يا صاحبي بتموت ماني براجيك

السلام عليكم ورحمة الله وبركاته




حبيت انقل لكم هالقصيده وان شالله تعجبكم :




راسك علامه رافعه يوم احاكيك &&& الظاهر اني فوق حجمك عطيتك

لحظه نبي نرجع دقيقه لماضيك &&& بذكرك في اي حاله لقيتك

كان الضياع ودمعتين تــخــاويـك &&& منهار وفي عز انهيارك خذيتك

وارخصت عمري لجل احبك وأداريك &&& هدمت قصر الذل فيك وبنيتك

كـان الـغـــلا شمعة تنور لياليك &&& لو اظلمت دنياك جيت وحتويتك

ياللاسف كنت امدحك وافتخر فيك &&& رفعت من شانك وعليت صيتك

كنت انت عندي غير ما اقدر اخليك &&& اموت واحيا ان قلت سم وفديتك

واليوم اشوفك خنت حتى مباديك &&& صغرت في عيني وأنا اللي هويتك

الضيف لو انه عدو معاديك &&& غصب عليك تقدره وسط بيتك

يا صاحبي بتموت ماني براجيك &&& واشره علي ان كان حتى طريتك

لا صار ذل النفس في قلب يغليك &&& يلعنك يا قلب عشقك وشريتك

اضحك حبيبي دام وقتك مسليك &&& بكره تموت من القهر لا نسيتك



وسلامتكم



اختكم عشق القوافي