لماذا يلحق الشباب البنات بسياراتهم حتى بيوتهن!!

[frame="7 50"]اسرني مروركم يا عرايس[/frame]

ما ادري

بصراحه ما تصير لي

الظاهر اني مب حلوه :D2:D2:D2

وفي النهايه

سفيرة فوق العاده

[frame="7 50"]انتي شيخة الحلوين يا سفيره فوق العاده ... مشكوره الغاليه على مرورج[/frame]

بنفسجة العين:
شوفي الغاليه

انا بقولج شي من واقع اشوفه يوميا تقريبا
انا وامي نسير بعد صلاة تالمغرب على طوول نمشي في الحااارة ...والحمدلله محتشمة ولا فيني شي يلفت والدنيا ظلمت وفي الليل ما ينشااف شي .. المهم هالشباااب طبعا لازم ينقصوون علينا عيشتنا ..يعني يخطف وااحد بسياارته ويعلي صوت المسجل ويمشي شوي شوي ويطلع رااسه من الدريششة بعد زيين ما طلع كبره ويتم يبحلق فيينا ؟؟؟؟؟ هذا شو تسميينه ؟؟؟
اوكييه بعضكم قال السبب من البنت ؟؟ هي اللي عطته الضوء الاخضر ؟؟ والله ما عطيناهم لا ضوء اخضر ولا احمر ... قاعديين نمشي حالنا حال هالخلق اللي يمشووون .. ومحتشماات ولا متبرجات ولاشي >>>>بعد حد يتعدل في هالحر ههههههه

اذكر مرة كنت امشي مع امي ومر واحد من هالصيع بسياارته والسياارة كلها شباااب وتم يرقم ويقوول كلاام سخييف مثله قاامت امي عصبت وقالتله انته شو ؟؟ مافييك مذهب!!!! تدروون شو قاال
قاال هيه انا مافيني مذهب >>>>الاعترااف بالحق فضييلة

بصراااحة قلة ادب ووقاحة وكرهت المشي بسببهم ....

الحين نجي عند اسباب الظاهرة
اول شي الاسباب يا اما من البنت او الولد
البنت :
ممكن تكون متعدلة وكااشخة وقاعد تتحيس في الشارع
طبعا هاي تستاهل يلعوزونها الشباب ويطفروبها

الولد :
اول شي واهم شي
انه ما عنده وازع ديني
ثاني شي وبعد مهم
انه مافي ادب ولا مذهب ولا سنع
ثالث شي
الفرااااغ .. واسألوني انا شو يسوي الفراااغ

الحل في نظري
للبنت : هالمتبرجة تقر في بيتها احسلها .. وتنمنع من الطلعة خارج حدود حوش البيييت الين ما تسطلب وتتادب .. لانها بصرااحة ما سايرة تمشي بهدف الرياضة ..لااا... هاي سايرة تترقم وترجع

الحل الثاني : يحطولنا دورياات شرطة يمسكوون هالاشكال اللي ما تستحي على ويها

طولت علييكم واايد
بس الموضوع فعلا مهم

الف شكر لراعية الموضوع

بنفسووجة

[grade="00008B FF6347 008000 4B0082"]

كلامك صحيح الغالية بنفسوجة

وإلي يصير لك يصير لنا والحمد لله لا نعطي ضو أخضر ولا أزرق ولا أحمر ولا شي

وأزيدك من الشعر بيت

شتقولين ع الشباب الي يسوون هذه الحركات

وإنت تكونين لا بسة عباية راس + نقاب + قفازات + جوارب = يعني كلك سواد ما في شي باين منك

وبعد هالحركات تكون موجودة

باختصار الي يبي يسوي هذه الحركات يسويها مع متبرجة أو محتشمة صدقوني

الله يهدي شبابنا وبناتنا يارب

اللهم آمين

وجزيل شكري لكاتبة الموضوع المهم للغاية [/grade]

[frame="7 50"]مشكوره غاليتي على مرورج[/frame]

انا اعترض على اراء بعض الخوات انه الشاب يلحق البنت اذا هي عطت الضوء الاخضر!
يعني انا كنت اروح من الجامعه للبيت مشي لانه بيتنا قريب وانا محترمه ومتحجبه ولا اطالع يمين ولا يسار وكل يوم عشره يلحقوني لين البيت .. انا محترمه ولا اعطي لا ضوء اخضر ولا بنفسجي بس الشباب بعضهم فاضيييييييييييييين وما عندهم سالفه والصراحه ماصخين وااااايد
بس طبعا هذا ما يمنع انه في بعض البنات هالزمن ما يعضون الضوء الاخضر الا التركوازي الفاقع بعد خخخخخخخخخخخ

[frame="7 60"]صدقتي اختي الغاليه مدلله و انا معاج....
مشكوره يا عرايس يا حلى المنتدى على مروركم[/frame]

انا اشوف الغلطه غلطة رياييل

الرجل هو اللي يربي وهو اللي يعرف يمسك اخته او مرته او بنته

اذا هو عطاها حريه من غير حدود وماحاسبها ممكن تتعدى الحدود من غير
ماتحس لانه ماعليها لا حسيب ولا رقيب

وايضا اهو اللي يعرف يوقف ابنه عند حده

[frame="7 50"]مشكوره الغاليه على مرورج[/frame]