انا عندي فكرة ما أدري اذا بتفيدج ول لا ............... شو رايج تاخذين هدية وتقدمينها بنفسج لأمه صدقيني هي بتقدر هالبادرة منج ويمكن تتغير معاج أو عزموها في مكان بر البيت وأحسنو معاملتها يمكن هاشي يأثر فيها.....
لا يا اختي انا ما انصح بهالخطوة ، اللحين ابوها رفض الخطبة بسبب الام فإذا تروح تقدم هدية للام بهالظروف راح يبين انها هي اللي تركض وراهم واذا ابوها عرف بسالفة الهدية راح يزعل منها وياخذ بخاطره لأنه في نظره بنته ما احترمت كلامه وكأنها رايحة تترجى الام تجي تخطبها لولدها وتنزل من مكانتها. بعد ام الولد واهله ممكن يشوفو الموضوع على ان البنت تبي ولدهم وما مهتمة برأي ابوها وجاية تراضيهم وتترجاهم بهدية عشان يخطبوها رسمي .
انتو ما غلطتو وهذه الاعراف والعادات والاساس ان الحريم هم اللي يخطبون والرجال بعدين يحددون الاساسيات من مهر وعقد.
اذا الولد يبيج فعلا راح يحاول قدر الامكان يقنع امه . وخلي الموضوع على الاهل . ونصيحة مني لا تتعلقين بالشاب ولا تفكرين فيه ولا تفكري حتى بهالموضوع ، عشان ما تنصدمي اذا اتعلقتي فيه وما صار نصيب.
عيشي حياتك واتمتعي بوقتك . وخلي الموضوع على الله تعالى والخيرة فيما اختاره الله.