كل يوم يمر علي؟؟..لازم أًصيح...أو أكتأب ..و أنا أبا حل..

الله يجبر في خاطركم.....

أميرة البجع.....

أنا والله ما سمعت بأذني.....بس أم ريلي قالتلي؟؟؟...إنهم يسبوني..وقالتلي أخت ريلي ...وقالتلي أختي إنها سمعتهم يسبوني..وهذا الشي يصير...خلف الكواليس...

المشكله يقنعون أم ريلي بكلام أنا بريئه منه و وحده فيهن...تسير أخت زوجي ..على كلامها......يعني تغسل مخها زين ما زين.....


أصلا المشكله إنه حرمت أخو ريلي ..تقول..أنا أخترت فلانه حق فلان وأخت ريلي شاركتها بالاختيار.....يعني يذلوني ....كأني كنت أدور معرس و مب لاقيه فهمتوا؟؟؟

هم كله...عندهم لازم الوحده تسد حلجهم بالهدايا.......والنفاق ...وأنا ما أعرف انافق,,

dunia

الحمدالله أناالحين...بو ريلي...وايد أوكي معايه ...ويحبني وحرمته ...أحيان يغيرونها علي وأحيان ؟؟؟والله ما أعرف....بس وايد يسولها غسيل دماغ...


تعرفين...صارت مشكله كبيره في البيت ولأني ما أيلس مع أهل البيت ألا أبو ريلي.....أسولف عليه عن أهلي و المواقف الطريفه في بيت أهلي...و نتناقش في أمور العمل...و يناقشيني بالمشاكل اللي تصير في البيت....

المشكله اللي صارت بين أبو ريلي والانسانه اللي دوم تكيدلي....الله يسامحها والله على السويه...والسالفه صارت جدامي بس لا قلت خير ولا شر...........

بس ما كان حد في البيت ..الا أبو ريلي وأنا ...والحين هيه زعلانه ما تكلمني,,لأنه الكل يعتقد إني أنا حرضت ..أبو ريلي عليها ...فهمتي؟؟؟؟؟وأنا قلت حق ابو ريلي الكل بيقول فلانه حرضك لأني أيلس معاك وايد....؟؟؟؟؟؟؟؟؟؟؟؟؟؟؟؟

تعرفين إنهاتسبني عند الشين والزين ..والله الصداقات اللي سويتها خلال عرسي...راحت مثل الماي اللي إندثر على التراب والسبه هيه.؟؟؟؟؟؟؟؟والله إنشالله فوق......بس أنا صابره لين ما يي البيبي وألتهي فيه ولا بكلم حد ولا حد بيكلمني....

وحسبي الله عليهن كلهن ونعم الوكيل.....

السلام عليكم ورحمة الله وبركاته

ابصراحه بقول لج شئ ؟؟؟؟؟؟؟؟؟ظ

انتي غلطانه بعد عطيتينهم وجه زياده عن اللزوم ؟؟؟؟

المفروض انج اتردين عليهم رد قاسي ورادع مثل ما يسوون لج ؟؟؟

او اذا ما تقدرين اتردين عليهم سكتي عنهم وحقريهم ولا اتكلمين احد منهم واذا سألوش ليش ما تكلمينا اشفيج واجهيهم بالكلام اللي قالوه عنج ؟؟؟

خلج قويه ؟؟؟

وترى ما يبط جبد زوجت الاخ الا انج اتكونين احسن واحلى منها ؟؟؟

فإذا انتي احلى منهم واحسن منهم بتعليمك ؟؟؟ اكيد راح تتولد عندهم الغيرة ؟؟؟

فإنتي دوري نقاط ضعفهم وضربي مثل ما يقولون على الوتر الحساس ؟؟؟
بدل ما هم ايحسسونج انهم احسن منهم في القبيلة والعايله ؟؟؟
ولا اتقدمين لهم مساعده ولا هدايا ولا نفاق ولا بطيخ هدوله ناس يبغون يستغلونج ويستغلون طيبتج ؟؟؟

سأليني انه ضقت المر منهم ولحد اللحين اعاني منهم ؟؟؟؟

بس على مين مثل ما يقطون علي نخزات يمين وشمال اقط عليهم عشر ولا اسكت عنهم ؟؟؟

الاول اخليهم يستغلوني أنظف وياهم و أجاملهم بكل شئ ؟؟؟ لكن لما شفت معاملتهم لي بحقد وبكره وبغيرة ؟؟؟
انقلبت الامور فوق تحت ؟؟؟
واهما كانوا ايغارون مني موووووووووووووت لاني احسن منهم بالتعليم وبالجمال وبالاخلاق ؟؟؟؟ وفي بيت عمي اخوان زوجي يحترموني ؟؟؟ بس اهم قدروا يقلبون خالتي علي واتصير وياهم ؟؟؟ بس انه بعد ما هموني ؟؟؟
واتصدقين ان اللي اتحرضهم ضدي اتصير لي بنت عمتي اتغار مني من اول ما تقدم لي زوجي تحافلني عالحفلة وعالشبكه ؟؟؟؟ وبعدين قام زوجها يقارني فيها وزادت غيرتها مني وقامت اتسبب لي مشاكل واتسوي لي أشياء تبي تقهرني فيها ؟؟؟ كنت الاول اصيح واكتم داخل نفسي واقول ما علا انه اكبر منها بسنه خلني اصالحا واصير احسن منها لكن بالعكس قامت تتمادى ؟؟؟ لما شوهت صورتي في بيت جدي وطلعتني مغرورة قدامهم واني شايفه عمري لما اتغيرت معاملة الكل لي ؟؟؟
شقول لج ازيد بس اهم شئ ما همتني ولا همني الاشياء والمؤامرات اللي تسويها ؟؟؟
حملت وجبت ولد قبلها ؟؟؟ وهي الله راواها خلاها اتعاني سنتين ونص واهي توها الحين حامل ؟؟؟
انه تخرجت وان شاء بتوظف السنة الجايه ؟؟؟ وهي من جاء ليها يدنى مستواها في الجامعة وكل فصل تنسحب ؟؟؟
حتى كانت اهي تطنز علي لاني ضعيفه ؟؟؟ الحمد لله اعتدل جسمي ؟؟؟واهي صارت دبه منتفخه نفاخ من المتون ؟؟؟
واشياء وااااااااااايد شوفي الله يعطي الانسان على قد نيته والله عطاني على قد نيتي والله عطاها على قد نيتها ؟؟؟

بس لا اتظنين اني اكرها بالعكس حتى يوم كنت اطلق بولدي كنت ادعي لها انها تحمل اهي وخالتي ؟؟؟؟سبحان الله قلبي ما يشيل حقد على اللي سوته واحس اني بعد مسامحتها ؟؟؟

خلي قلبج ابيض ولا تصيرن مثلهم حقودين ؟؟؟؟ هذا اهم شئ ولا تفقدينه ؟؟؟ ومثل ما قلتي الله بيراويهم وبيعطيهم على قد نيتهم ...



اتمنى اني ما طولت عليج وصدقيني الحقران يقطع المصران وقد ما تقدرون طلعوا ابروحكم بشقة حتى لو اجار اهم شئ راحتك النفسية ؟؟؟؟
انه كنت الاول احط حرتي لما يقهروني بزوجي ؟؟؟؟ عشان جذي كانت المشاكل على طول بينا ؟؟؟ بس اللحين طلعت ابروحي وما اشوفها الا في السنه حسنه وبعد مع ذلك ما اسلم من شرررررررررررهم ؟؟؟
مع اني مخاصمتها ؟؟؟

الله يعينج يا اختي ؟؟؟على هاذا البلاء ..... وطمنينا عليج علطول ؟؟؟اوكي

مع السلامه ........

الله يسلمج يا أيوت...

ويفكح من شر كل حد.....تعرفين اللي قاهرنهم شو.... أنا خريجة دبلوم عالي من كليه التقنيه ولا وحده فيهن تعرف إنقليزي زين وبعد ولا وحده عندها شهادة ثانويه ...(اللهم لا شماته)؟؟؟

والحمدالله فيه جمال ..ما أقولج يبهر...بس يغيض كل وحده فيهم...يعني الله عطاني جسم ولا أحلى و عيون و وجه وملامح...ونعومه ...

حتى في يوم من الايام سمعت ..إنه الوحده فيهن يوم أتلبس تنوره و قميص ..تنبهر فيه ...لكن بعد ما طاح البيبي ...قالو الحين هيه عاديه ..عشان الكرشه ..


الكل منقهر لأني أعرف أحسن عنهم و أفهم زياده ...و حتى لو أشتريت لبس ..يقولولي من وين يجنن...أقولههمن من المكان الفلاني...

و في سالفه الاصل... تبين الصدق..أنا و الحمدالله ....بنت عرب و أصايل و لكن اللي قصدته إنيه أنا قبيلتي غير و هم قبيلتهم غير و كل حريم خوانه نفس قبيلة ريلي إلا أنا ...؟؟؟؟؟؟

حتى في العيد ..يطالعون لبسي ..شباصاتي ؟؟ كأني وحده منكان عندهم ..يخافون أشتري أحسن عنهم ..؟؟؟؟؟؟؟؟


بس أنا أقول الله يفكني من شرهم و يبعدني عنهم لأني تعبت والله تعبت ...أيام يحبوني و أيام يكيدويلي.؟؟؟؟؟؟ ما عرفت شو الزين من الشين والله يصبر كل مسلم ...


وشكرا مره ثانيه حبوبه