كيف ابدء صفحه جديده في حياتي؟؟؟؟

حبيبتي يا عالية القمة استهدي بالله وخذي نفس من الاعماق وتأكدي انه هو الخسراااااااااان دامج ماقصرتي بحقه ويجيله يوم انشاءالله يندم على كل شي نزل من كرامتج او الله يبتليه في اعز انسان عنده لأنه ظلمج وصدقيني الزواج مو كل شي الحمدالله ما حملتي منه كان عيالكم ضاعوا ومايشرف يكون اب حاولي تشغلين نفسج بالدراسة والتعليم وتعرفي على الصحبة الصالحة وتمنياتي لج بالتوفيق

قمه
أنت في القمة

كوني قوية فأنت الأقوى

تحياتي

مرايم السعودية

السلام عليكم ورحمة الله وبركاته

حبيبتي اعلم ان ما مررت به من تجربة قاسية جدا ولكن انظري الى رحمة ربك. لقد امضيتى معه 5 اشهر فقط واقول هنا فقط لآنه لو طالت المدة وسارت فى اولاد كانت حتكون المشكلة اكبر او انك مثلا تكوني قد تعلقت به اكثر.

وعسى أن تكرهوا شيئا وهو خير لكم وعسى أن تحبوا شيئا و هو شرا لكم. استعينى بالصبر والصلاة واعلمي جيدا ان ذلك لمصلحتك وانة إنسان غير كوفئ لك وان شاء الله يصبرك ويعودك خيرا منه.>

بسم الله الرحمن الرحيم عزيزتي قمة كيف حالك الحين بعد هالمشكلة خلاص اللي صار صار وانتهي الموضوع وانتي للحين صغيرة خمس وشرين سنة عز الشباب والطموح صح يجينا ظروف نتعب نتألم ننكسر لكن بعدين خلاص ما نقعد تجتر الامنا ونتحسر ونضيع احلي ايامنا في التحسر والندم لا حرام لازم نمشي نتحرك انغير ظروفنا نسعد انفسنا نخلق لأنفسنا اجواء جديدة نقرأ او نشترك بأي شي دورة دراسية اي شي نكسر روتينا نكسر الحاجز اللي صنعناه بأيدنا وخليناه يكبلنا انتي لما تغيرين جو بتشوفي اشلون نفستك تتغير للأحسن طول ما في صدورنا نفس وقلبنا يدق يعني احنا عايشين ولازم نعيش صح لازم ما نرضي لأنفسنا الا كل شي زين بأيدنا القرار والحل عزيزتي قمة لا تخلين نظرة الحزن في عيونش وينطبع في كل تصرفاتك عشان الناس الي حواليك ما يتحسرون عليش ويقولون مسكينة لا بالعكس خلي يشوفون نظرة امل وحب للدنيا في عيونش وبينتهي كل كلامهم عن الشفقة والتحسر ودعواتي ليش بالتماسك وقوة الأيمان ويشد من عزيمتش لتخطي كل الصعاب عشان تبتدين حياة جديدة والله ولي التوفيق واكثري من ذكر الله الا بذكر الله تطمئن القلوب والله يسعدش يا قمة وانشاءالله انتي علي طول متألقة وفي القمة

عزيزتي قمه .. انا مقدره الوضع النفسي اللي إنتي فيه ..


لا تندمي على شي مايسوى .. لو كان يستاهلك تأكدي إن الله كان رده لك


بس هو مايستاهل ظفرك مثل مايقولون مدام بهالأخلاق .. يعني قطيه ورا ظهرك


أنا عارفه شي صعب أن الإنسان ينجرح .. والمجتمع مايرحم

إنتي الطريق قدامك .. 25 سنه بس إنشاالله العمر كله في سعاده وصدقيني أن الله إذا أحب عبدا إبتلاه



وقولي حسبي الله ونعم الوكيل فيه



وكل ماتذكرتي اللي صار قولي .. اللهم أجرني في مصيبتي وأخلفني خيرا منها


عارفه وش قيمه هالكلمه عند الله ( كلما قلتيها يبني الله لك بيت بالجنه )


أتمنى ما تخلين كلمه طالق نقطه في آخر السطر تقفلين بها حياتك .. أجعلي هالكلمه فاصله

تأتي ورائها أسعد مارأى الإنسان في حياته .. أنا صحيح ما أعرف ظروفك لكن أشغلي نفسك بأي شي


حتى لو كانت له آثار في قلبك أو في نفسك .. حاولى تدفنيها أشغلي نفسك بطاعه الله .. بالصلاه بالصوم بالذكر


قراءه القرآن .. حاولى تتعلمين أشياء تحرقين فيه الوقت .. أحفظي كتاب الله

تعلمي كمبيوتر .. تعلمي خياطه .. تعلمي رسم .. تعلمي تطريز أو كروشيه .. تعلمي طبخ


شوفي المنتدى مليان بالمهارات والأفكار عندنا حلقه تحفيظ بالمنتدى أتمنى تنضمين لنا فيها


كل هذي أشيا تفيدك بحياتك .. وتخفف عنك .. والله يرزقك ويرزقنا بالزوج الصالح ..


لأن الدنيا لا تنتهي بخروج رجل من حياه المرأه .. بنفس الوقت لا تخليه ينتصر عليك بكلمه قالها

وحتى لو كان أهانك أو شتمك .. مثل قول أخواننا المصرين ( هي الشتيمه تلزق ؟؟؟)



خليه آخر شي بحياتك .. أعتبريه أسخف موقف بحياتك وقولي تنذكر ماتنعاد


بالعربي سوي تحدي بينك وبين نفسك على نسيانه ..


عذرا للإطاله