خلطة للشعر والجسم .. ساحرة جداً .. جربتها بنفسي .. ويشهد علي الله

السلام عليكم ..


من منا لا يعرفها .. نبتة وردت في قرآننا الكريم .. وفي حديث المصطفى صلى الله عليه وسلم

يغسل بها الميت .. ويُقرأ عليها فتفيد في السحر والعين " كفانا الله وإياكم الشر "

وهي معرووووفة جدا عند كبار السن ، كل واحدة تسأل جدتها عنها ..


لن أطيل .. """ إنها السدر """ ..


معروفة ومتواجدة بكثرة في منطقة الخليج .. وبالنسبة للسعودية

فهي تنبت حتى في الشوارع ..

بصدق .. لي مدة أسبوعين أجربها .. ونتيجتها .. :up:

وطريقتها سهلة جداً ..

جففي أوراق السدر ، ثم اطحنيها .. ( وممكن تشترينه مطحون من العطار )

وكل مرة تتروشين فيها .. حطي كمية من السدر المطحون في الزبدية وأضيفي

عليه قليل من الماء .. يعني مو كثير .. خليه مثل العجين اللين .. أو مثل الحناء ..

وبعد ما تغسلين شعرك بالشامبو .. وجسمك بالصابون .. تحطين السدر

استعمليه على وجهك وشعرك وجسمك .. وعلى كل مكان يخطر ببالك .. :o

وبراحتك .. خليه ربع أو ثلث أو حتى نصف ساعة ..

بعدها اغسليه بالماء فقط .. لا ترجعين تحطين صابون أو شامبو .. :rolleyes:


= = = = = =


النتائج :

1- وجهي أصبح صافي .. وما فيه حبوب ( علماً بأني تركت صابون الوجه الطبي )

وصرت أستعمل السدر ( ولا شيء سوى السدر ) .

2- شعري أصبح مصفف ومرتب ( يعني هاجد ، رايق .. بعد ما كان يطير صوب اليمين والشمال ) .

3- كنت أعاني من القشرة وجربت شامبوهات الدنيا وما نفعت ( والآن شعري خالٍ من القشرة)

4- المناطق في جسمي اللي تعرضت من قبل للشمس وصارت غامقة مثل الأذرع والوجه ..

( أصبح لونها أفتح ) :up:

5- المناطق الأخرى الداكنة في الجسم ( لم أشاهد فرق واضح كثير إلا في الإبطين ) .

6- اللون الداكن في الأصابع ( ماأعرف إش أسبابه ) راح يصير أفتح بكثير ..

7- السواد حول الشفتين .. ( أنا بصراحة شايفة فرق لكن ما أحد من أهلي لاحظ )

= = = = = = =

باختصار شديد :

عشبة طبيعية 100% + ومجربتها بنفسي وراح أستمر عليها .

ملحوظة : كثير من الناس يشربونها .. وهي مفيدة جداً ..

واللي تبغى تعرف فوائدها .. تسوي بحث في جوجل .

وأهم من كل شيء ما فيها تعب .. مريحة .





فوائد السدر 1


فوائد السدر 2