احب اعرض عليكم خواتي العرايس .. فكره حلو تسوينها مع زوجج ... رياييل مهما تسوين يبون زيادة ينهبلون ، بعد شنسوي يالله ماعندنا شغل الا اهما الله يخليهم لنا انشالله ...
ادش بالموضوع ...
حركة تسوينها حق اي مناسبة تمر عليج يوم ميلاد احد فيكم ذكرى زواجكم .. مناسبة حلوه عليكم ...
بالاول نبدأ بالمكان .. التغير حلو ، مو دايما يكون في غرفة النوم اذا الامكانيات تسمح لج اخذي عقد الزواج وبطاقتج وبطاقة زوجج الشخصية ( البطاقة المدنية ) وطيري على احلى فندق موجود واهم شي يطل على البحر ... وحجزي غرفة ..
ثانيا : اخذي اغراضج وروحي عدلي بالغرفة هذي في الفتره الصباحية اللي يكون زوجج فيها بالدوام .. المقادير :
الورد الجوري الاحمر ، العطور للغرفه ، البخور ، الشموع ، الاضاءة اللي تكون على شكل زينه صغار ملونه (ليتات الزينه ) وبالونات لونها احمر وفيها منها على شكل قلب الحب ، قلاصات ، شرايط ملونه والافضل اللون الاحمر ، كفر جديد (غطاء للسرير )
وزعي الورد بالطريقة اللي تعجب زوجج وتبهر نظره ، وحطي الغطاء السرير الجديد وعطريه وبخريه ، علقي الليتات الزينه على السرير او على الستاره او لفيهم بطريقه حلوه على الطاوله اللي راح تحطين العصير عليها .
الشرايط اللي عندج اخذيها ولفي فيها القلاصات وربطي فيها الشوكه على شكل ورده سوي الشريطه .
اخذي اوراق الورد وانثريه على شكل مستقيم من باب الغرفه الى السرير بشكل حلو ، بعدين اختاري اماكن الشموع اللي راح تكون الاضاءه فيه حلوه ,,,
الحين بعد مابخرتي الغرفة وعطرتيها وشكل صار روعة ورومانسي وشي فظييييع سكريها ورجعي البيت وطبعا كل هذا زوجج مايدرى عنه ...
حجزي سيارة لوميزين كبيره هالايام بالكويت هابين فيها اشكال والوان ..انا قلت اذا الميزانيه تسمح ماتسمح تسوين هالشي كله بالبيت في غرفة نومج ...
تشترين قميص نوم جديد لونه جديد موديله جديد تبهرين زوجج فيه تعطرينه وتبخرينه وتزهبينه في دولاب الغرفه وتخلينه جاهز ...وذاك المكياج الناعم اللي يمشي مع بدلة الطلعة ومع قميص النوم .. وتكون البدله جديده ماشافها زوجج مو بس تشترين بدله جديده حق يمعة رفيجاتج لا حتى زوجج يستاهل المهم .. وتشترين له بجامه حلوه شكل يديد وتزهبينهم في دولاب الفندق ...
حجزي طاوله بمطعم الفندق اللي راح تنامون فيه او اذا السالفة مكلفه مطعم حلو بره يكون .
تروحين البيت تكتبين بطاقة حلوه دعوة لزوجج انج عازمته على العشاء اليوم وبس
يعني ... حياتي ،،، بالمناسبة اللي نمر فيها اليوم واهي مناسبة (..........) ادعوك اليوم على العشاء الساعة 7 مساء ... مع تحيات حياتك ونور عينك ,,,,
وتحطينها على المخده علشان يشوفها لما يرجع من الدوام ، بعدين ترتاحون شويه ومن العصر تزهبين انتي نفسك تتسبحين وتتبخرين وتتكشخين تعرفون يبيلنا جم ساعة على ما نجهز :smile:
وتطلعون انتي معاه بسيارتكم الى المطعم بعدين لما تتعشون وتخلصون راح تكونين متفقه مع راعي اللوميزين يكون ناطركم عند الباب طبعا اول ماتطلعون راح تبهره السيارة يقووول وااااي وناسه شوفي عاد انتي اهني قوليله تفضل حياتي هذي لك ..راح يطالعج متسغرب ويتطنز بس قوليلي انت حياتي وهذي هدية مني لك .. راح نتمشى فيها شويه ... وتركبون واهو شاق الحلج
:D2 من الوناسة مو مصدق وتروحون الفندق على طوول اهو راح يبطل عيوونه شالسالفه :s2 عاد قوليله في صالون بالدور اللي فوق دقيقه تعال معاي ابي احجز عندهم ويتفاجأ وانتي تفتحين الغرفه ويكون كلشي زاهب مزهب .. والباجي عاد عليكم شنو راح تسووون من اللحظه اللي يتسكر عليكم الباب ..
ليلة عمر ...
S
02-03-2005 | 02:32 PM
a
02-03-2005 | 02:38 PM
فندق!!!! انتي جربتيها؟؟؟
ما اظني بتيني الجرأه اوديه فندق!!! بيذبحني لو عرف اني رحت بروحي عشان اجهز المكان....
بس الفكره حلوه حبيبتي مشكوره و يعطيج العافيه :)
ما اظني بتيني الجرأه اوديه فندق!!! بيذبحني لو عرف اني رحت بروحي عشان اجهز المكان....
بس الفكره حلوه حبيبتي مشكوره و يعطيج العافيه :)
s
02-03-2005 | 02:47 PM
واووووووووووووووووووووووووو
فكرة رهيبة
مشكورة
فكرة رهيبة
مشكورة
ـ
02-03-2005 | 02:50 PM
أإأإأإأفكار رووووووووووعهـ بس يبيلهـ ـــا ميزانيـــه وحرررريه <--- مو بكيفي اطلع واحجز خخخخخخخخخخخ
يمكن يزعل اكثر من كونه ينبسط
تسلمين ياذووووووووق افكار ولا احلىىىىىى
يمكن يزعل اكثر من كونه ينبسط
تسلمين ياذووووووووق افكار ولا احلىىىىىى
3
04-03-2005 | 01:06 AM
و الله فكره ..
بس سالفة الفندق شويه قويه .. ممكن اخليه يوديني بعذر اني بروح لصالون بالفندق .. اشوف شغلهم عشان عرس او شي ..
بس اروح بروحي شويه قويه ..
بس فكره تينن ..
يعطيج العافيه :)
بس سالفة الفندق شويه قويه .. ممكن اخليه يوديني بعذر اني بروح لصالون بالفندق .. اشوف شغلهم عشان عرس او شي ..
بس اروح بروحي شويه قويه ..
بس فكره تينن ..
يعطيج العافيه :)
ش
04-03-2005 | 11:47 AM
[CENTER] السلام عليكم ورحمة الله وبركاته
يا بخت أزواجكــم ..
دخلت من باب الفضـــول
بس فكرتك روووعة بصراحــة
يسلموو
يا بخت أزواجكــم ..
دخلت من باب الفضـــول
بس فكرتك روووعة بصراحــة
يسلموو
C
04-03-2005 | 01:15 PM
حلوووووووووووووووووووووووووووووووووووووووووو
d
04-03-2005 | 01:41 PM
فكرة روعة ...
بس يبقيلها اجازة من دوامي بعد...
بس يبقيلها اجازة من دوامي بعد...
ب
04-03-2005 | 03:20 PM
[CENTER]يا بنات اصلا مب معقوله بتروحون بروحكم الفندق :no: هي قالت فكرتها ماقالت لكم روحوا بروحكم :pain:
عاد انتوا وظروفكم اللي تقدر تودي امها معاها ولا اختها ولا اي شخص عشان يساعدها بعد في الديكور :)
صراحه فكرة ولا اروع منها :up: تسلمين يالغالية على هالفكرة الرومانسية ..
وربي يسعدج إن شاءالله :shy:
عاد انتوا وظروفكم اللي تقدر تودي امها معاها ولا اختها ولا اي شخص عشان يساعدها بعد في الديكور :)
صراحه فكرة ولا اروع منها :up: تسلمين يالغالية على هالفكرة الرومانسية ..
وربي يسعدج إن شاءالله :shy:
S
04-03-2005 | 04:11 PM
مشكورين خواتي على الردوود وتعالوا بقولكم شي ... ترى صعبة وبعد مو حلوه انج تروحين بروحج الصراحة انا رحت مع اختي واقرب صديقة لي مع بعض وعدلنا وزهبنا الديكورات وبالليل الريال انصدم هاهاهاهاهاهاهاي
د
04-03-2005 | 05:19 PM
[CENTER]فكره حلوه حبيبتي.. والله يهنيك مع زوجك..
هالفكره قريبه من فكره قلتها لصديقتي مر على زواجها عشر سنين فقلت ما في غير تحجز شاليه وراحت هي واخواتها يرتبون المكان و بالبيت وزعتله كروت بكل مكان مدسوسه وفيها كلام عن ايامهم الحلوه واخر كرت فيه كرت الدعوه اللي يوديه المكان اللي هو فيه.. وبس راح البيت ويدور عليها وطبعا شاف الكروت وبعدها راح للمكان اللي قالت عليه وانبسطوا سوا خصوصا انها تطل على البحر وفيها مسبح خاص..
هالفكره قريبه من فكره قلتها لصديقتي مر على زواجها عشر سنين فقلت ما في غير تحجز شاليه وراحت هي واخواتها يرتبون المكان و بالبيت وزعتله كروت بكل مكان مدسوسه وفيها كلام عن ايامهم الحلوه واخر كرت فيه كرت الدعوه اللي يوديه المكان اللي هو فيه.. وبس راح البيت ويدور عليها وطبعا شاف الكروت وبعدها راح للمكان اللي قالت عليه وانبسطوا سوا خصوصا انها تطل على البحر وفيها مسبح خاص..
م
04-03-2005 | 05:50 PM
حلوه بس...............صعبه.......نوعا مااااااااااااا.....
مشكوره على الفكرهههههههههههههههههه.................
مشكوره على الفكرهههههههههههههههههه.................
S
04-03-2005 | 08:37 PM
بعد هم فكره الشاليه وايد حلوه .. بس هم جريئة ... والحلو الحين بالكويت في شاليهات داخل الديره مو بعيده عن المناطق السكنية
أ
15-05-2005 | 12:40 PM
بصراحة الفكرة جميلة وطرحها بشكل جميل وسلس لكن!!!!!!!!!!!!!!!
وهنا تأتي المسائل التي قد تثار في مثل هذه المسألة
أولاً مدى تقبل الزوج لمثل هذه الفكرة
ثانياً كما ذكرت أختنا العزيزة مراعاة الظروف المادية، فقد يعتبر الزوج مثل هذه الفكرة أو الخطوة إن أقدمت عليها ترفاً أو تبذيراً.
ثالثاً بصراحة فكرة إقامة ليلة للتغيير في فندق أو شاليه حلوة لكن .. هي مخيفة!!! لماذا؟ لانتشار التصوير الخفي لما يدور بين الزوجين عدا عن التصوير أثناء الاستحمام أو أمام المرايا، وأظنكن سمعتن أو قرأتن بحوادث حصلت في مثل هذه الأماكن. فالاحتياط واجب والحذر الحذر.
وسبحان الله ليس هناك مكان أجمل من البيت...
" أيما امرأة خلعت ثيابها في غير بيتها فقد هتكت ما بينها وما بين الله"
والله يرعاكن أخواتي ويوفقكن
وهنا تأتي المسائل التي قد تثار في مثل هذه المسألة
أولاً مدى تقبل الزوج لمثل هذه الفكرة
ثانياً كما ذكرت أختنا العزيزة مراعاة الظروف المادية، فقد يعتبر الزوج مثل هذه الفكرة أو الخطوة إن أقدمت عليها ترفاً أو تبذيراً.
ثالثاً بصراحة فكرة إقامة ليلة للتغيير في فندق أو شاليه حلوة لكن .. هي مخيفة!!! لماذا؟ لانتشار التصوير الخفي لما يدور بين الزوجين عدا عن التصوير أثناء الاستحمام أو أمام المرايا، وأظنكن سمعتن أو قرأتن بحوادث حصلت في مثل هذه الأماكن. فالاحتياط واجب والحذر الحذر.
وسبحان الله ليس هناك مكان أجمل من البيت...
" أيما امرأة خلعت ثيابها في غير بيتها فقد هتكت ما بينها وما بين الله"
والله يرعاكن أخواتي ويوفقكن
-
27-05-2005 | 02:50 PM
مشكوووره
(
27-05-2005 | 03:04 PM
مع احترامي لكن بس بصرااااحه
وااااااااااايد جريئة الفكره!!!!!
بعدين ليش الوحده تفتح على نفسها أبواب؟؟؟؟
مب حلوه الوحده تروح بروحها ومب حلوه بعد تودي اختها والا امها والا ربيعتها معاها!!!
أحسها مخجله شوي ... ما ادري بس هذا رأيي ...
وااااااااااايد جريئة الفكره!!!!!
بعدين ليش الوحده تفتح على نفسها أبواب؟؟؟؟
مب حلوه الوحده تروح بروحها ومب حلوه بعد تودي اختها والا امها والا ربيعتها معاها!!!
أحسها مخجله شوي ... ما ادري بس هذا رأيي ...
ر
27-05-2005 | 03:50 PM
شكرا حبيبني على الأفكاااااار الحلوة
ن
27-05-2005 | 03:57 PM
مشكوره اختنا شريفة على هاذي الموضوع .. صراحه وايد اعجبتني الفكره ... لأنها تقتل الروتين اليومي .. ولكن في ظل الأطفال والمسئولية الواحد يعجز ان يقوم في مثل الحركات وخاصه على ما اعتقد انها مكلفة .. ( هذا رأيي ) ولكن تظل انها فكره روووووعه واتمنى والله في يوم اني اسويها .... ومشكوره مره ثانيه والله يسعدك مع زوجك ..
ك
27-05-2005 | 05:03 PM
والله فكرة رهييييييبة بس الفندق شوي قوية أسيرله يمكن أختار الليموزين تودينا من البيت للمطعم بس هاهاهاهاي أحلى و اسهل صح؟
أما الفندق بسويها في مناسبة ثانية وبخلي اخوي يحجز افضل مافينا على حشرة الرياييل
مشكووووووووورة على الفكرة الحلوة
أما الفندق بسويها في مناسبة ثانية وبخلي اخوي يحجز افضل مافينا على حشرة الرياييل
مشكووووووووورة على الفكرة الحلوة
N
28-05-2005 | 01:41 PM
شكــــرا عزيزتى ...وفكرتج وايد حلوه ......==========>سويتها الاسبوع الي طاف بس مارحت الفندق
وسويت له مفاجأه حجزت في فندق 5 نجوم مطل على البحر وقلتلهم انه عيد زواجي...واصلا هو مش يوم زواجي...بس يوم رومنسي....والفندق رتبولي الغرفه وحطولي ورد روز على السرير على شكل قلب ..ونثرو لي على الارض ورد روز.....وترسو البانيو ماء وتارسينه كله ورد روز ......وريلي تفاجأءه واستانس وااااااااااااااايد..وكان يوم روووووووووووعه ماينسى
وسويت له مفاجأه حجزت في فندق 5 نجوم مطل على البحر وقلتلهم انه عيد زواجي...واصلا هو مش يوم زواجي...بس يوم رومنسي....والفندق رتبولي الغرفه وحطولي ورد روز على السرير على شكل قلب ..ونثرو لي على الارض ورد روز.....وترسو البانيو ماء وتارسينه كله ورد روز ......وريلي تفاجأءه واستانس وااااااااااااااايد..وكان يوم روووووووووووعه ماينسى