لأصحاب الخبرة "هل الوقت مبكر"؟

بالنسبة للتجهيز اعتقد المفروض تبداي بالاشياء اللي ماتجدم مثل البخور توصين عليه من الحين والعطور تبداي تجمعي منها .. اما الملابس والعبي والذهب والاكسسوارات وحجز الصالون خليها أخر شي عشان تكون يديدة...يعني تقريبا قبل اربع شهور من العرس تبدي فيها وخلي الشهر الاخير للراحة لانه اذا بقى هالشهر وانتي مامخلصة اغراضك بتتعبين فيها وبتحسي نفسك مضغوطة وبيأثر عليك نفسيا وجسميا..


بالنسبة للصالونات مااقدلر افيدك عن صوالين بوظبي..انشالله البنات يساعدونك.

ومبررررررررروووووووك...مقدما..

السلام عليكم


شحالج أختي ملقوفه


زين ماشاء الله عندج وقت تستعدين بالراحة


حطي قائمة باحتياجاتج

في بعض الملاحظات لي يمكن تفيدج لو إني مب امعرسة بس اسمع من لي حوالي من المالجات و المعرسات


أول شي: إنتي بتأجرين فستان العرس و لا بتفصلين؟؟؟

لأنه التفصيل يطول حسب الموديل لي تبينه


في نوع من العلاجات إذا بغيتي ممكن تبتدينها من ألحين

للشعر و البشرة و التنحيف


الملابس خليها قبل العرس بشهر يكون موعد استلامها
و احسبي المدة لي تبينها عشان تتشرين القطع و من وين بتودينهم عشان ما تتبهذلين بالنسبة للموضه عن اتكون جديمةو كل شي يكون امرتب



العطور و الدخون خليهم قبل موعد استلام الملابس بحول 10 أيام


المكياج قبل العرس ب3 أسابيع لأنها تخرب


و اذا في شي ثاني ممكن أفيدج فيه قولي و انا بتخبر لج



بالتوفيق و عقبالي ان شاء الله انشدكم شو اسوي بمهري :shy:



اختج


الخرشة

هلا حبيبتي اول شي الف مبروك ان شاء الله والله يتمم عليج

اكيد وايد امبجر ( بدري ) لان تو الناس عرسج بالصيف واحنا الى الحين بالشتا

شوفي حبيبتي لا تبتدين الا قبل العرس بـ 3 شهور اذا كان نفنوف العرس تفصال اما اذا تاجير فابتدي بالخفيف بالاشياء اللي مثل ما قالت اختي اللي قبلي عطورات وبخور

بس اذا في مشاكل ببشرتج وشعرج وتبين تضعفين فمن الحين احسن لج

لان مشاكل البشره يبيلها وقت وهم الضعف يبيله وقت بعد

واذا تبين تسئلين شي انا حاضر

على فكره ترى انا مو مخطوبه بس قلت لج من اللي اشوفه ببنات عمي

Qater-alnada كلامها صح ..

وايد باقي على عرسج .. مافي داعي تسوين اي شي الحين الا علاج البشرة او التخسيس .. حتى لو بتفصلين فستان العرس .. فصليه قبل العرس بشهرين ا و 3 شهور على الاكثر ..

بشكل عام ابدي قبل العرس ب 3 شهور كفايه..و اهم شي تبدين فيه الحجوزات عند الصالون و التصوير .. لكن الفندق احجزيه من الحين.. هذا الكلام من تجربه شخصية ..

عن الماكياج .. عندكم صفية النويس في صالون صوفي .. ماشاء الله ماكياجها ما عليه كلام ..

و الله يوفقج ..

البنات ماقصروا ...

بس والله نصيحة من وحدة مجربة ( عرسي مابقا عليه غير 20 يوم و أنا بعدني شو كثر أشيه مب قادرة ألحق عليها ) :pain:

شوفي حبوبة ..

أنا أقولج أبدي على خفيف ( يعني سخني :D2 )

لا صدق .. ابدي اشتري العطور و سوالف الدخون و العود ..

و حتى الجلابيات مال البيت و قمصان النوم و الملابس اللي بتلبسينها جدام ريلج يعني سوالف بديات مشخلعة و تنانير قصيرة و شورتات و غيره .. عادي ماشي مشكلة اخذيها .. لأن هاي أشية ما بتلبسينها إلا جدام ريلج يعني ما بتجدم ..

أما ملابس الطلعة و العبي و الشيل هاي اصبري عليها الين قبل عرسج بشهرين و ملابس الطلعة يفضل اتأخرينها .. لكن العبي شهرين ممتاز عسب يقدرون يخلصون طلباتج

و لأن هاي الأشية اتطيح موضتها بسرعة .. يعني مجرد ما تنزل في السوق الناس يشترونها و يلسونها و انتي بعدج داستنهم لعرسج .. !!

أهم شي اتسوين لج جدول تمشين عليه و ترتبين أوقاتج لأنج ما تعرفين ظروفج عقب ..

و السموحة يالغالية

:smile:

لاتنسين الملابس المحتشمه عند الناس الله يوفقك:flower:

وأتركي عنك العبايات الملونه لأن أصلا العبايه للحشمه مولتزين

السلام عليكم
اسمحولي على التأخير... بس ما اقدر ادش النت إلا اسبوعيا بسبب ظروف شغلي....

المياسة... ريم الشارقة.... Qater-alnada.... الخرشه.... هوى الروووح... لين...
ما قصرتوا حبيباتي و الله اني استفدت من كلامكم واااايد لأني كنت ناوية اشتري العطور و الدخون و اشوي ميك اب من الحين حتى الملابس...

و عن فستان العرس انا ناوية استأجر بس يكون اول لبسه نفس اليديد يعني صح؟؟

مشكورين و الله يوفقكم يا رب و عقبال ما نفرح فيكم ان شاء الله:)