اللي موعد ولادتها في أغسطس الجاى .. تعالوا ندردش سوا

هلا عسوله زين طمنتينا عليج حبيبتي عقبالي لما اشوف نتجيتي الاسبوع الياي انشاء الله وخبركم عنها.

يعني بقى لج 11 أسبوع تقريباً يالله الله يسهل عليج وعلى الجميع إنشاء الله.

اهلييييييين حبيبتي بحرينيه عسل

ان شاء الله تكون النتيجه طبيعيه وتطمنينا عليج يا رب :)

السلام عليكم ورحمة الله وبركاته


كيف الحال وكيف الحمل معكم


انا الحين في الاسبوع الثلاثين والله يعدي الباقي على خير

المشكلة الصداع اللي ذابحني حولين عيوني وفي جنب واحد من راسي

واحس فتور في جسمي وكاني بدوخ واطيح ماادري ايش فيني

عسولة كيفك الحمدلله على السلامه انا قالتلي ماعندي بس بين 5 و6 وانتبهي في الحمل الثاني قلت هين خل هذا يطلع على خير

وشافت في السونار وقالت صح معترض لكن انشاء الله يعدل وضعه

سلاااااااااااااااااااااااااااااااااام

مممممممممم اشلونج حبيبتي يالله ما بقى لج شيى تقريباً 10 أسابيع الله يسهل عليج حبيبتي.

ممممممم

اهليين حبيبتي اشلونج انتي :)

ايه الحمد لله طلعت النتيجه تمام وانا مطمنه وايد الحين :)

حبيبتي انتي سابقتني باسبوع واحد بس لاني فى الاسبوع

ال 29 الحين.. ان شاء الله نولد سوا يا رب :)

السلام عليكم ورحمة الله وبركاته

مرحبا أخواتي الحوامل ..يا حظ إللي بدت تجهز أما أنا ما جهزت أي شي للحين
تعبانه من الشغل و شغل البيت و الأولاد و الدراسه حشى "سوبر ومن":bigsmile: و ما عندي وقت
و الشغاله ما وصلت و بعدني أجهز الغرفه ...

و البارحه كنت حاسه بألم طول الليل و ظنيت إني بولد "بعيد الشر عني" و أنا توني في السابع
و زوجي "الكوميدي" :cool2:يقول إرتاحي و إرتاحي بس هو ما يسوي أي شئ:gum: علشان يساعدني أرتاح ..و إذا أنا إرتحت مافي شي بيتحرك في البيت :no:

إدعولي الله يسر علي

السلام عليكم ورحمة الله وبركاته

اهلين يا حوامل اخباركم ؟؟

وشوه الحمل وياكم ؟؟

الله يسهل عليكم وعلي ان شاء الله ...

انا بعد كم يوم بدش التاسع .. ( معقوله مر الوقت بهالسرعه ؟؟ )

وانا خلصت 35 اسبوع وامشي في ال36 ... ( الله يعيني ويسهل علي ...

صايره ثقيله وما اقدر اتحرك الا ببطئ شديد بعد ..

لدرجة اني مسمية نفسي السلحفاة ..

الحمدلله على كل حال ..

وان شاء الله تسمعون بعد كم يوم اني ربيت بالسلامه ..

ولا تنسوني من دعائكم لين ما ارجع لكم ..

وان شاء الله ما بنساكم من دعائي في وقت الولاده ..

وطمنوني عليكم .. :)

سلام يا حوامل يا حلوين اشلونكم واشلون البيبيات عساهم بخير.

سندويشه الحال من بعضه تعب شغل و تعب واولاد وتعب حمل مع ان زوجي مب مقصر معاي بس بعد تعب والله .والخادمة الاسبوع القادم بتروح والله يستر. أمس كنت منترفزه حدي وحطيت حرتي في ولدي الكبير ( حبيبي) بس شسوي انا تعبانة وهو زايدة حركته هذا الحمل كل اعصب واصارخ مع اولادي ماادري شبيطلع الي في بطني.

شاليمار حبيبتي مبروك قربتي على النهاية الله يسهل عليج وعلى كل حامل انشاء الله. عسى بس حضرتي اغراضج واغراض البيبي ؟؟؟

كيف حالكم ويش اخباركم عساكم بخير ان شاءالله
طلعت نتجة التحاليل سليمه الحمد لله ومابقي ليه غير اسبوع ونص وادخل الثامن
والى الان ماسويت ولاشي ولااعرفت الي في بطني والد الابنت الله يعين
ياأخوت انا سمعت انه في الثامن والتاسع مايبن جنس البيبي طيب كيف اعرف اشتري ملابسه ويش هي لاللون الي تناسب البنت والولد مع بعض لان ابو الشباب مايبي يعرف جنس الجنين يبيه مفاجأه
والله يجزكم خير........
والي طلعة نتيجة تحاليلهم سليمه الحمد لله على سلامتهم

نورس الوجود اشلونج حبيبتي الحمدلله ان جميع نتايجج طلعت سليمة. و ليش لحين ما شريتي شيئ المفروض اتكملين قبل التاسع لأنه ما تدرين يمكن اتولدين اول ما ادخلين التاسع ويمكن لا سمح الله تتعبين في التاسع مع الثقل وحاجات البيبي وحاجات الام كثيرة. من قال ان جنس الجنين ما يبين في الثامن بالعكس ابين اوضح واصح.بالنسبة للالوان والملابس اخذي محايدة تصلح للجنسين أنا دايما اسوي جذي حتى ولو عرفت جنس الجنين.والله يسهل عليج وعلينا اللهم امين.

سندويشة

اللللللللللله يعينج على الشغل ودوخته ياااااا رب ومثل ما قال لج

زوجج ارتااااااااااااحي واذا حسيتي بالم فى الضهر ارفعي ارجولج

على مخدات بترتاحين وايد :)

شاليمار

اهليييييين عنوني

الله يسهل عليج يا رب وتولدين بالسلامه ان شاء الله

نسمع خبر ولادتج قريييييييييييييب باذن الله ولا تنسينا

من الدعاء اوكيه :)



بحرينيه عسل

هلا والله اتصدقين الضاهر ان العصبيه منتشررررره بينا احنا

الحوامل.. انا بعد كله امعصبه وبس وخصوصا على اعيالي :(




نورس الوجود

الحمد لله ان نتيجتج سليمه والف مبروك عنوني :)

اختي تقدرين تشترين الالوان المحايده للنوعين مثل الاصفر

والبطيخي والتفاحي والاخضر وطبعا البيج والابيض كللللللهم

يناسبون الاثنين :)

بحرينيه عسل , عسوله
شكرآ وماقصرتو والله انكم بنات اجود

السلام عليكم ورحمة الله وبركاته

إزيكم جميعا

بحرينية عسل

سلامتك من الكحة والبرد ربنا يعينك

عسولة – نورس الوجود

مبروك على نتيجة التحليل عقبال الولادة 

شاليمار

ربنا يقومك بالسلامة ان شاء الله ويجعلها ولادة سهلة

مممممممممم

سلامتك من كل شر ربنا يقومك بالسلامة

سندويشة

ربنا يعينك ويعينا كلنا ونقوم بالسلامة ان شاء الله

نورس الوجود

زى عسولة ما قالت لك خذي ألوان محايدة أنا بدأت اجيب ولأني ما اعرفش جنس البيبي باجيب كده يعني أصفر، بيج، ابيض، وساعات يكون لبني وأزرق بس ينفع بناتي يعني الولد ما ينفعش يلبس روزات وبنكات انما البنت ينفع تلبس أزرقات ولبنيات

تعرفوا انا جبت خلاص عربية البيبي وفرحانة بها بشكل ولها غطاء من الأمام زى الكاريكوت بالضبط يعني هتغنيني عن الكاري كوت والبيبي كارير

بس اليومين دول صايدني انا كمان الصداع من الناحية الشمال فقط وتعب كل ما اتقلب في السرير على أى جنب احس اني جسمي كله مكسر مش عارفة هاعمل ايه لما ابقى زيكم في السابع والثامن انا لسة داخلة الخامس يدوب، وطبعا العصبية والنرفزة حدث ولا حرج وساعات يصعب علي نفسي من حاجات تافهة والاقيني خلاص هابكي وساعات ابكي فعلا وطبعا يا عيني كله طالع على زوجي الله يكون في عونه

هلا خواتي ...

الحوامل ...

اما بعد ..

رسالة ما قبل الولاده ( والله العالم متى .. ما انام الليل :( وكله نومي متقطع .. ابااااااااااااااااا اناااااااااام )

هلا بحرينية عسل جهزت كل شي حتى مندوس العطورات بس باقي لي التوزيعات ما اعرف شوه اسوي ؟؟ :(

وعسوله اكيد ما بنساكم من دعائي بس انتوا لا تنسوني :(

هلا برايد فعلا قربت اولد والله يسمع منج ..

واللي نسيته يسمحلي لاني فعلا تعبانه وجسمي كله يعورني وما اقدر اخطو خطوه وحده احس بثقل لدرجة عادي اسحب قدمي بيدي واكمل الثانيه بنفس الحركه لين شوي ما اقدر اتحرك .. بس بعد بصعوبة ..

والله يهون علي وعلى كل حامل ...

براااااااايد حبيبتي اشلونج :)

الصداع لابد منه انا يتراوالي انه من قله النوم..

يعني يبيلج راااااااااحه ونوم حتى الاشباع :)


شاليمار حبيبتي..

ان شاء الله تكونين ولدتي بالسلامه ياااااااااااااااااااا رب :)

بنات..

اللي معاي بالسابع وييييييييييييييييينكم؟؟

ابي اسألكم عن حركه البيبي.. هي نفسها ما تغيرت

ما شاء الله حركه طبيعيه ومحسوسه :) بس اللي تغير

قوه الحركه نفسها طبعا صارت اشد واقوى بس احيانا

تكون مؤلمه :( يعني احس بالضربه فى ضلوعي يعووووور

مدري انتوا بعد تحسون جذيه لو انا بس؟؟

ردوا وطمنوني اوكيه..

السلام عليكم ورحمة الله وبركاته

كيفكم أخواتي الحوامل إن شاء الله كلكم بخير و الله يقومنا بالسلامه يا رب

أختي الغاليه مممممممم سلامتك ألف سلامه أنا سمعت إن الصداع شي عادي و طبيعي في الحمل بس الأفضل روحي للطبيب لإنه ممكن يكون صداع الجيوب الأنفيه أو تحتاجين نظاره و ما تشوفي شر.

أختي الغاليه بحرينيه عسل سلامتك يالغاليه و إن شاء الله أجر و عافيه يا رب
شكرا علرد اللطيف و تعرفي شكله موسم هذا العام ...رحيل الشغالات الله يعيننا كلنا ما أدري شو صاير الحمد لله على كل حال
و العصبيه شي طبيعي أنا في حملي الأول كنت عصبيه بشكل بس في هذا حساسه زياده عن اللزوم ..بس ما تخافي إللي ببطنك حيطلع سكره و عسل مثل أمه و مطيع جدا إن شاء الله.

أختي عسوله مشكوره على النصيحه يالغاليه و إن شاء الله أتبعها
أعتقد حركه البيبي طبيعيه لإنه هذا إللي يحصل معاي كمان و لا تقلقي و الله يقومنا بالسلامه يا رب

أخواتي نورس الوجود و شاليمار الله يتمم علينا و عليكم بالخير و يقومنا بالسلامه يا رب.

هلا عسوله ..

وهلا بكل الحوامل ...

عادي حبيبتي ما شفتي شي عسوله هذا بس في السابع والرفس عادي عيل لو تنامين وطول الوقت حاط البيبي رجله على الضلع ومو راضي يتحرك ؟؟ ساعتها انتي تخافين اتحركين عن تكسرين شي فيه ههههههههههه

والحركه بتكون قويه قويه لدرجه انج بتضحكين على شكل بطنج ...

اشكال هندسية الصراحه مافي مثلها ...

وعادي يتكور في جهه وحده والجهه الثاني نازله ..

وبعدني ما ربيت :( يا عسوله مع اني احس بتعب وجسمي كله مكسر وبكره بدش التاسع ادعوااااااااااااا لي يا حوامل ...

وهلا سندويشه .. الله يسمع منج اللهم امين الجميع ..

برايد توب الف الف سلامة عليج وما تشوفين شر حبيبتي. بس برافو عليج انج اتجهزين من الحين علشان اتكملين حاجات وحاجات البيبي بدري.

شاليمار الله يعينج حبيبتي بس متى معطينج موعد ولادة إنشاء الله جريب اتبشرينا.

عسولة اشلونج اليوم بالنسبة لحركة البيبي طبيعية 100% والكل يشتكي منها في الشهور الاخيرة.

سندويشه اشلونج حبيتي طمنينا عليج انشاء الله احسن .ومشكورة على الرد الرقيق.