*¤®§( السلام عليكم ورحمة الله وبركاته)§®¤*
كيفكن صبايا
نبدا بالكيكه
أول شي تسوين الكيكه العاديه وهي عبارة عن
6 بيضات
225 جرام زبدة
2 كوب طحين
2 كوب سكر
ملعقة بيكنج باورد
ملعقة فانيليا
طبعا اول شي نخلط البيض والسكر لمدة 10 دقايق وبعدين نضيف الطحين على دفعات والبيكنج باودر والفانيليا ونحطها في صينية مدهونه وندخلها الفرن
أو ممكن تسوين الكيكه الجاهزة .. انا هالمرة كنت مستعجله وسويت كيكة العلالي الجاهزة اللي فيها كاكاو وفانيليا
وبعد ماتطلعينها من الفرن تقطعينها من النص بهذا الشكل
وبعدين تذوبين سكر على النار ليين يصير سااائل تضيفين عليه لوز مطحون
وبتتكون عندج حبات من اللوز فيها سكر وطعمها لذيييذ ..تحطينها بسرعه على نصف الكيكه وتسكرينها..
(ماصورت هالخطوة لان السكر بسرعه يجمد وحطيته بسرعه ومامداني اصور لووول)
بعد ماتخلصين من هالخطوة تحضرين الصوص وهو عبارة عن :
كيس واحد دريم ويب
علبة قشطه
كيس كراميل
2-3 ملاعق كاكاو
(سكر حسب الرغبة)
تخلطينهم عالنار وبعدين تحطينه على وجه الكيكه
وبعدين ممكن تزينين الكيكه بالطريقة الي تحبينها.. وعند الاكل بتحسين بطعم حبات اللوز والسكر وهذا هو السر في حلاوة الكيكه :shy:
وهذا هو الشكل النهائي:
(ملاحظه : لاتتخرعون اذا الصوص طلع عندكم فاتح .. انا كل مرة يطلع عندي فاتح وازينه بالهرشي بس الظاهر هالمرة زدت كمية الكاكاو وصار الصوص وايد غامج فزينته بجوز الهند الابيض وحطيت مكسرات عالاطراف عشان تفتح شويه)
جربوها وقولوا لي رايكم
