لي تبي شعرها يوصل لركبتها .تتفضل

[grade="00008B 00008B 00008B 4B0082"][CENTER]السلام عليكم ورحمة الله وبركاته
الى اخواتي الغاليات والحبيبات

اول منتدى احط فيه الوصفه بس ابي منكم تدعولي با الخير اخواتي


انا بطبيعت والحمد لله شعري حلو الملس لكن والله يبنات من استخدمت الخلطه هذي لمده سنتين وتركتها والحين ابي ارجع لها بس تسويها لي امي
والي ابي احط لكم طريتقتها وتجربونها وتدعولي وتقولون باي باي باي خلطات ولا كريمات ولا غيره 100 %
والله العظيم من تجربتي كل حرمه تشوفني تقول وش تستخمين خوياتي البنات كل وحده تصادفني تنجن
شعري وماشاء الله عليه .........الى ركبتي بس الحين قصيته لاني والله مليت الشعر الطويل وبيني وبينك معاي صداع .من نظرات الناس
والله اني بس يسئلوني انتي شنو تحطين تحطين زيت حشيش؟
خليت طوله الى الحوض وقلت لحد مااتزوج يعني..اقصه بكيفي والحين ابي اعتني به


والخلطه هي من نوعين حسب رغبتك
فيه با الشحمه
وفيه باالسمن النباتي الي بعلب زي الزيت ومرسوم عليه شوكه وملعقه او سكين



لا تستغربون يمكن فيه ناس يعرفونها
وهي الذنبه حقت الذبيحه يعني الشحمه "واسم الخلطه الشحمه"لانها تصنع من الشحم حق الذبيحه فهمتو يعني
"ذنبت" الخاروف خوذيها وحطيها بكيس او علبه حسب الحجم الي تبينه مثلا كبر كفك مرتين وتحطينها با الملح يعني تتشبع ملح
ملاحظه ملح خشن يعني مو ملح الاسواق الي نشتريه بشوال
وتتركين الشحمه فيه لمده 15 يوم او اكثر وشهر اذا بغيتي وتشبعينها يعني انك تدفنين الشحمه با الملح وانتبهي تتركينها با الشمس خليها جو في البيت يعني
بمحل او في المطبخ

وبعد ين طلعيها تلقينها تشبعت باالملح وراحت ريحتها
دقي
"قرنفل"
"محلب"
"شنه" او يسمونه عند العطار كفش العجوز وهو عباره عن شي بونه اسود زي الاسنفنج ان وجد اذا ماوجد ماله داعي يعني لو مالقيتيه عادي
مسك
اذا كانت الشحمه مسكة يدك يعني متوسطة الحجم
انا والله مااستخدم معيار
تدقين الشحمه ومعاها القرنفل تقريب فنجال
ومسك تحطين نص العلبه
والمحلب تحطين 2كاسة شاي لانه حلو للشعر بطبيعة المحلب خيال للشعر
يعني تحطين من المحلب قدر ماتحسين انك حطيتي
وقرنفل ومسك وتدقينه وبكذا تلاحظين انها انخلطت مع بعضها البعض
وتتركينها الين تتشبع من المسك والقرنفل والمحلب والشنه ان وجد
وتحينها بعلبه وكل اسبوع تدهنين شعرك واهم شي فروت الشعر مع الملاحظه ان اذا شعرك اذا به قشره تروح
وريحتها حلو بس يعني اذا بتدرسين يفضل تستخدمينها يوم الخميس تتركينها 8 ساعات وتغسلين شعرك
انا والله كنت استخدمها 3 مرات
وتلاحظين شعرك حتى يوم تغسلينه ريحته تجنن ولا له ريحه كريهه ويصير نااااااااااااعم وفروت شعرت تنظف واذا فيه حبوب شعرك
تلاحظين ان اول ماتحطينها يقرص لدغات من الملح لانه مطهرررر
والسمن عادي بس تخلطين المقادير وتتركينها تنقع معه 5 ايام وتستخدمينه اذا حبيتي
اي واحد يناسبك استخدميه انا والله اكثر شي الشحمه
واستخدمت السمن لكن افضل الشحمه


والله وحده اخذت شوي شحمه من امي مع ان بنتها شعرها قراعيط الا انها انجنت وتقول لامي وربي طول شعر بنتي ورجع لونه الطبيعي وصار لامع وناعم الملمس
ويجنن وتقول راحت القشره وبطل يطير زمان مااقدر المه على بعضه والحين قدرت المله وناعم ويلمع وريحته تجنن مع اني مااطول على شعر بنتي يعني كله 5 ساعات
ومرتين با الاسبوع...والحين تبي منها
أيه صح طريقة دهن الشعر بنات تاخذين من الشحمه وتعصرين تلاحظين يدك امتلت دهن ومسك ومحلب وافركي به شعرك او خذي قطعه وافركي بها شعرك
او براحتك بس للي يجهلون

واي خدمه
اي سوال
ارسلولي على الخاص وانا تحت امركم حبيباتي
غالي والطلب رخيييييييييص
تحت امركم خواتي
عن الشعر اسئل امي......
يا الله خلونا نشوف الردود..........


وادعولي تكفووووووووووووووووووووووووووون

احتاج لدعائكم احبتي في الله[/grade]