ساعدوني جزاكم الله خيرا

السلام عليكم ورحمة الله وبركاته ..
اخواتي في الله ... حبيت استشيركم في مشكلتي اللي اتمنى انكم تساعدوني بآرائكم لاني بجد تعبانه نفسيا منها ...
اولا انا متزوجه من سنه وخمس شهور...
اعاني من قلة الكلام بيني وبين زوجي وعدم تفهمه لي ..
يعني انا احب انه يكون فيه مساحات من الحوار والنقاش بيني وبين زوجي ..
احب انه نتكلم في اي شئ اي شئ مهما كان .. بس يكون فيه كلام ..
فيه نوع من الحياه ..
هو من النوع اللي يروح الدوام يرجع ينام يروح التمرين .. يرجع اما يطلع عند ربعه او يجلس في المجلس او عند ابوه .. واذا جلس بالغرفه يطالع تلفزيون وعقبها يطلع ...
وبالليل نوم .. مافيه حوارااات ابداااااااا
حاولت معاه بكل الطرق ما قدرت .. احس نفسي انا ثرثاره من كثر ما احاول اطلع مواضيع ...
حاولت اهتم باللي يحبه مافيه شئ يحبه إلا السيارات ..
اساله عن هواياته يقول ما عندي هوايات ..
شو للي تحبه يقول ما احب شئ ...
يعني بجد تعبت ...
يوم قلت له اني محتاجه لانسان يتكلم معاي قالي انتي تعقدين الامور .. تنرفزت قلت له انا نحتاجه لها الشئ وين ادور عليه.. عصب وقالي انا قلت لج لا ترفعين صوتج وطلع من الغرفه ..
تخيلو حول الموضوع .. ما اهتم لي..
ثاني يوم يفاجئني انه بنروح لمكان بعيد طبعا مع اهله ( وكالعاده انا آخر من يعلم بموضوع الطلعه ) بس يخبرني قبل من نروح بساعه عشان اتجهز ....
يا بنات انا تعبت .. احس من ابسط انواع الاحتارم بين الزوجين وحسن العشره اني اعرف عنه ... اعرف عن طلعتنا اقل شئ ..
لدرجه انه بعض المرات اعرف ان احنا طالعين مكان من اهل البيت مش منه ..
وانا آخر من يعلم ..
والمصييييييبه يوم اناقشه ما يتغير بالعكس يزيد ...
صرت بين نارين ..
نار اني اصبر وبها الطريقه انا اضغط على نفسي وانا اعرف اني لو ضغطت على نفسي بنفجر في يوم من الايام وبتصرف بدون عقل ...
او اصارحه باللي يضايقني ويوم اصارحه يزعل وتسوء العلاقه ..
شو اسوي احترت ...
خاطري يكون زوجي انسان يفهمني ...
تنتاقش حول كل شئ ...
نخطط لحياتنا ..
نحل مشاكلنها بعقلانيه ...
هو يعتبرني معقده واعقد الامور ..
ساااااااعدوني شو اسوي ؟؟؟