شو رايكن لو حكينا تجاربنا مع body shop

انا جربت الارواج الي في علب مدوره الوردي كان مره حلو لكن الظل الي يجي اربع الوان موحلو

بنات شو سالفة جل الحواجب؟
احد يخبرنا لشو صراحة انا ماشفته ولا استخدمته

أنا مدمنة بودي شوب ودايما أمدحهم في ردودي
أول ما استلم الراتب لااازم اطير عندهم ههههههههه
في البداية استخدمت شامبو Blue Ice
بس بعدين ما قاموا اييبونه حسافة كان Top :(
فغيرته لشامبو وبلسم للشعر الدهني Nettle بصراحة روووووعة
اول مرة أعتمد على شامبو واحد وانا الحين استعملهم
أكثر من سنة ..



ومن المنتجات اللي حبيتها

مجموعة White Musk


مقشر الشفاة Lipscuff


زبدة الكاكاو للشفاة


ماسكارا الشفافة مع فيتامن E


وماسك العين


واللي فعلا حبيته وايد هو مرطب العين
وايضا يقوم بتفتيح منطقة العين .. Moisture White Eye Serum لجميع انواع البشرة


أبقي أجرب مجموعة مون فلاور خاصة وان البنات مدحوها
ومجموعة العناية بالأقدام أحس انها حلوة .. وأيضا مجموعة
العناة بالشفاة تعيبني وااااااايد .. خاصة مرطب الشفاة بنكهة الفراولة
والتوت ,..

والشموع أموووووووووووت عليهم ..

بالنسبة للأسعار في رايي انها رخيصة وتناسب الكل ..

الغالية rain جل الحواجب رقم 1 نفس الصورة اللي حطيتها

Brow & Lash Tint


بس المشط الصغير شفاف مب أسود..
يستخدم للرموش والحواجب يرتبهم ويحددهم
ويخليهم ثابتين طول الوقت ...

انا شريت من عندهم سكراب للحين ماستخدمته لأني مادري شلون افركه على جسمي وهذي صورته



وشريت كريم مرطب بزبدة الكاكاو



واخذت اللمعة اللي بفرشه اخذت لمعة ذهبية مرة روعة



وفيتامين سي قبل المكياج يخلي البشرة ناعمة موت مثل بشرة البيبي



وشريت القفازات حق الجسم روووووووعة يابنات لاتفوتكم ياهي تفرك الجسم فرك وتقدرون تتحكمون وانتم تفركون

وعندي سبراي وايت مسك واللوشن روعة

وعندي ماسك روووووعة يابنات رهيب بس مادري وش اسمه بصراحة

وبس :D

انا اشتريت منه عطور انانيا
مسك
ليمون تي
توباكو فلاور (الى الحين اخذ هذا العطر رغم انه قديم )
وحتى هالعطورات رغم انها قديمه بس ريحتها ماتقدم ابد تظل رووعه
انا من زماان مارحت بس منتحات البودي شوب رووووووووووعه

بنات اللي بتكتب عن البودي شوب ياريت اتحط لنا المنتج واستخدامه عشان نفهم شو السالفه

تعجبني افريكا سبا

ممكن أعرف اذا وحدة منكم جربت المنتج اللي ينفخ الشفايف
واذا اهو فعال ولا لا
أبي الصراحة أجربه

:smile:

مشكورين على تجاربكم الحلوة ^ـ^
أنا جربت فرش و الليف للجسم و عطور فريش بالفراولة و و اممم نسيت اذا ذكرت بقولكمـ ...،،،

من مدحكم لوايت مسك ... ناوية اشتريه ان شاء الله

هييه والله :)

من زمان عن البودي شوب ما رحته ... طحت بلوريال واولاي هاليومين بس ان شاء الله بروحله وأشتريلي كم من غرض من هناك ...

ومتابعة الموضوع معااكم ...

عاد تصدقون ؟؟
انا مالي حظ مع البودي شوب
من زمان تركته فلاتسألوني عن اسامي المنتجات بس انه كل شي استعمله يسويلي حساسية
التونك ومنظفات الوي والمكياج يطلع بويهي حبوب واحمرار
الحمرة تسويلي حرقة بالشفايف
زبدة الجسم والشاور جيل يسوولي حكة مو طبيعية بالجسم

حتى العطور اشتري انواع خفيفة لبنتي عمرها 4 سنين مثل عطر المسك
بس من ارشلها اي عطر من البودي شوب تقعد تكح


الشي الوحيد اللي مشى معاي الآي لاينر مالهم احبه لانه حيل اسود ومطفي
بس جان زين فيه منه ووتر بروف

انا استخدمت البودرة المضغوطة وايد اوكي واستخدمها من فترة طويلة
استخدمت البدي بيتر بنكهة البابايا وايد روعه
الكحل الاسود بعد اوكي

السلام عليكم ورحمة الله وبركاته
بنات انا جربت السكرب بالاملاح وصراحه ما عجبني كثير صح انه ريحته حلوه بس انا استخدمت السكر مع زيت زيتون وفادني كثيير اما مكبر الشفايف اللي هذي صورته نصيحه منى خرطي لا يكبر ولا شي بس خساره على الفاضي وغالي بعد اما القفازات انا عجبتني للاإستعمال اليومي

المحددات بوجه عام جنان ,والمرطب والقلوس روووووعة

السلام عليكم جميعا .. دي الاشياء اخر شي اشتريتها وكانت خفيفه كدا وحبيت اوريكم ياها بالصور ^^
يلا نبدأ:
انا استخدمت كريم اساس رقم 3 طلع مره فاتح على بشرتي :(




واستخدمت البودره رقم 3 طلعت مره مناسبه :)




واستخدمت كريم فتامين E مرره حلوو :)




وبلشر لونو بنكي يجنن وريحتو يااااي مره حلووه اسمو ( coeur de rose) انا اللي زي حقي اللي على اليمين




واستخدمت بودرة رسم الحواجب رقم 3 .. بس لسه ماازبطها مرره بس حلوه :)




واستخدمت اي لاينير اسود مره حلوو رفيييع :)





وكمان اي لاينير ذهبي مع انو انا مو مره احب الذهبي بس مررره حلو زي حقي اللي فوق :)


وبس تعبت ^_^
والله كمان في ارواج اعطتني ياها هدايا مرره الوان باااايخه بس الحمدلله اتمنى
تعجبكم تجربتي ^_^
وتسلمي يا عسل عالموضوع