اخر مشاركه لى بمنتدي عروس (( الحب غلطه ))

السلام عليكم ورحمه الله وبركاته

اضع بين يديكم قصيده الحب غلط

عل وعسى ان تنال على رضاكم



الحُب غلطة والوفاء فيه معدوم

وغلطة زماني عشتها في غرامه

إللي هجرني وأودع القلب محروم

حتى العذر ما يعتذر في كلامه

وقلبي من أسبابه غدا اليوم مهموم

ودرب الهوى والشوق يوحش ظلامه

خلى حياتي بين ظالم ومظلوم

وعلق على صدر الخيانة وسامه

وإخلاص حبه والوفاء صار مزعوم

ودايم يجاملني ولا أدري علامه

لاشك ماني بالهوى فيه ملزوم

ما عاد لي رغبه ولو في سلامه

وإللي مضى وإللي جرا شئ مقسوم

والله يساعدني وأنسى غرامه


وسلامتكم

واعذروني اخوانى وخواتى الاعضاء من القصور

هذى راح تكون اخر مشاركه لى بالمنتدي

والله يوفقكم بحياتكم الدينيه والدنيويه

دعواتكم معاى

ربي يوفقكم

تحيه لكم

اخوكم

بوجراح