أدعوا لي بالصبر ....

والله حتى انا احاتيك

كله ادخل هالقسم عشان اطمن على اخبارك


بس مااحصل ردودك


حوفتينا عليك:confused:


بلييييييييييز طمنينا:confused:

الله يفك كربتك يارب داعي لبك بهالايام عسى الله ان يتقبلها مني عسى الله ان يفك عنك كربتك ويعيد لك زوجك وتكون حياتكم جميلة كيوم زواجكم وافضل ايضا

يارب

[CELL=filter: glow(color=sandybrown,strength=5);][ALIGN=center]مرحبا حبيبتي

فعلا عورتي قلبي
وقريت موضوعج من الاول

بس بقولج أشياء في بالي ويمكن اتكون مو مرتبه من جي بحطها لج على هيئة نقاااط

انتي ليش معتبره الطلاق نهاية الحياه؟؟بالعكس انا اشوفه بيكون بداية حياه لوايد ناس وفعلا كان بدايه لوايد ناس اعرفهم

.....لاتقولين محد بياخذني ليش :pain:

ياما مطلقات خذوهم احسن الناس من بعد ماتطلقوا وهم عندهم بدال الياهل5 ياهال

تطلقين منه وتصيحين في حضن امج شهر وبتنسين ابرك من انج اتفورين دمج وتبجين وماتقدرين اتنامين الليل

هذا كله بينعكس على صحتج والله العظيم وحده ظروفها مثل ظروفج كانت طالعه من النفاس ومن الحره على الريل

انشلت 20سنه ويوم عرس ولدها هذا اهيا
توها تحرك يدها في العلاج الطبيعي:down:


انا اشوف ريلج مو حاس بقيمتج ومخليج ديكور يبي يحس بالأمان بالوقت الي يبيه ويخليج مثل الطرطوره((اسمحيلي:o)) بس فعلا انا واجد متأثره وقلبي محروق عليج :confused:

وبعدين تصرفاته كلها وخط التليفون الي انفتح وسمعتيه يكلمها وبالمطعم وحطيلي شيشه والحمره هذا كله شنو يأكد اكيد على علاقه فيها هذا اذا ماكان متزوجها((الله لايقوله))

وبعدين انتي اتقولين اتشمشمين اثيابه وادورين حمره ....خلاص حبيبتي تاكدي ان اهو من عرف انج اتشكين فيه وصدتي حمره خذ احتياطه:pain:

انا لو منج اتطلق ولا اتحسف عليه على الاقل بنتي بقولها انا بابا يقدر يعيش احسن بروحه واحنا بعد بروحنا احسن بنساتنس وبنلعب

وبيودينا نلعب ونطلع معاه مرات بالاسبوع

لان بابا عنده شغل وااايد

واشوي اشوي بتاخذ الموضوع عادي.....ابرك من ماتتعقد بصراخكم وهوشاتكم والاب ساكت والام ساكته

انا اشوف انتي ماقصرتي بشي وأي ريال غيره بيبوس التراب الي تمشين عليه....لكن اهو مو همه اناني همه على نفسه وبس....وبعدين الي يدريج ان ربعه ماكلين عقله يعلمونه شيسوي بيته ومع مرته وهذا اكبر سبب يدمر البيت ويخرب الزوج على زوجته

وامه يوم اتقولج صبري يبنتي اتعرف انا مافي مره بتتحمل ولدها مثلج....


حياتج وراحت بالج اهم مليون مره من حرقة قلبج ودموعج... والدقايق الي تمر عليج كنها ساعات:confused:



اذا انتي فعلا حاسه ان حياتج بتوصل للطلاق اختصري الطريق ولاتعورين قلبج اكثر من جي

وفكري بعقلج مو بقلبج وعواطفج واتاكدين انه بيندم على قد شعر راسه ومش ابعيد يرجعلج ندام وموطي راسه

اصلا حرام اتفكرين اتجيبين اعيال وتظلمينهم اكثر مع ابو مثله

اي وانتي اتقولين انا مو مصبرني الا انه بيدفع الاجار ومدري

انتي تدرين اصلا انه المحكمه لو تطلقتوا بتلزمه يدفع مسكن ونفقه وكسوة عيد وكسوة شتاء
بدون اي تنازلات منج وحرقة قلب وسكوت ومادري ايش على الاقل بتاخذين منه كل شي وبتشتغلين وفلوسج بتصرفينها على عمرج وفوق كلشي راحت البال

والله يوفقج ويعينج ويصبرج

[/CELL]

كاتب الرسالة الأصلية : الكئيبة
أنا مع راي الاخت أحلى شهد :up:

اقنعيه وروحوا الحج ... لعل الله يغيره للأفضل :smile:

عربية مسلمة ، الكئيبة ، صباحي ، نور المدينة ، احلى شهد ، سرمدة ، مرموم ، وباقي البنات اللي والله ما راح انسى وقفتكم معاي اصلاً شاقول غير :cry: :cry: صرت اخجل اخجل منكم بصراحة والله بس احس ان قلبي وقف من ناحيته من اهماله لي اشوفه باليوم بس نصف ساعة يتغدى بسرعة ويطلع وما يرجع الا الساعة الواحدة والنصف وانا كأني اثاث بالبيت
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه ما اتمنى اللي فينى يصير حتى حق عدوتى ، اهمال ، فلوس ما يعطينى ، اقول بعد الحمدالله ادعى اأن لله يهديه علشان ابنتى ما تشتت ، بس صعب احس ان قلبي تعبان وصرت بس اتمنى اتمنى اصيد عليه شي من جديد علشان اتطلق منه وافتك ، بس هو بالنهاية حنون علي واعرف ان يحبنى بس الله يهديه متبع اصدقائه ، انا هذي نصيبي الله كتب لي هذا الزوج فلازم اتحمل وبعدين انا انتظر هذا الشهر لكي يدفع الأجار والمفروض يسفرنى لكي اغير جو .... بس هو يعرف اذا انا صدت عليه شي من انواع الخيانة يعرف خلاص لازم يطلقنى ، فما اتمنى ان يخونى والله ساعات اقول اعتقد ان عنده بيت ثاني بس هو مسجل بالرياضة ويروح الرياضة وانا قلبي تعب من كثر ما اشم ثيابه من ليلتين شفت شعرتين على قميصه ما اقدر اظلمه لأن انا قصيت شعري نفس الطول يجوز يكون شعري ، واليوم الثاني شفت خط خفيف أحمر بعد ما اقدر اظلمه يجوز يكون دم مش حمرة شاقول يا بنات اعرف ان الطلاق شي صعب بالنسبة لي وان بنتى متعلقة فيه وايد ما اريد اخليها تمرض علشان حماقاته يارب ادعوا ان الله يصحيه من نومه وغفوته ويفتح عينه علي يارب اقول شنو هالجسم اللي عنده قوي وما يتعب على طول النهار يكرف ويكرف وما يرتاح حتى مرض ما يمرض علشان يجلس بالبيت وانا اهتم فيه ، والله اتمنى ان يمرض علشان يجلس معي بالبيت ، آه يا بنات بس ادعوا لي ان الله يعطينى المزيد من الصبر والتحمل والله ماشاءالله علي أش حلونى البس له القصير واسشور له شعري دائماً واكون له نعم الزوجة بس هو ولا شايفنى بس ما اقول غير الله يهديه الله يهديه تصدقون صرت ما اقدر افضفض لأحد غير خدامتى قلبي يكون متروس منه واناديها واجلس ابكي معاها وهي تبكي لي وتعرف وضعي وصرت ما اطلع من البيت الا معاه يوم الأربعاء والجمعه يعنى طول الأيام بالبيت من العمل للبيت مسكينى حتى ابنتى صرت كل اهاوشها لين تيجي تبوسنى وتريدنى ادلعها ابعدها عنى واقول روحى ما احبج مسكينى صرت ما لي خلق حتى لها فتروح للخادمة حسسسسسبي الله ونعم الوكييييييييييييييييييييييييييييييييل في اللي كان السبب .

نروح العمرة بإذن الله بعد موسم الحج على وعسى الله يفتح قلبه ويصحيه من نومه ، وقلت له باوديك على حسابي علشان يودينى ، بس اريد اروح واوديه اريد اغسل قلبي هناك ، واتمنى زوجى يهتدى من يشوف بيت الله ويحس صج ان عنده بيت وزوجه وبنت مسكينة بنتى والله ما جنه عنندها ابوه ما يفتكر حتى يتعنى يوم ويطلعها يلعبها مسكينه يطلعها بس الجمعه بيت اهله.

امييييييييييييييييين يارب

الله يهديه ويحنن قلبه عليك

ويساعدك يارب ويرزقك الخير

الله يصبرك اول شئ عليك فعله هو محاولة تهدئة اعصابك اعرف ان وجوده امامك يذيد معدل العصبية الي حدها الاقصي.السفر الي الحج باذن الله سوف يريحكم انتم الاثنين الي اقصي درجة واكثري من الصلاة علي الي الرسول والدعاء ليطمئن قلبك حتي ولو لم تجري الامور كما تشتهين .اصدقاء السؤ لهم رب يدبر امرهم واعتقد بان زوجك يستمع الي كلامهم دون وعي وحتي يثبت لهم ان الزواج لم يغيره مع ان الزواج احد محطات الحياه لا بد ان يواكبه تغيير كامل في كل ما تعودنا عليه ايام العزوبية .خليييك كوووووووووووووول يحتار :cool2:

والله يأخت نودو مأطلب من الله غير الصبر لك , فعلا صارت حكايتك على بالي ليل نهار وأحاول أفكر ويش هي الأسباب وليش؟؟ بس مأقول الا الله يعوض صبرك خير.

فعلا العمره بيساعد كثير وخصوصا زوجك"الله يهديه ويصلحه لزوجته وبنته" وانتي حاولي ماتبيني اي شيئ قدام بنتك ترى بعدين بيكبر معاها وحاولي كل ماتزعلي تتقربي لها وتبوسيها يعني هي الأن محتاجه الأمان منك.

أختي ماعليكي غير الصبر والصلاه هذا هو سلاحك الوحيد والي بينقذك من كل شيئ بس عاوز شوية وقت , بعدين لاتتسرعي بالأمور خليكي حكيمه , يمكن كل الي نقوله بالنسبه لكي صعب تطبقيه بس لازم تحاولي , ترى مفتاح حياتك بيدك انتي بعد الي كاتبه الله.


سلامي وتحياتي,,
أختك صباحي

عزيزتي الغالية .. نودو

الله يفرجها عليكي ويصبرك ويهدي لك زوجك

عزيزتي ،، حاولي تقراين سورة البقرة والمؤمنون كل يوم .

وانتبهي ، انتبهي ، انتبهي (( لبنتك )) .. وقربيها منك ولا تخلي مشاكلكم تأثر عليها وعلى نفسيتها .

لكي خالص دعواتي .. بالتوفيق لكي والصلاح لزوجك

:smile:

انا تميت سااااااااااااااااااكته لاني اشوف ردود كفت ووفت بس لما قلتي اللي قلتيه حق بنتج لانج تعبانه نفسيا منه..هني لا اسمحيلي...بصراحه البنت بتتعقد مو بس منه..حتى منج...منه بغيابه واهماله ومنج لما تقولينلها ماحبج ورحي عني وهي تروح حق الخدامه!!! لاتقولين ماتفهم..هي تفهم وتحس بكل اللي يدور حواليها... لو زوجج الله يهديه صالح ومراعيكم..كنت باسكت وباقول الحياه العائليه والحب اللي بينكم بيعوض بنتج عن اي زلة لسان منج لكن دام الزوج يوم معاج وعشرة مو معاج ولايدري عنج وعن بنتج شلون تبين بنتج تعيش حياة طبيعيه..يا ربي..احسن ان كلامي ملخبط بس حاولي لو سمحتي ماتحطين حرتج في بنتج...ااما بالنسبه حق ريلج واذا كنت تحبين تحاولين..سوي شيئين واذا مانصلح حاله اتركيه وبشوف من بياخذه وحتى لو خذ وحده ثانيه يا أما بتشوف المر منه او انها اتطنشه وتعيش حياتها باسم متزوجه وهي مو متزوجه..الشيئين هم: قراءة سوره البقره دايما والشي الثاني انكم تروحون العمرة.. اذا بعد هالشيئين مانصلح قوليله باي باي والله بيعوضني عنك...كان ودي اقولج اصبري وكل هذا اجر لج لكن لاحظت ان تصرفاته معاج تأثر على بنتكم...الله يهديه ان شاء الله ويصبرج

الحياة الوردية beebee شاقول غير الله يعينى ويفكنى من هالدوامة بصراحة دائماً عشان الله يكشفه خط موبايله يعلق على خطى واسمع كل شي ، عاد من كم دقيقة نسيت شنو قلت له يقول هالمرة اذا تميت على الخط وتصوخت وتجسست على مكالماتى اوعدك انك تسمعين شي ما يسرك ، انا رديت عليه بكلمة تخسي وتخسي بس ما اعرف شنو كان يقصد هل كان يقصد من قلب ان عنده شي علشان يحرق قلبي او من صجه او يمازحنى كان فهمتو يا بنات شنو اقصد ، مسكينة بنتى كاسرة خاطري والله اتمنى اتمنى اصيد عليه شي من جديد علشان انهي علاقتى معاه شعوري اتجاهه :down: :down: :mad2: :mad2: :mad2: :cry: :cry: :cry: :cry: :cry: :cry: :angry: :angry: :angry: :angry: :angry: :mad2: :mad2: :mad2: :cry: :cry: :cry: والله حرام عليه الل يسويه فينى والله امشي وادعى عليه وامشي وادعى عليه حسبي الله ونعم الوكيل ، يتظاهر لي بالطيبة والحنية لكنه مكار وخبيث واكبر لعوب بالعالم .. يوم الجمعة ذهبت معاه للسينما واحنا نمشي في المجمع كان في مجموعة فلبينيات الله يزولهم قاعدين يتعشون باللمطعم تصوروا ما شال عينه من عليهم آقول له شنو تتوقع عشيقتك الفلبينية معاهم الا يقول لي هاي تشتغل بالصيدلية .. آآآآآه آآآآه اتمنى يجي اليوم اللي امتب لكم عن خبر طلاقي وانا اتمنى اكون قوية بإتخاذ القرار مسكينة بنتى كاسرة خاطرة وايد باروح البيت بحضنها والمها وابوسها موت آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه مسكينة لين اقول لها تحبين ماما ترد علي مسكينة تقول انا احب ماما وبابا ولين تسألنى ماما وين بابا ارد عليها ماما بابا في جهنم ، تخيلوا تقول لا ماما بابا في اوفيس ، ولين اهوه يتهاوش معاي ويقول لي يابقرة ، ترد ى ابوها وتقول له لا بابا ماما نو بقرة ، يعنى لا اله الله الله اكبر ما شالله وتبارك الله بنتى من وين تعرف ان هالكلمات سيئة ما اعرف الله يحفظها وينجيها وينجينى من الهم اللي انا فيه احس بس ما اقدر اتحمل ل ل ل ل ل ل ل ل

استغفر الله العظيم :confused::confused::confused:

مأقدر أقول غير حسبي الله ونعم الوكيل , من جهه نقول الفراق أحسن ومن جهه نقول الصبر :o:o:o ماني داريه ايش أقولك لاني فعلا محتاره.

كل الأخوات إجتمعنا على رأي واحد وهو محاولةالعمره فورا يمكن الله يهديه ويصلح له.

انتي لازم تجربي كل الوسائل واذا مانفع !! وقتها عندك الحق في طلب الطلاق لانك جربتي معاه كل شئ .

صبرتي الكثير يانودو , اصبري كمان شويه علشان بنتك وشوفي هل في تحسن ولا لاء.

والله يكون في عونك.
صباحي

[CELL=filter: glow(color=purple,strength=5);][ALIGN=center]:down::down::down::down::down:


يعني بصراحه لو انا شفت ريلي يطالع شلة فلبينيات

بقوله ((((((قدر ويهك))))))


بالعقل تسوى عليج حرقة القلب والاعصاب الي انتي عايشه فيه

ياحبيبتي اذا انتي قاعد ومستحمله عشان بنتج تراني اقولج يمكن مادومين لها والسبه الحره ((اسم الله عليج))

يابنت الحلال فكي نفسج من هالريال

يابنات يالي اتقولون لها اصبري

والله حرااااااااام:confused:حطو نفسكم مكانها بتقدرون تستحملون هالعيشه:pain:


قوليلي شنو بتستفيدين لو جاج السكري والا الضغط ولا جلطه((بعيد الشر عنج))

بنتج حزتها من بتلاقى؟؟؟؟؟؟؟؟؟:confused::confused:

يمكن يتزوجله فلبينيه وتربي بنتج

والله حرام عليج الي اتسوينه بنفسج ياما تتعودين وتسكتين واتخلين قلبج واحاسيسج حجر

او تطلقي منه وعيشي لبنتج حرررررراااام هالعذاب النفسي الي اتعيشين فيه والله حرام فكري بكل حرف كتبته لج:confused:[/CELL]

السلام عليكم ورحمة الله وبركاااته..

صراحه وفي منتهى الصراااااااااااااااااااحه انتي قاهرتني وحريتي قلبي من تصرفاتك


انتي وش تبين فيه ..

ولا وتقولين تحبينه اي حب وشلون تحبينه وهو يسوي فيج كذا ..

وأنا قاعده أقرا من الصفحه الاولي الى الاخيره وانا من قهره وحطيت في بالي ردود واجد علشان ارد عليك بس شفت رد أختي ميمي بيبي وطلع نفس كلامي اللي بقوله لك

وصراااااااااااااحه انا أئيدها على كل حرف قالته .. وانصحك تفكين عمرك منه

وماراح اقولك اصبري وغيري اسلوبك وعشان بيتك وبنتك وزوجك لا ...

ليـــــــــــــــــه..؟!!



لأنك صبرتي ورجعتي له وجلستي فتره ورجع لعوايده وسوالفه ولا عمل بالاتفاقيه اللي بينك وبينه

سؤال وارجوا انه مافيه تجريح لك وانا ماسألتك اللي وربــــــــي خايفه عليك ..

يعني انتي يوم وافقتي بشروط الأتفاقيه عاجبك الحال انه يطلع ويدخل على كيفه وانتي تدرين وين يروح ووين يسهر ولا يسأل عنك ولا معتبرك شي عنده ..عاجبك هالشي ..؟؟!!!!!!!!!:eek2:

هذي مب حياه ..

واذا تقولين انه حنون ويقولك كلام زي (( احبك واموووت عليك ومااقدر استغنى عنك ويبوسك .....................الخ))

هذا لأنه يغطي على عمايله ..(( الوقــــــــــح ))

وقهرتيني بشي بعد ان اهم شي تسافرين معه وتغيرين جو وهذا من ضمن الأتفاقيه .. ليه طيب تروحين معه وكذا معاملته معك ويمكن يزيد بالسفر لأنك بتخلينه بالسفر يخليك بالفندق ويروح يسهر لحاله وبكذا بيتعرف على بنات جدد ..

كبري عقلك وفكري بعقلك لا تفكرين بقلبك بهالأمور ..



((ملاحظه))::
وبقولك شي انا شكيت فيه ..: انا اقول يمكن السكرتيره اللي عنده بالمكتب مسويتله سحر وتزوجها او علقته فيها وفي الفلبينيين لدرجه على كلامك انه يوم طلع معك للمجمع شاف مجموعة بنات فلبينيات وقالك هذي تشتغل بالصيدليه .. يمكن مسويتله سحر وعرفته على نفس جنسيتها وأشكالها القذره ..

أذا كانت ملاحظتي عند محلها انصحك تحاولين معه بس محاوله اخيره

اذا كان برى البيت كلمي شيخ يقرأ زين وتفاهمي معه انك تبينه يجي البيت ويقرأ على زوجك ويشوف أذا فيه سحر و لأ ويقرأ بعد على البيت يمكن مسوا لكم شي في بيتكم ..

وبعدين اذا جاء الشيخ عندك بالبيت دخليه بغرفه .. وكلمي زوجك قبل الشيخ ليجي ب10 دقايق وقولي له بسرعه تعال بنتي مريضه واااااااجد ((بسم الله عليها والله يحفظها إن شاء الله )) أنا اقول كذا عشان اوضح لك وش تسوين .. وأذا جاء زوجك بيكون الشيخ بالغرفه قولي له ان بنتكم بالغرفه تعبانه وهو بيدخل الغرفه وبيلاقي الشيخ وبيقرأ عليه غصباً عنه لأن أذا قلتي لزوجك بكلم الشيخ عشان يشوف اذا فيك سحر او بالبيت ماراح يرضى صدقيني بيقولك لا مافيني شي ..

المهم انتي فهمي الشيخ على كل شي قبل ليجي البيت .. يعني قولي انك تبين تشوفين اذا في زوجك سحر او لأ لأن ياشيخ هو متغير واجد بكل شي وأذا قلتله انك بتجي تقرأ عليه بيرفض وبكذا بيفهم الشيخ ..

وأذا طلع فيه سحر بيتفق معكم الشيخ على كم جلسة قرأه للقرآن الكريم عشان يفك السحر اللي في زوجك..

بــــــــــــــــــس ::

أذا مافيه سحر .. أنصحك تطلقي منه وأخلصي وأفتكي .. ونفس كلام عزيزتي ميمي بيبي ..


وكلامي هذا كله طالع من قلبي وحرتي عليك انتي وبنتك الله يحفظكم

وتأكدي أني ماقلت لك هالكلام كله الا يوم حطيت نفسي محلك وشلون بتصرف ..


والله معــــــــــــــــك يالغاليه .. وسامحيني أذا طولت عليك ..

الغالية نودو، كنت اقرأ الردود كل يوم وشاكتة لأن ماعندي شي زود عن البنات، بس الصراحة للصبر حدود، يعني لو كنت مكانك ماقدر آستحمل هالعيشة باموت ويمكن تصيدني أمراض الدنيا كلها. وله آنه ساعات من ضغط الشغل تتعب نفسيتي بعد يكملها علي زوجي في البيت.

نودو، عطيه محاولة أخيرة وإذا ماتغير الحال تركيه، لا تقولين ]حبني أكيد يحبك بعد مانقدر نظلمه بس يمكن بعدك عنه يصحيه، لأن لو لف الدنيا ماراح يحصل وحده تستحمله مثلك ماشاء الله عليك، يعني حتى هالبنت الحلوة وين تجوف أبوها غير نصف ساعة وبالليل لما يرجع تكون نامت...

لا تذبحين عمرك، خلى الباقي من صحتك حق بنتك الله يخليها لك....

:sad: :sad: :sad: :sad: :sad: :sad: :cry: :cry: :cry: :cry: :cry: :z_sorry: :z_sorry: الزوج علي وانتوا بعد علي ، انا من رايي ان الوحدة لازم تصبر اذا عندها بيبي لأن الحياة مش بهالسهولة اللي متصورينها في حالة الطلاق
والله انا شاكرة لكم جزيييييل الشكر على وقفتكم بعد احس ان عندي نفس لكي اقاوم حياتى علشان خاطر بنتى ما تشتت لأن انا ما بقدر أربيها من غيره ، انا صج حياتى صعبة وصعبة معاه لكن الله بيفرجها علي انشاءالله سواء بتغييره أو بطلاقي منه ، وبعدين والله يا جماعة انا لين اشوف مصائب غيري تهون علي مصيبتى اقول بس الله يعطينى الصحة والعافية واقدر اواصل بعملي من غير غياب واتمنى بس الله يعدل أمورى ياريت الله يدخل كرهه بقلبي لكي اتخلص لكن صعب الحمدالله انا تعودت على هذه العيشة بس اقول انشاءالله ما يخونى ، لأن اذا عرفت اعرف بنهار انهيار شديد..... الله يهديه ويحنن قلبه علي ويفتح عينه ، انتظر موسم العمرة انشاءالله بعد الحج بتاريخ 17 فبراير الشهر القادم بإذن الله تعالى راح اغصبه لكي اوديه بيت الله وما تدرون يجوز الله يغيره تغيير كلي ، ما في شي بعيد من الله كن فيكون ... بس علي بالصبر والثبات.. انتوا ما تتخيلون انا كل ليلة بروحى مع بنتى نكسر الخاطر كل العالم يطلعون مع زوجاتهم لشراء اغراض العيد الا انا وبنتى :confused::confused::confused: انا ما اقول غير حسبي الله ونعم الوكيل اذا هو يخونى انشاءالله ينكشف باسرع وقت قبل ما تضيع السنين ، واذا ما يخونى الله يبعد عنه بنات الحرام واصدقاء السوء واللي في بالي..آآآآآآآآآآآآآآآآآآآآآآآآآه سامحونى يا بنات لا تزعلون منى اذا انا الى الآن صامدة واريد زوجى تره كلمة الطلا لا لا لا ق مش هينة على الوحدة تكسر الوحدة هذا نصيبي لازم اقاوم ياما ازواج كانو اخس من زوجي على الأقل زوجى الحمدالله ما يرجع لي ***** او يضربنى بالليل ....... والحمدالله هو ما يعترف لي بشي ،،، اعرف انتوا زعلانين وتقولون طقاق يطقها ذنبها على جنبها بس والله اذا كل زوجة واغلب الزوجات يمرون باللي انا امر فيه بالعالم اتخذت موقف الطلاق جان كل الزوجات مطلقات بس على الوحدة تصبر وتصبر وبالنهاية الله يفرجها ما في شي صعب ومستحيل على رب العالمين هو الجبار وهو القادر على تغيير كل شي ، وكفاية الله سبحانه وتعالى يشوف صبري مع زوجي علشانه وعلشان بنتى ما يتشتتون والله يا بنات امانة عليكم لا تزعلون علي أنا الحمدالله قنوعة وراضية بالقليل وانا متأكدة انشاءالله بيتغير هو لسة صغير ومش عارف الحياة مرده انشاءالله بيفهم وبيتندم على يسويه فينى .......... وسامحونى عورت قلبكم علي بس كنت اريد افضفض لكم .... وتأكدوا انشاءالله بتسمعون كلام يفرحكم بالنهاية وهو خبر فرج الله علي بإن الله ....... انا بس الله في بالي دائماً هو يشوف وهو اللي يقدر يفرجها علي بالنهاية وانا واثقة فيه ان على نهاية صبري بيفرحنى.... وبيفرح قلب بنتى المسكينة المحرومة من ابوها.......:cry: :cry: :cry: :cry: :cry: :cry: :cry: :sad: :sad:

اختي الغاليه
الله يهدي زوجك وكل المسلمين يارب ياحي ياقيوم
واذا الله كتب ورحتي العمره اول ماتشوفين الكعبه ادعي ادعي من كل قلبك ان الله يهدي زوجك وحتى يهدي المسلمين جميعا مو بس زوجك
تاخذين اجر ان شاء الله
لان الدعاء اول ماتشوفين الكعبه مستجاب ان شاء الله
وانتي الحين تقريبا ماشريتي للعيد مع بنتك روحي اشتري وخلي اليوم
يبرد على قلبك شوي وروحي اشتري ملابس وليه بعد ماتاخذين الخدامه
مافيها شي اذا تسليتوا مع بعض فكلنا بشر
يعني قولي لي لو تشوفين بنتك وهي حاملة الكيسه اللي فيها ملابس العيد وفرحانه والابتسامه ماتفارقها مو تنسين الهم اللي انتي فيه
وحتى الخدامه خذيها معاك وتمشوا والله بترتاحين نفسيا شوي :shy:

وانسي في اليوم اي شي يتعلق بزوجك
وبوسي بنتك كل مره علشان ترتاح وتحس ان انتي تحبينها

السلام عليكم ورحمة الله وبركاته

صلى الله عليه وسلم

نودو.. يا حبيبتي..

شوي شوي على نفسك حرام االي تسوينه..

اختي هل الايام ايام عبادة ومستجاب فيها الدعاء .. حاولي تصلين لو ركعتين لله وتطلبين فيها اللي تبين ..

ويوم الوقوف بعرفه اقسمي على الله انه يرد زوجك عليك سالم..

وعلى طول اقرائي سورة الانسان والمزمل في بيتك.. وبإذن الله الله راح يفرجها..