..كفن صفعني نفعني ...... قصة جميلة وللامانة منقولة

هههههههههههه اكيد انصدمتوا لما شفتوا ان الاجزاء كثيرة

الحييين رضييينا
بس لو سمحتي لا تتاخرين علينا ببقاي الاجزاااء

انا اكثر شي قاهرني موزة هالهبلة يعني معقووولة ما رامت ترد على امها وتقنعها انها ما تبى منصووور
وسعييد هذا مب حرام عليه يسوي جيه باخته ويزوجها هالصايع المغازلجي


اكثر شي عجبتني حصة لانه شخصيتها قوية
وخالد كاسر خاطري هالمسكين

القصة حلوة بس شوي احس فيها مبالغة
تسلمين خيتو ولا تتاخرين بالتكملة لو سمحتي

تسلمين اختي على تعليقك ومن نا حية ان القصه فيها مبالغه فاهالشي صحيح وطبيعي ان القصه يكونه فيها شوية مبالغة ولا ماراح يكون لها نكهه لما تقريها هاذا من وجهة نظري وان شاء الله بنزل لكم كم جزء يوم الاثنين بايات

بنات فين التعليقات على الاجزاء زعلتوني احس مافيه تفاعل ابدا مع القصه

دمعة بريييئة
ما يخصني انا حطييت تعليقي يعني لازم تنزلين لي باقي الاجزاء بسرررررررررررررعة

يالله عااد ملييت وانا اتريا ابي اعرف شو بيصييير

ان شااااااااااااااااااااااااااااااااااء الله عمتي بنفسجه بنزل والله بنزل بس صبري شوي والله مشغوله عندي امتحان بكره ان شاء الله بكره بنزل وان خلصت مذاكره بدري بنزل اليوم بعد شتبين

هههههههههههههه عمتي اونه
خليني جدتج احسن هههههههههههههههههه

خلاص عيوني خذي راحتج ولا تستعجلين متى ما فضيتي نزلي باقي الاجزاء الاهم درااستج ماشي بيفيدج الا دراستج وشدي حيلج نبى نتايج تبيض الويه >>>>>>>بدينا بالنصايح


السموحة على الازعاج

هلا اختي بنفسجه والله انك حركات جدتي مره وحده ههههههههههههههههه ولا يهمك اليوم استعدي بنزل لك الجزء واعتبريه هديه مني تقبلي تحياتي

الجزء العاشر

وصلت العايلتين المزرعة .. ويلسوا ينزلون اغراضهم وشنطهم من السيارتين
ودشوا داخل وتقهويوا عقب مارتبت موزة ويا حصة المكان اللي ماكان مبهدل لان سعيد النظيف كان يهتم فيه ..
ويلست موزه مبوزه في الصالة لان الاخ منصور ما سار لين الحين ويالس مجابلنها ويبتسم في ويهها بعد .. واللي قهر موزه اكثر ان كل حد يالس يضحك ويسولف ولا جنه مستوي شي.. واتمنت ان حصة تكون موجودة وياها الحين لكنها سارت ترتب اغراضها لانها مب متفيجة ترتبهم بعدين ( وايد مكبرة الموضوع يا موزة )

منصور نش من مكانه : انا اترخص عاد ..

ام موزه : وين بتسير ياوليدي ؟

منصور : برد دبي الغالية

ام موزه : لا فديتك ...بتيلس ويانا هنيه .. وبتستانس ويا سعيد ..ليش ما تغير جو .

منصور : والله ...ما عرف يا امايه ..اخاف في ازعاج ولا شي

ام موزه : عنبوه ..؟ أي ازعاج ...؟ انت غديت منا وفينا ..

منصور ما صدق ويلس وياهم وهنيه دخل سعيد وطبعا سعيد استغرب من وجودهم لانه مايدري انهم يايين عنده..

سعيد : اميه ؟ شو تسوين هنيه ؟؟!

ام سعيد: عافاني الله بدال ما تقول ..السلام عليكم ولا اشتقتلج يا اميه ولا شو هالمفاجئة الغاوية اتقولي شو تسوين هنيه؟!َ ..صدق انك ما تستحي !عديم مذهب طلعت يا ولدي..

سعيد : هيه والله ما استحي .. السموحة الغالية فديتج ..
وقام سعيد يحبها على راسها

وسلم على اليالسين وخذ منصور وساروا برع ..
سعيد يلس يراوي منصور المزرعة .. وموزه سارت عند حصة تساعدها وترتب وياها الاغراض ..عقب اذن العصر وساروا يصلون ونزلوا بعدين تحت يسولفون .

واما منصور وسعيد كملوا جولتهم في المزرعة عقب ما طلعوا من المسيد ..
وتعرف منصور على اشياء ما كان يعرفها عن المزارع وسوالفها

منصور : ما شاء الله عليك يا سعيد عندك خبرة بهالسوالف

سعيد : هيه ..عيل اتحسبني مثلك ..ما عرف شي ...خدية

منصور :خدية فعينك.. لا اعرف اشياء وايد

سعيد : هيه ..اتعرف امك وابوك ..

منصور ما عيبه كلام سعيد بس سعيد تم يضحك عليه

منصور : انجب ....يا ويهك ..ابويه اذا انت مسوي عمرك (كوبوي) انا شوماخر يوم وديتك هاك اليوم الورقة مارمت تصعد وتخمس بسيارتك مثلي..ههه لاتتفلسف علي الحين لانك تعلمت تحلب بقرة وتشرب لبن بوش..!

سعيد : هاهاهاهاها...ضحكتني وانا ما فيني ضحكة يا منصور

منصور : سعيدوه براويك ..

سعيد : انزين راوني ...بس اجل الموضوع لاني مب فايجلك الحين ..يا ...شوماخر ..هاهاها

منصور عقب دخل داخل يتسبح اما سعيد يلس على الكراسي اللي برع يطالع القمر
( رومانسي ) ...
يلس سعيد يفكر شوية بحصة ..اخيرا راضاها وارتاح .. ويا على بال سعيد انه يشل شلة وبما ان صوته حلو في الشل طلعت الشلة فظيعة وكان يقصد في كلمات هالشلة حصة ..


بابتعد لو يسعدك بعدي**بهجرك والقلب زعلان
بهجر ديار بها سعدي **وبترك اللي صد واجفاني
مايروف بعشق المودي**ولايحس بقلب ولهاني
الهجر ماييب ويودي**والصدود يورث امحاني
الوفا والحب مايجدي**دامه المزيون بطران
كل درب فيه منسدي**والقلب ماحب عطشان
انت لي خصم ولي شفقان**ماوفيت بموثق وعهدي
حتى هاتف منك ماياني **ياحبيب صافي الخدي
ليت تذكر سوالف الزماني....


.. في الوقت اللي كان فيه سعيد يشل كانت حصة نازلة تشرب ماي من المطبخ ..
وجذبها الصوت اللي ما كان غريب عليها ..
كان صوت سعيد حبيبها وريلها .. وتبعت الصوت لحد ما وصلتله ما حبت انها تتكلم لين ما يخلص سعيد من شلته الروعة ...
وخلص سعيد وسارت حصة على طول تيلس على الكرسي حذاله عند مدخل البيت سعيد لاحظ حصة واستغرب و انصدم من وجود حصة : حصة ...؟ بسم الله انا يالس اتخيل ؟

حصة ابتسمت له : انت شو رايك ؟

سعيد : حصة حبيبتي شو هالمفاجئة الحلوة ؟من متى انتي هنيه؟

حصة : ..لا حبيبي انت اللي فاجئتني ..انا هنيه من ..مممم..ماتذكر ههههه

سعيد :هههههه. ليش...؟ انا اللي ييت عندج علشان تتفاجئين؟

حصة : هيه .. تراك كنت مسافر صح وتوك ييت هنيه عدنا مثل ماعتقد؟

سعيد : هاهاها ...وحليلج يا حصة انا من شهر هنيه في العين ..جيه ماعندج خبر ؟

حصة : لا والله ..وانا اتحراك توك ياي .. (حصة كانت تتحسب سعيد مسافر)

سعيد : لا فديتج

حصة : سعيد ماشاء الله عليك من متى تشل انت بعد ؟؟؟

سعيد : هاهاها .. خبرج عتيج ..لا يكون لوعت جبدج بصوتي ؟؟

حصة : لا والله فديت صوتك ..يا حلاته ..عمرك ما قلتلي انك تعرف اتشل ..وعدل بعد ..والله ياسعيد صوتك روووووووووعة..خبلتني هههههه

سعيد : ما اعرف شو اقولج يا حصة ..احم احم ..خجلتيني

حصة : ياااااااااالله حركات انت بعد

سعيد : اترومين على حركاتي انتي بس ؟

حصة : انا اروم عليك علشان اروم على حركاتك ؟

سعيد:ههههه تراني بصدق عمري يا حبيبتي...

حصة:صدق ياروحي..حبيبتي؟؟ ااااااااااه...من زماااان ماقلتلي هالكلمة..

سعيد:هيه والله..انت حبيبتي وعمري وروحي بعد...

حصة:سعيد..؟!

سعيد:لبيه..

حصة:لبيت حاية ..غناتي...احبك مووت

سعيد:فديتج والله انا احبج اكثر..وامووت فيج..وفي تراب ريلج..

حصة:هههه فديتك...
وتموا يسولفون لين مايتهم ام سعيد الل شافتهم يالسين رواحهم..وحبت تيلس اتسولف وياهم ..حصة حبت سوالف امها واستانست وياها..بس سعيدهههه كان متضايج من وجود ام حصة وياهم ..وكان فخاطره يشوتها..وهذا شوية بعد من اللي كان سعيد ناوي يسويه بس هو مارام يسوي شي علشان حصة...وتم متململ لين ماسارت ام حصة داخل وطبعا بنتها لحقتها..ودعها سعيد بنظرة عيونه اللي قالتلها احبج ..وكانت هاليلية احلى ليلة عند حصة..وعند سعيد بعد

اليوم الثاني :
الصبح الساعة عشر نشت موزه اتسبحت ونزلت ونفس الشي حصة ..
وشافن العيايز ميلسات يتريقن برع فارشات الزولية الكبيرة وحاطين عليها الريوق وما شا الله عليهن مشكلات ..البلاليط والخمير والدنقو وما نسو العرسية اللي يحبها سعيد ..
يلسن البنات يتريقن وبعد عشر دقايق .....ايي سعيد وياه منصور وهجوم على الاكل
وتخبل سعيد على العرسية اللي سوتها ام حصة .. وكل ثلاث صحون ( عليك بالعافية يا سعيد ) ...واستغربت موزه ان منصور ما يطالعها اليوم "مب من عادته" لكن هذا الشي عيبها ويلست موزه تطالع منصور على راحتها من غير ما يبادلها النظرات .. وشافتها فرصة اليوم بعد تيلس تطالعه وما ضيعتها ..
.. كشكل منصور مقبول لموزه لكن القلب ما يهواه .. لو ماخذ حب خالد قلب موزه كانت متأكدة انه كان في احتمال انها تحب منصور .. اللي عشقته مليون بنية قبل ماتاخذه ..كان شكله وااايد حلو بالكندورة السودا والغترة الحمرا..وطبعا بعيونه الكحيلة اكتمل النظر..قالت موزة فخاطرها ماينلامن البنات يوم اتخبلن عليك..
صد منصور صوبها وكأنه حس انها كانت يالسة تراقبه .. وانتهت فرصتها ..
موزه نزلت عينها على طول ..(مب على عرض هاهاها اوني انكت )..ومنصور بعد يلس يطالع موزة اللي كانت لابسة كندورة وردية وبعيونها الوساع ونظرتها البريئة وبياض بشرتها وابتسامتها اللي تخلي غمازاتها واضحة حس منصور انها اجمل بنت فالعالم..وانه محظوظ وايد

***************

مر جمال على خالد بسيارته البي ام .. وساروا بيت ربيعهم عبد الله اللي عازمنهم على الغدى في بيته .. وساروا وتغدوا ..وسولفوا الشباب ..لاحظ عبدالله ربيع خالد وجمال ان خالد متغير عليهم هالفترة ..لاايي عزايم ولايطلع وياهم..مستوي هادي ومنعزل .ودايما كئيب يفكر..كانه في شي كبييييير شاغلنه وحب عبدالله يسال خالد

عبد الله :.. بلاك بو الشباب متغير في الفترة الاخيرة ؟؟

خالد : شو اتغير فيني بعد ؟ انا اشوف عمري طبيعي

عبد الله : في حد يتغير و يشوف التغير بعينه..؟ ما اشوفك في السناتر مثل قبل، احيدك هناك فارش ويا جمالووه. وما تي العزايم.. زين يوم غصبك جمالوه علشان تي ..

خالد : لا يا عبود ..انت ما تشوفني في السناتر لان جبدي لاعت منها... ملل والله

عبد الله : أي ملل .. الشلة تيلس في الكوفي ..ونسولف ونطالع البنات ونعلق عليهم والله اشياء اتفوتك ياريال ..في الصيف عاد البنات مكودات في السناتر واشكالهن عجيبة والله غراشيب .

خالد : وشو لكم ببنات الناس ..خلوهن بحالهن .انتوا متفيجين..

عبد الله : سر ..اقولك شفت البنات الحين ..الموضة عندهم مكياج بنفسجي اللي يقول حد عاطنهم بكس على ويهم .

جمال : هيه والله ..مواعد وحدة البارحة حاطتلي هاللون ..زيغتني

عبد الله : لا يكون قلتلها شي ؟؟!

جمال : جيه مينون مثل خلوود !!؟... لا حبيبي ..قلتلها ان مكياجها حلو ..وانا لايعة جبدي من شيفتها الله يخسها ..!

عبد الله : هههههه..ذكرتني بوحدة شفتها مرة بسنتر بس ماذكر اي واحد ..اقولك الحبيبة مترصصة من فوق لين تحت ..العباة مفتوحة وكل شي يبين ... والمكياج اللي يشوفها يقول هاللي تغني شكنكري ..هههههه..وانا يا ويهي لحقتها بشوف شو بتسوي ..وحليلها روحها تهوم في السنتر ..وشو تتوقع استوى...؟

جمال : شو ؟؟

خالد اتضايج منهم : بس عاد استوت سوالفكم سخيفة يا شباب ما عندكم غير البنات ؟

عبد الله وجمال : لا

جمال : خالد ...خله يكمل السالفة

ويلس عبد الله يكمل السالفة وسولفوا الشباب ...ورن تليفون خالد ..وكانت امل

خالد : الو ؟

امل : هلا خالد ..شو اخبارك ؟

خالد : الحمد لله


امل : انا اتصلت بس...بس لاني حبيت اعرف اخبارك ويا البنت اللي حبيتها..واذا كنت فكرت عدل وشليت البنت من راسك..حرام عليك ياخالد تعيش على هالحال..

وطبع امل كانت متصلة لانها اشتاقت لخالد وسالفة موزة كانت علثة علشان تسمع صوته بس..

خالد : لا ما شليتها ولا بشلها يا امل لاني ما اقدر .. وخلاص لا تتصلين انا شو قلتلج ..خلااااص انسي موضووعي..

امل : على راحتك يا خالد بس ما توقعت ان هذي تكون نهايتك مع الحب ..اختيارك مب في محله..

خالد : انا حر

امل : كيفك ..الله يحفظك ..على أي حال انا بسافر باجر ويا امي واخويه الهند ..بتسير امي تتعالج .. واتمنى يوم ارجع اسمع عنك شي طيب ...انا بتصل فيك وبسأل عنك وانت بترد علي انزين..

خالد :انزين... اتسيرين واتردين بالسلامة

امل : الله يسلمك..يلا مع السلامة

خالد : مع السلامة .

نرجع للمزرعة ....:
منصور ما كان يايب وياه ثياب للمزرعة فرجع دبي اييب له اغراض وثياب ..
وقبل مايطلع منصور شاف موزه عند الباب كانت يايه من عند الحريم الميلسات برع شكلها كانت بتدخل ترقد.

منصور : بعدهن الحريم مقيلات برع ؟

موزه :ها؟؟.. هيه توني نشيت عنهن بسير احط راسي وارقد

منصور : احسلج ... تصبحين على خير ..حبيبتي..

ابتسم منصور في ويهها ويا وحبها على راسها ..

موزه تفاجئت من حركة منصور لكنها ماقالت شي .

عند الباب موزه لمنصور وهيه مب مستوعبة الي قاعد يصير : منصور ..

منصور صد وهو مب مصدق ان موزة نطقت باسمه :آمري يالغلا ؟

موزه استحت وترددت شوية :.مايامر عليك عدو.مممم.. وين بتسير ..؟

منصور : بسير دبي ..بييب اغراضي بس برجع .تين ويايه؟؟..لا تقولين حق حد .

موزه :اي وياك؟؟ههه لا لا..انت سير بروحك..بس دير بالك على نفسك .

منصور ابتسملها وطلع

في دبي :
اتصله ربيعه محمد يطلب منه انه ايي عندهم في الورقة لانهم بيتسابقون بسيايرهم..اعتذر منه منصور لكن محمد تم مصر وطلب منه انه يتسلى قبل ما يرجع العين .. واقنع محمد منصوراللي زهب ثيابه في الشنطة وسار عندهم يتسابق ..

الجزء الحادي عشر

منصور اتحمس اكثر للسباق بعد تفكير وسار عند الشباب وهو مقتنع بس قبل ما يسير منصور اتصل حق اخوه خالد ...

منصور : الو ...هلا خلوود ؟

خالد : اهلين ..وينك منصور.. يقولون انك فالمزرعة شو تسوي في المزرعة ؟

منصور : انا في دبي الحين ..انت وين ؟

خالد : ويا جمال نشرب شاي حليب صوب الممزر .. ليش ؟

منصور : تعال البيت بسرعة

خالد : ما بتقولي شو السبب ؟

منصور : انت تعال وبتعرف كل شي وهات وياك جمال بعد اذا يبا

خالد : خلاص عيل عشر دقايق ونكون عندك

منصور : اوكي باي

وعشر دقايق تقريبا ويوصل خالد وياه جمال ...
خالد دخل البيت يدور منصور وحصله فالصالة يرمس بالتلفون..واول ماشاف منصور خالد سكر عن اللي كان يرمسه..
خالد:السلام عليكم.

منصور:عليكم السلام..هلا والله بخلوود..

خالد :خير ان شالله..شو عندك تعال بسرعة..

منصور : هيه..اقول خالد ممكن تسلفني رنجك اليوم..

خالد : ليش وسيارتك؟؟بلاها؟؟

منصور : هيه سيارتي..لا لا اخوية عنده رنج وآخذ سيارتي..

خالد : حق شو رنج بعد؟؟لايكون مواعد وحدة؟

منصور:لا لا..شو مواعد..سوالف ودرناها حبيبي خلاص ملجنا..
وهنيه حس خالد بالقهر..لان منصور ذكره بهالشي.

خالد:عيل ليش تبا سيارتي؟

منصور:بسير اسابق في الورقة ويا الشباب..

خالد : انزين الحين انت تباني اعطيك سيارتي تخترب وانت سيارتك بالحفظ والصون ما شاء الله خوش صفقة !!

منصور : سيارتي بتكون ضمان يا خالد..حرام عليك يااربي انا قايلهم بيي بالرنج..

لف منصور ودار لين ما اقنع خالد انه يعطيه السيارة ... وانه ايي وياه بعد

خالد:انزين انت شو بتستفيد من هالسباق؟؟

منصور:ياربي منك..ماشي بس كل الشباب بيكونون هناك..ومب حلوة ماسابق وياهم وبعدين اللي بيربح بيحصل 10000..وكيف ماتباني اسابق وانا احسن واحد فيهم..بتشوووف ياخلوود بتستانس من اخوك اللي بيطلع من السباق ربحان..
حس خالد ان منصور متحمس زيادة عن اللزوم..
ركب منصور رنج خالد وركب خالد ويا جمال النيسان ولحقوا منصور الخبل
وهناك ... الشباب متيمعين كل واحد بسيارته يستعرض عضلاته .. ( ما عندهم سالفة ) ...
خالد شويه واندمج ويا الشباب .. اما منصور لا تسألون عنه ( شوماخر )
مندمج وزيادة يصعد ويخمس وحالته حالة ...
وبعد ساعة حبوا الشباب انهم يسابقون .. كل سيارتين مع بعض .. وسابق خالد ويا واحد .. وبعد كمن دور يا دور منصور وحب جمال انه يركب وياه .. وكانوا يسابقون واحد عنده ستيشن..
قبل السباق بشوية..خالد تم يطالع منصور اللي كان واثق من نفسه..وعقب ماهدت حشرة الشباب شوية .
بدا السباق ....
كان منصور مسرع وايد لكنه كان متحكم بالسيارة .. وما كان باقي شي على خط النهاية .. وكان منصور سابق طبعا ويلس يفكر انه اذا فاز بهذا السباق بيقول حق سعيد وبيثبتله انه شوماخر مب بس هو اللي يثبت انه كاوبوي .. ويت على باله موزة..وفكر اشقد هوه محظوظ انه بياخذها عمره ماحس انه متعلق بوحدة مثل ماحس تجاهها...ويلس يضحك منصور في خاطره من هذي الافكار اللي يت في باله ...
كانوا الشباب يصفقون ويصفرون لان ماباقي شي ويفوز منصور ..
وبالفعل فاز منصور ..حس اللي سابق منصور بالقهر يجتله .. وقص عليه الشيطان .. منصور كان بعده يمشي بالسيارة .. وايي هو من وراه مسرع بسيارته ويدعم سيارة منصور ..ويشلها شل..
عند خط النهاية كان واقف خالد اللي شاف اللي صار..الكل وقف من الصدمة .الكل هدا..اللي كان يصفق والي كان يصفر كلهم سكتوا يشوفون اللي صار. راحت سيارة خالد واختفت ملامحها اما اللي داخل السيارة (منصور وجمال) اندفنوا فيها خالد حس بالصدمة اتشله ... واول شي سواه انه صد يدور اللي دعم سيارتهم لكنه الجبان شرد ...
كان المنظر فظيع اتيمعوا الشباب حوالي السيارة ..حاولوا انهم يطلعون منصور بس ماقدروا وخالد ماعرف كيف يتصرف ماقدر يتحكم باعصابه لان ربيعه واخوه فالسيارة المدعومة..
..ويت الشرطة واختفوا معظم الشباب .. لانهم يعرفون ان اللي كانوا يسونه غلط ونتيجته اللي صار لمنصور وجمال ...

وصلت سيارة الاسعاف بسرعة وحاولوا ينقذون اللي داخل السيارة ونجحوا في انهم ينقذون جمال ...ومنصور ..منصور ...مات .
انهار خالد وغلبته دموعه .. اخوه يموت جدام عينه وربيعه بين الحياة والموت ..
خذته الشرطة وياها لكن خالد يلس يلقي نظرة على السيارة ..
كان سقف السيارة خايس دم والسيتات .. وماباقي عدل فيها غير الدبة اما الباقي متعفص وحالته حالة ..
مارامت الشرطة تتفاهم ويا خالد لانه كان بعده تحت صدمة اللي صار لاخوه وربيعه جدام عينه ( ما ينلام الريال )
يلس خالد يفكر باللي بيقوله لامه واهله و...موزه زوجته عن موت منصور وكيف بيتجرأ وبيقولهم وبأي طريقة ......؟؟؟؟!!!!وفي اللحظة اللي عرف فيها خالد انه فقد اخوه منصور للابد..مرت في باله شريط الذكريات اللي كانت بينه وبين منصور طفولتهم وشبابهم..واخر ايام عاشها ويا منصور..والكره اللي حمله لاخوه في قلبه ومابينه لانه خذ موزة عنه..اتغمض خالد فيه..لانه ضيع لحظات من دنياه في خلافات مع اخوه..والحين خلاص ضاع..راح..ومنو بيرده؟

بعد خمس ساعات يلس خالد يفكر عدل ..هو ما يقدر يتصل لاهله ويقولهم بكل برود ترا ولدكم منصور مات ..لازم يسير العين ويقولهم ..
يوم طلعوه من مركز الشرطة الصبح خذ خالد النيسان وسار العين ....

يوم وصل خالد المزرعة تردد .. وما عرف كيف يبدأ بالموضوع .. ومنو يخبر اول شي ..
سعيد شاف النيسان واتحراه منصور بما انها سيارته وموزه بعد اللي كانت تراقب من دريشتها .
اتقرب سعيد اكثر .. وفتح باب السيارة ..

سعيد وهو مستغرب : خالد ...؟ جيه وينه منصور ؟

خالد وضح الحزن على عينه اكثر واستغرب منه سعيد وعيونه كانت منتفخة ويهه مكشون..

سعيد : خالد ...؟ بلاك ؟

خالد نزل من السيارة وكان متردد لكنه كان مضطر انه يقول عن اللي صار
خالد ماعرف كيف يبدا بس توكل على الله وقاله..
خالد:ااااه...كيف اقولك يا سعيد..منصور..

سعيد:........

خالد:منصور مات يا سعيد..وهنيه حط خالد ايده على ويهه يغطي عيونه ومارام يمسك نفسه وعطى سعيد ظهره..

سعيد:مات؟؟؟؟!
.. وكانت صدمة كبيرة لسعيد .اللي دمعت عينه
لكن كان من الواضح ان سعيد كان يبا يصيح لكنه يود عمره جدام خالد علشان يقدر يتفاهم وياه اكثر ..
موزه اللي يلست اتراقب من دريشتها شافت ان الوضع مب طبيعي .. وان هذا مب منصور يلست اتركز وبدا يوضح اكثر لموزه ان هذا خالد مب منصور ..
ونزلت موزه ..علشان اتشوفه على الاقل مع انه مالها حق .
الحريم كانن ميلسات كالعادة في الصالة يسولفن ويتقهوين

سعيد : درب ...درب

ام سعيد : منو وياك

سعيد : خالد ..اخو منصور

ام سعيد : دخله يا ولدي الولد مب غريب

ودخلوا الشباب سلموا ويلسوا

ام منصور :حيالله خالد... بلاك خالد ....شكلك مب طبيعي

خالد اطالع سعيد محتار وكانت عيون خالد اتقول لسعيد انا ما بتكلم لكن سعيد شجعه بنظرة عيونه ..

ام سعيد : بلاكم اطالعون بعض عندكم شي

خالد : هيه انا ياي من دبي علشان اقولكم شي

ام منصور : قول يا ولدي ..

خالد : امي ..منصور ..عطاكم عمره..ونزل خالد عيونه على طول لانه ابدا مابغى يشوف نظرات امه اللي كانت بتقطع قلبه..

وفي اللحظة اللي كان فيها خالد يقول ان منصور مات.. كانت موزه نازلة وسمعت كل شي
وردت تربع حجرتها لانها ما عرفت كيف ..وشو تسوي.. معقولة منصور مات ..ويلست تذكر آخر حوار معاه وشكله وضاعت موزه في حزنها وبين دموع عينها صح انها ما حبت منصور لكنها ما كرهته ولا اتمنت موته ..وتذكرت البوسة اللي عطاها اياها منصور على راسها..
سمعت موزة دق على باب حجرتها وكانت حصة وياها اخوها سعيد ..
وفتحت موزه الباب من شافوا دموعها عرفوا ان موزه عرفت بالموضوع اللي كانوا يايين يتكلمون فيه وياها .
اما حال الباقين الكل كان في حزن وقررت ام منصور انها ترد دبي مع ولدها خالد .. وجهزت اغراضها وساعتين وروحوا ..
موزه كانت في حزن كبير على منصور وعلى اللي صار والطريقة اللي مات فيها
وكل ما كانت تتذكر المواقف اللي مرت فيها وياه ..يوم رقمها في الجمعية ...يوم الملجه ...يوم كانوا في الشيشة وغمزلها ..وآخر كلام ..وآخر بوسة ..وكل هذي الذكريات كانت تزيد دموعها ..
اما خالد اضطر انه يمسك نفسه في السيارة وهو في الدرب لان امه كانت اتصيح ودموعها قطعت قلبه .. شاف خالد الدنيا سودا في عينه .. ويا على باله اخوه خميس اللي لين الحين ما عرف بالموضوع ..
وقرر خالد انه يقوله اول ما يوصل دبي ..
وصلوا دبي .. وكانت حالة الابو حالة ويوم شافت ام منصور ريلها يصيح بهذي الطريقة زادها هذا الشي وما رامت تيود عمرها .. وعنود وميرة مساكين البنات في حجرتهن لا ياكلن ولا يتكلمون بس يصيحون على موت أخوهم منصور ..ويطالعن صوره.
خالد اتصل لخميس اللي كان في الفجيرة ويا مرته وعياله وطلب منه انه يرد دبي بسرعة وما حب انه يقوله السبب ..علشان ما يبهدله في الطريج بدموعه ..
خالد خلص من التليفون وطلع من البيت وما رام يتحمل الوضع أكثر .. وخذته ريله للمستشفى يشوف حالة ربيعه المسكين .. وكان جمال في غيبوبة ما يحس بشي
ومحد عرف لين متى بيتم في هالغيبوبة ..
طلع خالد من المستشفى و ركب سيارته وما عرف وين يسير لكنه ساق سيارته ..يسير أي مكان ولا يرد البيت ويشوف اهله على حالتهم هذي اما خميس فأكيد بيشوف حالتهم وبيخبرونه .. بكل شي ..خلاص ماقدر خالد يتحمل اكثر..هوه شهد على وفاة اخوه وهوه اللي اضطر يخبرهم بعد
بدون ارادة خالد ..شاف عمره بعد وقت واقف صوب البحر وقف سيارته ونزل منها يلس خالد مجابل البحر .. ممكن البحر يخفف من احزانه بما انه يحبه .. حس خالد انه يعيش في دوامة احزان ويتمنى انها تنتهي بسرعة ..
وبعد ثلاث ايام ويوم خلص العزى .. ما خلصت الاحزان .. وتمت عايلة العامري عايشة في حزن كبير .. وعايلة الفلاسي ما غاب الحزن عن بيتهم .. موزه صاحت صياح وحزنت حزن على موته .. موتته الشنيعة .. وهو بعده ولد شاب خلتها تحزن عليه وبما انه ريلها بعد ..
بدا خالد يتردد على المحاضرات الدينية ويا أخوه خميس وحصة وسعيد تأجل عرسهم لين ما تتحسن الأوضاع وتطلع موزه من العدة بيعرسون . وكانت موزه تزور ام منصور بين فترة وفترة .. واما جمال تحسنت حالته لكنه تم في المستشفى
اللي..واول ماعرف خالد ان جمال صحى من هالغيبوبة سار زاره..
دخل خالد عليه..وماحصل حد عنده..كان راقد ذاك الوقت..وانقبض قلبه لمنظر ربيعه وهوه يشوفه على هالحال..
خالد خذ كرسي قريب منه ويلس حذال شبريته ..وعقب عشر دقايق بدا جمال يفتح عيونه..خالد اللي كان سرحان يفكر بالاوضاع اللي قاعدة تمر انتبه لجمال .
خالد:جمال؟

جمال بعده ماكان مستوعب شي..

جمال عقب ماستوعب..شاف خالد حذاله وماعبره جمال اللي صد بويهه الصوب الثاني..خالد:جمال؟الله يخليك..شوفني لاتعذبني ياريال..

جمال:.....

خالد:دخيلك..خلني اكلمك واتطمن عليك ريحني ياريال..

جمال:..يعني مب مبين كل شي..انت ياي تشمت فحالي...

خالد:افاا..الحين انا ربيعك..تتوقعني ياجمال ايي اشمت فحالك..اتصدق ياماتمنيت اللي صابك صابني انا بدالك..بس هذا المكتوب..مب بيدنا بيد ربك ..ووفاة منصور بعد..
جمال من سمع هالشي صد صوب خالد منصدم..
جمال:منصور مات؟

خالد هز راسه وهوه ماسك غصه ..

جمال:ياريتني كنت مت بدال ماكون على هالحال..ياليتني مت..وهنيه انهار جمال..ونزلت الدموع من عينه..وبدا يصيح اللي يشوف جمال على هالحال قلبه بيتقطع عليه..الغميضة فخالد اللي شاف كل شخص يصيح على وفاة منصور جدام عينه..
جمال:الله يلعنه..الله يلعنه...لا لا لالالا لا..وتم جمال يصارخ..بصوت عالي يغربل الولد اللي دعمهم..هوه السبب..اااااااااه يالقهر..تم جمال يصيح مثل اليهال..

خالد والعبرة خانقتنه.:جمال ..صار اللي صار..والشرطة تحقق فالسالفة وان شالله بيزخزن الريال..

جمال:لالالالالالا....حرام..والله حرام..ويلس جمال يصيح..فاللحظة هذي دخل الدكتور ويا الممرضة..خالد مارام ايود عمره وطلع برع الغرفة وهوه مختنق من الدموع اللي حبسها في عينه والحزن اللي فصدره..
الدكتور طلع برع علشان يكلم خالد..وشافه يالس فالزاوية عالارض يصيح..
الدكتور:اخوية..اقدر اكلمك؟
خالد رفع عينع ونش من مكانه علشان يقدر يكلم الدكتور..
خالد:دكتور اله يخليك..طمني على جمال..

الدكتور:شوف..بغيت اقولك ان الحمدلله حالة ربيعك مستقرة حاليا..لكن المشكلة هيه..حالته النفسية اللي يعاني منها..والاثر اللي سواه الحادث فيه..وبعد اذا عرف ربيعك انه مابيقدر يمشي مرة ثانية..ماعرف شو اقولك..بس حبيت انك تقوله هالشي..انا احيد امه وخواته اييون..بس هاليومين مايو غريبة يعني..بما انك ربيعه خبره هالشي.
خالد وهو منصدم اكبر صدمة على حال ربيعه:جمال مابيرد يمشي؟

الدكتور:للاسف اقولك هالشي..

خالد:مستحييييييييييييييل..لالالا حراام عليك ربيعي مايستاهل هالشي...عالجووووه اتصرفوا..دخيلك دكتور...

الدكتور:لو كان بيدنا كنا عالجناه..

خالد هنيه ماقدر يتمالك اعصابه:انت دكتور ولا شو...؟؟اقولك عالجه تقولي لو كان يدي كنت عالجته...باللله عليك انت شو فايدتك هنيه..شو الحل؟؟؟جمال مستحيل يتم عل هالحال..حرااام كافي اللي صار وياه..كافي..

الدكتور:والله اخويه..انتوا تقدرون تسفرونه للخارج علاج اذا بغيتوا..واذا تبون عجلوا هالشي لانكم كل ماتاخرتوا بتكونون انتوا الخسرانين..

خالد:بسيطة..بس دكتور انت اكتب لنا التقرير.وانا اوديه اليوم قبل باجر..
كان يقطع قلب خالد يوم كان يزوره انه اول ما كان جمال يصحى ييلس يصرخ ويسب الولد اللي دعمهم .. اكيد هذا سبب له اثر في نفسه ..
خالد شل هم كبييييييييييييييييير..كيف بيقوول حق جمال انه مابيرد يمشي؟؟وشو بيكون موقفه وكيف بيتصرف؟
دخل خالد على جمال اللي كان هادي ومركز عينه عالدريشة سرحان..
خالد يلس يشوفه..وحس بالغميضة على ربيعه جمال..كل هذا يصير لشاب عمره 23 اسم على مسمى..جمال وشخصية واخلاق.... لكن هذي الاقدار وهذي نتيجة الطيش
خالد:جمال..
جمال لا صد صوبه ولانطق بحرف وخالد اتوقع هالشي وكمل كلامه..اللي كان متعبنه هوه كيف يبدا يفاتحه بالموضوع..وهنيه يندق الباب وتدخل بنت مبينه انها فبداية العشرينات عيونها وسااع وحلوة وعليها طوول..ورشاقة..وبشرتها بيضاا خالد يلس يطالعها ويسال نفسه اذا كان يعرفها اولا بس كانت بنت غريبة.جمال صد صوبها وعرفها..كانت اخته عذيجةاول مارفعت راسها وانتبهت لخالد تمت واقفة مكانها متوهقة ماتعرف شو تسوي..ترددت وطلعت برع الحجرة..كانت عذيجة ملكة جمال ..يعني اللي يشوفها مايقدر ينزل عينه عنها..
خالد:منو هذي؟

جمال:الرضيعة..

خالد:ايواا..جمال..

جمال:نعم..

خالد:انا هنيه ابا اخبرك شي الغالي..انت اتعرف ان الحادث اللي سويته ويا منصور كان قوي صح؟

جمال:.........

خال حس انه لازم يكمل رمسته ومايقطعها وكمل..
:نتيجة الحادث كانت وفاة منصور واللي صابك..بس لازم تحمد ربك على اي حال في ناس تصيبهم آفات كبيرة ويحمدون ربهم..مالك غير الصبر ..جمال هالكلام اللي اقولك اياه بس علشان تفهم اللي صابك..وتتقبله..

جمال نزلت دمعه من عينه..ياه شعور بان شي صابه بس ماعرف شو هوه..ودمعته غلبته.
خالد:جمال.ابا اشل حمل ثجييييل مني واقولك الكلام اللي قالي اياه الدكتور عنك..

جمال:شو قال؟

خالد:اااااااه ياجمال..ليته فغيني ولافيك..يعلني افداك..شو اقولك ياريال..

جمال:خاالد دخيلك قول وخلصني...

خالد:جمال..الدكتور يقول..انك صرت عاجز عن المشي..
وبعد الكلام اللي قاله حس خالد بهدوووووء فالغرفة..جمال تم ساكت من الصدمة مايعرف شو يقول..بس دموعه قالت اشياء واشياء..وخالد بعد هالمرة غلبته دموعه..
تم جمال يصيح وصابته هستيريا من اللي سمعه من خالد..
خالد شل عمره وطلع من الحجرة..لان اللي فيه كافيه..وشافته اخت جمال عذيجة اللي استغربت يوم سمعت صوت اخوها يصيح وشافت خالد طالع من حجرته والدموع فعينه.
عذيجة:اخوية...انت شو سويت؟؟؟شو قلت حق اخوية؟؟

خالد تم مستغرب وماعرف شو يقولها صد صوبها ..وتم يطالعها من غير مايقول اي شي.
عذيجة حرجت..:لو سمحت انا يالسة ارمسك انت شو قلت حق اخوية..؟

خالد:كنت اقول حق اخوج عن اللي صابه..وينج عنه من يومين..الدكتور كان يبا يبلغكم عن حاله..

عذيجة:الوالدة الله يسلمك تعبت علينا وتميت وياها فالبيت..

خالد:الله يشفيها ماتشوف شر.

عذيجة:الشر ماييك...انزين ماقلتلي شو بلاه اخوية؟

خالد:اخووج ..جمال..ممم...شو اقولج..انشل..مابيرد يمشي..

عذيجة كانت صدمتها مثل صدمة خالد على اخوها.وتمت دموعها تنزل من عينها..:ياااللله فديت اخوية مايستااهل..
خالد:محد يستاهل..

عذيجة:كله من هالجلب ربيعه اللي خلاه يسابق وياه..الله يغربل منصور العامري..
خالد عوره قلبه وايد وتقطع عالكلام الي قالته عذيجة عنه ..وعذيجة ماكانت تعرف ان خالذ اخو منصور..

خالد:الريال اللي يالسة تغربلينه اختي ريال ميت ..يلسي اطلبيله الرحمة احسن..

عذيجة:هوه السبب..هوه السبب..

خالد حس بالذنب..:لا اختي انا السبب..لو ماخليت منصور اخوية يسابق جان ماصار اللي صار..

عذيجة انصدمت يوم عرفت ان خالد اخو منصور وتمت متلووووووومة..وسكتت
خالد:ليش سكتي اختيه؟

عذيجة:لا..بس السمووحة منك اخوية...الله يرحمه..ماعرف شو اقولك كانت لحظة غضب.

خالد:ماعليه..اللي صار كان مكتووب..
عذيجة:ماله داعي تلوم نفسك..انا اترخص منك بسير ادخل على اخوية واهديه..

خالد:زين منج..هو محتاج لشخص يكون وياه فهاللحظات..
وطلع خالد من المستشفى..
.. كان خالد يحس بالذنب للي صار لمنصور وجمال .. والحزن مقطع قلبه لكنه كان ما يظهره جدام اهله علشان ما يذكرهم وهو متأكد انهم ما نسوا ولا بينسون
.. كان خالد كل ما يدخل حجرته يقفل على عمره ويبدأ يصيح على أخوه منصور ويلوم نفسه ( مسكين خالد ...)
كان خالد محتاج لحد يسانده ..يحط ايده على جتفه ويمسح دموعه .. لان هذا الدور كان يأديه مع عايلته .. خالد تعب لكنه ما بينلهم لأنه متحمل كل المسؤولية الحين بما ان خميس شل عياله بعد شهر من وفاة منصور وساروا بيتهم اليديد مع انه ما خلص كله وما كان مأثث لكن خالد ما يلومه جو البيت كان حزين وكئيب .. وأكيد ما يبا عياله يعيشون في هذا الجو .. لكنه كان مب مقصر اييهم بين فترة وفترة ..
طلع جمال من المستشفى بعد شهر .. وخالد اللي كان وياه في المستشفى ورداه البيت .. كان جمال هادي وساكت على غير عادته .. الريال كان ربشة والحين تحول لكن محد يقدر يلومه .. المسكين جمال بعده تحت صدمة انه ما بيقدر يمشي مرة ثانية
خالد اتفهم لكنه حب انه يطيب الجو ..في السيارة :

خالد : جمال ..؟

جمال :............

خالد : معقولة بتم على هذا الحال ما تنطق بكلمة ؟؟

جمال بعصبية : يعني شو تباني اقول ..؟

خالد : أي شي جمال .. من سوالفك الحلوة

جمال: هه..سوالفي الحلوة؟ راحت يا خالد ولا بترجع .. انا ما اعتقد انك بتتحملني وانا على هذا الحال لا امشي ولا اتكلم

خالد : كيف اتقول هذا الكلام .. انت ربيعي وانا اعزك ..وكيف ما اقدر اتحملك بعد ..؟؟ شو هالرمسة جمالوه ؟؟

جمال :.........خالد ..انت بتتحملني اسبوع ...شهر ..شهرين ..مب اكثر .. بيي يوم بتنشغل فيه مع عيالك ومرتك وانا بكون صفحة من الماضي



خالد : جمال ... ما ابا اسمع هذا الكلام

جمال دمعت عينه ..وحس خالد ان جمال متلوم من ربيعه ومستحي من دموعه ونزل جمال راسه ..خالد ما عرف شو يقول .. لو حد دخل داخل خالد وحس باللي يحسه وشل اللي في قلبه ما بيتحمل يعيش فيه لحظة .. لانه كله حزن ..هموم ..مشاكل ..
اول شي فقدانه لموزه البنت اللي يحبها وما كان له نصيب وياها .. وعقب وفاة منصور جدام عينه .. وخسران ربيعه لريله .. وحالة اهله ..

وصل خالد بيت جمال .. نزل من سيارته علشان يساعد جمال .. وكان جمال يستخدم عكازات لانه رفض انه يستخدم الكرسي ..
خالد فتح باب السيارة لجمال .. واطالعه جمال بنظرات بس ما فهم خالد شو قصده من هذي النظرات .. كانت تشل كره لكنه طوفها ما توقع خالد نظرات رضا وفرح من عينه
مد خالد ايده علشان يساعد جمال .. لكن ردة فعل جمال خلت خالد يفهم نظرات جمال ....جمال حس بالنقص يوم مد خالد ايده علشان يساعده .. وحب انه يثبت لخالد انه يعرف يتصرف وانه مب محتاج لمساعدته .. قام خالد عنه .. جمال نزل العكازات على الارض وعقب حاول انه يقرب نفسه .. لكنه اتخرطف مسكه خالد في اللحظة المناسبة حس خالد ان دموع جمال قربت من عينه لكنه مسك نفسه لانه حس ان الدموع دليل ضعف ..وبالاخير اقتنع بالمساعدة لانه شاف نفسه مب قادر على الحركة .. نزله خالد ووصله لين حجرته يلس وياهلا وهنيه دخلت عذيجة اللي ماكان تعرف ان حد موجود ويا جمال...ودخلتعليهم وهيه فاردة الشعر ..خالد انصدم يوم شافها واتيبس مكانه.عليها شعررر وجمااال...عذيجة استحت.هذي ثاني مرة تدخل عالريال بهالطريقة..خافت انه يتحسبها تتعمد تسوي الحركة هذي وماعرفت شو تسوي وربعت برع حجرت اخوها جمال....خالد يلس دقيقة ويا جمال وعقب طلع عنه.عذيجة يلست تراقب من حجرتها تتريا خالد يطلع من البيت يمكن تلمحه عالاقل وتجحل عينها بشوفته..كانت تفكر بخالد..وكانت مستحية منه لين هاليوم لانها حطت على منصور فالمستشفى هاك اليوم جدامه..وكان دايما ايي على بالها احيانا يوم كانت تسير المستشفى عند اخوها كانت في قلبها تتمنى انها تلمحه..بس الحظ ماوقف وياها الا فهاللحظة يوم دخلت عليه..



وكانت هذي المصيبة اللي طاحت فوق راس عايلة العامري والفلاسي بوفاة منصور .. اسمحولي اذا نكدت عليكم بهذي الطريقة في هذا الجزء اللي كله احزان ما عليه..بتتعوض بافراح في اجزاء قريبة..شو تتوقعوون تكون سالفة عذيجة؟وخالد بيعرف شي عن مشاعرها؟

الجزء الثاني عشر


خلصت موزة من صلاتها..وهنيه رن التلفون ..ويوم شافت الرقم..طلعت حصة ربيعتها..ردت موزة..
موزة:الو..

حصة:الو..هلا والله اشحالج حبيبتي..؟



موزة:فديتج والله..حصة ولهانة عليج..من زماان ماييتني..

حصة:شو من زماان..موزووة لاتبالغين ..من يومين خايزة عنج..هههه اسميج حركات

موزة:ههه انا حركات..الله يسامحج

حصة:لافديتج اسولف ويااج..بس اقوول صدق ماقدر اييج..لاني بسير السوق ويا اميه .

موزة:ايواا..

حصة:انا وانتي بنطلع باجر شوو رايج؟..

موزة:لا مابا.

حصة:ليش حبيبتي..خلاص..من باجر بتبدأ جولاتنا.بفضي عمري لج..وبعدين انتي طلعتي توج من العدة بعد شو تترين..؟

موزة:لا الله يخليج مالي نفس للطلعات..

حصة:افااا..انتي مب ربيعتي اللي اعرفها..معقولة ياموزة..انا ادري ان كونج ارملة وانتي بعدج صغيرة اثر فيج..بس عيشي حياتج طبيعي انتي بعدج شباب..منصور خلااااااص مات الله يرحمه..لاتقوليلي اثر فيج لهادرجة..هذا مكتوب وصار..موزة انتي خليتيني انفعل..انتي ماحبيتي منصور جيه سويتي..صايرة كئيبة..شو لو حبيتيه..مب كافي طلعتي من الجامعة مابتكملين..

موزة:...بس خلاااااص ياحصة ارجووج..انا انسانة لي مشاعر واحاسيس..صح ماحبيت منصور..لكن قبل مايموت صار لي موقف معاه..ماعرف ليش دايما يمر فبالي..اول ماسمع اسمه..ايي على بالي هالموقف..اول مرة احس انه ريلي هذاك اليوم..اخر مرة شفته فيها..منصور اتصرف بهالطريقة لانه حس انه بيموت؟والجامعة خلااص ماباها..احس انها مابتفيدني يلستي فالبيت ابرك لي..

حصة:ماعرف شو اقولج..الله يعينج..اعتقد اثر فيج وايد..مع انه ماربطتج فيه غير الورقة اللي وقعتيها..

موزة:هيه تصدقين..

حصة:الله كريم..وعسى ان تكرهوا شيئا وهو خيرا لكم..

موزة:صدق الله العظيم..

حصة:المهم حبيبتي انا الحين ظاهرة ..تامريني بشي؟

موزة:سلامة راسج الغالية..سلمي على امج..

حصة:يبلغ الغالية..مع السلامة

موزة:مع السلامة..

بعد وفاة منصور تأجل عرس حصة وسعيد..لين مايحصلون وقت مناسب للزواج..
وسعيد اتأثر بعد من وفاة ربيعه..وكان قرار التأجيل صادر منه..سعيد كان فسيارته ساير الدوام..وهنيه تتصل حصة اللي توها كانت مسكرة عن موزة وكانت تبا تخبر سعيد انها طالعة ويا امها..
سعيد شاف الرقم بس مارد عليها وبيتصلها بعدين ..اول ماوقف التلفون من الصياح رن مرة ثانية بس كان خالد متصل..
سعيد استغرب من اتصال خالد..نادر مايتصل..
سعيد:الو.؟

خالد:الو..السلام عليكم..

سعيد:عليكم السلام هلا والله.

خالد:اهلين..اشحالك سعيد؟

سعيد :بخيير الحمدلله ..تسلم..اشحالك انت واشحال ربيعك جمال؟

خالد:الحمدلله كلنا بخير..بس والله متضايج منه شوية..!!

سعيد:متضايج؟؟خير ان شالله ..

خالد:لا خير..بس جمال مب طايع يسافر برع يتعالج..من متى واصلتنه التقارير..بس هوه فاقد الامل..حاس انه خلااص جيه بيتم طول عمره مايمشي..ومتضايج من شوفته منعزل عن الناس ومكتئب..

سعيد:الله يعينه ان شالله..

خالد:ويعين الجميع..الغالي ..انا اليوم المغرب بسير عنده البيت بغيتك تي ويايه نحاول نقنعه يسافر؟. محتاج لحد يوقف ويايه..من متى وانا اعابل بروحي..يمكن يشوفك ويقتنع ويحس ان كلامي صح..

سعيد:خلاص الغالي فالك طيب..اليوم المغرب انا بمر عليك بسيارتي باخذك من بيتك شو رايك؟.

خالد:مثل ماتبا..مشكور يا سعيد..

سعيد:مافي داعي تشكرني ..كلنا اهل ..

خالد:تسلم يالطيب..فمان الله

سعيد:حياك الله..فمان لكريم..

سعيد هنيه وصل الدوام..دخل سعيد المكتب وكان خالي..يعني هوه اول واحد يوصل..
عشر دقايق ويدخل ربيعه حمد..
حمد:السلام عليكم...

سعيد:عليكم السلام..مرحبا الساع..توه الناس انت لازم تتأخر كل يوم..عشرر دقايق ولا ربع ساعة

حمد:الله يهديك شو متأخر انت بعد..توه الناس..

سعيد:هههههه توه الناس اونه...عفانا الله بس..انا فخاطريه اعرف انت شو هاللي يأخرك كل يووم هالكثر..

حمد:هههه مب لازم تعرف..فضوول..حشى..

سعيد نش من مكتبه وسار صوب مكتب حمد..

سعيد يلس يحن عليه الا يعرف..
حمد:انزيييييين خلاص خلاص بقولك..بس لاتقول حق سلطان ولا عبوود

سعيد:لالا سرك فبير..

حمد:هههه جيه اباك..انزين اسمع..انا هالكمن شهر..اييب وحدة فبيتنا واميه وابوية لين الحين ماحسوا بشي..فكل يوم وانا ساير الدوام انزلها عند ربيعتها وعقب ايي هنيه..وعلى هالحال..

سعيد استغرب وايد:انزين معقولة تيب وحدة البيت ومحد حس بشي..

حمد:لاه..ولا شي..لاني اوديها الميلس اللي برع..اوني مابا ارقد فحجرتي لاعت جبدي منها..واونهم مسويلي حشرة..هه يعني عطيتهم درزن علث وصدقوا الشواب..

سعيد:ههههه اسميك سوالف انت الثاني...عليك قوات ويه بعد..تيبها بيتكم مرة وحدة..هههه

حمد:عشووووون عيل..بس هذي البنت عذااااب جماال وجسم وشعرها طويييل اووف..

سعيد:هههه شوي شوي على عمرك..

حمد:الا تشوفها..

سعيد:اشوفها..؟لا لا خلني بعيد عن هالسوالف..انا من متى اعطي البنات ويه؟وبعدين لاتنسى ان ورايه حرمة..حرام اسير اطالع غيرها..

حمد:صدق انك خقااق..ياويلي عليك..ههههه..انزين شو بيستوي اذا ييت ويايه وشفتها..اونك ربيعي مايخصك..

سعيد:وانت ليش مصر اني اشوفها.

حمد:اوهوو بس جيه بلاك..

سعيد:انزين..بس مب اليوم ..تراني مشغول المغرب.

حمد:اونه مشغول.هههه...برايك...عقب المغرب انزين..ولا اقولك ليش ماتي ويايه باجر بوظبي..هناك بنسير نحجز شاليه شو تقول؟

سعيد:ياسلاااااااام..هيه فكرة...بس حبيبتك هاي بتكون ويانا؟

حمد:شي اكييد..

سعيد: اووهو.....انزين بفكر..

حمد:ابا الجواب اليوم..

سعيد:ان شالله..
في بيت موزة..
كانت موزة طايحة عالسرير تطالع السقف تفكر باللي صارلها فهالكمن شهر..
حب خالد..زواجها من منصور..موت منصور..والحين كونها ارملة..حست ان كل شي صار بسرعة..وخافت من اللي بيستوي ..يلست تفكر بخالد اللي من زمان ماسمعت شي عنه..وينه الحين؟وشو اخباره؟ياترا معقولة حبي كان من طرف واحد..؟اااه يادنيا..ليش جيه..مالي غير الصبر..
لبست موزة شيلة بيضا وسارت المطبخ عند امها تشوف شو تسوي..
موزة:سلام عليج..شو تسوين فديتج؟

ام موزة:هلا والله..عليكم السلام..ماتشوفيني يالسة اعين الحنى فخاطريه احني راسي..

موزة:هيه ماشالله عليج..ياحيج..

ام موزة:مب فخاطرج بنيتي؟

موزة:لا امايه..مابا..

ام موزة:برايج غناتيه..
ويلست موزة ويا امها فالمطبخ ..وكان تلفون البيت يصيح بس محد يرد عليه لان موزة وامها فالمطبخ وصوت التلفون ماينسمع هناك..
ام منصور حق خالد اللي كان توه حادر البيت..
:انا ماعرف ليش مايردون عالتلفون...يخلوني احاتي..

خالد:بلاج امايه تتحرطمين؟

ام منصور:لا غناتيه..بس ماعرف اتصل ببيت ام سعيد بس ماترد..

خالد:ام سعيد؟؟

ام منصور:ام سعيد..شو بلاك..اللي بنتها موزة مرت منصور.. الله يرحمه ان شالله..

خالد:الله يرحمه..هيه عرفتها الغالية..سعيد الفلاسي تقصدين..

ام منصور:عليك نور الغالي..

حس خالد بشي في قلبه جنه ينتفض نفضه من زماان مانتفضها لان موزة يت فباله..
وسرح شوية فذكرياته..

ام منصور:خلوود..خلوود وصمخ..من الصبح ازاجر عليك تسمي عمرك ماتسمعني.

خالد:ها؟آمري الغالية..

ام منصور:اللي ماخذ عقلك يتهنابه..

خالد: محد ماخذ عقلي اشفيج..خير ان شالله..

ام منصور:بغيتك توديني صوب قوم الفلاسي..

خالد:اوديج ...انا؟

ام منصور:هيه..خالد شو صايبنك بوية؟

خالد:ماشي امايه..قومي انزين خليني اوديج..

ام منصور:عيل اصبر ..بسير اييب عباتيه..

خالد:انزين اميه اترياج فالسيارة الغالية..

ام منصور:انزين..
لبست ام منصور عباتها وركبت ويا خالد السيارة وفي السيارة اول ماتحركت..
ام منصور:وييييييييه غربلااات العدو.اصبر خلوود

خالد:خير؟

ام منصور:اي خير...؟نسيت الجاامي...اصبر اصبر..اضرب هرن حق البشاكير خلهم ايبوون الجامي..وغرشة اللبن بعد..

خالد:جامي؟؟وغرشة لبن؟؟اشحقه؟

ام منصور:يلا يلا انطب واسكت ..مايخصك..اشعرفك بالزين انت.تباني اسير عند العرب وايدي خالية..وبعدين لازم نذوقهم من هالجامي الزين اللي توه واصل من الذيد..

خالد:هههه اكيد وحدة من ربيعاتج البدويات ياحيهن يايبتلج هالحايات..

ام منصور:هههه هي فديتهن..
ويابت البشكارة غرشة اللبن والجامي وسارت ام منصور صوب بيت قوم الفلاسي..
فالصالة ..موزة كانت تقرا الجريدة وام منصور تحني راسها ميري..وفزت ام موزة من مكانها يوم سمعت هرن السيارة..
ام موزة:موزوووووة...يافشلتي..منو ياينا وانا على هالحال..شوفي من الدريشة..

سارت موزة تطالع..وشافت ام منصور نازلة من السيارة بس ماشافت منو فيه فالسيارة وياها لان حاطين فالسيارة مخفي مايبين شي..
موزة:امييه..هاي ام منصور فديتها..

ام موزة:انزين ..انا بسير الف راسيه بخلقه وانتي اقربيبها..ميري انتي سيري سوي شاي وقهوة..ودلت زعتر حق ام منصور تمووت فديتها عالزعتر هههه..

موزة:انزين امي دشي داخل..يلا بحدربها الحرمة..

لفت موزة شيلة بيضا على راسها وفتحت باب الصالة..وسارت صوب ام منصور..
موزة:حيالله من يانا...نور البيت الغالية بوجودج..

ام منصور:الله يحيج ..اشحالج غناتيه؟

موزة:الحمدلله بخير الله يسلمج..حياج اتفضلي..وناولتها ام منصور الجامي واللبن..اتلومت موزة
موزة:ليش مكلفة عمرج الغالية..؟

ام منصور:لا مكلفة ولا شي..عادي كلنا اهل ..وبغينا نطعمكم من هالجامي الغاوي

موزة:ههههه الله يخليج الغالية..
خالد اللي كان فالسيارة يتمنى عيون موزة تي فعيونه..اااه ياحلااة ضحكتها تعذب..بس هيه ماتدري انه فالسيارة..موزة كان فيها فضول تبا تعرف منو فالسيارة..كانت تكلم ام منصور وبالها فشي ثاني..معقولة خالد يكون فهالسيارة..؟

ام منصور:انزين ..لحظة شوية خيلني ارمس خالد.

.موزة فخاطرها..خالد؟؟ّ خالد اللي فالسيارة ؟ااه عيني متولهة على شوفته..بس مب من حقي..مب حلوة افكر فهالرياال اللي ذبحني من اول مرة وخذ قلبي وياه..ااه يا خالد اشتقتلك ودي اشوفك..فخاطري..
حست موزة ان االي فالسيارة مركز عينه عليها..وعلشان جيه تمت مستحية ومنزلة راسها..وتخادت البنية..
دقت ام منصور دريشة السيارة على خالد..قام وخالد ونزلها..موزة كانت مجابلة الدريشة..وكانت تحس انها يالسة تتبطل شوي شوي..ورفعت عينها عن خاطرها تبا تشوف خالد..خالد اللي طاحت عينه فموزة اللي كانت تطالعه..فز قلبه..حس ان نظرتها هذي حولت الرماد لنار في قلبه..اتمنى خالد لو انه امه رمسته من الصوب الثاني..لانها عذبته موزة واقفة وراها مايقدر مايشوفها..

ام منصور: انا وصيتك خلوود...لاتنسى..

خالد:ان شالله..
وهنيه تيهم ام موزة..وتسلم على ام منصور..خالد حس انها مب حلوة انه مايسلم على ام موزة..ونزل يسلم عليها ..موزة ارتبكت يوم شافت خالد يحول من سيارته.وحست انها لازم تشرد..بس تمت متيبسة مكانها ومارامت تتحرك..كان واقف جدامها مجابلنها ومجابل امها وريحة عطره تفوح..حست انها قصيرة واايد جدام خالد مع ان موزة طويلة..ولاحظت تغيرات على ملامحها..شوية شحوب..خافت انه يكون مريض ولا شي..
خالد:سلام عليج خالوه.

ام موزة:عليكم السلام.هلا والله..اشحالك خالد..وينك الغالي مانسمع اخبارك..والله اني حاطة فخاطريه وايد منك..

خالد:ليش الغالية؟

ام موزة:ليش ماتفز صوبنا تسلم علينا..مخلينا لانسمع عنك شي وين منخش عنا؟؟

خالد:السمووحة منج الغالية..بس كنت منشغل ويا ربيعي جمال واراكض علشان التقارير.

ام موزة:هيه وحليله..وشحاله الحين..ربك الا بخير..

خالد:الحمدلله..احسن الحين عن قبل..بس لازم اوديه برع يتعالج..

ام موزة:انزين..بلانا واقفين برع...اقربوا اقربوا..

خالد:لا برايكم انا بسير الحين..

ام موزة:افاا خالد..لا مايطيع الزين انك توصل لبابنا ومانشربك من قهوتنا..

خالد:مرة ثانية ان شالله..
موزة كانت فخاطرها تبا تسير تضرب خالد..ااخ منه يقهر..تم الله يخليك..ايلس ابا اجحل عيني بشوفتك من زماان ماشفتك متوله عليك.ياللي مارحمت حالي.

تم خالد متلوم واستحى انه يرد ام موزة..
ودشوا كلهم فالصالة..سارت موزة المطبخ تيب الفوالة.وتودي اللبن والجامي..وكانت يالسة مجابلة خالد..بس ماطاعت عينها تي فعينه من المستحى..اول مرة فحياتها تيلس وياه فنفس المكان اللي يكون يالس فيه وتتنفس الهوا اللي يتنفسه..ياسلااااام..
ام موزة:موزة فديتج..قومي صبي شاي حق خالد..

موزة فخاطرها لالالالا استحي..الا انا...ليش..وتلبكت..بس مارامت توضح شي..عن يفهمونها غلط.قامت وصبت الشاي شلت الاستكانة وايدها ترجف.ناولت خالد الشاي وهيه منزلة عيونها وخالد كان حاط عينه على ويها ..اول مرة يشوفها من جريب..وحب انه مايفوت الفرصة ويدقق شوية فملامحها..خدودها امبينه ناعمة وكانت ايده تاكله فخاطره يحط ايده عليها ويحس بنعومتها..وعيونها الوساع..بشرتها بيضا..شفايفها الناعمة..كانت قمر نازل على الارض بس فويهها شحوب بسيط..من التعب.ولاحظ خالد ان ايدها ترجف..وحس انه طول فالتفكير والبنت ميته من المستحى والحريم ماتفكروا فيهم..تناول خالد الشاي عنها وبدون قصد يت ايده على ايدها.هنيه موزة مارامت تتحكم بنفسها وشلت ايدها وكان خالد بعده مب ماسك الاستكانة وانجب الشي على كندورته..فز خالد من مكانه وتمت موزة متلووووومة فيه..
موزة فخاطرها ياربييه يالفشلة..يعلني افدااك ياخالد حرقتك بالشاي..شو اسوي..
ام موزة:بسم الله..عنبووووه ياموزة..حرقتي الريال..ماتشوفين..

ام منصور:برايه برايه..ماصار الا الخير..تعوذوا من الشيطان..

ام موزة:اي خير؟الريال اول مرة يحدر بيتنا وتجب الشاهي على كنتدورته..السمووحة منك ولديه

خالد:افاا عليج بس ماصار الا الخير مثل ماقالت الوالدة..برايه الحين بسير البيت ببدل ثيابي..

ام موزة:شو اسوي ..موزة..سيري هاتيله كندورة يلبسها من حجرة سعيد ..

خالد:خالوه مب ضروري..خلاص برايه لاتكلفون على نفسكم..ماله داعي تتلومون فييه.

ام موزة:لا فديتك..برايه..

سارت موزة حجرة سعيد وطلعتله كندورة لونها بيج..عطرتها وسارت وناولت خالد الكندورة..
خالد:مشكورة..

موزة ماردت عليه من المستحى..
ام موزة:موزة...دليه حجرة سعيد خليه يبدل ثيابه هناك..

موزة:ان شالله..

خالد لحقها وحس ان هذا يوم سعده..موزة كانت تمشي جدامه مستحيه ..وتم خالد يدقق فمشيتها كانت مشية غزال..ومابغا خالد يفوت هالفرصة اليوم..موزة قريبه منه..واللي فخاطره بيقوله..بس عقب استحى على ويهه وتلوم لان صورة منصور يت فباله ..وموزة كانت مرت اخوه..
دخل خالد حجرة سعيد..وسارت موزة الصالة..تيلس ويا الحريم..
خالد فحجرة سعيد لبس الكندورة اللي تنقتها موزة..ااه فديتها...وتم يشم ريحة العطر اللي اختارته..فديتها ذويقه هههه...خالد جدام المنظرة يعدل غترته..وعقب حصل ورقة صوب الكمبيوتر..شل خالد الورقة..ويلس يدور قلم...وكتب فالورقة..

معجب انا برمشك وباهداب عينك...اسلوب راقي وابتسامة ولطافه
شفاف طبعك تنقرى من جبينك...وقلبي يدون لك بخطه اعترافه
من قبل اشوفك قبل اسمع انينك..قبلك يمر لعمر فيني واعافه
ماكنت اظن في يوم باشوف زينك..تحيي القلب من بعد موته وجفافه
كسرت باسلوبك ولطفك ولينك..كل الحواجز كل ذيك الكلافة
واليوم اسال عنك اليوم وينك..قرب واسكن قلبي ولاتخافه
اقبل علي وهات فرحة سنينك...انسى المرارة والالم والحسافة
وخذ كل عمري رهن حطه بيدينك ..لانك ربيع القلب وآخر مطافه

خلص خالد لف الورقة وحطاها في جيب كنتدورته اللي انجب عليها الشاي..وكان واثق ان موزة بتقرا الورقة..وماعرف شو اللي خلاه يكتب هالقصيدة..وشو اللي خلاه يغامر..وخلاه واثق ان موزة بتقرا الورقة..مب اي حد ثاني..
شرب خالد شاي وترخص منهم...وسار يتمشى بسيارته ..وطبعا فكره كله بموزة..
وعقب يوم روحت ام منصور اللي مر عليها ولدها خميس ياخذها..
سارت موزة حجرة سعيد وشافت كندورة خالد عالسرير..ربعت صوبها شلتها وسارت حجرتها من غير ماتخلي حد يشوفها..ويلست تشم ريحة الكندورة..ااه فديته وفديت ريحته..نبشت موزة جيبه وحصلت الورقة...استغربت ويلست تسأل نفسها تفتحها ولا لا؟؟يمكن شي من خصوصياته..ممم بس الفضول غلبها...فتحت الورقة واستغربت انها تشوف قصيدة..يلست تقراها..قرتها فوق العشر مرات..وهيه بعدها منصدمة..خالد كتب هالكلام حقي؟؟هوه اتعمد يحط الورقة فجيب الكندورة ويخليها علشان اقراها؟؟؟انصدمت موزة..خالد كيف عرف انها تحمل شعور له؟وماعرفت كيف تتصرف..استحت من نفسها..وحست انها خاينة كبيرة..وتلومت فنفسها انها توها طالعة من العدة ويالسة تفكر بخالد..نزلت دمعة من عينها..لفت لورقة وحطتها تحت مخدتها..وكان يومها هذا صعب..تفكيرها كله فخالد..خالد..خالد..كأنه ماكان فيه انسان غيره فالعالم..
المغرب اتلبس سعيد وكشخ آخر كشخة لانه مزاجه رايق..وركب سيارته وسار بيت خالد..ضرب هرن..بس محد طلعله..اتصل سعيد حق خالد اللي مارد عليه..سعيد فخاطره هذا شو سالفته لايكووون يقص علييه؟؟ياويله مني..نزل سعيد من سيارته وضرب جرس..وكان واقف ورا الباب يعني اللي فالبيت مايقدرون يشوفونه..سمعت عنود صوت الجرس وسارت عند الباب تتحراه راع الدكان..وانصدمت يوم شافت سعيد..عنود كانت كتكوتة وصغيرة..يعني تبين اصغر عن سنها بثلاث سنوات..
سعيد على هالاساس كلمها.
سعيد:سلام عليج حبوبة...وين خالد؟

عنود:ها؟؟!...خالد؟؟ممم.للل.ل. لحظة..بس بس بسير اشوفه..

سعيد وهوه مستغرب:انزين حبوبة بسرعة..
عنود دشت داخل وهيه منصدمة من الحلوو اللي كان عند الباب يرمسها..اول مرة فحياتها توقف تكلم واحد..وتبادله كلمة..
خالد كان نازل توه من الدري..وعنود شافته بس ماقالتله شي..خالد سار وركب ويا سعيد السيارة وساروا بيت جمال..وسعيد ماياب طاري اخته..
وصلوا الشباب بيت جمال ..بركن سعيد سيارته داخل البيت..وقربتبهم ام جمال..وكانت عذيجة تراقب من حجرتها كل شي..
جمال كان فحجرته ماسك قلم ورقة..يكتب شي..خالد وسعيد دخلوا عليه عقب مادقوا الباب..بس جمال بين عليه انه ماسمعهم..
خالد:هووود.هوود..السلااام عليكم

انتبه جمال..رفع راسه عن الورقة اللي خشها تحت المخدة علطول..
جمال صد صوب سعيد..:عليكم السلام..

خالد:اشحالك جمال..؟

جمال:مثل ماتشووف..حالي مثل ماهوه..مافي شي اتغير..

سعيد:ان شالله بيتغير للاحسن..

جمال:مافي فايدة..

سعيد:منو قص عليك وقال هالكلام؟

جمال:انا اعرف..

سعيد:لا انت ماتعرف..ماشفت مايدالمهيري اللي سوا العام حادث فبوظبي دعمته شاحنة..مب انشل؟..شي اسمه ريل ماصار عنده..سار المانيا واتعالج..والحين مركبله ريل صناعية..وانت مجرد انك ماتقدر تمشي تقول هالكلام..عيب عليك جمال..استو ريال..وخل ايمانك بربك قوي..دام ان ربك وياك مابيصير الا الخير..

جمال تم ساكت يفكر بكلام سعيد..حس خالد ان كلام سعيد واسلوبه اثر شوية فجمال بس جمال مايبا يبين انه مقتنع علشان كبريائه بس..

بس خالد عرف..انه فقلبه وافق..

سعيد:جماال.فكر..مابتندم..سير جرب حظك..اذا نجحت العملية تمشي..واذا مانجحت خلاص ترضى باللي انت فيه..

خالد:صدقه سعيد..يلا جماال ارجوووووك...وافق...التقارير جاهزة..

جمال:انزين واذا سرنا كم بنتم هناك؟

خالد:اسبوعين او ثلاث لين ماتتحسن تقريبا..

جمال:ااه..شو اقولك..ممم يلا على الله..نسير نتعالج ونشوف..بس ماقلتولي وين؟

خالد:بنسير امريكا..

جمال:امريكا مرة وحدة؟؟

خالد:هيه..خلاص ان شالله..انا وانت وسعيد..

سعيد:انا صراحة مادري..خلوني اشوف اوضاعي..

خالد:خلاص انت شوف وقولي...
كان خالد وااااااايد متحمس ومستانس ان ربيعه اخيرا وافق عالعملية والسفر برع.
عذيجة كانت نازلة من حجرتها ويلست تدور امها فالصالة بس ماحصلتها..سارت المطبخ تدورها وحصلتها تسوي شاي وقهوة..
عذيجة:اميه انتي هنيه وانا ادورج..

ام جمال:ها الغالية شو بغيتي؟

عذيجة:ماشي بسولف وياج..منو عدنا؟(تستعبط)

ام جمال:خالد العامري ربيع اخوج وواحد فنان وياه مادريبه ولد منو..

عذيجة من سمعت اسم خالد سرحت لبعيد.. خالد عدنا اخيرا من متى اترياك.اخيرا انت قريب مني ياللي كنت افكر فيك وانت بعيد عني...سارت عذيجة حجرتها وتعدلت عالسريع.
وطلعت ورقة صغيرة وكتبت فيها شي عالسريع..ولفتها بسرعة وطلعت يوم طلعت من حجرتها سمعت صوت امها وصوت رياييل طالع من حجرة جمال.علشان جيه ..سارت بسرعة صوب سيارة سعيد..وعند مقبض الباب اللي يلس فيه خالد خشت الورقة تحتها علشان ماتطيح..ويوم خلصت سمعت عذيجة صوت حد ياي من وراها..توترت..وماعرفت شو تسوي تشرد ولا تم مكانها..عذيجة ربعت بسرعة تبا تدخل داخل البيت بس باب الصالة انفتح وطلع منه خالد..ووياه سعيد..نزلت راسها عقب ماعطت خالد نظرة سكتته مالاحظها سعيد.اللي كان يرمس ام جمال عن سفرة ولدها اللي بيسافرها
ام جمال:عذوووج..شو تسوين هنيه..يلا دشي داخل

عذيجة:ان شاللله..
واتعمدت عذيجة وهيه داخلة تتقرب من خالد..وتمت دايخة من ريحة عطره اللي تجنن ..وسرحت فوسامته..كان خالد جذاب بطبعه..حلو الطباع..وعذيجة كانت ماتعرف كيف تتصرف وياه..لانها اتخبلت عليه..حست فلحظة بالندم على الورقة الصغيرة اللي حطتها بس عقب قالت برايه..يقراها ويصير اللي يصير..سعيد وهو ماشي حذال خالد سايرين صوب السيارة..
سعيد:منو هاي البنت ؟

خالد كان حاس ان سعيد يعرف انها اخت جمال بس حب يسال علشان اييب طاريها..ولانها جذبته بجمالها..
خالد وبدون نفس:اخت جمال..

سعيد:هيه ماشالله عليها..حليوة..

خالد:هيه..ووصلوا صوب السيارة..بس شو بيستوي..؟شو مكتوب فالورقة؟؟وكيف بتكون السفرة؟؟وشو بيسوي سعيد فبوظبي؟؟بيسير ولا لا؟وشووو مشكلة عنود اخت خالد؟هذا ان شالله تعرفونه في جزء يديد

يااااااااااااااااي واايد احداث حلوة صااارت
تسلميين يا دمعة بريئة

بلييييييز لا تتاخرين عليينا ببقاي الاجزااء
متشوقة ابى اعرف شو بيصييير

[glint]مرحبا بنات انا آآآآآآآآآآآآسفه جدا على التأخير وشكرا على تفاعلكم مع القصص الي نزاتها والف شكر للاخت قلب شفاف الي ما قصرت معي وانا فعلا كنت بمتحن بس للاسف ماامتحنت الاثلاث مواد لان الوالده عطتكم عمرها والان انا برجع استعد عشان امتحن المواد الباقيه والي هي 8 مواد واعولي بالتوفيق والسموحه مره ثانيه تقبلوا تحياتي[/glint]

الجزء الثالث عشر

عنود يالسة ويا ميرة فالصالة وميرة مندمجة ترقص حاطة على قناة روتانا..
وعنود يالسة متضايجة..وفجاة اختفت عنها..وميرة مالاحظت هالشي الا يوم خلصت رقصتها...ميرة مستغربة..وين سارت هالغبية؟؟!
قامت ميرة تدور عليها فحجرة حجرة لين ماحصلتها فحجرة امها تعابل باغراض امها صوب التسريحة..
تقربت ميرة..
ميرة:عندووووووووة...انتي شوو تسويييين؟؟؟

عنود:اوهووو مايخصج..بس اميه ماعندها رووج واحد عالاقل..اف..شو هالحظ..

ميرة:روووووج؟؟حق شووو؟؟ومن متى؟؟؟

عنود:مممم مادري بس فخااطري احط رووج..ابا اجرب..

ميرة:بس اميه تقووووول منقووود البنيات الصغار يحطن من هذا..

عنود:انزين انا مب صغيرة..بلاكم عليه كل حد يشوفني يتحسبني ياهل..اف..انا حرمة وعمري 15 وبدخل ال16 عقب شهرين مب ياهل فاهمة..

ميرة:هههههه ياهل من طولج وحجمج...ههه وحليلج..

عنود:اتصدقين توه ربيع اخوية خلوود كان واقف عند الباب وطلعتله على بالي راع الدكان واتحسبني اخت خالد الصغيرة...قهررررر..بس شوو حلووووو هالولد خبلني

ميرة:هههههههههههههههه وحليلج..

عنود حرجت:ميرووة الدبة مايضحك اسكتي اسكتي..

ميرة:اوهوو بسير اكمل رقص احسلي..
وهنيه تدخل عليهن ام منصور..
ام منصور:غربلااااات عدوكن شو يالسات تسون هنيه..؟

ميرة:هههههه اميه اميه هاي بنتج عندوووة تدور روج..

عنود اطالعت ميرة بنظرة فهمتها انها يالسة تقولها وين بتسيرين عني اليووم.

ميرة..ههه..شردت من الحجرة..وعقب مانهزبت عنود وسمعتلها محاضرة فنانة طلعت من حجرة امها..عنود حرجت يوم شافت ميرة يالسة ترقص واتذكرت اخوها منصور..
سارت بسرعة وسكرت التلفزيون..
ميرة:ليييييييييييييش احب هالاغنية..

عنود:يالخبلة...الله يسامحج بس..ماكملنا سنة على وفاة منصور وانتي يالسة تترقصين فالصالة...صدق قليلة ادب..وماتحسييين..

ميرة تمت صاخة ومانطقت بكلمة..وعنوود اللي اتذكرت اخوها منصور سارت حجرته اللي ما كانت مقفولة وسكرت على عمرها وتمت تصيح..لانها مارامت تطلع دموعها جدام اختها الصغيرة..
دخلت ميرة عليها وعقب ماصاحت وياها يلست تراضيها..
ميرة:خلاص عنودة حبيبتي..امسحي دموعج..

عنود:ماقدر يا ميرة..اشتقتله وايد..

ميرة:حتى انا والله..بس الله خذاه منا..شو نسوي.
وتمن على هالحال..لين ماهدت شوية عنود وطلعن من حجرة المرحوم.

خالد وصل عند السيارة وحس بورقة تطيح فيده..وارتبك..لاحظ سعيد ارتباكه.
سعيد:خالد..شو بلاك؟

خالد:ماشي..
سعيد عقد حواجبه وركب السيارة مستغرب من خالد..
خالد خذ الورقة وحطها فجيبه من غير مايفتحها..وبسرعة علشان سعيد مايلاحظ..بس عذيجة اللي تراقب من حجرتها لاحظت..
يوم وصل خالد البيت..نزل وسار علطوول حجرته ذابحنه الفضول يبا يعرف شو فالورقة بس اندق باب حجرته اول ماحط ايده فجيبه ياي يطلع الورقة ..وسار خالد يفتح الباب..
وكانت امه واقفة عنده..
ام منصور:فديتك خالد اباك فموضوع يوم بتخلص تعالي الحجرة اباك فيه..

خالد:ان شالله...
بدل خالد ثيابه وسار عند امه اللي كانت يالسة فحجرتها..سلم ودخل

خالد:ها الغالية شو عندج من المواضيع..؟

ام منصور:خير لاتخااف..بس ابا اسمع اخبارك..

خالد:ماعندي اخبار..بس..اخيرا جمال واقف انه يسافر للعلاج وان شالله بسافر وياه وسعيد الفلاسي امريكا الاحد هذا..

ام منصور:زين زين..يستاهل..تروحون وترجعوون بالسلامة ياربي..انزين خالد على طاري سعيد الفلاسي..شو رايك فالريال.

خالد:خوش ريال ماشالله عليه..

ام منصور:هيه ماشالله.عيال ناس كلهم من اكبرهم لين اصغرهم..خالد غناتي..؟
وحس هنيه خالد ان امه عندها موضوع كبير..

خالد:هلا الغالية..آمري..

ام منصور:فديتك انت تعرف انه فخاطري اشوف عيال عيالي من زماان ويوم اخوك منصور الله يرحمه..

خالد:الله يرحمه.

وكملت ام منصور:يوم بغا يعرس استانسنت قلت اخيرا بشوف عيال عيالي..بس الله خذاه منا.والحين اخاف ربي ياخذني منكم..خلاص الحين انا حرمة كبيرة فالسن..

خالد:اميه شو هالرمسة بعد؟فال الله ولا فالج....بعدج شباب لاتخافين..شوفي شحلاتج

ام منصور:ههه..لاصدق فديتك..المووت حق..وهوه جيه ولا جيه بيي اليوم اللي بغيب فيه عن الدنيا بس ماعرف متى..غناتي..اللي اباه منك هوه انك تعرس..ابا اشوف عيالك.

خالد تمت ساكت منبهت من طلب امه..تباه يعرس؟؟يعني اكيد بتدورله حرمة..حرمة غير موزة؟؟؟لالالا مابا مابا..خالد كان حاط فباله انه مايعرس قبل لان موزة خذت اخوه بس الحين موزة ارملة منصور يعني يقدر ياخذها..ليش لا؟؟بس بتيه الجرأة انه يقول لامه هالكلام..

ام منصور:فديتك خالد..شوف انا اول يوم فكرت بهالشي قلت بخليك تاخذ موزة مرت اخوك الله يرحمه..

خالد:موزة؟؟وكان يقولها من صدمة الفرح...

ام منصور:هيه بس عقب غيرت رايي..

خالد:غيرتي راييج؟

ام منصور مالاحظت ان ولدها اهتم بالموضوع يوم يابت طاري موزة؟. وكملت.
:مم انا قلت موزة هيه بس غيرت رايي...صح بنت ناس ومحترمة بس قلت ادورلك وحدة تليق عليك..وحدة ثانية..موزة كانت من حظ منصور وانا متاكدة انه الف واحد بيي يخطبها لانها بنت ناس وعرب وماشالله عليها مب ناقصنها الجمال..وانت من باجر بيلس ادورلك على حرمة..

خالد من الصدمة ماقال اي شي..وطلع من حجرة امه عقب ماخلصت من رمستها وهوه حاس بالغصة بتجتله.
يعني هو كان حاط فباله انه بيخطب موزة وتي امه تقوله انها ماتبا موزة لخالد..بكل برود..هاي ماتحس؟؟ياناس ياعالم منو بيفهمني لمرة بس...مرة فحياتي..حرااام..البنت هذي اباهاا..احبها وامووووووت فيها..دش خالد حجرته وصك الباب بالقوووو..من القهر وحليله..وحس انه خسر كل شي..اذا امه ماتباه ياخذ موزة..شو بيسوي..مايقدر ياخذها غصبن عنها...حس انه اذا قال لامه انه يباها بتفهمه غلط ومابتحس فيه..او بتعترض..وهوه مايباها تعترض وينفجر فيها..خاف انه يغلط عليها او يسوي شي بعمره..
طاح خالد عالسرير على ظهره وهوه مغطي عيونه بايده لانه مارام يغلب دمعة عيونه وهوه يحس ان موزة ضايعة منه..ويلس يتذكر كل موقف مر فحياته شاف فيه موزة...يلس خالد يصيح متغصص..
ورن تلفونه فجاة نش خالد من الشبرية وسار صوب كندورته يطلع تلفونه..وشل خالد تلفونه اللي كان في جيب كندورته وطاحت الورقة بعد من جيبه اللي حصلاها عند قبضة الباب..مسك خالد الورقة في قبضة ايده
رد خالد وكان سعيد المتصل
خالد:الو.

سعيد:الو..هلا خالد..

خالد:اهلين..
مالاحظ سعيد التغير فصوت خالد اللي كان خالد يحاول قد مايقدر انه مايوضحه..

سعيد:خالد اسمحلي عالازعاج بس حبيت اسال نحن متى بنسافر امريكا ..لاني ساير بوظبي باجر وناوي ارجع بالجمعة..

خالد:لابرايك سير..لانا بنسافر بالاحد ان شالله..

سعيد:الاحد..وااايد زين...خلاص عيل خلوود برايك..مع السلامة

خالد:مع السلامة..

خالد سكر عن سعيد..ويلس يطالع الورقة اللي فايده..من منوو؟؟
يلس خالد بهدوء على سريره وفتح الورقة شوي شوي..كانت صغيرة وملفوفة عدل..
عقب مافتحها خالد يلس يقراها وكان المكتوب فيها..
"السلام عليك..اعرف ان حركتي هذي وقحة يا خالد..بس انا انسانة اضطريت اسوي هالشي لغرض..وصدقني اني بنت شريفة لو ماكان شي ضروري ما كنت بحط الورقة علشان تقراها..مافي ناس حولي اشكيلهم..خالد اول ماتقرا الورقة طرشلي مسج وطمني او اتصلي ..الله يخليك لاتفر الورقة بدون اهتمام خالد انا محتاجتلك..
وهذا رقمي ######"
خالد يلس يقرا الورقة مرة مرتين ثلاث ومب قادر يستوعب البنت اللي كتبت هالورقة كانت فكامل وعيها؟؟
حط خالد الورقة على الطاولة اللي حذال السرير..وطاح يفكر بوضعه..وبموزة اللي حس ان القدر ابدا مايوقف وياه علشان يوصلها كل مايقرب الظروف تبعده..
ورن تلفون خالد مرة ثانية..خالد اتوقعه سعيد بس يوم شاف الرقم ماعرفه..كان رقم غريب.
خالد وبدون نفس وكان الضيج مبين فصوته.:الوو..نعم؟

:الو..مرحبا..شكلي ازعجتك؟..انا اسفة بس حبيت اتاكد من شي..

خالد من سمع هالكلام عرف ان اللي متصله اخت جمال صاحبة الورقة..
خالد تم ساكت..وعذيجة اللي كانت متصلة عرفت انه مابيرمس وكملت..
:انا من يوم طلعت وانا يالسة اتريا اتصالك يا خالد..اسمحلي اني انا اللي اتصلت بس كنت احاتي..انا اعرف انك شليت الورقة..ومتأكدة انك قريتها صح؟

خالد ببرود:...صح..

عذيجة:مم..والله ماعرف شو اقولك..بس..صدقني خالد..اللي صار كان..

قاطعها خالد:اختي ماصار الا الخير..

عذيجة تسوي عمرها بريئة:لا صدقني كرهت نفسي من الحركة اللي سويتها..صدقني خالد ماعرف شو اللي خلاني اضطر اسير غرفة جمال واخذ تلفونه واطلع رقمك..احس اني فيه شي يشدني لك..احس اني محتاجة اكلمك..

خالد:اختي ..انتي..

وقاطعته:عذيجة ياخالد..اسمي عذيجة..

خالد سكت شوية وعقب:عاشت الاسامي عذيجة..بس انتي تعرفين ان اللي سويتيه غلط..شو الفكرة اللي حطيتها فبالي عنج؟؟

عذيجة اتلومت وحاولت انها تغير الفكرة اللي فبال خالد باسلوب كلامها الحلو...
عذيجة :والله ياخالد..من ذاك اليوم اللي شفتك فيه فالمستشفى وانت فبالي..صدقني من متى كنت اتريا الفرصة علشان اشوفك مرة ثانية واحاول اتقرب منك..باي طريقة..ويوم شفتك ييت بيتنا قلت مافوتها..وكتبت الورقة فلحظت طيش..احس بالندم..لحظات..ولحظات احس اني ماسويت شي غلط لاني محتاجة انسان مثلك عاقل يسمعني..صدقني..

خالد حس بانه غبي بس حس فنفس الوقت بالفضول يبا يعرف عذيجة شو عندها..

خالد:انزين يا عذيجة..اتفضلي اشكي الحال..وكلميني اذا كنت محتاجة انج اتكلميني..بس اسمعي..توعديني انه يكون اخر اتصال بينا.

عذيجة بانفعال:ليييييييش؟؟ليش خالد.لا الله يخليك لايكون مضايجتنك بشي؟؟

خالد:لا لا..بس لانج اخت ربيعي وكيف تبيني اكلم اخته.!!ولا انتي نسيتي.؟.اعتبره نوع من الخيانة مب حلوة فحق جمال اللي طول عمره ماصدرت منه حركة ضايجتني من ناحية العرض..مافكرتي بهالشي..

عذيجة:خالد ارجوووووك انسى اني اخته..بليييييز..اترجاك..

خالد:عذيجة..هذا اكبر غلط..سمعيني..انا قلتلج تكلميني ويكون اخر اتصال ومن بعده تنسيني وانساج..

عذيجة قررت انها توافق بس توعدت لخالد فخاطرها انها ماتهده مهما كان(يعني بتلزق فيه)..
يلست عذيجة تيب مقدمات لكلامها يعني تحاول تطول الاتصال قد ماتقدر..
وخالد كان يسمعها بس يحس بالذنب ..حس انه يلعب بمشاعرها مع ان المسكين ماسوى شي..
عذيجة ملت من سكوت خالد..
عذيجة:خالد؟؟تسمعني..؟

خالد:وياج وياج الغالية..
وهنيه من سمعت عذيجة كلمت الغالية صدقت عمرها..يعني حست بعمرها مشت خطوة للامام لخطتها اللي مدبرتنها...وخالد مايعرف ان عذيجة حاطة مخططات فراسها..وانها ماخذتها بعفوية
عذيجة:خالد..تعرف ليش انا اتصلت..؟

خالد تم ساكت ..

عذيجة:لاني محتاجتلك..انت بالذات..انا يوم شفت حنيتك تجاه اخوية وطيبت قلبك اللي لاحظتها يوم كنا فالمستشفى قلت فخاطري هذا الانسان اللي انا محتاجة انه يسمعني..انا انسانة طول عمري عايشة مثل مابا ..كل شي اباه عندي..اهلي واخوية ماقصروا ويايه.بس انا حب ..حنان..كلمة حلوة ماحصلت من عندهم..كل واحد عايش بحاله..ومايخصه بالثاني..طول عمري كنت احس بالنقص مع انه اي شي فخاطري عندي وغيري من البنات مايقدرن يحصلن كل اللي عندي..بس خالد..اتمنى انك فهمت اللي اباه.خالد انا محتاجتلك..والله..

خالد تم يفكر بالكلام اللي قالته عذيجة..صدق هذا اللي تحسه عذيجة؟؟وعلشان جيه اختارتني انا وحطتلي الورقة..معقولة؟..احتار خالد..وماعرف كيف يتصرف هوه ماصدق يتخلص من امل تظهرله عذيجة..وموزة الانسانة الوحيدة اللي دق قلبه لها ماقدر يوصلها..الله يعلم بعد اذا قرت القصيدة ولا لا؟؟سبحان الله احط ورقة حق وحدة احبها ..تي وحدة وتحطلي ورقة فنفس اليوم...بس ماحبها..ياخوفي من حالي اذا موزة ماتحبني..الله يعيني عالحب وعلى الدنيا..انا يبالي كف ينسيني كل هالحب والاوهام..لكنها للاسف مب اوهام..للاسف..

تموا الاثنين ساكتين..ولا حد فيهم تنطق بكلمة لا خالد ولا عذيجة..لين ماقرر خالد انه يتكلم..
خالد:عذيجة..انا..والله ماعرف شو اقولج.

عذيجة:من غير ماتقول خالد..يكفي انك سمعتني..وتمت عذيجة تصيح..
غمضت عذيجة خالد..خالد اللي تعود انه يشل عن الناس همومهم..ليش مايمد ايده يساعد هالبنية..خالد ماكان يحب يزعل حد..وماماقدر يخلي عذيجة اتم على هالحال تصيح..وحاول يراضيها..
خالد:عذيجة..دموعج غالية..لاتصيحين...مافي شي يسوى يخليج تهدرين دموعج عليه..

عذيجة بعدها مكملة صياحها..
خالد:عذيجة ارجووج علشاني امسحي دمعت عينج فديتج..

وهنيه..شقت ابتسامة حلج عذيجة بالرغم من دموعها ..كانت تصيح ومبتسمة فنفس الوقت..بس خالد ماحس بهالشي..وكيف يقدر يحسبه؟..
عذيجة بعد ماهداها خالد كلمته شوية وبندت عنه ..على اساس انها اخر مكالمة بس عذيجة ماكانت حاطة فبالها هالشي..باي طريقة بترد تتصل..واللي تباه بيصير.

اليوم الثاني ..الصبح الساعة ثمن نشت موزة من نومها وعقب ماطلعت من الحمام وكانت لافة شعرها بمنشفة بيضا صغيرة انتبهت للورقة المحطوطة على الكومدينة حذال السرير..عرفت شو هالورقة..وعلطوول سارت صوبها ويلست عالسرير تقراها..وتشمها تتذكر فيها خالد..وهنيه ينتفتح باب الحجرة عليها ..فجت موزة عيونها يوم شافت سعيد واقف عند الباب ..
موزة خشت الورقة تحتها على طوووول..
موزة:سعيد..ماترووم تدق الباب؟؟؟

سعيد:لا ماروم..موزووة...شو هالورقة اللي خشيتيها؟؟

موزة:اي ورقة؟؟ماشي ماشي اوراق..اطلع برع..

سعيد اتقرب منها..:موزة طلعي الورقة ابا اقرا اللي فيها..

موزة:سعيد..لا..مايخصك..
حست موزة انها متوهقة..وماعرفت شو تسوي..ويوم حست موزة ان سعيد حرج قالت فخاطرها ليش ماطلعها..اصلا انا ليش خايفة..هوه مابيعرف انها من خالد..وطلعت موزة الورقة ..سحبها سعيد عنها ويلس يقراها..وموزة تطالعه زايغة..
وحليلها من برائتها مارامت تتصرف بكل ثقة..يلست تفكر ..لو ان حصة هنيه جان ضربتها على غبائها.ولو كانت حصة فموقفها جان ماخافت ..بس هيه غير عن حصة..
سعيد عقب ماخلص:موزووة...شو هالورقة؟؟

موزة:ها؟؟ليش تسالني تراك قريتها..

سعيد:هيه..قصيدة..

موزة:هيه ادري..

سعيد ضربها بالورقة على راسها ضربة خفيفة..:مالت عليج..قلت شي..اندوج ها..
وناولها سعيد الورقة وطلع من الحجرة..حمدت موزة ربها ان خالد ماكتب اسمه او شي تحت الورقة ولا كانت بتتوهق..
سار سعيد صوب الصالة ..عند امه وابوه..وشافهم يالسين يتقهويون..
سعيد:السلاااام عليكم...

الام والابو ردوا السلام.

سعيد:امييه..وابووية..فديييييتكم...

ام سعيد:خير؟؟شو عندك؟

سعيد:ههههه ماشالله عليج..ماشالله عليج..ههههه تعرفين ان ولدج الشيطان عنده شي..

ام سعيد:هيه ادريبك..

سعيد:امييييه تراني ناش الصبح يوم الخميس مب علشان شي الا وهو اني بسير بوظبي داار الظبي..

بو سعيد بدون اي اهتمام وهوه يقرا الجريدة:الله يحفظك.

سعيد:هههههه بس؟؟ماتوصوون بشي يعني..

ام سعيد:لحظة لحظة..مووليه مب معبرني...سعوود اشعنه ساير بوظبي..قر فدبي احسلك..

سعيد:امييه ضروري بسير بوظبي..تعرفين اني مب راعي حركات ولعب..بسير ويا حمد هناك بنقضي شغلة وبنرد باجر المغرب ان شالله..

ام سعيد تمت معترضة وبو سعيد مب مهتم لانه حاط فباله ان سعيد ريال ويعرف يتصرف..وخاصتن انه متزوج حاليا ليش يتدخل في اموره الخاصة...
بس ام سعيد عكس بو سعيد لانه قلبها نغزها وماكانت مرتاحة من سيرة سعيد لبوظبي ماكانت مقتنعة بس مارامت تمنعه من السيرة ريال طول وعرض تقوله ماتسير.استحت يعني..بس اتمنت لو يكون فيه اي شي يخرب عليه السيرة ويلست تدعي فخاطرها انه يغير رايه..
ورن تلفون البيت ذيج اللحظة..سارت ام سعيد ترد عليه..ومن شاف سعيد الابتسامة اللي على ويه امه والتراحيب سار صوبها يبا يعرف منو هيه يالسة ترمس..
سعيد:امييييه منو ترمسين؟؟

ام سعيد:ههه ام منصور فديتها..

سعيد:ام منصووور هيه..

ويلس سعيد عالغنفة يطالع امه..واتململ الريال ..ولاعت جبده من سوالف الحريم ويلس يفكر وية وسرح عن سوالف امه....وحط راسه على ريل امه يترياها تخلص..
واول ماخلصت ام سعيد صدت نزلت راسها تطالع سعيد..
ام سعيد:سعوود..ترا خميس العامري بيي بيت امه ومسوين عزيمة غدا..وعازمينك.

سعيد:هييه وحليلهم..اكيد زعلوا يوم عرفوا اني بسير بوظبي هه صح؟

ام سعيد:هههه لا طبعا قلتلها انك بتيهم..بعد وايد زين علشان توديلهم العصيدة اللي بسويها..

سعيد:شوو انا مواعد الريال وتبيني اتم فدبي علشان عزيمة..وشوو مناسبتها؟

ام سعيد:خميس وحليله تقولي امه حصل ترقية فشغله فهو ياينهم البيت وهيه عزمت كمن ريال ايي يتغدى عندهم..

سعيد:امييه مب وقته الله يخليج..مايرومون ياجلون هالعزيمة..

ام سعيد:لا..بتسير يعني بتسير..

بو سعيد حط الجريدة حذاله عقب ماخلص منها..

بو سعيد:انزين انتي ليش ماتخلين الولد على راحته؟؟توج موافقة..

ام سعيد:هيه ماكان عندي اي مانع...بس من عرفت بالعزيمة..غيرت رايي ..شو يعني ماايستوزي وابيوة؟

بو سعيد:هههه مادريبج..مايخصني فيكم..

سعيد نش من مكانه واعتدل فيلسته وجابل امه..

سعيد:اميه الله يخليج مب حلوة مواعد الريال انا وعاطنه كلمة..ماحب اخلف بكلامي وانتي تعرفين..واكبر دليل اني غصبت موزة على منصور لاني عطيته كلمة..

ام سعيد:ادريبك..بس انا بعد ماحب اخلف بكلمتي وانا قلت حق ام منصور انك بتيهم البيت وبتيلس ويا خميس وحليله الريال..

سعيد فقد الامل..وطلع برع الحوي يتمشى وظهر مبايله من جيبه واتصل بحمد ربيعه..
سعيد:الوو حمد؟؟

حمد:الو..مرحبا..هلا سعيد..

سعيد:اهلين..اشحالك..

حمد:بخيير بخيير..