مركز الدكتور نيوترشن - منتديات عروس

n

nice_gurl

عروس جديدة

06-01-2005 | 11:18 PM

بنات بسألكم جد سمعتو عن مركز الدكتور نيوترشن زين ولا لا؟؟ لا تطنشوني رجاء

غ

غاردينيامووون

عروس نشيطة

07-01-2005 | 09:21 AM

نايس جيرل

اعرف كذا وحده راحت عنده و فعلا نزل وزنها و حده كان وزنها فوق الميه و خلال شهرين خسرت اكثر من 15 كيلو بس هي ما قدرت تترك الخبز بس اللي شفته ان مثل رجيم اتكنز يعني يعتمد على البروتين الحيواني اكثر و يعطيج ادويه مذيبه للدهون و يقولج الاشياء الله تشربينها بعدين انتي المفروض تروحي جلسه استشاره مجانيه اذا شفتي ان البرنامج يناسبك اعتمدي على الله و اذا شفتي نفسج ما لج قدره عليه لا تخسري فلوسج

اتمنى اكون وضحت

تحياتي

s

serenity

عروس رائعة

07-01-2005 | 09:31 AM

كلام اختي غاردينيامووون صحيح.... في وايد ناس استفادو منه... بس عني انا مووول مارتحت.. لكن هالشي بعد يعتمد عالدكتور اللي انتي عنده... انا سرت عند واحد, و ربيعتي سارت عند واحد غيره في نفس الفرع, هي ارتاحت وايد و انا كرهت الدنيا :D2 ف الحين اسير عند محمد الشمري في ابوظبي.. بس مثل ما قالت غاردينيامووون .. روحي جلسه استشاره مجانيه و شوفي اذا بيعجبج ولا لا :)

ا

ام مهير.

مشرفة سابقة

07-01-2005 | 10:42 AM

انا اقووول بعد جذي..

مانخسرر لووو مجانيه..

يسلموووووووووووو

a

amal_uae

عروس جديدة

08-01-2005 | 01:15 AM

أنا سرت المركز اللي في الشارجه وصار لي اسبوع والحمدلله نقصت 2 كيلو للحينه
الريجيم حلو ومنوع بس يعتمد على البروتين والخضار والجبن وايد
والخبز بس اول يومين ويعطي حبوب تسد الشهية وتذوب الشحوم

ي

يـمـنـى

عروس متألقة

08-01-2005 | 10:21 AM

هلا اختي....

انا تعالجت عنده ونزلت 7 كيلو في شهرين والصراحه ماكنت ملتزمه وايد علشاني ماقدر ماشرب شاهي حليب... اما ربيعتي نزلت 9كيلو في شهر حتى الدكتور قالها تكسر الرجيم علشان ماتتعب.... وهذي تجربتي مع نايتروشن العين ....
ولي مش حلو فية الحبوب الي يعطيك اياهن تعق الشعر...
واتمنا انه يفيدج...

غ

غاردينيامووون

عروس نشيطة

09-01-2005 | 07:11 PM

خواتي اللي جربن نترشن

وحده من صديقاتي راحت عنده بس يمنعها من الرياضه انا ماقدر اسوي رجيم بدون رياضه هي نزلت وايد اكثر من 12 كيلو في شهرين و شويه كانت تلتزم وايد بس بدون رياضه يترهل الجسم

تحياتي لج

n

nice_gurl

عروس جديدة

10-01-2005 | 12:27 PM

مشكورات خواتي اللي ردو... انا ناوية اسوي رجيم مع رياضة انشالله لانه مثل ما قالت اختي غاردينياموون الجسم يترهل بدون رياضة... بس ازيغ اخذ حبوب وادوية :pain: يقولون تأثر على الكبد مادري الله اعلم

ا

انوار

عروس جديدة

10-01-2005 | 02:51 PM

انا اعرف وايدين نزلوا معاه وايد... بس انا رايي انه مب زين اني اخسر مثلا 7 الى 10 كيلو في الشهر من غير الحبوب اللي ياخذونه... خفت اجرب وما اقدر استغني عن الخبز وهوه نظام بروتين تقريبا... بس اللي يقدر شو عليه اذا هوه تحت اشراف طبي... والله اعلم

u

uuo

عروس نشيطة

11-01-2005 | 04:41 PM

ابا اسال وشو النظام مالهم ياريت حد يخبرنا
:smile::smile::smile:

ع

عيون وساع

عروس رائعة

11-01-2005 | 05:11 PM

انا سرت له واستفدت وايد ونزل وزني 20 كيلو بس حملت وخرب علي الحمل بس ناوية ارد على نفس النظام بعد الولادة انشاالله وانا استخدمت الحبوب مع النظام ومثل ما قالوا الاخوات انسي الخبز والعيش والبطاطا والسكروالحلويات وباقي الاكل مسموح وتقدرين تاكلين في المطاعم السلطة والمشاوي بانواعها وما يهم الكمية غدا وعشاء والجبن بكل انواعه والمارتدلا......