كيف تكونين واثقة من جمالك الطبيعي!!!؟

وردة الثلج 24-12-2004 24 رد 11,935 مشاهدة
و
السلام عليكم ورحمة الله وبركاتة
مرحبااااااااااا اخواتي

اليوم بغيت نتناقش بموضوع تعاني منة الكثير من الفتيات
وهو: كيف اثق بجمالي وبشخصيتي؟؟

اكيد في بنات واثقات من جمالهن وهن فعلا جميلات ، ويوجد بنات جميلات ولكنها غير واثقة من جمالها نهائيا

ياريت كل بنت واثقة من جمالها تفيدنا
وتقول الطرق الي ممكن تجعل البنت تثق بنفسها وبجمالها الطبيعي

أنتظر مشاركتكم :smile:
ا
يسلموو غاليتي
و
مشكورة حبيبتي غزل بس ياريتك كتبتي رايج بالمشاركة
يعني كيف الطرق الى تجعل البنت واثقة من جمالها؟؟

وووووووووين باقي البنات:eek2::eek2:
ا
أنا أشوف أن الثقة بالنفس هي ثمرة القناعة :up:


يعني كوني مقتنعة بنفسك فالله خلقنا في أحسن تقويم :up:

وكل إنسان له جماله ففي أشياء عندك يتمناها غيرك وفي أشياء مي

موجودة فيك وتتمنيها........

يعني مافي أحد كامل إلا وجهة عز وجل

فلاتسمحين لأي أحد يشكك في نفسك

الا إذا كانت نصيحة من قلب محب لك ويهمه مصلحتك

أتمنى أنك فهمتي عليه:cool2:
و
مشكورة الغالية اللؤلؤ المنثور على مشاركتج الحلوة
لكن مثل ما تدرين في ناس تتعمد تفقدك الثقة في نفسك

وفي نوع من البنات حساس وماعندة ثقة في نفسة فيتأثر بكلام الاخرين

طيب السؤال
كيف الوحدة تتأكد انها حلوة او لا؟ بغض النظر عن كلام الاخرين عنها؟؟؟؟؟
ا
السلام عليكم ورحمة الله وبركاته

:eek2:
ا
شوفي حبيبتي

الوحدة إذا بتسمع للناس بتموت قبل يومها لأنها بتدفن نفسها بالحياة :eek2:

فأنت متأكدة مليوووووووون بالمية إن كلامهم تحطيم وغيرة أو

حقد الله لايبلانا

فلا تعطينهم اهتمام وخليك بااااااااردة وياجبل مايهزك ريح عشان مايتمادون

ودخلي كلامهم من إذن وخرجيه من الثانية

وخليك قدامهم وااااااااثقة من نفسك حتى لو كنت العكس (واثق الخطوة

يمشي ملكا")

ولاتحاولي تسترجعي كلامهم وتركزي فيه

يعني زي مايقول المثل أذن من طين وأذن من عجين<<الظاهر إني كثرت

بالأمثال.........خخخخخخخخخخخ :D2:D2

وصدقيني بيتكلمون فترة وبعدها بييأسون ويسكتون .....بس يبيلك صبر

(u)(u)(u)

طيب السؤال
كيف الوحدة تتأكد انها حلوة او لا؟ بغض النظر عن كلام الاخرين عنها؟؟؟؟؟

تبغين طريقتي؟؟؟؟؟؟؟؟؟؟:pain:



ماأبي أقولك


:D2


:D2


طاااااااااااالعي زين بالمرااااااااااااايا:up:

بتقولين ذي اتجنت:o


والله من جد ماأمزح(a)

وأنت أحكمي بكل صدق:cool2:


و أسألي أهلك أخواتك وصديقاتك المقرباااااااات جدا""" بطريقه حلوة

صدقيني بيقولون لك أشياء حلوة فيك يمكن أنت ماكنت منتبهة لها من قبل

وحاولي تركزي عليها وأبرزيها عشان تغطي على الأشياء العادية

في بنات متوسطات الجمال أو عاديات وفيهم أشياء حلوووووووة خفة دم

أو أخلاقهم قمة أو حبوبااات ومرحااااات وفرفوشااات يعني شي يغطي

عن شي وزي ماأنت عارفة ماأحد كامل إلا وجهة عزوجل

والله أعرف وحدة جميللللللللللللة لكن جاااااااااااامدة وثقيلة دم

ووحدة ثانية دخلت قلبي من أول مرة قابلتها أش أخلاق وخفة دم تنسيك

الحياة وكدرها مع أنها عادية في جمالها

(u)صح مهم جمال الشكل لكن الأهم جمال الروح والأخلاق(u):up:
ب
:clap:

ما شاء الله عليك يا اللؤلؤ المنثور كفيتي ووفيتي :up:

الله يعطيك العافيه وردة الثلج على الموضوع ورأيي مثل رأي اللؤلؤ المنثور





مودتي واحترامي
و
وعليكم السلا م ورحمة الله وبركاتة يا الملاك الحزين
ليش مستغربة حبيبيتي:rolleyes:
ياريت تشاركين وتعطينا رأيج بالموضوع

-----------------------
بصراحة يالؤلؤ المنثور ردك ولا أروع، صدق كفيتي ووفيتي،وكلامج يقنع وجميل،والله يخليج دوووم واثقة من نفسج
لان مثل ما تدرين الثقة بالنفس تزيد الانسان جمالا:shy:

-----------
بوسة حبيبتي مشكورة على المشاركة:smile:
م
مساء الخير


شلونكم شخباركم


الؤلؤ ماقصرت مشاءالله عليها


بس حبيت اقول شي


ترا مو شرط ان الوحده تكون عيونها وسااع

وخشمها صغير وفمهاا صغير تطلع حلووه


في بنات واجد فيهم هالمواصفات بس اتحسينها مالغه


يعني ملامحها مو جذابه


وفي بنات سبحان الله يعني لااشفتيها تااخذ القلب


تحسين فيهاا جاذبيه ما ودك تشيلي عينك منها مشاءالله


وفي بنات الله يصلحهم اذبحيهم ولا يمدحون


يعني انا بنات خالتي اذا لبست شي جديد

او حطيت ميك اب

يكون عاجبني وانا مقتنعه فيه بس هم


يوووووووووه يطلعون عيوب الدنياا

عمرهم مااا مدحو شي علي مدري ليه

بس اانا الحمد الله واثقه من نفسي


اهم شي الثثثثثثثثقه


ادري طولت عليكم>>>>تحب السوالف
ا
يعطيك العافية أختي على الموضوع


ونتمنى من البنات الباقيين المشاركة:clap:

صح لسانك يالمتعالية

الجمال ماله مقاييس محددة وهو يختلف بإختلاف الشعوب

ففي دول أفريقية عندهم السمنة من علامات الجمال

حتى في الدولة الواحدة تختلف ذي المقاييس من منطقة للأخرى

حتى في البيت الواحد..............كل له رأيه

فمثلا" أمي وخالاتي يحبون الوحدة تكون مليانة شوية ويشوفون ذا من علامات الجمال

ودايما" تقول لي أمي كلي عشان تمتنين

وأنا وأخواتي نحب النحف طبعا" برشاقة...........(مو هيكل عظمي)


والحين طالع أن الشفايف الكبيرة من علامات الجمال:think:

:pain::pain: مع تغير الزمن تتغيرت المقاييس


(u)(u)(u)(u)(u)

يالمتعالية..........


ذكرني موقفك مع بنات خالاتك بموقف حصل لي وشوفي التناقض الحاصل فيه

مرة قصيت شعري شلال مع مدرج

وشافتني وحدة من قرايبنا وقالت ماشاء الله حلوووووووو وباين القص فيه

وبعد نص ساعة تقريبا" جات أختي وأنا سألتها : كيف القصة قالت حلووووووووة

مادريت الا قريبتي تقول:



لا مو مرة حلو ولا كأنك سويتي فيه شي

(u)(في ناس مايهمهم الا التحطيم وأحنا لازم مانسمح لأحد يأثر علينا)........................صح؟؟؟؟؟؟؟؟؟(u)
م
صباااااااااح الخير:shy:

اي والله صدقتي

سبحان الله اختي اللي اكبر مني

ملكة جمااااال تجنن مشاءالله عليهاا

واحلى مني

في ناس يقولون اني انا احلى منهاا

سبحان الله نظرات الناس تختلف

لو ربي يفكنا من غيرة البنات حنا بخير

ا


صباح الفل والعسل على قلوبكم

هلا والله بكل المزايين :D2

بالنسبه لكيف تكوني واثقه من جمالك الطبيعي

اهم شي القناعه والثقه ثم الثقه

الثقه بالنفس شيء مو بسيط واذا الناس ما اعطتك الثقه هذي

انتٍ كونيها لنفسك

وبالنسبه للبنت اللي تكون جميله بس ماعندها ثقه

هذي محتاجه جلسات ودروس وكم ابره

جلسه عن الثقه

ودروس في الجرئه

وكم حقنه مدح

وتصير تمام بس اخاف عاد يصيبها غرور

وفي نظري اهم شي النظافه ثم النظافه ثم النظافه

الوحده لما تكون نظيفه في كل شي جسمها وشعرها ولبسها

ويكون كل شي على اصوله اعتقد انها راح تمشي بكل ثقه

تشكرااااات
ا
السلام عليكم ورحمة الله وبركاته

اختي

الثقه اهم شي

ما اهم شي الناس اهم شي انا

فعلا شي ناس شغلهم التحطيم

سبحان الله


بس الثقه الحل
أ
السلام عليكم ورحمة الله وبركاته..

:D2 انا الي يشوفني يقولي ما شاء الله زينه..
بس للاسف اقرب الناس يعقدون فيني..
كنت واثقه من عمري وااااااااايد الحين اشك في عمري وااااااااايد..

علشان جيه خلاص مب واثقه من شكلي اقول لنفسي يااا فلانه الحمدلله انج عاديه.. وما فيج اي غيب خلقي..

محد يعبرني ويقولي حلوه الا يوم اكون مبهدله يقولولي ما شاء الله قمر :D2

نااااااااااااس..

والناس تحب المجاملات وايد..
ومستحيل يقولولج حلوه علشان لا تشوفين نفسج عليهم..
فخليج عاديه ولا يهمج اراءهم..

المهم كوني واثقه من نفسج لان كل واحد يتميز بشي يميزه عن الثاني..
ر
[ALIGN=JUSTIFY]السلام عليكم.. مرحبا وردة الثلج...

أولا أحب اشكرج وأشكر كل اللي شااركوج في الرأي.. وشكر خاص للؤلؤ المنثور..


وبالنسبة للثقة في النفس... أهم صفة لازم يتصف بها الشخص بشرط انها ماتوصل لحد الغرور...

وعشان أكون واثقة من نفسي لازم (أكون مقتنعة تمام الاقتناع بما وهبني الله من صفات في شكلي وشخصيتي)...


وشي طبيعي كل انسان بطبيعته وفطرته يحب انه يكون دايما افضل وافضل .. ماعليه مب مشكله... لكن المشكلة يوم اتم اطالع غيري وماقتنع في نفسي..أتعب طول عمري... ورضا الناس غاية لا تدرك


((((( وطالما انج تشوفين وتسمعين وتتحركين وتاكلين وتشربين ... فأحمدي ربج ليل ونهار .. ترا هذا كله نعمه والنعمه جمال وكمال.. والكمال لله سبحانه وتعالى)))))) هذا عشان تتأكدين انج حلوة...

والأخلاق في التعامل هي جمال .. يعني جمال الروح هو قوة في الشخصية .. وبالتالي يجمل الشكل...

ودايما الإنسان اللي مرتب شكله ويتكلم عادي ترا ه و هذا الإنسان الجميل والطبيعي واللي الكل يتقبله...

والحمدلله على كل حال

سامحوني طولت عليكم ... عايبني الموضوع وايد.....
و
متعالية : كلامج صح حبيبتي :up: ومشكورة على المشاركة، بس مشكلتي اصدق اي كلمة تنقال علي :o(( بمعنى ماعندي ثقة قوية))
اللؤلؤ المنثور : صح حبيبتي تختلف مقاييس الجمال من شعوب لأخرى
تدرين من احدى المواقف الي اثرت فيني
يوم كنت تقريبا 11 سنة كنت في عرس وقمت ارقص((مع العلم ان عمري مارقصت ولا اعرف ارقص)) المهم ، قامت وحدة تقول لأختي :شو فيها ترقص جية :confused:
للأسف اختي قالت لي وانا تحطمت ،(( المشكلة ان هالحرمة مطوعة :rolleyes: )) وهي من قرايبنا وماتوقعت منها هالكلام


الرشيقه :صباح الانوار ، بالنسبة لي عندي ثقة بشخصيتي ولله الحمد ، بس المشكلة في ثقة الشكل، مع ان الحمدلله الي حولي كثير يمدحون شكلي ، بس مثل ما تدرون لا بد من بعض الحاسدين

الملاك الحزين : كلامج صح الثقة اهم شي ومشكورة على المشاركة حبيبتي


ام سعيدة : هههههههههههههههههه دايما الاحظج تشبهيني ههههههههههههههه ((من مواضيعج) (a،حتى في الثقة بالنفس كانت ثقتي بنفسي عالية
بس للأسف مرت علي عدة مواقف من ناس حسودين افقدوني ثقتي في نفسي(( للعلم ادري اني حلوة ولله الحمد ، بس من حقد الناس دايم يحاولون يفقدوني ثقتي بنفسي والسبب اني ضعيفة الجسم ، بس الحمدلله بديت امتن :shy: ))
:cool2:

روض القصيد : هية والله اهم شي نعمة الله علينا
الحمدلله والشكر
انا دوم اناظر روحي في المنظرة واقول( الحمدلله الذي زين خَلقي وخُلقي))

مشكورات حبيباتي على المشاركات الرووووووووووعة
:up:
أ
السلام عليكم ورحمة الله وبركاته..

وردة الثلج علشان تكونين واثقه سوي مثلي.. انا امشي واحط في بالي اني الحمدلله قمر.. والي يقول عني ما يقول صوبي كم صعب الوصول.. لو شو يقول صح يدش قلبي كلامه يوم ايلس اتطالع عمري بالمنظره اقول لا هذيلا يغارون مني وانا الحمدلله قمر قمر يا قمر حبيبي قمر في نظري.. :D2
و
:D2 ام سعيدة مشكورة حبيبتي

اكيد انت قمر:shy:
بصراحة في هالمنتدى ما شاء الله ، البنات قلوبهم على بعض
وان شاء الله دوووووووووووم

الله يخلينا لبعض
مشكورات حبيباتي رفعتوا معنوياتي :up::up:
h
اصلا مافي بنت مافيها جمال
كل ماتشوفين وحده بتلاحظين ان في اشياء كثيرة تميزها

وكل ما تركزين عليها اكثر بيبرز جمالها اكثر واكثر......

واذا احد قالج انج مب حلوة وبكل بساطة قوليله........ان كل انسان يمتلك مميزات الجمال ........وخليج واثقة ان في شي يميزج ويكسبج الجمال حتى لو كان بنسبة ضئيلة.........اونة عاد اتفلسف

بس صدق .....خلي فبالج ان ربي وزع الجمال على كل الناس والحمد لله وما اظن ان في احد محروم منه.........صح:shy:


اسمحيلي لاني طولت عليج وسامحوني اذا مللت فيكم....

تحيتي لكم:up:
X