محتارة مع زوجي

في البداية برد عليج هنيه عالببليك.. وباقي الرد بكتب لج اياه في الخاص..


المهم حبيبتي اللي بغيت اقولج اياه انه يمكن هو يفكر تفكير منطقي جدا لاني انا للحين ما جبت حد و ان شاء الله بييب بعد 3 شهور باذن الله.. وافكر اني ما احمل الا بعد ثلاث سنوات على الاقل اعطي الطفل الاول حقه . و يكون يقدر يعتمد على نفسه في الكثير من الاشياء مثل الله يعزج استخدام الحمام.. وتكوني عطيتي بنتج حقها من الرعاية و لين ما تحملين تكون بنتج عمرها اربع سنوات و تدخل الروضه وتتخلصين من سالفة غيرة الاطفال لانه بيكون عندها شي يشغلها.. مثل الروضة او اي حضانة...

او يمكن زوجج يفكر في المصاريف .. ايلسي وياه جلسة مصارحة و اساليه اذا عليه ديون يمكن هو يفكر من الناحية المادية انه ما يبا عيال لين ما تتيسر اموره..

هذي الاحتمالات اللي عندي..

وباقي حل واحد عالخاص انشاء الله...

بس خلينا نتواصل.. ونلقى حل...

بالفعل انتي تتكلمين بنفس الطريقة بس انا من حقي اجيب اخو او اخت حق بنتي

حرام احس انها وحيدة تلعب بروحها

ما تتخيلين اشلون اتحب الاطفال

وتلعب معاهم عندي بنت اختي صغيرة ام شهور يوم تشوفها تحبها وتلمها


احس انها تكسر خاطري

تخيلي لدرجة اني اشتكيت حق ام زوجي وكلمته كم مرة في الموضوع

بس مافي فايدة معه

عزيزتي

انا متزوجة من سنة وشهرين وللحين ما عندي اطفال بس ان شاء الله اقدر اساعدك

اختي

الرجال صحيح يفرح لمن تحمل زوجته وتجيب له مولود بس لا تنسين انه يحتاج لاهتمامها فيه

وفي فترة الحمل والولادة تكون الزوجة مشغولة وتعبانة ولازم تهمل زوجها شوي

يمكن زوجك يفكر انك راح تنشغلين عنه يعني عندك بنتك الله يخليها لك وبعد بتجيبين مولود ثاني يمكن ياخذون وقتك ويفكر انك يمكن راح تقصرين معاه

اجلسي معاه في وقت مناسب ( يعني مو تختارين وقت يكون تعبان او جاي من الدوام وماله خلق ) وقولي له يشرح لك الأسباب في عدم رغبته في طفل ثاني الحين

يمكن حاولي تقنعيه انك ماراح تقصرين معاه ولا راح تهملينه ولا تهملين بيته ولا نفسك عشان الأولاد وانك راح تحاولين تعطين كل شي حقه

يمكن عنده اسباب ثانية يعني مادية او نفسية

حاولي تفهمينه

وصدقيني راح تتوصلون لحل

بعدين بنت توها صغيرة لو جبتي الحين راح يكون عمرها 3 سنوات ويمكن تعانين من المولود الجديد ومنها وطلبات البيت وغيره وغيره

فكري زين وجلسي مع زوجك والله يحقق لك اللي في بالك ان شاء الله

تحياتي لك

اختي انتي في حالة احسن من غيرج لان كل الحريم يتشكون انه الريال هو الي يبا العيال وايد ومايعطون فرصة للحرمة انها ترتاح وتنسى الم الولادة او تربي طفلها الاول .. وانتي في نعمة انه زوجج هو الي رافض لأنه لو كان هو يبا وانتي ما تبين ما تقدرين اتقولين لا :pain: اصبري شوي وهو بروحه بيتلهف على اليهال وبيقولج يبا .. اما عن بنتج هذا شي طبيعي لكن فكري يمكن الحال يتبدل لما انتي اتيبيين لها اخو واللا اخت يمكن هي تغار وتستوي شوي عدوانية.. وحبها للاطفال الثانيين شي عادي لانهم بعاد عنها مب ماخذين امها وابوها عنها :D2 ريحي نفسج هالفترة ولا تستعيليين ...
انا نفس الشي حامل في اول طفل لي وان شالله ما انفكر انييب عيال اللا بعد 5 سنوات :smile: ان شالله ...

استمتعي بحياتج

الظاهر انج نسيتي عوار الراس وقله النوم:smile:

اختي ام المها انا قريت مشكلتج فى عالم حواء وكنت بقولج نفس الكلام اللي قالوه لج هنااااااااك لازم تحاورينه وتناقشينه فى الموضوع ولااااازم اتعرفين بالضبط هو ليش رااااااافض فكره الحمل الحين :up:
يعني شنو وجهه نظره وليش مقتنع فيها :up:
الله يهديه يا رب ونسمع خبر حملج عن قريب باذن الله :smile:

تسلمووووووووووووووووووون على الردود


الصراحة بالفعل الناس حسدني على ان زوجي هو اللي رافض فكرة الحمل لان هو يفكر فيني في راحتي


بس الناس هم اللي يقولون لي ليش ماحملتي


هم اللي يدخلون هالافكار في راسي

بس شكلي باخذ بكلام زوجي وبدخل بنتي الروضة عشان ما تحس بالوحدة


بنتظر لحد هو ما يفتح الموضوع

وادعولي ان الله يسخر قلبه ويحن لعيال