لاتحرموني من مشاركتكم وخبرتكم ( بس بأمانه للمجربين بس ) أنا هب ناقصه ...والله يوفقكم

لاتحرموني من مشاركتكم وخبرتكم ( بس بأمانه للمجربين بس ) أنا هب ناقصه ...والله يوفقكم
السلام عليكم ورحمه الله وبركاته
كيف حالكم ياأعضاء منتدى عرووووس ؟أتمنى أتكونوا بألف صحه وعافيه...
طلبتكم طلب ....ساعدوني فيه...

المهم أنا عندي عرس 13/1 /2005 باذن الله ... أتمنى انكم تساعدوني اوكيه ..
أبغي أحد يسويلي جدول مرتب عسبه أهتم أوكيه... وعسى الله ينولكم كل اللي في بالكم ... أتمنى أن ماطنشوني ...


أولا..
الشعر..
شعري جاف حيل لاني ..
* ملسته شهر( 5 ) ولحد الآن ماراضي يستوي..واتعرفون التمليس شو ايسوي بالشعر ويليتني ماسويته ..( قدر الله وماشاء فعل) المهم

* صبغته من اسبوعين وزارد الطينه بله يعني أطرافي مثل الخشب الواقف واليابس..
بالمختصر المفيد ...
شعري باهت + مقصف+جاف واتعرفون الباقي..
وعلى فكره انا شعري فوق كتفي يعني كل مره اقصه وخاطري يطول شووووي ..

بخبركم بالاشياء اللي عندي للشعر وقولولي شو استخدم منهم....
الزيوت:-
* زيت الخروع
*زيت زيتون أصلي
*دابر أملا
*أصغر علي
*نيلابرنكادي من النارجيل
*زيت الحيه وشمع النحل اللي الكارتونه خضرا صغيره
*زيت براشوت الازرق اللي مال الاكل
*عندي زيت ماخذتنه عند حرمه شكله جوز الهند + حلبه
*عندي زيت خذته من أبو الدهب للأعشاب ؟؟
*زيت الجرجير
*زيت سيسا هذا شبيه اشوي بزيت تراشوب

الكريم:
*كريم بلمرز ( هير سكسس) علاج للنمو + يساعد على منع التقصف ويسمح باطاله الشعر
( الابيض).
*كريم بلمرز بالزيت لكوي الشعر ( بالبروتين) لكوي الشعر
*كريم مان ( الاسود مع الابيض)
*كريم شعر بعسل النحل من ايفا
كريم اسمه ( kieselerde) هو للشعر المصبوغ والجاف يتحط قبل السبوح بساعه..

السيريوم :
* قطرلت زيت الحيه مقوي للشعر ( الابيض+الوردي)
* جوجوبا كريستال والكراتين ( لعلاج التقصف ) لونه اخضر شفاف

حمام زيت
* فاشكول بالثوم
*كيمو بالخس والخيار
فاشكول بالقمح والعسل
*كان الوردي

الشامبو والبلسم
* حاليا استخدم ( Cystel ) الدكتوره وصفته لي
*بلسم من ويلا الخضر

فيتامينات
* الدكتوووره عطتني فيتامينات
* فيتامينات اسمها Hair & nails
واللي عندها فيتمامينات أوكيه بسرعه ايبين مفعولها اتقووووول
الاضافات :

*شحم خروف
*حنه يمنيه
*سدر
*سمن
*زبده لوباك غير مملحه

هذا كل اللي عندي أتمنى انكم تساعدوني ولا تحيروني واتوهوني ابي شىء سهل اسويه قبل فوات الاوان..

ادعوووولي الله يرزقني بولد الحلال والله يرزقنا كلنا بالزوج الصالح و الذريه الصالحه ويستر على امة محمد اللهم امين يارب ...السموووحه ع الاطاله