وصفات جدي....إسالي وجدي يجيب

السلام عليكم ورحمة الله وبركاته جزاك الله خير وجزاالله جدك خير الجزاء والله يتقبل منك ان شاء الله حجك لوسمحت ممكن ارسلك على الخاص ابي وصفات فيه خصوصية وجزاك الله خير.

بارك الله فيج يااموله
والله يطول بعمر جدج يارب
ريحتيني
الله يريحج يارب


وسلمي على جدج
الله يخليه لكم وبلغيه سلااااااااااااااااامي الحار

مشكورين اخواتي

بانتظار استفساراتكم
:smile:

سلسبيل اكيد حبيبتي تفضلي بانتظارك تحياتي لك
:smile:

تقبل الله منج حبيبتي،،


والله يطول بعمر جدج ، :smile:


تصدقين أنا عندي بنت خالة ، من مواليد سنة 2001 يعني عمرها 3 سنوات ، ومشكلتها تقريباً مثل مشكلة بنت ملاذ الحب "الله يحفظها"


تتكلم وكلامها وااايد مقطع ، واذا تتكلم كأنها تتكلم عن وحده غير ، مثلاً اذا تبغي ماي تقول :تبي ماي ،اتوها (عطوها) ماي ،



يعني كأنها تقول عن وحده غير :s2



في حل لمشكلتها ؟

وهي اذا تتكلم ما تكون جمل ،

بعد ضروسها متآكلين ، ووااااايد خفاف ، وأقل ضربه تصيدها على بوزها يطلع منها دم من لثتها


جاوبي عليي يا أموولة الله يخليج ويحفظ جدج :up:

هلا اختي اول شي لاتخافين من مسالة الكلام
لانها تنحل في اطفال يتاخر عندهم الكلام بس اهم شي انهم يقولون كلام حتى لو مقطع
على الاقل تطمني ان ماعندها مشكلة بالسمع
وحتى لما تتكلم عن احد غير مو مشكلة هالاشياء تدركها بعدين
الطفل ادراكه يتفاوت
في شي ثاني انا قلت لملاذ الحب لازم تسمعها قران كثير وتقرا لها اشياء بشكل مركز
يعني مو كلام ناس وفوضى لا
تكوني انت معها بوحدكم وتقرون لها

شي ثاني الضروس المتاكلة معناه عندها نقص بالكالسيوم والحديد
عطيها الحليب الطازج مع السفرجل والتفاح والسبانخ وكل شي تشوفيه يتخير لونه بسرعه الى البني الفاتح معناها فيه حديد كثير وهذي الاطعمة مفيدة
واهم شي ضروسها بعدين لما تطيح اللبنية تكون كويسة يعني الجديدة تكون قوية
اما اللبنية فاطفال كثير تكون متاكلة وتعبانة
:smile:

اموووووووووووووووووووووووووله


هلا والله وغلااا باموووووووووووووووووله ووصفات جدهاااا:D2 امووووووله حبيبتي بغيتك تساليلي جدك المصوووون ابي وصفه تخليني امتن شوي حق يوم عرسي.... انااا ضعيفه وابي امتن شوي ... اسالي جدك عن اسهل وصفه تخليني امتن في ظرف شهرين...





وتحياتي لج وحق يدج:cool2:

السلام عليكم و الرحمه اقول يتبناني جدك :cool2: تراني حبوبه و حلوة و مزعجه


اللبان اللي قلتي عنه لذكاء الطفل هذا العلكه اللي في السوبرماركت ؟؟؟ ولا العربي ؟؟؟


و من وين ايب السفرجل انا اول مرة اسمع عنه يعني اسير الجمعيه و اقولهم سفرجل ولا له اسم ثاني ؟؟


عندي طلب ياليت انتي تشوفين لنا كم سؤال من عندج لجدج حسيتي انهم مفيدين و تحطينهم بخط كبير و ملون عشان نعرف انها معلومة يديدة

و الله يحفظه لكم و يخليه

إذا مافي ازعاج ..

ممكن اتسألين جدك ـ الله يحفظه ويخليه لكم ـ عن وصفة تنعم الشعر؟؟

وأيضا تبيض الوجه .. ويعطيك العافية..
مشكورة حبيبتي :up:
وخذي راحتك في الرد ..مو مستعجلة يعني
جاوبي على تساؤلات البنات المهمات اول.. :up:

[CELL=filter: glow(color=black,strength=16);][ALIGN=center]ان شاء الله باسمعها قران وان شاء الله تتكلم
بس سالت الكثير من صديقاتي قالوالي لاتخافين عليها عااادي في وحده من صديقاتي ولدها لين ماصار عمره ثلاث سنين ونص بدا يتكلم وعااادي والحين ماشاء الله عليه يتكلم عدل بدون تقطيع والحمدلله انه اعيالي بدوا شوي يتكلمون يعني بنتي ماكانت تقول شئ الا بابا وماما والحين الحمدلله صارت تقول ابي ماي
والله يوفقها يااارب



وانا بعد ابي وصفه لتنعيم الشعر

اختي سحاب الامل
انتي قلتي في رد من ردودج انج بتجربين وصفة الموز
هاه ايش نتيجتها
بشريني [/CELL]

شوفي حبيبتي انا عندي مجموعة اسألة لجدك الله يطول في عمره


شنو الشي الي اسويه وانا حامل عشان يطلع الطفل شعره غليظ وناعم؟


شلون نقدر نحدد نوع الجنين يعني اذا كنت ابي احمل في ولد مثلا؟


ابي اعرف كل شي تقدر تسويه المرأه الحامل في فترة الحمل


واذا عنده علاج للاتساع بعد الولاه

ملاذ الحب

حبيبتي انا كنت اشتغل مع اخصائين نطق
يعني الاهل اللي عندهم مشكله و تأخر في كلام ابنائهم يودونهم عند هالاخصائين

اول شي يسألون كم عمر طفلك اذا اقل من 3 يقولج يلا مع السلامة انتي ليش يايه بتسوين من الحبه ابه


يعني الله يخلي لج بنتج ما فيها شي و هيه عبارة عن اختلاف في المهارات و القدرات و انا لاحظت مثل ما قالت اموله ان الطفل اللي اهله يتكلمون وياه وايد حتى و هو عمره يوم و يسمع القرآن يكون ما شاء الله عليه في الكلام :up:



نصيحتي لج كل ربع ساعه كلميها بروحها شوي شوي مب بسرعه كانج تكلمين حد كبير و ان شاء الله و هيه داخله الثلاث تقولين لها سكتي ابوس ايدج ريلج راسج سكتي شوي
ولا تنسين اهم شي القرآن
:D2

نجود

انا عندي موقع بالنسبه لتحديد الجنس بالاكل ما ادري اذا تبينه و بصراحه مب مجربتنه
و بعد فيه جدول صيني يعني يحدد لج عمرج و في اي شهر تقدرين اتيبن البنت او الولد والله ما ادري على اي اساس بس شفتها على 3 من ربيعاتي طلع 2 من 3 صح و وحدة غلط

اذا تبين خبريني بحط لج الموقع

:smile:

السلام عليكم ورحمة الله وبركاته

الله يخلي لك لجدك الله يطول في عمره يارب

ابي أسأل عن تسمين الخدود لأن اختي وجها نحيف مره وجسمها متعافي

وعن اعشاب لتنحيف الجسم بخاصة البطن والأجناب

وعن شد للبشره المترهله والشعر الأبيض

يارب ما أكون ثقلت عليك بالأسئله أموله

jami

ابي الموقع بليييز

نجود هذا الموقع ان شاء الله تستفيدين منه

انا بس قريته ولا طبقت شي

و بالتوفيق

http://go.3roos.com/Myzlv4YeCl8

اول شي نبدا حبة حبة

تبين تمتنين
...امممممم
اول شي دايم كثري من اكل التمر ..حتى الحليب حطي فيه دبس او عسل بدل السكر
كثري من الحليب والفواكه السكرية

وخذي هذه الوصفة
1/2كيلو من بذور الحلبة ثم توضع في وعاء ويضاف ما يغطيها من الماء وعند الغليان يزاح الماء ويبدل بماء جديد ويترك حتى يغلي ثم يزاح وتكرر العملية أربع مرات ثم بعد ذلك تهرس بذور الحلبة ويضاف لها حليب وتوضع فوق النار وتحرك ثم يضاف لها 1/2كيلو دقيق قمح ويضاف قليلاً قليلاً مع التحرك على النار حتى انتهاء الكمية وتتكون عصيدة رخوة ثم يزاح من على النار ويضاف ملء ملعقة كبيرة سمن بلدي ويمزج مع العصيدة جيداً ثم يضاف ملء كوب صغير عسل طبيعي ويحرك جيداً حتى الامتزاج ثم توضع هذه الخلطة في وعاء زجاجي ويحكم إغلاقه ويوضع في الثلاجة ويؤخذ منه يومياً ملعقة كبيرة حتى تنتهي


jami
اللبان هو العلك العربي
السفرجل هذا اسمه ..بشوف لك بالانجليزي شسمه وبرد عليك



سحاب الأمل
ملاذ الحب
للتنعيم لايوجد مثل زيت اللوز +زيت الزيتون (بالتقطير البارد) ولفوائد افضل ضعي معهم حلبة مطحونة
المداومة عليه
تكسب الشعر نعومة غير طبيعية هذا غير فوائده المتعددة

لكن جدي يقول لازم يكون اصلي وليس تجاري..جدي ياخذ من واحد من الحسا يجيبه بنفسه ويقول انه مقطر تقطير بارد وهو افضل شي ..انشالله بجيب لكم اسم العطار

nujood
انا مبطول عليك
الموقع اللي عطتك ايها الاخت تقريبا فيه كل اللي جدي قاله

جدي يقول بالنسبة للشعر ابدا مو زين الطفل يطلع بشعر كثيف لان هالشي يدل على انه بيجعد بعدين احسن شي الشعر الخفيف بالبداية .يعني شعر خفيف (مو بدون لان هالشي معنها الشعر مرة خفيف)
هذا معنها الشعر يكون ناعم وكثيف
الناعم مو معنها يكون مسترسل ممكن يكون متموج على خفيف ولكن ناعم (والسفرجل هو سبيلك لهالشي)

اممممم عشان تجيبين ولد ..الجدول اللي حطته الاخت فيه الماكولات بس هالشي فقط يزيد من احتمال الولد وليس اكيد
وهالامور عند رب العالمين

في فترة الحمل
اهم شي
كلي السفرجل على الريق يوميا
كلي اللبان لانه يزيد من ذكاء الطفل
لو تبي طفلك يكون ذكي وبسرعة يستوعب داومي على قراءة الادعية والقران والكتب في المعارف المختلفة يوميا

ابتعدي عن المحرمات مثل الموسيقى والاغاني واللغو والفوضى والازعاج

وداومي على قراءة سورة يوسف وسورة يس يوميا

.......الاتساع جدي يقول اهم شي انك دايم تضمي رجليك وانت بعد تضغطي على عضلات المنطقة وبعد الماء البارد

تركيه
لتسمين الخدود مافي مثل دبس التمر على الريق
وانا حطيت للاخت وصفة للتسمين

بالنسبة للتنحيف
للبطن والارداف
جدي يقول مافي وصفة سحرية لازم حركة ..لان الاسلام يحبب في ممارسة الرياضة ويقول هم اول يشتغلون طول اليوم فيحرقون اللي ياكلوه بس احنا مانسوي شي
لازم حركة
واعتدال بالاكل
ومع هذي الوصفة
اغلي كمون مع الماء مثل الشاي
وقبل كل وجبة بنص ساعة خذي كوب معصور علية نص ليمونة

او اشربي ماء السلق(اغليه واشربي ماءه)

للتبييض
الخميرة مع الللبن المخمر هو احسن شي
بس مو الخميرة العادية لو تتوفر لكم الخميرة اللي يستخدموها اول
يحضروها بنفسهم من اللبن والزبادي هذي جدي يقوا احسن شي وممكن تضيفوا لها شوية كركم ولو ماتوفرت استخدموا العادية

تحياتي لكم
انشالله افدتكم

يعطيكي العافيه
ويجزيكِ ربي الخير

ويطول بعمر جدك ويحفظه لكم


حبيت اسأل الطحالب هي اللي تكون خضراء وناعمة الملمس تقرفين

لما تلمسينه

وتتكون على مجاري الماء حتى في المزارع

هذي هي ولافيه شي ثاني ولها ريحه مش لهناك

تكفين اسألي جدك هي والا لا000؟

اهلييييين اموله ..

مشكوووووووورة ..يعطيك العافية ...
وجزاكم الله خير وانتي وجدك ..
الله ينور دربكم ويحقق لكم الي ببالكم ويدخلكم الجنة ..ياااااارب :smile:
كلنا يارب ..



واسفين ع الازعاج