قمر .. قمر .. قمووره

السلام عليكم ورحمة الله وبركاته
هلا بيك اختي ام رشود
والف مبروك لصديقتك
بس والله ماعندي افكار لاشياء تخص القمر
بس يارب البنات تكون عدهم افكار ويساعدوك
:smile:
تحياتي
بغدادية

مشكوره حبيبتي بغداديه

محد غيرك جبر خاطري:down:


شو محد يبي يعطيني افكار

بنات وينكم وين افكاركم:rolleyes:


افااااااااااااااااااااااااااااااااااااااا

شو محد يبي يساعد:rolleyes:

خلااااص مابي شي :pain:

حبيبتي..وانا بعد ما عندي شي

بس ولاتزعلي البنات بيردو اكيد:smile:

اني فكرتي

انها تخلي الاضاءة هادئه مثل الليل وتجيب مجسم على شكل قمر وتلبس فستان فيه نجوم بس يكونون يلمعون وحبذا الاضاءة تكون زرقاء

هذا اللي يحظرني حاليه

بس اكيد راح افكر وارد عليج

مشكووووووووره حبيبتي وهج الدموع

طيبتي خاطري

يالله انتظر بقيه الافكار لاتنسي

[السلام] السلام عليكم ورحمة الله وبركاته[/السلام]


اقترح ان فستان الملجة يكون لونه ازرق غامق واتزينه بالنجوم والقمز وتحط عليه اكسسوارات على شكل قمر

والمسكة تكون على شكل كرة ينزل منها سلاسل وعلى طرف السلسلة يكون نجوم وقمر ويكون السلاسل على اطوال مختلفة

او تكون المسكة على شكل هلال وتزين بالورود وسلاسل النجوم

والكوشة اتكون خلفيتها ازرق غامقوتكون فيه القمر بدر وتكون اضاءه خفيقه خلفه ويكون القمر نصف بارز

وباقي الكوشة ينثرون عليه النجوم ويكون محفره او بارزه مع اضاءه اتكون خلف الكوشة

وباقي الكوشة يكون على شكل حديقه مصغره

ارجو انك فهمتي الي كتبته:smile:

افكرك روعه حبيبتي تصدقين ماجات على بالي

والاجمل مادام الاضاءه تكون خفيفه انا نحط
شموع ايضا على شكل نجوم

ننثرها في المكان:smile:


اكيد بتفرح بالافكار


يالله بنات محط طلع عنده فكره جهنميه حلوه مثل حبيبتي امونه المزيونه

فديتها ماقصرت:smile:

الله يخليج يا الغالية :smile::shy:

بالاضافة الى الكلام اللى قالوا البنات..

تقدر تحط بالزفة .. اغنية نوال الجديدة الخاصة بالعرس

اسمعها ( مثل القمر) ..:smile:

تصدقين توني جالسه اسمعها:D2


اماافكار كشخه:cool2:

يالله من عنده افكار بعد :cool2:

اتحفونا امتعونا شاركونا ااا :shy:

السلام عليكم ورحمة الله وبركاته


يا هلا وغلا فيج أختي ام رشوود ومبروك على ملكة صديقتج والفال لرشود ان شاء الله:smile:

انا خطر على بالي ان تعلق في سقف الغرفة أو القاعة خيوط مثلا وتكون فضية ومتدلي في نهاية الخيط هلال كبير وفضي ممكن تعمله بفلين وتصبغه بلون فضي وبعدين ترش عليه لماع فضي بيطلع يبرق مع الاضاءة ولما تطفي الاضاءة عند دخلتها
وكذلك يتدلي ايضا خيوط في طرفها نجوم وممكن تعملها بنفس الطريقة وتوزعها على الغرفة والقاعة بشكل عشوائي
وممكن تكتب على النجوم والقمر حروف اسمها واسم زوجها وترتب هاي النجوم جنب بعض علشان الحروف تكون اسمها بعدين تترك مسافة بينهم صغيرة وتحط الهلال وتكتب فيه مبروك وبعدين تترك مسافة وتبدء تعلق باقي النجوم المكتوب عليها حروف زوجها وترتبهم جنب بعض علشان تكون اسم زوجها والمهم تكون هذي النجوم والهلال في وسط القاعة وفي سيدة بعض يعني في سطر واحد مستقيم وتعلق باقي النجوم اللي مو مكتوب عليها شي بشكل عشوائي.

واذا راح يدخلون معاها بنات صغار تلبسهم ثياب بنفس طريقة فستانها يعني فيه هلال ونجوم وكذلك وحدة من الصغار تحمل عصا مثل عصا الساحرات وفي اخرها قمر والبنات الباقي اللي خلفها يحملون نفس العصا لكن في نهايتها نجوم والمهم يكون لها فضي لامع علشان تبرق مع الاضاءة

واذا راح تعمل بطاقات دعوة ممكن تكتب هذي الصيغة وانا اخذتها من هاي المنتدى لوحدة من الاخوات وانا اعتذر لها لان مو ذاكرة اسمها:shy:
والصيغة هي ::
عندما تبدأ الشمس تجمع خيوطها معلنة الرحيل لجهة الغروب ...
عندها يسدل القمر ستار الليل ايذانا بدخول ليلة من يوم
الموافق / / 200
يسرنا دعوتكم للحفل المقام على شرف ابنتنا /
وتكتمل سعادتنا بتلبيتكم دعوتنا
الداعيه/

وان شاء الله تكون الفكرة وصلت ومفهومة.
واذا عندج اي استفسار انا حاضرة:smile::up:

في امان الله

مشالله على افكارج يانجوم الليل:eek2:


عيني عليج بارده حبيبتي

واايد حلوين افكارج

بنحاول نطبق بعضها ان شالله

وحلوه دخله البنات والعصي

وفي عصي يكون في طرفها نجوم وتولع بالبتاريات

اكون بكون اوضح

هي عجبها هالفساتان بس تريد تحط بدل الاحمر سماوي

تعتقدين بيطلع حلوا:pain:

بعدين تريده يكون ساتر من فوق

يعني يمكن تحط شيفون ماادري اذا بيطلع حلو:pain:

وبنحاول نفهم المصمم انه ينثر نجوم على الفستان

ماادري كيف بيكون

عندج افكار لفستان ثاني

بعدين هي محتاره في الميك اب لان اللون الازرق كلش مو حلوا عليها

والتسريحه تفضل انها نشل شعرها

يعني تحطه مفتوح وترش عليه لماع

اتشسوره وتحط رولات في نهايته

لان ماشالله شعرها طووويل واناااعم

بس المشكله تخاف الحسد


ماادري الحين كيف

يا هلا فيج اختي

والحمد لله الافكار عجبتك

لكن بالنسبة للفستان يتهيا لي ما راح يطلع حلو في مستوى الاحمر لان الابيض لون فاتح وراح يصير معاه السماوي بعد فاتح يعني ما راح يصير فيه انكسار في الالوان ويطلع الفستان باهت

لكن تبين الصراحة انا ما اعرف كثير في سوالف المكياج والفساتين:o:o

لكن ممكن تخلين المصمم يعرض لكم قماش ابيض ويحط معاه لون سماوي وشوفي شلون يطلع حلو او لا

اما بالنسبة للمكياج ممكن تخليه سماوي سموكي علشان يطلع غامق والافضل الافضل انك تستشيرين البنات في ركن المكياج لان عندهم خبرة في هالسوالف وممكن تحصلي صور هناك لمكياج يناسب فستانها
أو انها تستشير خبيرة االمكياج اللي راح تحط لها المكياج لان هي اخبر وادرى منا بالالوان اللي تناسب السماوي (( على اساس لون فستانها))\


بالنسبة لشعرها ممكن تحط عليه لماع على شكل نجوم وهلال وهذا اللماع منتشر يعني ان شاء الله راح تحصله بسهولة

ومبروك على الملكة والله ييسر لها

والسموحة أختي على القصور:smile:

مشكوره حبيبتي على التواصل الطيب

شراك نخلي اللون كحلي

يمكن يطلع حلو

السلام عليكم ورحمة الله وبركاته

لا شكر على واجب حبيبتي احنا اخوات ولازم نفزع لبعض:smile::smile:

وانا فكرت بعد في اللون الكحلي وخصوصا معاه لمعة النجوم والقمر لان لمعة الفضي تطلع حلوة مع الالوان الغامقة و اتوقع يطلع احلى من السماوي

وبالمبارك:smile:

كلووووووووووووش:D2

مشكووووووووره الغاليه

عقباااالك ان شالله:smile: