الله يخليكم ساعدوني وبدعي لكم

انا الصراحه مع ابوك ... لا تاخذ مني موقف ... ابوك رافض لانه فيها عرج أسود ... نحنا عرب وتهما هالامور خصوصا في الامارات ... تبا باجر ولدك ايي أسود ... ويعايرونه عيال اخوانك وخواتك وانته عارف المعاير عندنا ببيزه ... وبعدين هذا الي تقول عنه حب ... مش حب ... بيزول مع اول مشكله بينك وبينها وانتوا في بيت واحد ... فكر بمخك ... الرسول وصاكم انتتخيرون لنطفكم ...

فكر بعقل انته ريال والف الي تتمناك ...


الله ييسر امورك ... ويسعدك

لا تعصي والديك وتعزر عليهم تراهم يبون مصلحتك ... وبعدين منوا الي قالهم ان هالعايله الي تبا منهم انته فيهم عرج اسود ... انا من الامارات ... طرشلي على الخاص اسم العايله وانا بقولك كان فيهم عرج وإلا ...


الريــــــــــم

انا بعدني صغيره و ما ادري اذا نصيحتي بتنفعك ولا لا بس انته جرب
سو عمرك مرررره تعبان و طفران من الدنيا و راو ابوك وامك ان نفسيتك تعبت و ما اضني انهم بيرضووون انك اتم على هالحاله و اكيد بيوافقون على البنت الي تباها و انا بدعي انهم يوافقوووووووون و اذا عرستوا اعزمني على العرس ... ان شاء الله اهلك يوافقون يااااااااارب

السلام عليكم

هلا اخوي مضايج

وان شاءالله تنفك كل ضيقة من قلبك


لكن فيه شي لازم تعرفه وترضى فيه

الأمــر الواقع


ربي كتب لك ما تعيش معاها خلاص
ربي كتب هالشـــــي

أنا بقول لك شتسووي

أول شي : سو نصايح البنات ,, وسو روحك تعبان ونفسيتك مو كلش
وخلهم يحسوون يعني شوي

ثاني شي : لو مانفع صل الاستخارة
ويمكن اخوي انه ربي يبي يبعدك عن شي مو زين راح يصير لك

انت ما تدري ؟؟ يمكن

ثالث شي : حاول تنساها .. وعيش حياتك , خذ لك وحدة من أهل ونسب وطيوبة
تنسيك همومك
وصدقني راح تنسى كل شـــــــــــــــــئ


عموماً
أتمنى أفدتك ولو بشي بسيط

الله يوفقك .. وينول لك اللي في بالك



أختك في الله

امممممممممم انت قلت انه خبر انه فيهم عرق اسود اشاعه وانه مب صح


وانه انت عندك اثباتات

اوكي حاول تيب صورة ابوها مثلا وتسير عند الوالد الله يطول بعمره ويهديه وعاد يكون وقت

الشيبه رايق وتراويه الصوره .. عاد انته تسوي عمرك تتخبره اذا يعرف هالريال او قد شافه

عقب قوله هذا من قوم فلان .. وعاد هو بيشوف لونه وانه مافيه عرق اسود ولا شي ... عقب كلمه

طشوووووونه عنهم وعقب قوله ترا هالريال ودي اناسبه واخذ بنته من عقب موافقتك طبعا وبغيتك


تسير تخطبها لي ومن هالكلام وياااااااااااااااارب يوافق ويقتنع ..الله يوفقك

الله يجمع بين كل عاشقين حبوا بعض واخلصوا النيه ولا يفرقهم

قولوا اميييييييييين :sad:

لاحول ولا قوه الا بالله

الله يكون بعونك واذا البنت كانت من نصيبك فاكيد بتاخذها صلي الاستخاره والله يتمم لي فيه الخير

مشكوووووورين كلكم على الردود والله يعطيكم العافيه ويارب يحقق كل امانيكم تسلمون والله


كل اللي قلتوه جربته بس ماشي فايده حتى سالفة اني اسوي عمري تعبان ومريض سويتها بس ماكنت امثل انا صج تعبت ومرضت بس منو يحس؟؟؟!!!!!!!!

البنت انا اباها ومابا اخذ غيرها افضل اتم عزوبي ولا اخذ غيرها..ومابا اظلم اللي باخذها لاني اعرف مابقدر اعيش وياها وبطلقها..

المشكله انهم مافيهم عرج وهم من قبيله معروفه وينعرف انه مافيهم عرج..بس منو يحس؟؟؟؟ وانا متأكد ان الوالد يعرف بس هذي حجه عشان ما اخذها..لان من البدايه رفض عسب انه مايعرفهم

وتسلمون مره ثانيه على النصايح

والله انا حاسه فيك لأن للأسف الشديد هاذي العقليه السطحية و التفرقة العنصرية وبااااء منتشر بالخليج كله

تبي رايي

قوم الليل و ادع ربك من كل قلبك و حاول تبكي عمرك اذا انت بالفعل متمسك بالبنت

و الله يهنيك و يسعدك و يوفقك لما فيه الخير و الصلاح لدنياك و اخرتك



دمتم بود


سارونة

هناك كلمة لوالدك قلها له بكل الطيب...هل انت مسلم..وهل تشهد ان لا اله الا الله محمد رسول..فاذا قال نعم قل هل وهل ترضى بامر الله ورسوله ..وتنتهي عما نهوا عنه فان اجاب نعم قل له لافرق بين عربي واعجمي الا بالتقوى..وقال غربوا النكاح...حتى تختلط وتجدد الدماء..وجعلنا من انفسكم ازوجا لتسكنوا اليها وجعل بينكم مودة ورحمه...عسى ان يشرح الله صدره بهذه الكلمات..ويبعد عنه الوثنيه ولتي كانت تائنف عن الزيجات المختلطه...لانه اذا رفض زوجك منها لهذه السبب يكون عاد للجاهليه والوثنيه..دون ان يدري وحشى له ان يكون كذالك انمكا هو الجهل والخلط بين ما امر الله ورسوله به وما علق بالنفوس من بقايا القبيلة والجاهليه الاولى ..وفقك اله ورعاك وشرج صدر ابيك وامك لك
والله من وراء القصد
اخوك عابر

أخي الكريم .. عابر سبيل

لا يجوز أن نتهم أحدا بالعودة إلى الوثنية أو الجاهلية الأولى

وكون أنك ربما لم تسكن هذه البلاد فلك تفكيرك الخاص بك

والنعرات هذه موجودة عند جميع الجنسيات على اختلافها

لذا رجاءا الالتزام بالنصحية والتي لا تحمل تجريحا لأي أحد مهما كان

وجزاك الله خيرا

bent_palestine:
أخي الكريم .. عابر سبيل

لا يجوز أن نتهم أحدا بالعودة إلى الوثنية أو الجاهلية الأولى

وكون أنك ربما لم تسكن هذه البلاد فلك تفكيرك الخاص بك

والنعرات هذه موجودة عند جميع الجنسيات على اختلافها

لذا رجاءا الالتزام بالنصحية والتي لا تحمل تجريحا لأي أحد مهما كان

وجزاك الله خيرا

اختي بنت فلسطين ان القاء الكلام على عواهنه ..دون ربطه بمقصده وقصده وجوهره منك هو التجريح الذي تطالبيني بان لا اقوم به..وقرائتك السطحية تذلل على تسرع لا اعهده بك..وتجريح منك لي لا ارضاه..والرجاء يوجه لك عودي وتمعني بما قلت لتجدي انني ..اوجه النصيحة للالتزام بشرع الله ..لانه الاحق بالاتباع عن العادات والتقاليد.حتى لانكون مثل الوثنيه الاولى التي كانت تعامل الناس على اساس اللون والعرق وليس على اساس الايمان والالتزام بدين الله وسنة نبيه..
ويبعد عنه الوثنيه ولتي كانت تائنف عن الزيجات المختلطه...لانه اذا رفض زوجك منها لهذه السبب يكون عاد للجاهليه والوثنيه..دون ان يدري وحشى له ان يكون كذالك انما هو الجهل والخلط بين ما امر الله ورسوله به وما علق بالنفوس من بقايا القبيلة والجاهليه الاولى
ولا يجوز ان ان تقوليني ما لم اقل..وتجعلني مجرحا رغم ان كل كلامي ليس به تجريحا..ولا اتهاما كما ترين من النص اعلاه ..لان كلمه الوثيه سبقها والا...

على عكس النعرات التي تكرمينها وتطالبين باحترامها على حسااب تسامح المسلم..وسعه صدرة وقبوله للاخر مهما كانت لونه او جنسيته ..التي يجب ان نحاربها في مجتمعنا المسلم..النقي والمسلم والمحب لكل الناس .
اما ان لم اسكن هذه البلاد فلا يعني ان اجهل ما بها ولا يعني ان تعامليني كاحمق او متطفل علي هذه المجتمعات التي اقدر واحترم..والتي بتنا بعصر الانترنيت نعرف عنها اكثر مما يعرف سكانها..ونعيش معهم كل امالهم ..والامهم
واخيرا هو طلب راي وانا ادليت له براي ان اراده كان به وان لم يريده فهذه عائد له ..ولكن من واجب كل مسلم متى طلب من العون ان يقدمه مادام قادرا عليه..
لذا الررجاء في المرات القادمه ان تردي على صاحب الدعوى وليس عمن لبوا نداءة..
وبالختام لك مني وللاخ السائل كل الاحترام والتقدير
واتمنى اذا وجدت نفسك مخطئة بحقي الاعتذار
عابر سبيل

[CENTER]جزاك الله خيرا على اتهامي بالسطحية

ولن أدخل في جدال لا معنى له

نرجو من الجميع التزام القوانين المطبقة في المنتدى

ونرجو أن نحاول الإدلاء باللآراء المنطقية لصاحب المشكلة لا زيادة المشكلة

وعفوا أعيد لا نحتاج لكثرة الجدال بما لا يفيد

واسمحلي يا أخي الفاضل سيتم حذف كل الردود التي سيكون فيها جدالا لن يخدم صاحب المشكلة ولن يقدم له شيء .. نتمنى الالتزام بعدم استمرار جدال لا معنى له

[CENTER]اخوي ،، مضايق

الله يزيل عنك كل هم وضيج انشاء الله

تعرف شو الي شدني في الموضوع كله

انك ريال ،، ومن الامارات ،، وعندك قلب ،، وتحب باخلاص

يا اخي انت عطيتني امل بان الدنيا بعدها بخير

يعني بعده الحب موجود

سبحان الله

تصدق ،، انا سعيده والله ،، كنت اعتقد بان هالمشاعر الحلوه انتهت موضتها وصارت مال اول

الله يفرجها عليك ويجمعك بالي قلبك يبيها انشاء الله ،، والله ادعيلك من خاطري

اخي عابر سبيل.....

اؤيدك الرأي 100% ...فقد احسنت القول...بعد 1400 سنه و المجتمع الخليجي بعده غارق في مستنقعات الوثنيه....و للأسف ليس فقط كبار السن كذلك....بل حتى الاجيال الجديده!!!!! رحمتك يا رب

همبايه......

والله اني حسيت بنفس احساسج...و ما تعرفين الكم الهائل من الاحترام اللي احمله للأخ صاحب المشكله....لسه الدنيا بخير ...

مضايج..

خلك على صبرك...و اذا لكم نصيب مع بعض ترى محد بيقدر يفرقكم....و بتكون لك مهما طال الوقت...ارجوك طمني عليك اذا جد اي جديد...و ما عليك من اللي يحاول يصرف نظرك او تفكيرك عنها...انت رجل واعي و مدرك و تعرف الصح من الغلط....و اكثر من الاستخاره....ترى لو لكم نصيب الاستخاره بتسهل الامور....

الحين اسكت عن الموضوع وعن الخطوبة لين ما تهدى الامور

واختار الوقت المناسب حتى تفاتح اباك بالموضوع نفسه

مب حلو الواحد اتم ازن واحن وايد على نفس الموضوع

خذ لك راحه