إيش إكتشفتوا بعد الزواج "للمتزوجين"

النجم الساطع اشكرك على المشاركة وفعلا كلامك 100% مضبوط
صباحي

بصراحه سؤال محرج كثير انا اكتشفت اشياء كثيره ما احب اقولها ابي استفيد من تجارب بعض الاخوات

يعطيك الف عافيه

اكتشفت انه عنيد وايد وايد وايد بشكل ما تتصورونه

كل هذا بسبب دلع الوالده له الله يحفظها يعني اي شي يبيه

حاضر وطلباتك اوامر وجت على راسي أنا بس حاولت اقوم من طبعه

والحمدلله خف عناده شوي يمكن مع احساسه بالمسؤوليه وانه الحياه

الزوجيه ماتمشي بالعناد لازم تنازلات من الطرفين ..

بس مع هذا هو طيب وحنون حيل مثل الطفل ويحبني موت ماكنت عارفه هالشي

بس في مواقف اكتشفت حبه لي الله يخليه ويحفظه لي ان شالله :)

اكتشفت كل شي زين والحمد لله ....

بس الطيبة الزايدة هي إلي تضايقني شوي ... وخصوصا مع إلي ما يسوون ...

همسة ملاك / مناير الكويت / بيلسان

أشكركم على المشاركة القيمة وفعلا هاذا احنا قاعدين نستفيد من بعض

وصدقوني في اصعب اللحظات بتكتشفون الخفايااااااا

اختكم
صباحي

شكرا أخ صارع على صراحتك صراحة نادرا ما نشوف رجل يقر بأنه فيه صفات سلبية

الله يخليكم لعض انت و ام محمد و يخليلكم محمد

والله موتوني من الضحك ....؟؟؟


المقناصة وصباحي كان حواركم حلو ...؟؟؟


اكتشفت انه غيوووور وطييييييييييييب جدا ؟؟

واكتشفت اني دلوعة وعصبية وعنيدة ؟؟؟؟

وسلامتكم ؟؟؟ وخلاص بعد ما نبغي انطلع الفاضيح ازيد ؟؟؟

خخخخخخخخخخخخخخ

ايوت مشاركتك هي الحلوة معانا

اشكرك لصراحتك بس شوي شوي عليه

اختك صباحي

يسلموووووووووووووو على الموضوع


اممممممممممممممممممم زوجي بالنسبه لي ماتغيرررررررررررررر ابد مثل ما كان

بالخطوبه في الزواج نفس الشيء ما احس تغيرررررررررر علي شيء

بس لو طرى اي تغيرررررررررررررررررر راح اخبركم وانشاء الله يارب

ما يطرى اي تغيررررررررررررر

جلستي عند اعتابي

ولا جلستي عند اعز احبابي

والله بعدها عرفت قيمة امي وانوا مافي احد قدها يشيل همي

الله يستر بس
وش يطلع لي انا .....

والله الصراحه الموضوع مميز وحلو...انا ابغي اعرف من وين اتيبون هالافكار
عن نفسي فتره الملجه ما لقيت ولا شي حلو في ريلي..يعني كان عصبي وغيور وكله يباني اتكلم معاه بالتلفون يعني اهلي ما اقعد معاهم..والصراحه ما كان ملتزم بالصلاه ويدخن..صوته وااايد عالي ومغازلجي درجه اوووولى ..ودايما رايه اللي يمشي ما يحب يتفاهم..ولي تفاهمت معاه يقولي انتي معقده
بس تدرون انا قلب لا اوافق عليه كنت مصليه استخاره وربي سهل امور الملجه بشكل غريب وقلب هذا هو النصيب
وبالرغم من كل عيوبه كنت احبه..مادري ليش يمكن لانه وسيم وايد خخخخخخخخخ..مو هينه انا...بس والله شي في داخلي كان يخليني اصبر عليه ولو زعلت وتضايقت هو اول واحد الجأله سبحان الله ما قلتلكم النصيب

وبعد الزواج بسنتين..وبفضل من الله ..صار يصلي ويذكر ربه..وباله طويل علي ويدلعني بشكل خيالي الحمدلله وغير جي طيب وايد معاي ووقف التدخين الحمدلله..وفوق هذا كله يموت علي وابد ما يستغني عني..يعني اللهم لا حسد مره رقدت بيت اهلي وهو سار عند اهله يرقد في اماره ثانيه..اول ما وصل امه تقول كنا ناكل وقلناله اقعد كل معانا..قال لا بسير اييب المدام..وتصدقون ما قعد هناك الا دقايق وبعد ساعتين لقيته عند باب بيت ابوي يقولي جهزي الشنطه وتعالي معاي
فديته ما يصبر بدوني

بس انا استاهل لاني صبرت عليه صبر ايووووووووب..وغيرته والكل شاهد
الحمدلله رب العالمين

السلام عليكم ورحمة الله وبركاته
والله انه موضوع حساس ومهم للغاية.
بالنسبه لي ، أكتشفت أن شخصيته ضعيفه و لا يهتم بالمناسبات العاطفيه الزوجيه ، وصار لنا ست سنوات متزوجين ، من سنتين ونفسيتي زفته وتعبانه من الشغل وغيره ، وعدة مرات طلبت منه أنا نسافر بلد مجاور كتغيير جو ونفسيه ، لدرجة أني مررت بحالة أكتئاب ، ولكن لا حياة لمن تنادي، كل مره بحجه ، مره ظروف ماديه مره ما في أجازه ، ومرات يطنشني مع انه حالتي صعبه جداااااااا . أحس انني لم أحصل على الزوج الذي احلم به أبدا.
لدرجة أني لمحت له اني أحتاج ألى علاج نفسي، ولم أحصل على أي نتيجه ...
لي منه طفلتان وهذا ما يجعلني على ذمته حتى الان ....... أحس باني تعودت عليه لا أكثر.......
له صفات أيجابيه كحبه الشديد لطفلتيه و طيبة قلبه معنا بشكل عام.
حالتي النفسيه في تدهور بسببه أحيانا ، لا أحبه كزوج اكمل معه مشوار العمر ، أحس باننا لن نستمر عدة مرات أطلب الطلاق ، ولا يكون.........
لا أعرف ماذا أفعل أنصحووووني أرجوووكم.......... ليس لي القدره على اتخاذ قرار حاسم

وين الباقي؟؟؟؟؟؟؟؟؟

انا من الاكتشافات انه يلجا للكذب كثير وكل كذبه عشان ماازعل عليه لانه يروح لاصدقائه

كثير ولما اساله وينك يقول عند الوالد يعني عيبه الوحيد يطلع من البيت كثير بس طيب

وحنون وكريم الله يخليه لي

ياما في الرجال بلاوي ماتبين الا بعد الزواج ...... آآآآآآآآآآآآآه

اختي زهور الايمان
الله يرزقك الصبر والله يسخره لك ويحببه فيك ويحببك فيه
ويجملك في عينه ويجمله في عينك

وقريبا نسمعك تقولين (احلــــــــــــى حياة لي اهي مع زوجي وبس ).....

قولي امييين

الله يكون في عوننا جميعااااااااااااااااااااااااااااااا

ان شاء الله بعد ما اتزوج بكتب لكم عن حبيبي و زوجي الي اترياه

و اتمنى من الله عز وجل يرزقني بشخص طيب و حنون و غيور و مرح

و كل الصفات الحلوة

يا رب يارب يارب يارب آآآآآمين

:dd: :dd: :dd: