الخبيرات بمكياج العيوون ..ابيكن شوي

:up:حلوه ابي اتعلمها

وأنا بعد...:shy::shy::shy:


مع تحياتي...

مي تو:smile:

محد بيعلمنا....


:down:

:o
مشكلتي ما اعرف اشرح حق حد
بس بحاول


اول شي بعد ما تخصلين من رسم العيد بالشدو بالاولوان اللي تبينها

خذي الايلينر السائل و اذا كنتي تعرفين تستخدمين الكيك لاينر و الفرشاة بعد اوكي

ارسمي الخط الداخلي للعين نازل شوي و كانج بترسمين العين التايغر مثل ما يقولون و بعدين اطلعي للجوانب الخارجيه بدون ما تخلين الخط الاسود ينزل تحت و بالشدو ارفعي الاسود لفوق


تحت العين باللون البنفسجي او اي لون تستخدمينه اربطي الخط العلوي معاه لين ما توصلين لمنتصف العين
و بعدين بالاينر الاسود ارسمي خط مستقيم طالع لبرع لا ترفعينه لفوق


بيترك فراغ في الجانب الخارجي بين الخط العلوي و السفلي

هاتي شدو ابيض مائي او ذهبي و بفرشاه صغيرة و سوي خط سريع في الفتحه

:down: :up:
ان شاء الله فهمتي ... تراني ابله كسوله افهم ما اعرف اشرح
:D2

:clap::eek2:



مشكوووورة الغالية jami ...


فهت الشرح وباقي التطبيق.. انشالله ايدي تضبط وماتلعوز الدنيا :o


بطرش لك الصورة..:D2



الف شكــــــــــــر...

:smile:

:shy:

السلام عليكم ورحمة الله وبركاته

:smile:

ولو ان الصورة على فوق مب واضح وايد من داخل الجفون بس من ناحيتي بحاول اني اشرحها... والصورة ما شاء الله حلوة


راح ابدا بالعين على طول بعد الاساس والكونسيلر وكل هالشغلات مع ترتيب الحواجب وامبين بالرسمة اهيه بالقلم معدلتهم
بسم الله

1 عند الجفن المتحرك بدايتة وعند مدمع العين بلمسة خفيفة من اي شادوا ابيض وبعدها نكملة باللون الوردي الفاتح اللي تشوفونه بالصورة ابدوا فية لحد نص الجفن بس .. وبنفس اللون حركوا الفرشاة على فوق يعني فوق الجفن المتحرك .. نفس الشيء بس لحد النص.

2 النص المتبقي من الجفن المتحرك باللون العيناوي الغامق وحركي الفرشاة بعد بنفس هاللون على فوق.. ليكمل اللون الوردي اللي سويناه بعد

بحيث ان نص العين ناحية الانف لون الوردي والنص بالاتجاة الثاني عيناوي غامق ...

3 اثناء قيامج بتوزيع اللون البنفسجي باخر العين مدي اللون زيادة ولا تخافين من كبر المساحة او شكلة وطولة لانه راح يتعدل وجزء راح ينمسح ويترتب


4 قبل البدء بالجفن السفلي يغطي باي شادوا ابيض تحت العين وبخط غليظ لنهاية العين

5 الجفن السفلي وبالفرشاة الخاصة لهالمنطقة وباللون العيناوي الغامق اللي استخدمتية فوق نبدا من عند مدمع العين وامشيء بالفرشاة لحد نص العين فقط ... واكملي باقي العين باللون الاسود وتوقفي قبل ان توصلين لنهاية العين بمسافة مناسبة .. بحيث نترك خط رفيع من الاي شادوا الابيض يبين

للمساواة بين العينين نقيس المسافة المتبقية لنهاية العين بالفراشة المستخدمة للجفن السفلي.. يعني حطيها بجانب نهاية عينج واتركي المسافة اللي غطتها بداية مسكة الفرشاة ولا تظلليها بالاسود وبنفس الطريقة العين الثانية

لا تستعجلون على العيناوي عند مدمع العين نخلية للاخير عشان نركز ويكون الطرفين بالعينتين متساويين وبنفس السمك

6 وممكن ان نحط خط رفيع من الاي لاينر فوق الاي شادوا الاسود ونوزعه بالفرشاة الخاصة للاي لاينر ونعطية الحركة المايلة اذا كنتي تتقنين هالحركات وايدج ما ترتجف... بعض الخبيرات يسكرون هالمنطقة بنهاية العين ومن بعده يمسحون اللون الغامق بقطن الاذن بخط مستقيم بكريم وممكن ترجعين تحطين كريم اساس ومن بعده الاي شادوا الابيض

7 باللون الزهري الفااااااااااتح تحت الحواجب مررية ويكون فية شوية لمعة

8 نرجع للون العيناوي تحت العين عشان نرسم طرفة الحاد عند مدمع العين .. استخدمي فرشاة رفيعة وباللون العيناوي الغامق ابدي بالفرشاة عند مدمع العين ومدية على قدام شويي ونزلية ونفس الحركة للعين الثانية وحاولي تتقربين من المراية شوي وركزي بينهم لو فية اي اختلاف .. لامانة محتاجة ممارسة هالحركة

لو تلاحظون العايناوي الغامق لون مائي يفضل لتحت عشان تضبط هالحركة انا اسويها لنفسي باي لاينر لان سائل وينرسم الخط الرفيع وصعب مع الاي شادوا الباودر

9 ينرسم خط اي لاينر عادي فوق يبدا رفيع ومن الوسط والنهاية بخط غليظ ...ملاحظة بعد الانتهاء وبقلم الايلاينرحطي عند مدمع العين وانزلي بحركة خفيفة وشوي شوي ليحل محل الجزء العلوي من الخط البارز للعيناوي .. دققوا بالصورة

10 نحط شوي ايلاينر سائل اذا تخافين يبهدلج ارسمي خط بالقلم الاسود موازي لعينج وحطي شوي فوقة اي لاينربخط رفيع وحركي بالاسفنجة باتجاة العين لكي يندمج شوي مع العيناوي .. لحد ما يوصل بنفس لون الغامص بالصورة

11 وبعد الانتهاء تقريبا امسحي الزائد بقطن الاذن ... او بطرف اصبعج وبعدين حطي شوي كريم اساس وامسحيها عشان ما تترك اي اثر للون

لتضبيط الاي شادوا الغامق عند نهاية العين ويكون متساوي للعينتين استخدمي احد فرش العين بانج تحطين طرف مسكة الفرشاة على الخط وقارنية بالعين الثانية

12 حطي الماسكارا المناسبة ... على فكرة اهيه ما حطت لون للكحل لداخل عيونها انتي ترومين طبعا حسب العدسات او حطي اللون الابيض انسب وبعدين يكبر شوي عيونج انصحج تستخدمين قلم ماك اللؤلؤي ضد الماي يهبل


اتمنى ان شرحي عجبكم .. صارلي نص ساعة اكتب :confused:
هوووى الرووح وصلت المعلومة ؟ وللخوات وانا حاضرة لاي سؤال:up:8

ما شاء الله عليك شرح حلو :up: بس احس في التطبيق صعب :confused:

الغالية ليالي العين... مشكورة عالشرح الحلوووو


والطريقة يبالها مهارة وتدريب.. بس ماشالله عليج شرحك بسيط وواضح..

الـف شكر حبيبتي...


ما جصرتي...:up:

هلا :cool2:

الحمدلله انه طلع بسيط .. خفت انكم ما تفهمون علي وخاصة اني اول مرة اشرح بالنت لاحد

اي طلب انا حاضرة