من كثر ما اسمع واقرا نفسيتي تعبت

اختي انصحك استمتعي بالفترة اللي باقي لك من الحمل وخلك من التفكير بالولادة من اللحين وبعدين شكلك بكر يعني مهما تخيلتي ما بتعرفي الآم فريحي بالك لاحقه ليش اتعبين نفسيتك من اللحين وما تدرين ان شاء الله بتكون ولاتك سهله اما عن الكشف فهذا ضروري اختي علشان يعرفون كم سم انفتح عنق الرحم بس ما عليك مب مؤلم لدرجة بصحين هي الا دقيقة بس الله يتتم حملك على خير وتولدين بسلامة

انا وايد اسمع واطنش بس بيني وبين نفسي بعد اللا افكر شوي واقول انا ليش اعور راسي من الحين وكله ايلس ادعي انه الله يسهل علي طول ما انا يالسة عشان ما اخاف ومخططه اخلي ريلي يقرا سورة الزلزلة لما يكون فيني الألم يعني ادور كل شي ممكن يخفف علي الألم انتي لا تحاتيين ادري انه كل شي مجرب وصدق بس انتي شدراج يمكن ربج يسهلها عليج وماتحسين بشي :)

اكيد اختي لازم تحسين بألم وعوار والا شلون بتحسين بطعم الولاده :>

بس صدقيني يختلف الألم من وحده لاخرى يمكن ولادتج تكون سهله وماتحسين بشي

اقرى ايات لتسيهل الولاده وانشالله تولدين بالسلامه

الله يسمع منكم ان شاء الله و اولد بسلامة وتكون ولادتي سهله وما يلحقون يكشفون علي قولو امين

[CENTER]هلا حبيتي حلوه المحيا

الغالية حطي ببالك انج راح تستمتعين بالولادة

هي فعلا آلام..

بس مب اي آلام..

ألام تكفر الذنوب

آلام مرغوب فيها

و لا تنسين

الجنة تحت أقدام الأمهات

و انه في ناس محرومين و يتمنون الحمل

ربي يقومك بالسلامة
و تشوفين ضناج بحضنج يا رب

حبيبتي حلوة المحيا لا تفكرين جذي ترى انا في بكريتي كنت اسمع واطنش ترى الي بتحسين في الطلق يختلف عن الكلام تماماً لو شنو وصفولج الحقيقة غير ويختلف من وحدة لأخرى.بس ادعي من ربج يخفف عليج الولادة و اقري سورة مريم اذا قدرتي أو خلي زوجج يقرأ عليج السورة ترى انا في بكريتي زوجي قعد يقرأ علي فعلاً الله سهل علي.الله يسهل عليج وعلي وعلىكل حامل ويعطي كل محروم اللهم امين اللهم امين.

اختي حلوة المحيا ..

انا بعد تقريبا بعد شهرين ونص بربي واول بيبي ...

وما بكذب عليج وبقولج ما افكر في هاللحظه بس الوضع يختلف من وحده للثانيه ..

حد يقولج تعب وجيه انتي ما تدرين شوه بيستوي وكلي امرج لله سبحانه تعالى ..

وتمي اقري على عمرج وقت الولادة ..

انا اعرف وحده طول ما هي على الولاده وهيه تقول يا رب وتقرى اية الكرسي وتدعي ان الله يهون عليها ..

واهم شي ترى الحاله النفسيه لا اتعبين عمرج ترى الرحم بعد يتعب وبعدين من الخوف ما بترومين تربين طبيعي

لانج بتتشنجين وفي هذي الحاله فيه خطوره على البيبي ويمكن يسوون لج قيصري ..

فريحي بالج ولا اتفكرين ابد احسن لج والله ...

والله يسهل عليج وعلينا اجمعين ...

الله يسهل عليج يا رب ويردج بوقتج بالسلامه.
وانا دايما اقول للحوامل لااااا تفكرون فى الولاده
من الحين خلوها على الله بالعكس استمتعوا
بشهور الحمل اللي باقيه لكم والله ان غيركم
يتمناها.
والله يسهل عليي وعلى كل حامل يا رب.

امين يا يارب والله خففتوا عني الوسواس والخوف تسلومون يا احلى اعضاء

وان شاء الله اول ما اولد ثاني يوم ببشركم ههههههه وبقولكم شو استوا وما استوا

هلا اختي حلوة المحيا ..

الحمدلله انج ارتحتي شوي وكله بفضل بناتنا الحلوات اللي في المنتدى ...

وهالله هالله بعد الولاده وان شاء الله تقومين بالسلامه لا تنسينا ولا تنسين تخبرينا عن ولادتج ...

واذا الله راد بعد انا اذا ولدت بالسلامه براح اقولكم :)

وحياج الله حبوبه ..

شاليمار انتي متى بتولدين ان شاء الله

هلا اختي حلوة المحيا ..

انا موعد ولادتي 25/6 ..

ادعي ان الله يسهلها علي وعلى جميع الحوامل ...

الحمدلله والشكر ما عندي وقت حتى افكر ..

انش الساعة 6 ونص اسير الكلية ارجع الساعه 3 ارقد انش اخلص واجباتي واسير السوق ولا اسير بيت اهلي انشغل وياهم ..

وارجع ارقد .. روتين ممل ..بس مجبورة اعيد وازيد فيه ...

اتصدقين الشي الوحيد الي فكرت فيه يوم الولاده والي ادعي انه ما يصير هو اني اولد بعملية قيصرية ...

ان شاء الله يسهل عليكم كلكم ويرزق كل محروم ويسهل على كل حامل ووالد
انتوا بس ادعوا وان شاء الله خير

توكلي على الله وسلمي امرج لله

ولاداتي احيانا سهله واحيانا صعبه لكن اعتبرها لحظه حلوووووووووووووه من رغم الام

اختى حلوة المحبا اسمتعي بشهور الحمل اللي باقية .. انا حاتيت كثير وانا الحين بالتاسع وكان مفروض موعد ولادتي يوم السبت وعديته .. وهذي اول ولادة لي ...

كنت خايفة مثلك واحاتي كثييير واسمع قصص واقرا وللحين حاسة اني فيه شوية خوف .. لكني وصلت لمرحلة اني ابي اولد وافتك ... وانشاء الله الله بيسهلها علي وعلى كل الحوامل يارب ... انتو بس ادعو لي الله يقومني بالسلامة .....

آسفة أختي حلوة المحيا إن كان موضوعي سبب لك كل هذا الألم

أختي..

الموضوع عادي جدا...الألم كبير لكن تقدري تتحمليه...ما تنسي إن الله رحيم بعباده

بعدين كل ما الشيء جاء بصعوبة كل ما عرفتي قيمته أكثر

الحين إنتي مش نفسك تشوفي البيبي اللي في بطنك...

بالنسبة للكشف...ساعتها إنتي راح تتمنيهم يكشفوا عليكي...علشان تولدي و تخلصي...و يستمر 5 ثواني و بعدين خلاص...و لو كنتي ريلاكس و رخيتي نفسك...مش راح تحسي بشيء أبدا

و الولادة كلها ساعات بسيطة...و تلاقي إبنك حبيبك في حضنك...صدقيني أختي الموضوع يستاهل

أتمنى بس نفسيتك هديت الحين...و صرتي أحسن...

نصيحتي...إستمتعي بكل لحظات الحمل و الولادة...لأنها لا تعوّض...

الله يتمم لك على خير و يقومك بالسلامة إن شاء اله...

:smile: