اللي موعد ولادتها في أغسطس الجاى .. تعالوا ندردش سوا

هلا بنات شخباركم.......اكيد مو متذكريني ابدا بس انا معاكم ولادتي باغسطس ان شاء الله ...صدق الأيام تمر بسرعة بعد اسبوع تقريبا بدخل الثامن """يعني تاريخ 11/6 بدخل الشهر الجديد"

الله يسلمكم التجهيزات تاخذ مجهود بس الحين بديت اشغل بالي بموضوع الولادة كل ما حد يقول شي احلم فيه على طول ،،،
برايد توب .....اسعاركم حلوة ..زو اعتقد كل وحده ممكن تضيف لمساتها و تتطلع معاها حاجة حلوة
احنا عندنا الأسعار مبالغ فيها و غير جذي انا احب الأشغال اليدوية عشان جذية اشتريت بعض الأغراض و ببدأانسقها بنفسي و اذا فشلت بيكون عندي وقت اروح لأي محل ....بس ودي اعرف متى اشتري الشوكليت اخاف يتأثر طعمة
يعني اذا دخلت التاسع اخاف اربي و اخاف اتأخر واخذ التاسع كله و يتغير الطعم ؟؟؟الناس تفكر بالولاده و انا افكر بالشوكليت ؟؟؟

بس خاطري اعرف متى اشتري الشوكليت

السلام عليكم حوامل اشلونكم.

عسولة يالله حبيبتي هانت ما بقى شيئ وننتظر الأخبار اليوم عن موعدج إنشاء الله خير,

أمنيات يالله شدي حيلج وخلصي اغراضج قبل الثقل والله يسهل عليج.

بالنسبة لي أنا الاسبوع القادم ادخل السابع إنشاء الله ورحت أمس اكمل اغراض البيبي ورحت بعد حق توزيعات الضيوف وعجبني محل عنده افكار وايد حلوة بس لحين ما سويت اوردر بنتظر اشوي يمكن على الشهر الياي لأنه تو الناس بس اهم شيئ خذيت فكرة.

يالله يا بنات ننتظر ردودكم تنشطو .

بس أنا ما اشوف كمبوجا ولا دلوعة زوجها هالايام انشاء الله خير.

بحرينية عسل

ربنا يتم لك على خير ان شاء الله وتقومي بالسلامة

عسولة

احسك حنينة كثير وبتحبي البيبيهات قوي ربنا يخلي لك بنوتك يا رب ويجعلها قرة عين لك في الدنيا والآخرة

أم لطيفة

أهلا وسهلا بك ، هى فعلا الأسعار في المنطقة دي رخيصة وطبعا كل ما تحطي أنواع ملبسات وحلويات فاخرة كل ما السعر يعلى

عموما ما اعتقدش الشيكولاتة يجر لها حاجة لو جيبتيها في اول التاسع وولدتي في آخره لكن طالما انت هتلفيها بنفسك خليها للآخر علشان انت راح تولدي في أغسطس وممكن الحر يكون صعب حبتين على الشيكولاتة

شاليمار شكلها ولدت صح؟

بعدني يا برايد ..

بس على وشك لاني تعبانه حيل ...

وجزاج الله خير تسألين عني ..

ما صرت ادش النت تعرفين في هالمرحله كله مشي لاني خلاص ما باقي لي غير 20 يوم ...

ادعوا لي ...

بس اكيد بخلي حد يوصل لكم خبر ولادتي بالسلامه ...

الحوامل الباقيين اخبارهم ؟؟

ربنا يقومك بالسلامة ان شاء الله وتكون ولادة سهلة وسريعة

اللهم امين لجميع الحوامل يا رب ...

وين الباقين ؟؟

اريد اعرف اخبارهم قبل لاربي ؟؟ :(

اهليين حبيباتي :)

بااااااااااجر موعدي مع الدكتوره

ان شاء الله خييييييييير يا رب..

ربنا معك يا عسولة ان شاء الله خير

بنات عاوزة اعرف جنس البيبي يعني انا دلوقت في الأسوبع 19 ممكن تقولوا لي ازاى عرفتوا نوع الجنين والدكتور قال لكم متأكد بنسبة كم سواء ولد او بنت؟

اهلين برايد :)

اشلوووونج حبيبتي :)

شوفي يا ستي..

انا اول مره سويت الترا ساوند كنت بالاسبوع ال 16

يعني بدايه الشهر الرابع على حسب كلام الدكتوره.

قالت لي مب واضح بس يمكننننننن تكون بنت وعلشان

نتأكد أكثر تعالي عقب شهر اسويلج مره ثانيه.

انا رحت لها عقب شهرين مب شهر يعني رحت فى بدايه

السادس وكان الجنس واااااااااضح وضوح الشمس ما شاء الله

بنتي كانت تتحرك وتحرك رجلينها وكان سهل جدا معرفه الجنس.

الحمد لله تأكدت أنها بنوته الله يخليها لي يااااااا رب ويتمم لي حملها

على خير باذن الله.

وباجر مثل ما خبرتكم عندي موعد مع الدكتوره وبتسويلي الترا ساوند

علشان نتطمن على وضعيه البنوته وحالتها الصحيه وكللللللللل شي. دعواتكم.

عموما..

فيه حريم ما يبين عندهم جنس البيبي واضح او احيانا ما يبين بالمره يعني

الدكتوره نفسها ما تقدر تقول لج شنو جنسه لانه يكون صاك رجوله يعني

متكور على نفسه ولام رجلينه لصدره هنيه تكون صعبه رؤيه اجهزته التناسليه.

عاد انتي وحظج يا برايد.. ان شاء الله يبين الجنس واضح وتفرحين به حبيبتي.

سلاااااااااااااام يا حواااااااامل

شخباركم ؟؟؟؟؟ وشخبار البيبيات معاكم ؟؟؟؟

انا الحمد لله الحين تمااااااام .... وصار لي 4 ايام من دخلت التاسع وفي الثامن بدأ ينزل علي ماي خفت يكون ماي البيبي مباشره رحت الطوارئ اكدوا لي ان ماي الجنين سليم وهذ بسبب الالتهاب ....

اما عن تجهيزات المولد تقريبا جهزت كل شي على انه ولد عقب ما خبرتني الدكتوره اكثر من 4 مرات انه ولد من الشهر الرابع واخر موعد رحت لها تسألني كل مره شنو كنت اقول لج عن جنس المولد قلت لها ولد قامت تطالع مني مني وتعيد مره وثنتين وتالي قالت المره الجايه بقول لج لانه صاك رجوله وحيرتني خلتني افكر ليل نهار واكلمه على اساس انه ولد والحين تطلع بنت ادري ان اللي يجي من عند رب العالمين كويس

بسسسسسس هل ممكن تغلط وتطلع بنت من الشهر الرابع الي السابع تقول ولد وفي الثامن تشك احد صار معاه جدي ....

وسلاااااااااااامتكم

يالله تصدقوا بالله
اما بقرا كلامكم الجميييل اوي دة بلقي جسمي بيقشعر واشوف نفسي بطني كبييييييرة قدامي وعمالة ادلع علي زوجي واقوله هات وجيب وسوي..... والقي قلبي بيدق جامد وببقي نفسي اغمض وافتح الاقي ربنا رزقني بيبي جميل الخلقة والاخلاق من زوجي
ياااااارب حققلي الامنية دي
ربنا يقومكم جميعا بالف سلامة وييسر لكم كل عسير في الولادة ويقر عينكم باولادكم يااااااارب


وحشاني جدا يابرايد ليه اختفيتي ومبقتيش تدخلي في حواء....حد ضايقك؟؟؟؟؟
وبعدين كمان زعلانة منك عشان مقلتليش مبروك
لا ء لاء خلاااااص زعلانة متحاوليش
طيب خلااااص عشان انا قلبي طيب بس
الحمد لله بفضل الله كتبنا الكتاب الجمعة اللي قبل اللي فاتت دي
ادعيلي بقي من قلبك ربنا يجمعنا عاجلا علي خير علي ازواجنا انا ووسام لان البنت دي كمان والله زي السكروبحبك انت وهي جدا

برايد توب اللهم امين إنشاء انا وجميع الحوامل إنشاء الله.

أم لطيفة هلا بيج بينا حبيبتي بالنسبة للشكولاته إذا قصدج للتوزيع مع الهدايا بداية التاسع اشتغلي عليهم بس اذا قصدج للضيوف مع القهوة اذا ولدتي خلي زوجج او احد من الاهل يتشتريها لج طبعاً انتي روحي اختاري قبل معاه.

شاليمار حبيبتي الله يهون عليج وعلينا اللهم امين بس لا تنسين تبشرينا.

برايد توب بالنسبة لجنس البيبي المفروض الحين يبين وخاصة اذا كان ولد. بالنسبة لي انا رحت في الاسبوع 19 وقالت لي الدكتورة بنت 70% و في الاسبوع 22 سويت التراساوند ثاني قالت لي الدكتورة ولد. وهذا اول مرة يعطوني اجابتين مختلفتين اما في المرتان السابقتين كان الجواب واحد من اول الحمل وحتى النهاية.

نوراء الحلوة وينج فقدناج الايام الي راحت عسى خير. يالله ما بقى شيى على ولادتج إنشاء الله تطمنينا جريب وبالنسبة لجنس البيبي انتي عند من تراجعين أنا بعد نفسج في بداية الرابع قالت لي الدكتورة بنت وبعدين في بداية الخامس قالت لي دكتورة ثانية ولد والله اعلم بس طمنينا شنو قالت الدكتورة اخر شيئ اذا ثبتت الرؤية ههههههه.


قلب العصفوره مبرووووووووووووك حبيبتي.

عسولة

طمنينا عليك لما ترجعي من عند الدكتورة

بحرينية عسل

مشكورة على ردك انت وعسولة ادعوا لي نفسي أعرف نوع البيبي وأتأكد منه بقى ، عمالة اجيب لبس محايد لما خلاص تعبت نفسي اجيب حاجة واضحة ههههههههه


نوراء

ربنا يقومك بالسلامة ان شاء الله ويعطيك اللي نفسك فيه اللي أعرفه ان اعضاء الولد بتكون واضحة من الأول ومش ممكن ينغلط فيها انما البنت ممكن تكون ولد وممكن بنت والله أعلم


قلب العصفورة

الف الف مبروك يا قمر والله مش اعرف لو كنت اعرف كنت جيت وزغرط لك كثير وعملتلك فرح ما حصلش

ربنا يتمم لكم على خير ان شاء الله

هلاااااااااا حبيباتي

وانا بعد اشتقت لكم مووووووت

بس شنسوي في التعب خصوصا ان الدكتوره قالت لي ارتاحي هالشهر يعني الثامن لين تدخلين التاسع علشان ما تصير ولاده مبكره والحمد لله عدت الفتره على خيرررررر

بحرينيه عسل مشكوره حبيبتي على السؤال ... انا اراجع عند الدكتوره فكريه بسسسس احد يراجع عندها وقالت له وطلع جنس المولود غلط
وشنوووووو رايك لو رحت هالايام بما اني في بداية التاسع لفوزيه كمال بتعرف جنس المولود لاني اللي اعرفه ان اكثرهم ما يقدرون في الاشهر الاخيره يعرفون جنسه لانه بيكون صاك على روحه خبرج حجم البطن صغر عليه

برايد هلا وسهله بيج وحشتيني


وكل البنات وحشوني واول موضوع اقراه من بعد رجعت هذا الموضوع المميز

وسلامتكم

اهليين حبيباتي

انا تووووووووني راجعه من العياده

وسويت الالترا ساوند والحمد لله طمنتني

الدكتوره وقالت لي كل شي سلييييييييم

وفحوصاتي كلها سليمه ولله الحمد.

فرحتني يوم قالت ان راس البيبي نزل تحت وخلاص استقر

استانست وايد خفت يتاخر فى النزول مثل باقي الحوامل.

انا كنت حاااااااااااااسه انه نزل تحت نت النغزات والحركات

اللي احس فيها وخصوصا اسفل اسفل اسفل البطن.. فهمتوني طبعا.

سبحان الله.

سالتها عن جنس البيبي قالت ما يبين لانه صاك رجوله بس لمن حاولت قالت

احتمال بنت لانه لو ولد كان بينت أعضائه التناسليه بسررررررررعه. انا مسويه

تصوير كذا مره واكدولي انها بنت ما ابي اشكك فى الموضوع واقعد اوسوس

ههههههههههه عمووووووما.. بنت ولد كله حلو واللي يجي من عند الله حياه الله :)

المهمممممممم السلااااااااااااامه يا بنات صح.

موعدي الجاي ان شاء الله بعد اسبوعين بتاريخ 22-6 فى المركز الصحي لاني رجعت

فايلي عندهم مليييييييييييييت وتعبتتتتتتتتتت من قرف السلمانيه :(

وبس..

هلااااااااا عسووووووله
شخبارج ؟؟؟؟ شمسويه ؟؟؟؟ الحمد لله تطمنتي على البيبي

حبيت اسألج مدام انتي كنتي رايحه عند فوزيه كمال .... هل من الممكن انها تعرف جنس المولود الحين بما اني صار لي 5 ايام من دخلت التاسع .... وجم اسعارها وهل نحجز قبل والله مباشره نروح عادي ؟؟؟؟؟

لان دكتورتي كل مره تقول ولد وفي نهاية الثامن شككتني تقول ما يبين وشكل وجها انها مشككه مو عارفه بنت والا ولد وانا بستخف على ما اتاكد بنت والا ولد

مع محبتي

نوراء الحلوه بالنسبة لفوزية كمال ما يحتاج موعد بس اهي اتسكر من وقت كأنه 6.30 وبالنسبة للأسعار في 20 دينار عادي 25 دينار ملون.

السلام عليكم ورحمة الله وبركاته

اللهم صل على النبي محمد..

شخباركم؟؟

وشخبار النونوات..

عساكم طيبين وبصحة وسلامة يا رب..

والله وحشتوني واقرا اخباركم اول بأول بس ما عندي وقت ارد .. سامحوني..

انا طفشانة وزهقانة وأحس ان ولدي راح يطلع معقد من الضغط والشغل والتوتر الا انا فيه..

هذا غير انه أمي من الليلة رقدت في المستشى راح تسوي عملية وخايفة عليها موووووت..

وناوية على هوشة ويا زوجي..

واوردي متهاوشة في الشغل مع اللي وياي بالمكتب..

خلاص ما عدت اتحمل ..

زايده العصبية والجنون..

الله يسهل ويمرون هاي الشهرين على خير يارب..

هلا حبيبتي نور المدينة حبيبتي هدي روحج وإنشاء كل الامور بتصير احسن فكري بشكل ايجابي حاولي تقرين قرآن في وقت فراغج و تشغلين روحج بتجهيزات حق البيبي ولج وبين فترة وفتره حاولي تطلعين تغيرين جو تتعشين برع مثلاً او تمشين على الكورنيش او البحر ترى البحر يهدى الاعصاب وايد. وطمنينا على الوالدة وعليج حبيبتي.