بشره رائعه مجانا؟؟معقوله

مساء الخير او صباح الخير ما ادري ساعتي تشير للرابعه فجرا ودايخه حدي بس ماسكه نفسي عشان ما تطوفني صلاة الفجر خبركم اللي ينام هالحزه ما يقعد لو مدافع عند راسه
الواقع ياعزيزاتي اننا مهما اشترينا من الماركات الغاليه واستخدمنا من الخلطات المتنوعه الا انها لن تفيدنا ما دمنا لم نتقيد باربع قواعد هذه القواعد الاربعه اذا ما التزمنا فيها فانا اقول وفروا فلوسكم وناموا (صج وحده تبي تنام لوووول)
والكواعد الاربعه عذرا اقصد القواعد الاربعه (موقلت لكم دايخه) تتلخص بالتالي:
1)النوم يوميا مالايقل عن ثمان ساعات متواصله.
2)شرب ما لايقل (شسالفة ما لايقل؟؟؟؟؟)سوري كنت اقول شرب لترين من الماء يوميا.
3)تنظيف البشره بمنظف يتناسب وطبيعتها قبل النوم وحال الاستيقاظ منه.
4)الاعتماد على نظام تغذيه صحي مليء بالاكل الطازج والخضراوات والفواكه.




ممكن اضيف قاعده خامسه(والله ادري اني قلت اربع قواعد)
5)الابتعاد عن التدخين والاماكن التي يكثر بها التلوث حيث ثبت انه من الاسباب الرئيسيه للشيخوخه الكره اقصد المبكره (يالله تستر)


اوكي


طيب قاعده سادسه عشان الحبايب
6)استخدام الواقي من الشمس يوميا في حال التعرض المباشر او غير المباشر للشمس وانتقي النوع المحتوي على مرطبات(مو عصير يعني) للجلد وعناصر مغذيه






لا خلاص مافي قاعده سابعه
اخيرا عزيزاتي التزامك بهذه القواعد يضمن لكي بشره نقيه صحيه رائعه اطول مده ممكنه



وتصبحون على خير
ابنام باي