اليوم يايبتلكن برنامج انما ايه،،، جيه:up::up::up: بس ان شاء الله يعيبكم وما اتفشل ويكون حد عارضنه قبلي واطلع مال اول،،، طبعا كل وحدة فينا قبل ما تنوى انها تروح الصالون عسب تصبغ شعرها او تقصه دايما تتساءل في نفسها وتحتار كيف بيطلع اللون عليه، او اي قصة ممكن اني اختارها عسب تناسبني او على قولة اخواننا اللبنانين وهم يحيسون حلجهم "بتلبألي" طبعا ها كله يعتمد على لون البشرة وشكل الوجه،،، واحيانا يكون من الصعب على وحدة منا انها تحدد ها الشي بدون ما تستعين بكوافيره فاهمه،،،،،وياما ياما نحطينا في هييج المواقف اللي الله لا يراويج فيها قصة الشعر وكيف تطلع في النهاية،،، اعرف وحدة شخصيا تتمتع بشعر الكل يحسدها عليه واولهم انا لكن فكرة اللوك اليديد كانت مسيطرة على بالها وحبت انها تقص شعرهاعسب يتغير شكلها وللاسف من فترة جازفت وقصت شعرها على امل انها تطلع بشكل ثاني وكانت النتيجة مأساوية تمت على اثرها في البيت منطبنه لا ترضى انها تطلع او حد يزورها من كثر ما تعقدت المسكينه،،، عشان جيه حبيت افيدكم بها البرنامج العجيب اللي يراويج شكل ويهج ولون الصبغة ودرجتها مع شكل القصة المناسبة لج حسب لون بشرج وشكل ويهج الحلو يا حلو،،، طبعا فكرة البرنامج انج تحطين اي صورة خاصة بج او بأي شخص آخر عشان تجربين عليه نماذج الشعر المختلفة من الوان وقصات،،، وهنيه نماذج من البرنامج حبيت اني اعرضها لكن عسب تكون الصورة واضحه بالنسبة لكن:
طبعا بإمكانج انج تختارين القصة اللي تعيبج من خلال لسته الخيارات وعندج 161 شكل تختارينه منه:
هنيه الشعر المموج:
والشعر الكيرلي:
وبإمكانج ايضا تختارين التسريحة او القصة اللي شفتيها على احدى الممثلات على سبيل المثال وكان خاطرج تجربينها على شعرج:
وهنيه القصات الكلاسيكة ومنها اخترت قصة مارلين مونرو:
وحتى الرياييل بإمكانهم يستخدمون نفس البرنامج:
والحين إليكم الرابط ،،،،
البرنامج
اتمنى اني اكون افدتكم وعطوني رايكم الحلو،،، فمالله
