باموت من الكحه

الله يعافيج ويشافيج اختي :pain:
بس عسى ما تكونين حامل لان كثره الأدويه وخلطها مع بعض تؤثر على الجنين :handdown:

اختي عسوله ما تشوفين شر انشاء الله انا صار لي مثلك وانا حامل في السابع وكنت باموت منها وشربت عدة ادويه وزعتر وحليب مع الزنجبيل والعسل ملعقه كل يوم الصبح من غير فايده كانت الكحه ذابحتني والحمد لله اخر شي دخلة موقع تداوي بالاعشاب وقلة اشوف لها علاج من مجربين وفعلا احمد الله كثيرآ الكحه واجد متحسنه مني واليك العلاج بأذن الله

كل يوم تأخذين ملعقه عسل وتخلطين معاها نصف ليمونه(عصيرها)وتخلطيهم مع بعض من غير ماء وتشربين لمدة ثلاثة ايام انشاء الله تستفيدين ممكن تأخذين مرتين او ثلاث مرات اذا كانت الكحه شديده وخبريني بالنتيجه

هلا حبيبتي انا بعد ادور علاج لهل مرض (الكحه) لا وبعد الجيوب الانفية مسببتلي صداع فظيع وزكام والم في اسناني ....

من شهر انا على هاي الحاله .. جربت العسل ما فاد معاي .. اتخيلوا انش بالليل اصيح من الالم يوديني زوجي من مستشفى الين مستشفى يقولولي ما نقدر نسوي شي .. ما نقدر نعطيج ادوية ... الين الحين انا على هاي الحاله اعاني من الجيوب الانفية .....

اخت عسوله نعم انا حامل في الشهر الخامس

اختي انين الجراح الرد كان لك لو تشوفينه جربي وانا اسفه (مادري اش فيني هاي الايام مابركز على كاتبة الموضوع لاتلوموني والله تعبانه من الحمل والموعد قرب )حبيت اكسب فيك الاجر في الرد

شوفي حبيبتي والله اناعندي ولدذبحته الكحه خاصه في الليل الين قالت لي وحده فلسطينيه الله يجزاها خيرعلى وصفه ممتازه وهي ادفي زيت زيتون واعطيه ملعقه صغيره واحط مع الزيت اللي بالملعقه 3نقط ليمون بس بشرط قبل النوم مباشره يعني وانتي بالفراش ولاتشربين شي بعدها وان شاءالله راح تتحسنين بس كلها كم ليله وان شاءالله تبشريني بالنتيجه0

شكرا لكم بجرب عسى اتفكني الكحه

انا بعد الكحه بهدلتني شواسوووووووووي يا ناااااااااااس :(

بانظم معاكم والله الكحة موتتني بجرب تجاربكم ويارب تفيدني
لاني احس بجنيني المسكين ينشال ويحطط معي ....

السلام عليكم ماتشوفين شر


الي تجيها كحة في الحمل وتزيد ماتنفع معاها ادوية طريقة مجربه من اشخاص ثقة لي طبعا اتمنى الدعوة


تاكلين قبل النوم فص ثوم تقطعينه بالسكين قطع صغيرة وتحملي الريحة بس عشان اذا استمرت الكحة بتصير تلازمك بكل حملك


المهم الثوم نقطع صغير صغير وحطي احد الاثنين علية ياملح شوية او عسل واشربي وراهم كاسة موية ولمدة ثلاث ايام راح تدعين لي ولاتنسين ردي لو برسالة طمنيني

عليكم بزيت السمسم ممتازوفعال للكحه صغار وكبار((y)y)

اختي انتبهي من الكحه لانها تسبب الاجهاض والولاده المبكره انا كنت حامل بالشهر السابع وجاتني الكحه وكلها اسبوع وانا ولده ودخلو بنتي الحضانه بعد الولاده سالني الدكتور كان عندك كحه فقلت نعم قال هذا هو سبب الولاده المبكره

حليب حار مع كركم بس مش كركم المخلوط مع البهارات مال الاكل ..

انا مجربتنه وايد زين .. بــــــــــــــــــس مادري اذا زين حق الحامل او لا !!!

انا جربته قبل ما احمل ووايد نفعني ..


تحياتي ..

مرحبا خواتي بالنسبه لموضوع الكحه انا مجربه تاخذين بصل وتضعين علي النار مع الماء وخليه يفور وبعدين تشربين ماء البصل وتضعين قليل من سكر نبات وتكرر العمليه مرتين اوثلاث مرات في اليوم