شو تنادين ام زوجك؟؟؟؟؟؟؟؟؟

كاتب الرسالة الأصلية : العيناوية
أناديها (عمتي ) :smile:

:o

أنااااا أناديهاااا .. يماااااااااااااا حتى هي من تسمعني تدمع عينها فديتها

وهو بعد ينادي امي يماااااااااا ..


وعقباااااااااااال كل البنات وربي يرزقهم بالزوج الصالح وام الزوج الحنونه

:shy:

[CELL=filter: glow(color=indigo,strength=16);][ALIGN=center]احياناً اناديها عميمه " لحد يضحك علي":D2

بس غالباً اناديها " ماما زينه":shy:

فديتني مدلعتها ,, وهي فديتها تستاهل الدلع:up::clap:[/CELL]

امي او ام فلان اللي هو زوجي

السلام عليكم ورحمة الله وبركاته

مشكورة غاليتي على الموضوع المميز

انا توني بنوتة:shy::shy:

لكن احنا الاغلبية متعودين في ديرتنا يسمون ام الزوج عمة

وبعضهم يسمونها باسم ولدها الاكبر >>>>> هذا يتهيا لي في حالات خاصة يعني إذا كانت الزوجة علاقتها مو زينة مع ام زوجها فبرأيها انها ما تستاهل تعتبرها في مقام عمتها أو امها لكن بالنسبة لي لو صار لي هذا الوضع وهو ان ام زوجي مو زينة ((اسم الله علي:shy:)) راح اسميها عمة مثل ما تعودنا علشان خاطر زوجي لانه يستاهل اكرم امه علشانه فمهما كان هذي امه اللي جابته للدنيا واللي تعبت عليه فهو أكيد يحبها ولا يرضى عليها

و السموحة إذا طلعت عن الموضوع:shy:

أنا توني بنوته

لكن راح أناديها خالتي لأنها هي في الأصل خالتي اخت أمي بعد كم شهر ان شاءالله بناديها

والأطباع تختلف عند كل واحد

مثل احنا في السعوديه

في الحجاز ينادونها عمه

وفي نجد يسمونها خاله

هذا في الغالب مع اننا من بلد واحد

اناديها أمي

لانها حنونة وطيبة مثل امي




روينا:shy:

[CELL=filter: glow(color=black,strength=16);][ALIGN=center]انا اقول لها يمه احتراما لها لكبره سنها وحبي لها مثل امي والله يطول بعمرها وعمر امي وامهاتكم يارب
[/CELL]

اقولها يا خالة

فديت كل البنات الحلوات اللي شاركن بموضوعي..:shy:

آناديها (يمة)، لأن الكنة الثانية معي بالشغل، فقبل الملجة قلت لها شو تسمينها قالت يمة، قلت يله معاها في الولمة، بس لما دخلت بينهم قلت فعلا المسكينة تستاهل الكلمة مو مقصرة معاي، الله يطول في عمرها...

السلام عليكم ورحمة الله وبركاته

ان شا الله بناديها

(اماه)

يوم بعرس

:shy:

كاتب الرسالة الأصلية : عربيه
انادي ام زوجي خالتي لانها با الاصل اخت امي بس لو كانت مالي صله فيها راح اناديها امي من باب الاحترام والله يخليها ويطول في عمرها

راح اناديها

خالتي

مااحب احط اي احد مكان امي الغاليه

والاهم المعامله الطيبه والاحترام :up:

أناديها (أمي) لأنها تستاهل والله

انا الى الحين ما اعرف اناديها بشي اهل زوجي عندهم ام الزوج عمه واحنا خاله احاول اتحاشى اناديها ما تعودت مع اني تسعه شهور متزوجه بس انا بمنطقه بعيده وما اشوفها الا بالمناسبات واقولها تفضلي سمي علطول ادخل بالكلام حتى ما اناديها بشي وما اعرف اناديها بشو عمه والا خاله؟! وش رايكم

انا اقولها عمتي ـ ـ وام عمتي بامي الله يطول في عمرها

انا اناديها بالعزرائيل لانها مدمره وحياتي ومنغصه عليه عيشتي وكرهتني في نفسي وريلي والله ينتقم منها بتقولون حرام بقول لانكم ماجربتوها الله يحرمها النوم مثل ماانا محرومه امين

ههههههههههههههههههههههههههههههههههههههههههههههههههه
بصراحه ضحكتيمي عذرا بس كنت اقرا ردود البنات اسفه الحريم واتفاجأ في وحده تناديها عزرائيل بس مأاقول الا الله يعينك بس الافضل لاتدعين عليها وقولي الله يهديها ويصبرك عليها
اما انا اناديها مرت عمي لانه في الاصل زوجة عمي مع ان كل بنات خالي ماخذين اعيال عمهم ويسمون امهات ازواجهم بيمه الا انا
يمكن لان اهل زوجي بمنطقه بعيده هم عندهم ام الزوج خاله لكن حنا عندنا ام الزوج يمه
حتى اذا رحت زياره لهلي وبغو يسألوني عن ام زوجي يقولون لي اشلون امك انا اقول هه مني امي انتي امي بس كان يقولون لي ام زوجك ياالغبيه الحمدلله بس

bint_jumera:
انا اناديها بالعزرائيل لانها مدمره وحياتي ومنغصه عليه عيشتي وكرهتني في نفسي وريلي والله ينتقم منها بتقولون حرام بقول لانكم ماجربتوها الله يحرمها النوم مثل ماانا محرومه امين

ههههههههههههههههههههههه فاجأني ردج

أنا أناديها عموه .. أنا ما أقدر أنادي حد أمي أحس وايد ثجيلة .. خصوصا ان أم زوجي اتقولي ناديني أمي .. و احنا تونا قايلين بسم الله ... فاستثجليتها منها .. يمكن فيه حريم يستاهلون تنادونهم أمي بالمعاملة الطيبة .. بس أنا عمتي غيارة .. فعشان جيه أجنبها عشان محد يصدع براسي

و الله يهديني و يصبرني