك والمرطب وكريم النهار او الليل والسيروم الخاص بالتبييض وكريم العين



بعد الاسبوعين تستخدمين الباقي بس بدون امبولات واقنعة


وترى نتيجة التبييض تبين من اول اسبوعين



طبعا الامبولات والاقنعة ما تستخدم الا باول البرنامج وبعدين كل ست شهور مرة


لانها تعتبر عناية مكثفة


اما باقي المستحظرات تساعد على المحافظة على نتيجة الامبولات والاقنعة



يعني دورها تكميلي مو اساسي


الاساسي هو الامبولات والاقنعة اللي تكون باول اسبوعين


والمجموعة غالية شوي تكلف 160 دينار يعني تقريبا الفين ريال او اقل شوي



انصحج فيها لانها مو خسااارة
f
رودين
شكراً الغاليه لمشاركتك

عجبني هالمستحضر بس مو للبيت ..
عجبني حق لو كنت مسافره وماقدر اتقيد بخطوات العنايه كامله ..
احسه عملي

:)

تسلمين لمشاركتنا بخبرتك ..
f
مناري شكرا حبيبتي :)

خبرتك وايد فادتني :)

بالنسبه للسيلووليت فيني والله قليل بس بأماكن تقهر ..
وبصراحه انا جسمي الحمد لله عجيب لكن تقهرني فيه عيوب وودي تروح قبل اتزوج مع ان اختي تقول ان الازواج مايحطون بالهم لمثل هذي الامور بس والله ماودي .. ابي لما البس شي اكون واثقه ان جسمي تمام التمام ..

عشان جذي ودي استخدم هالمستحضرات .. وامس رحت شريت مجموعه بديت باستخدامها من اليوم وباذن الله اشوف نتيجه :)

بعلمك وش هي في موضوع ثاني :)


وعلى فكره
ترى سئلت البايع عن الافضليه بين مستحضرات التبييض .. قلت له جيرلان او شيسيدو قال لا شيسيدو اقوى بكثيررر واحسن منهم شانيل ..

قالي جيرلان حلوه وماعليها كلام بس والله بمحلين نصحوني بشيسيدووو .. اذكر واحد منهم كان قزاز وقالي انا ابيع الماركتين ومن فايدتي اروج لجيرلان بما انها اغلى لكن انصحك خذي شيسيدوووو لانها احسن بكثييررر


تسلمين لي خيتووووو

................

الجادل

عمري انا اخذت بنصيحتك ورحت ابي اشتري جيرلان بس سئلني عن عمري ونوعيه بشرتي واشياء كثيره ونصحني بشيسيدووو ..
بس انا ماشريت لا جيرلان ولا شيسيدوووو
بعلمك شو شريت بموضوع ثاني

^_^

عموما ً تسلمين لي يالغلا ..

زاتمنى الكل يواصل بالموضوع خلنا نستفيد اكثر بحكم تجاربنا لهالمستحضرات :)
M
انا جربت كريم التنظيف و اللوشن المنعم من شيسيدوو

وبعدها اكريم مرطب اشويه ثقيل ماخذيت كريم النهار و لا اللليل اللي تبيع نصحتني فيه لانه بشرتي جافه وايد

وطبعا استخدم قبله ا لسيروم

وبعد ايام حسيت بشرتي من جافه صارت حلوه ورطبه

بس للاسف مو حلوو لنهار تحت الميكب يصير ثقيل ويدهن .. مع العلم استخدم فونديشن و بودر من نفس الماركه رهيب احسن فونديشن استخدمته .. حده رووعه ..

ورجعت للمحل وقلت لهم المشكله قالت لج خيارين تاخذين مرطب النهار الخفيف وفي نوعين منه المبيض والعادي..

جربت لثنين ,,,

ابصراحه عجبني اللي من خط التبيض روووعه .. ترطيب وحمايه ...و يعتبر بيس للميكب..

وصرت استخدمه بدون بودره بعد حده رووعه..


وجربت بعد من عندهم مرطب الشفايف .. بعد حلوو وينعم ..

اما بنسبه لكريم اللعين استخدم روك
و
مشكورة على موضوعج الحلو

كلارنس لسيلوليت روعه
م
مشكورين

انا كنت استخدم شسيدوااااااااا نصحوني ربي بالبتعاد عن الماركات

وقلولي ليكريمات الي في الصيدليه هيه المفيده حق البشرة

وقمت عاد احين الي كل شهر ماركه من الصيدليه واجربها منها حق النهار ومنها حق الشمس والليل والمنضفات والماسك والمقشر

وتعبت لين الحين ما فيه اكريم والم ويهه

والحين شو اسوي انصحوني
k
مرحبا FAYFAY

بشرينا شلونج مع مستحضرات كلارنس حسيت بالنتايج
أ
ياليت البنات إلي في السعودية يقولون وين بالقى ماركة كلارنس بجدة ......

والكريم المقشر وكريم اليد والمنظف بكم ؟؟؟؟؟؟؟؟؟؟؟؟

وش أحسن كريم وجه قبل المكياج ؟؟؟؟؟
ل
مرحبا خيتو انا بصراحه اضم صوتي لصوت اختي الجادل وانصحك بماركه جيرلان المجموعه بكاملها مو خساره فيها الفلوس استخدمت من المجموعه واسمها(ايسيما وايت اكس) كريم النهار(ادفانسد بروتكتف برايتننج داي كير)بمؤشر حمايه 40 وكريم الليل (وايتننج نايت كريم) والماسك(كلاريفنج شيت ماسكس) والمنظف (سوفت فومينج كلاريفنج كلينسر) والتونر(فريش كلاريفنج تونر)واخيرا المصحح(وايتننج دارك سبوتس كوركتر) المجموعه باختصار اكثر من رائعه بس يبيلها شوية صبر
انا ماحطيت صورهم لانني باختصار ...........ما اعرف هيهيهيهيهيهيهيهيهيه
اتمنى اكون افدتك
سللاااام
س
يا حياتى موضوعج بجد مفيد وانا مجربة من كلارنس كريم السيلوليت كثير حلو والمقشر اللى على برتقال للوجة بعد رائع:up:
*
الان المشكله في مجموعه شيسيدو انها مألفه من 7 علب :think:
:mad2:
1-الرغوه المنظفه
2- ملطف و مجدد للبشره خفيف
3- ملطف و مجدد للبشره مركز
4- سيروم التألق المركز
5- مرطب النهار و الوقايه من الشمس
6- جل مرطب لليل
7- كريم مرطب لليل

يعني انا حابه اشتريها بس مش عارفه اخذ ايش بالضبط !!!:cry:

انا ما اعتقد اني محتاجه المجموعه كلها

كل الي احتاجه ( رغوه منظفه _ كريم الصباح _ كريم المساء )

يعني لو حبيت اخذ كريم الصباح ماني عارفه اخذ السيروم او الملطف الخفيف اوالملطف المركز :mad2:

ماني عارفه اخذ ايش بالضبط !!

الله يخليكم ساعدوني :cry:
M
حبيبتي *^"^* جاردينيا *^"^*

ياريت اول تقولين لي نوع بشرتج وراح اقولج كل اللي تحتاجينه :) وهم اكيد اقل من سبعه
*
ام عفاس:
حبيبتي *^"^* جاردينيا *^"^*

ياريت اول تقولين لي نوع بشرتج وراح اقولج كل اللي تحتاجينه :) وهم اكيد اقل من سبعه



يا هلا ام عفاس

بشرتي مختطله بس في فصل الشتاء تكون عاديه :shy:

و انتظر ردك
X