النفاس ومشكلتي

بسم الله الرحمن الرحيم
السلام عليكم ورحمة الله وبركاته
اخواتي مشكلة النفاس مشكله كبييييييييييييييييرة ومرعبه
راح اقولكم وش صار فيني وانا نفاس بطفلي الأول
اولاً تعبت نفسياً من الولاده رغم ان ولادتي والحمدلله كانت طيبة والحمدلله
ثانياً امي موظفه وزوجي بجده بحكم عمله وبيتنا هناك
وهذي تجربة جديده لي .. المهم باليومين الأولى كنت تمام من اول يوم ولدت فيه ربطت بطني بمشد شريته من الصيدليه وكان ممتاز جداً ومافكيته لمدة 20 يوم . وكانت امي مشتريتلي ادوويه من اندونوسيا وكنت اخذها مرتين مره اول ماأصحى الصباح وقبل ماأنام
إلى إلحين تمام
في اليوم الثالث جاتني ألام بالخياطه الله لايذوقها مسلم كنت حاسه بورم من فتحة الشرج إلين الخياطه وماكنت الله يكرمكم اروح الحمام من شدة الإمساك إلين شتريت حقنة شرجيه مع العلم انها مضرة
كنت اقول لأمي ودي بملين علشن ارتاح وتقولي لا انتي ترضعي من صدرك اخاف البيبي يتأثر واستمر انا بالعذاب كنت أكل عريكة وبطلتها كنت اتغدى زين وبطلت
كان اكلي تقريباً اغلبه فاكهه وماما احيان تسويلي كوسا مسلوقه مع فلفل اسود علشان الإمساك ومافاد ............ احاول اروح الحمام مااقدر رجعت وشتريت حقنه شرجيه
بعد تقريبا 32 يوم زوجي طبعاً اشتاق لي وقالي ابيكي ترجعين بيتك وانا اشتقتلك ومن هالكللام
لكن مازال الإمساك والعذاب والخياطه تإلمني مع انها الخياطه طاحت بس مع الإمساك تإلمني ومع هذا كنت اخذ مسكنات عبارة عن تحاميل والله بعدها صرحت احس ان فتحت الشرج وانتو بكرامه تإلمي من البلاوي إلي حطيتها
بس تخيلو ان دم النفاس ماأنتها إلى بعد 50 يوم من الولاده
انا كتبت الموضوع الطويل هذا لهدف واحد
انا حامل الحين ومو مستعده اعيش التجربة هذي من اول وجديد خصوصاً اني حامل بتوأم يعني بكون في حاله لا يرثى لها ................................ فاأرجو مساعدتكم من ناحية اكل النفاس والملينات إلي تستخدمها وبكل ماهو حاضر في جعبتكم المليئه بالمعلومات المهمه واتمنى انكم ماتضايقون مني لأن صراحه هذا منتدى ممتاز وانا ماتعرفت عليه الا قبل اسبوع وصدقوني وزعت المنتدى على قريباتي علشنان يستفيدون منه
اختكم المميزة