بشرى ساره...ديرما كول وصل البحرين (الكمية محدودة)

السحاب الأبيض حبيبتي وينج؟!! ما رديتي علي؟!! :pain:

والله ياخليجية انتي أحلى خليجية

والله إستانست وايد يوم قريت موضوعج

وشوقتيني أرووح له ركيض

وعن سعرة ترى وايد زين

تدرون بالسعودية بكم يبيعونه؟؟ ب11 دينار ونص

وكنت ماخذه منهم درجة فاتحه بس مو عاجبتني وأبي ألحين درجة أغمق بقليل

أتمنى أني ألقى

وخليتيني أحاتي يمكن خلص !! من المحل

بس الله لايقوول .. ترى باكتئب :confused:

يلله باي

أي أختي نسيت أسألج !! من الفرحه

هو المحل صاير في السوق جهة شارع ألف وإثنين يعني وإلا وين بالضبط

وشنو يمه محل معرووف إذا موجود ؟؟

لأني من المحرق وأدل كل دواعيسها ..

أتمنى منج الرد في أسرع وقت أختي

وتسلمين

هلا ببنت ديرتي شجون الغاليه ...


عسى دوم ياقلبي تكونين مستانسه :shy: ...


بالنسبه لمكان المحل ===> عند مدرسة طارق بن زياد بنفس الشارع ونفس الصفه .... تخلين المدرسه على يمينج وتروحين سيييييده وراح تلقين المحل هم على يمينج إسمه ((قصر السرايا)) ... كانج تبين تروحين الدوار الصغير اللي يمين يطلعج على بنك البحرين الوطني او يسار على مخبز دلمون ....


وإذا ما دليتي فهي مشكلتي لاني ما اعرف اشرح عدل :pain: ... بس اتمنى فهمتي علي بما انج محرقيه مثلي وتدلين كل الدواعيس :D2 ....


ولا تنسين تخبريني شنو صار معاج :up: ...

شدعوه بنات ما رديتوا علي :angry: ...


قولولي إذا دليتوا او لاء :think: ... وإذا دليتوا شصار معاكم؟! :bigsmile: ...

خليجيه حبيبتي انت تستخدمين الديرماكول من فترة شو رايج فيه هل ضر بشرتج مثل ما طلعوا هالاشاعه انه يضر البشرة ولا لا خبريني الله يخليج

هلا والله

انا مجربه الكريم استخدمه يوميا حق دوام الكليه والصراحه ماضراني الكريم روعه روعه روعه وماعليه اي كلام بس اهم شي طريقت الاستخدام اسويه ومن المفروض اي وحده تحط اي كريم اساس او مكياج المفروض تعتني بالبشره مب مكياج وتنظف ويها بماي وصابون بس

وهذا جدولي اللي اسويه يوميا

الصبح

استخدم رغوه مثل الصابون من ايف سان لوران مع التونيك بعد من ايف سان لوران وعقب احط كريم مرطب بعد من ايف سان لوران واستخدم كريم من مجموعه ايف سان لوران لتبييض عشان يوحد لون البشره اصبر شوي عشان ينشف عقبها ابلل قطنه واحط الديرماكول واوزعه عدل واحط مكياج خفيف للصبح

بالليل

اغسل ويهي من رغوه ايف سان لوران وتونيك واحط كريم مرطب

وجذيه يوميا لا اثر الديرماكول على ويهي ولا سوى شي بالعكس يوحد لون الويه وروووعه يخلي شكل البشره حلوه


وعلى فكره راوييت اخصائيه تجميل هالكريم كانت تبيع لي كريمات ايف سان لوران وهي بعد اخصائيه تجميل قالت الكريم مايضر بالعكس لانه طبي ويناسب جميع انواع البشره

واللي تشتكي من الكريم مليون في الميه ماعرفت تستخدمه

وبس هذا عن تجربتي للديرماكول

مع التحيه

[align=justify]مشكورة اخت خليجية على موضوعج.. كنت ادوره من زمان ... بس المشكلة انا اتملل اروح المحرق.. بعيييييييييد... وما اعرف شوارعها لأني ما اروحها..

اخت الشيخة.. اي محل في العالي يبيع ديرماكول...وبكم ؟!

واذا انا سمرة اميل للون الحنطي اي درجة لازم اخذ ؟

HyerCool

من صجج المحرق بعيييييييييييد؟!!! مناطق البحرين بطولها وبعرضها ما تآخذ منج اكثر من نص ساعه بالدرب ههههههههه ....


اذكر بالمحل عندهم درجه تناسب الحنطيات ...


اذا تبين بعطيج رقم صاحبة المحل واتصلي عليها وخلها تدلج على المحل...

مشكورة حبيبتي خلوجة

بس ماضر ويهج و ماطلعلج حرار؟

مشكوووووووووورة يا الغالية على الافادة

يا ليت تخبرني برقم المحل لان شاكة فيه فأخاف أروح للمحل اللي في بالي وبعدها انصدم ان مو هو اللي عنده الكريم

انتظرج

ولا السلام عليكم جميعا

ثانيا كل عام وانتو بخير

وثالث شي اشكرج اختي خليجية على وصفج للمحل شفته واخيرا شفته وطلعت صاحبة المحل خوش وحدة طيبة وحبوبة وايد

رحت وشريت من عندهم بس علبة وحدة لان قريب بينتهي ومارضيت تبيعني اياه لانها ماتحب تبيع شي وهو قريب بينتهي خذيت بس حبة وحدة حق بشرتي باقيله 3 شهور وينتهى بعدين ارميه

قالت اذا شرت غيره بتتصل عليي لان هلمرة شرت كمية كبيرة وقليل الي يدل المحل عشان جذي صار عندها وايد وعطتني اياه دينارين ونصف بس مادري هل هذة سعره يوم شريتيه منها او بس لانه قريب بينتهي باعته رخيص انطر ردج حبيبتي بسرعة

تحياتي

:D2 نسيت اخبرج ان الاساس روعة شوي عليه بجد عجيب

تسلمين عيوني على الموضوع الي افادنا جميعا

تحياتي

شتعرفين عن دير ما كول

ممكن اسم المحل وسعر الفاونديشن والوصف؟

هلوووووووووووووو خليجيه....انا حاليا والده وما اقدر اطلع من البيت عندي صغااااااااااار لكن بما انج سويتي خير فينا واحنا من زمان نسال عن هالكريم..تعطيني رقم الحرمه او اي احد يقدر يوصله لي...واكيييييد راح يستلم اتعابه ويكون سوه فيني خير

مسكينه انا صار لي سنه ادور هالكريم

ومحد معبرني....

بنات ..هذي المحل متى يفتح ؟؟؟؟؟
كل ما أمر صوبه صاك !!!!!وما يردون على التلفون !!!! لا يكون صكو المحل على حظي....!!!
بلييز إلي تعرف وين يبيعون ديرماكول الأصلي بالبحرين تقولنا...

أنا رحته المحل مره وكانت فلبينيه تبيع هناك وقالت لي ان اللي عندهم مخلصه مدته :sad:

الوووووووووووووووووووو ..... خليجية
ابي الكرييييييييييم

ابي رقم صصاحبة المحل ؟

هو للحين يبيعونه او لا ؟
و سلاااامتك و مشكووووووورة