ّ~•^*!ii!*^• الـعـودة للـفـصـل الـدراسـي الـثـانـي •^*!ii!*^•~

عدنا من جديد :D2
شفت عاد اخ صارع .. تعلمنا :cool2:
من عاشر قوما 40 يوما... صار منهم
عاد لا تحرجنا :o .. عيبني الموضوع بس موووودي كان offوالله المستعان قلت ارجع وقت ثاني.. >>مزاجية الأخت!!!!!


اوووه ما باقي شي زين احنا دوامنا تاريخ 5-2 .. وحليلهم المدارس كاسرين خاطري :D2 :D2 :D2

زين سويت يوم انك تكمل دراستك.. ترى الحياة يوم عن يوم تصعب وبالتوفيق ان شاااااءالله


يالله نرجع لمحور حديثنا

وين الأسئلة؟!!!!!!!!!!! :eek2:



ياللـــــــــه
بسم الله الرحمن الرحيم
:smile:


في الماضي



هل تذكر أول امتحان شفهي في الفصل الدراسي الأول؟ ما اعتقد تذكرون


لاوالله ما نتذكر.. الا اذا انت كنت تذكر يمكن بعد :D2
>>سؤال وجيه واجابة أوجه !!!!!
أوجه!!=يالفضيحة مادري صح الكلمة ولا غلط :pain:



على سيرة الامتحانات الشفهية...ما هو شعورك تجاهها؟


اكرهاااا مووت.. خاصه اذا مو مستعدة وهذا حالنا معظم السنة خاصة بالثانوية كبرنا ودبرنااا!!!... وعاد اذا قمت بجاوب وما اعرف الاجابة اتفشل من عمري وشوي وبصيح>> حساسة الأخت :o
ههههه لو ترجع الحين هالأيام بتم اضحك على عمري خلاص تعودنا ويهنا لوح :D2


اذا المعلمة طلبت شيء من مكتبها، تروحين سيدا لمكتبها ولا تاخذين لج فرة بين الممرات؟


11 سنة مأدبة وشطورة ومافي احسن منها.. بس الثانوية العامة عاد خلاص منو قدنا.. اسير اسلم واذا الجو حلو اتمشى ولو ما عندي شي بطلع شي بس عشان اتأخر وبعدين ارجع.. >> تشاغب عن خاطرها خلاص آخر سنة :D2



.....................

في الوقت الحالي


سؤال لطلاب المدارس والجامعات والكليات
هل لك دور في مجلس الطلاب ... ولا انت من جماعة ( صمنديقا )


ايام المدرسة خرطي ما عندهم هالبرامج
والكلية.. احم احم اول سنة كنت متحمسة بس بعدين يوم شفت العذاب اللي نعيشه وضيق الوقت ويالله نلحق.. ودور مجلس الطلاب ياخذونا بعد الداوم يعني اذا كنا نخلص 4 ونرجع البيت 5 و6 الله يستر برجع البيت 9 في الليل.. ولا بعد يمكن تشوفوني الحين يالسه بطالية في البيت :D2

فقررت اني اكون من جماعة صمنديقا مدى الحياة هي الأنسب والأحلى وحفظا لكرامة الدراسة في حياتي :cool2:



ما مدا إلتزامك بالإسبوع الذاتي ( دراسة ذاتية من قبل الطالب وحده ولا يحاسب على الحضور )


انا اشوف طول عمرنا في الكلية ندرس ذاتي.. وفي غضون سنتين ونص مرة وحدة مر علي أسبوع ذاتي بالكامل بس كنت اداوم من الخاطر وكنا صج مشغولين وطبعا لازم فيه لعب بس ملتزمة بأوقات الداوم.. طبعا احنا اذا دخلنا الحبس ما نقدر نطلع قبل انتهاء فترة التعذيب اليومية>>متعقدة الأخت من طول الدوام
ومثل ما قلت لكم معظم الأيام دراسة ذاتية.. نلعب ونستهبل وبعدين آخر الوقت نسوي مناحه وما خلصنا ونتأخر بعد الداوم ونداوم الخميس عشان نخلص.. وكل كورس اقول بتوب بس بوطبيع ما ايوز عن طبعه !!!
طالبة مثالية ماشاءالله علي
الحمدلله في النهاية A & B :D2 >> مستانسه بعد
وايد هذربت ان شاءالله تكون راضي علينا أخ صارع :smile:



وتسلم أخوي عالموضوع


بنفسجية العين.. موتيني من الضحك يا سوالفج :D2

:pain:

جنه اجاباتي مو عاجبتكم اشوف محد رد عقبي
حتى اخ صارع تخلى عن الموضوع :D2

حياج الله

بنفسجة العين

اتمنى لج التوفيق في الفصل الثاني
وان شاء الله من العشر الأوائل على الدولة في الثانوية العامة
يكفي ولا تبين زيادة ! ! !
:cool2:

تحيتي

:smile:

عاشقــ صـــارع ـالقطط

حياج الله

business_girl

سوري على التأخير في الرد
مسحيها في ويه بنفسـ ... اقصد بويهي هالمرة
على فكرة .. في ناس اليوم راحو المدرسة ونحن عقب اسبوع
:D2
عرفتيهم ! ؟ ! !





نروج نشوف الأجوبة الحين





يا الله يا كافي
شو هذي أوجه ... لا تسمعج موجهة اللغة العربية
بس ما عليه معذورة .. كل من دخل كليات التقنية ما ينشره عليه
اونننننننننج نسيتي العربي :D2


معقولة تصيحين اذا ماعرفتي الجواب في الامتحانات الشفهية
انا كنت عكسج .. كنت اضحك وحالتي حالة حتى مرة استاذ الدين طردني من الصف وقالي انت ماعندك احترام لكلام الله وكلام الرسول
بس والله حشا ... كلام الله ورسوله على عيني .. بس شسوي بطبعي هذيك الايام .. وليما الحين أعاني من هالوضع...يعني عادي اضحك وانفجر من الضحك في اي موقف يصير لي
:D2


على فكرة
يوم كنا ثالث ثانوي .. كنا اخس صف ( 3 ادبي 3 ) يعني المدير كل يوم يكون عندنا .. مادري شو السر اللي يخلي الشباب يختمون آخر سنة لهم في المدرسة بهذا الاسلوب
:D2
مثلكم بالضبط
:cool2:


جماعة صمنديقا ترحب بح عضوة جديدة بين اهلج واخوانج

وبالنسبة للاسبوع الذاتي
ما شاء الله عليج .. تعرفين مصلحتج عدل
استمري والله يوفقج في حياتج العلمية والعملية
:up:

تحيتي

عاشقــ صـــارع ـالقطط

على فكرة .. في ناس اليوم راحو المدرسة ونحن عقب اسبوع

عرفتيهم ! ؟ ! !

منوووووووووو تقصد هاااااااااااااااااااااه
لاتحاول
اصلا المدرسة حلوة وخااصة اليوم يااااسلام اول ما شافو رقعة ويوهنا سيييدة درسووونا ما صدقو يشوفونا
انته ما تدري انه العلم نوووور :D2

مرة استاذ الدين طردني من الصف وقالي انت ماعندك احترام

خخخخخخخخخخخخخخخ حليييلك طردووووه هههههههههههههههههه
تستاهل عشان مرة ثانية تعرف تضحك عدل في الحصة لا ومش اي حصة حصة دين بعد

business_girl بصراااحة انتي عجيييبة ههههههههههههههه ولا شو اونه تصييح يوم ما تعرف تجااوب انا شرات صارع اتم اضحك على عمري


بااي

حياج الله

بنفسجة العين

منو اقصد يعني .. شرايج انتي !!!
اكيد انتي وكل اللي راحوا المدرسة اليوم
:D2

ذكرتيني بأخوي احمد .. مضيع كتاب الرياضيات وماله خاطر يدور عليه
المشكلة انه مضيعنه في البيت
:D2

قلت له شو راح تسوي ... ماعندك كتاب
قالي الخير وايييد ... بشتري كتاب من المدرسة بــ 10 دراهم
عاد انا فتنت عليه وخبرت الوالدة جان تروغه قالت له الخير وايد بس قم دور على كتابك لا أخلي العصا تلعب ع ظهرك
:D2

تحيتي

:smile:

عاشقــ صـــارع ـالقطط

ههههههههههه انزين ادري انك تقصدني انا
بس شوية استهبل عليك اليوم كان يوم الاستهبال العالمي في المدرسة خخخخخخخخخخخخخ رفعنا ضغط كل معلمة تدخل عندنا من كثر ما نستهبل عليها :D2

هههههههههههه عادي انزين حتى انا ومع الاسف الشديد مضيعة كتاب العربي مال القصة عاد تدري متى اكتشتف انه حضرتي مضيعتنه يوم كان علينا امتحان نص السنة ورحت خذيت كتاب وحدة ربيعتي يزاها الله خير ولا كنت بروح فيها هذاك اليوم
لا والمشكلة اني رايحة عندامي وفرحاانة واضحك واقولها امي ضاع كتااابي بكل برووود :D2امي طالعتني جييه:eek2:بس مسكت اعصابها لانه كانوا قوم يدووه عندنا خخخخخخخخخخخخخخخخ

ههههههههههه والله امك فنااانة احسن يستااهل اصلا كل الاولاد يستاهلوون
يقهروووني

باي

الله يحييك أخ صارع
توه الناس بعده وقت.. >>امزح :D2


هيه والله وحليلهم المدارس داوموا.. اول مرة كليات التقنية يريحونا.. بس شكلهم بيطلعونها من عينا بعدين.. ما اتريا من وراهم خير هاليهووود طبعا كليتنا كلية التعذيب.. كلية الطلاب اللهم لا حسد كل شي سهل وبالراحات وروحات وييات وما شي ضغط مثلنا<< حاقدة عليكم :cool2:


وييييييه لا تفشلنا خلاص ثقافتنا انجليزيه >>اونه عاد مصدقه عمرها

ويشرفني انضمامي لجماعية صمنديقا


عاد لا تغتر في شطارتي اني اعرف مصلحتي وايد .. :s2
هم يضغطون علينا اكثر من اللازم واحنا مجبورين نداوم ونخلص قبل الوقت رحنا فوق ولا تحت غصبن عنا نخلص الشغل ونسلمه على قولتهم قبل الديدلاين..

الله يوفق الجميع ان شاءالله

سلام...

حلو موضوعك..
بس قبل لا ابدأ بخبركم شي بس سر بيننا
اتفقنا؟؟ :up:
يوم السبت كان اول يوم دوام عندنا بالجامعة..
وانا اليوم( الاحد) بديت اطنش :D2


ايام المدرسة سوينا فيها العجايب..
بس الحين بالجامعة.. محترمين..( اوينا كبرنا) :cool2:


هل تذكر أول امتحان شفهي في الفصل الدراسي الأول؟ ماعتقد تذكرون
اكره شي عندي هالاسلوب..
وخاصة بالجامعة.. احس كأننا اطفال.. وخاصة لما اتفشل
قدام الكل وما يطلع صوتي من الارتباك لما ما اعرف ارد



على سيرة الامتحانات الشفهية...ما هو شعورك تجاهها؟
خبرتكم شعوري اتجاهها.. (اكرهها)




اذا المعلمة طلبت شيء من مكتبها، تروحين سيدا لمكتبها ولا تاخذين لج فرة بين الممرات؟
طبعا لازم فراااااات.. مو فرة وحدة...
اذكر مرة في ايام المدرسة طلعو نظام بطاقات..
يعني محد يقدر يتسكع في الممرات.. واذا المعلمة
بتطرش بنية لغرفة المدرسات لازم تعطيها بطاقة عشان
في معلمات مناوبات يفتشون في الممرات..
ووحدة من صاحباتي خذت بطاقة من وحدة من المعلمات وهي
نست تاخذها منها بعد ما ردت من المهمة..
المهم تمت البطاقة عندنا فصل كامل.. وتمينا كلما نطلع
وأحد يسألنا عن البطاقة.. نراويهم البطاقة ونقولهم رايحين
نجيب دفاترنا من عندنا أبلة فلانية... :up:





سؤال لطلاب المدارس والجامعات والكليات
هل لك دور في مجلس الطلاب ... ولا انت من جماعة ( صمنديقا )
ما اتوقع عندنا مجلس طلاب بالجامعة :down:





ما مدا إلتزامك بالإسبوع الذاتي ( دراسة ذاتية من قبل الطالب وحده ولا يحاسب على الحضور )
ملتزمة جدا جدا جدا.
الحمد لله

حياكم الله

business_girl
بنفسجة العين

اشكركم على التفاعل المميز
وإضفاء روح من المرح والفكاهة على الموضوع
تحيتي لكم جميعا

تحيتي
:smile:
عاشقــ صـــارع ــالقطط

حياج الله

زهرة خريف صلالة

من اولها غياب عن الجامعة
لا لا .. هالحجي ما ينفع .. الدوام اول بأول .. اوكي

صدقج والله .. الامتحانات الشفهية في الجامعة مو شيء .. كننا اطفال والله
انا اذا ماعرف الاجابة اقول ماعرف واجلس :down: وينقصني الدكتور درجة ولا درجتين

شكرا ع المرور الرائع
ومشاركتنا بذكرياتج الحلوة من ايام المدرسة والطفولة

تحيتي
:smile:
عاشقــ صـــارع ـالقطط

وناسة الموضوع حلو ويونٌس ذكرني بأيام الدراسة :D2

الحين أنا بعد ما صرت مدرسة صرت أقول ليش البنات يتصرفون جذيه جني ما كنت اسوي مثلهم قبل ....:pain:

لا تقولون لأحد كنت حدي شيطونة ..:cool2:

المهم بجاوب على الأسئلة حسب ما تسعفني ذاكرتي :


هل تذكر أول امتحان شفهي في الفصل الدراسي الأول؟

والله ما أذكر الأختبارات الشفهية لأني من خمس سنوات انا مخلصة الدراسة بس اذكر اني كنت أخاف حيل من الأختبار الشفهي لأنه كان يصير جدام كل السيكشن يعني الفضيحة بجلاجل :o


على سيرة الامتحانات الشفهية...ما هو شعورك تجاهها؟

مثل ما قلتلك ... الفضيحة بجلاجل :pain:


اذا المعلمة طلبت شيء من مكتبها، تروحين سيدا لمكتبها ولا تاخذين لج فرة بين الممرات؟

لا طبعا كنت أطقها دورة وفرة وأمر على رفيجاتي بالسكاشن الثانية وأتحرش فيهم :D2


سؤال لطلاب المدارس والجامعات والكليات
هل لك دور في مجلس الطلاب ... ولا انت من جماعة ( صمنديقا )

ايام المدرسة ما كان لي دور لأني كنت لاهية بالشطانة :pain: بس أيام الجامعة لمن عقلت بنسبة 20 % :cool2: كان لي دور في القوائم الطلابية وكنت عضو في القائمة المستقلة



ما مدا إلتزامك بالإسبوع الذاتي ( دراسة ذاتية من قبل الطالب وحده ولا يحاسب على الحضور )

احنا بالكويت ما عندنا الأسبوع الذاتي هذا حسب ما أذكر أو حسب ما فهمت لكن انا كنت أدرس في نظام المقررات يعني الدراسة كلها تقريبا ذاتية وتعتمد على الطالب بشكل كبير ... وكنت ملتزمة ومواظبة ومتفوقة بعد رغم كل الشطانة بسم الله علي :cool2:


وبس خلاص :shy:

تحياتي لك صــ عشاق القطاوة ـــارع

رحولة

مرحبااااااا صــــارع .. ثانكس عالموضوع الحلـــو .. وبصراحة جاني أكتئاب لما تذكرت الفصل الدراسي الثـاني .. :confused:


وبجاااااوب على اسئلتك

هل تذكر أول امتحان شفهي في الفصل الدراسي الأول؟

ما أذكر الصراحة :D2 .. بس أتذكر أني شرحت تقرير في المحاضرة قدام الطلاب بصراحة كان كارثة بحق السماء .. كنت متشجعة ومتحمسة ولما صرت في وجه المدفع أيدي قاعدة ترتجف وتنط و الحمد لله سيطرت على وجهي وقدرت أمثل دور الجااااادة :D2 .. وعشان ما حد يلحظ الرجفة خليت الورقة على الطاولة وما مسكتها بأيدي
على سيرة الامتحانات الشفهية...ما هو شعورك تجاهها؟

بصراحة مالها داعي .. :shy:

اذا المعلمة طلبت شيء من مكتبها، تروحين سيدا لمكتبها ولا تاخذين لج فرة بين الممرات؟

لا بروح سيده .. :cool2:

سؤال لطلاب المدارس والجامعات والكليات
هل لك دور في مجلس الطلاب ... ولا انت من جماعة ( صمنديقا )

:D2 بصراحة مدري وش صمنديقا بس فهمت من سياق الجملة أنهم اللي مالهم شغل بشئ بالكلية بس يجون ويحضرون المحاضرات ويرجعون .. وأنا منهم ... اصلا ما عندي وقت .. يحمدون ربهم اني بحضر المحاضرات ... :D2

ما مدا إلتزامك بالإسبوع الذاتي ( دراسة ذاتية من قبل الطالب وحده ولا يحاسب على الحضور )

أي حاجة ما فيها ألزام من الكلية عشان ننجزها .. أعطيها بو لباااااااس .. :smile:


وشكررررررررررررررررا لك :up:

حياج الله

أبلة رحيـــــــــل

زين انج متفهمة حالة الطالبات حاليا كونج صرتي أبلة
اتخيلج كل مايصير موقف من احدى الطالبات .. تنقز سحابة فوق راسج وتشوفين نفسج ايام المدارس و حركاتها :D2

حلوة سالفة لما عقلت بنسبة 20% .. بسألج ! وين الباقي 80% :D2

شكرا ع المرور الفنان

تحيتي
:smile:
عاشقــ صـــارع ـالقطط

تسلم اخوي على الموضوع الشيق :up:

والصراحة اسألة تذكرني بأيام المدرسة :D2 بس الحين انا في الكلية كم اتمنى ترد ايام المدرسة خاصة على جيلي هههههههههه هبل على كيف كيفك:D2:D2


على سيرة الامتحانات الشفهية...ما هو شعورك تجاهها؟

أنا احب التحريري اكثر لأن مافي احراج و اعطي رايي على كيف كيفي و أتفلسف بعد:cool2:


اذا المعلم طلب شيء من مكتبه، تروح سيدا لمكتبه ولا تاخذ لك فرة بين الممرات؟

في الحواطة انا معاك انا ما كنت اسويها تراني عكس البنات احب المدرسة the teacher تمدحني عشان اغايظ ربيعاتي هههههههه
ولأني طلعت الطالبة المثالية هههههههههههههههههههه "اونه عاد":eek2:


سؤال لطلاب المدارس والجامعات والكليات
هل لك دور في مجلس الطلاب ... ولا انت من جماعة ( صمنديقا )

أكيييييييييييييييييييييييد وخاصة في الكشافة وانه " زهرات" و لبس غير عن البنات:up: أعجبكم


ما مدا إلتزامك بالإسبوع الذاتي ( دراسة ذاتية من قبل الطالب وحده ولا يحاسب على الحضور )

طبعا احضر و اخلص ألي علية و اقعد أهذرب ويا ربيعاتي :shy: ما اقدر الهذربة تمشي في دمي:cool2:

And thank you so much for asking .... also your thems very nice:up:

حياج الله

توته الصغيرونة

:D2
ضحكتيني والله
بس ما شاء الله عليج .. مؤدبة ... ماتفرين بين الصفوف
وبالنسبة لجماعة الصمنديقا .. :up: توقعج صحيح .. هم هم :D2

تحيتي
:smile:
عاشقــ صـــارع ـالقطط

حياج الله

deeeeeeeeeeb

ماشاءالله اجاباتج فيها تنوع غير البنات
بصراحة انا مثلج احب التحريري اكثر ... منعاً للإحراج :D2
اوننننج من الزهرات ... عرفتكم .. اللي ترفعون العلم صح ولا لأ :cool2:
مبروك عليج لقب الطالبة المثالية
ان شاء الله على طول

تحيتي
:smile:
عاشقــ صـــارع ـالقطط