خسيتي واقلبي وجهك

[ALIGN=RIGHT]اممم بصراحة هذي القصيدة تعجبني وحبيت تشاركوني :smile:

اتمنى ما تكون مكررة



خسيتـي لعنبو جـدك ؛ خسـيـتي والغلط ينعاب خسيتي واقلبي وجهك ؛ ولا كلمه ؛ولاجابه



خسيتي والزمي حـدك ؛ تراهـاضاعـت الاداب انا لاطاشت جنوني ؛ يعرف الجاهـل ادابـه



وش المغـزا مـن الكلمـه بلا داعـي بـلا الاسـباب ؟ وهرج الكذب والتجريح ؛ قوليلي وش اسبابه



انا الشرهه عـلي انـي فتحت لخافـقي كم باب ولكن مثل ماجيتي !!! ترا كبر الجمـل بابه



خذي نفسك معك بـرا ؛ ثـم انقلعـي بـدون إياب فمان الله ؛ والا اقول :: فمان ابليس واصحابه




تحسبيني عـلى فـرقاك ابـندم واغرق الاهـداب ؟انا مبسوط يوم اني ؛؛ طردت الشوم وغرابه



انا ما اعاشـر الخايـن ولا اسـمـع هـرجـة الـكـذاب ومثلك قيمته عنـدي تحـت الزيـرو حسابه



هذاك اللي تحبينه ؛ حقير وخكري ولعاب عاجبك ان قذلته شقراء ويميّل بالشعـر كابه



صحيح انه حقير وزين وشكله للنساء جذاب تشّبه بأخته فلانـه ؛؛ ومنهـا الـدم متشابـه



وانا مانيب حرف الجـر ؛؛ تجرينه على الاعراب انا حرف(ن) جزم نفسه ؛ ومثلي يصعب اعرابه



تشـوم النفـس عــن زيـنـك عـقـب ماطاح فيها ذباب وانا حر(ن) ولد حرٍ ؛؛ تركت الزين وذبابه



انا يابنت من ربع(ن) لهم فوق الفخر محراب انا ابن الشيخ ياخبله ؛ وربعي الهيله ( عتابه )



نسـيـنا ماكـلى (عمهـوج) وكــم روس بـدون ارقـاب رزقك الله بحكم اللي حفظ عمهوج في جرابـه



انا شيخ(ن) ولد شيخ ؛ بذكره تنعمي الانساب اليا قام العرب كلاً ؛؛ يراجع دفتـر انسابه




ولد شيخ(ن) وسط ربعه له بين الرجال حساب اليا ضاقت به الارياء ؛ يهز الارض مشعابـه



محنكني على الطيبه مــن يـومـي صغير وشاب اجل وش رايك بطفل(ن) دلال القهوه العابـه



ترى بدرى على مثلك تعـيـب وساسـهـا مـعـياب ياليت اللي يعيبني ؛؛ يحـاول يستر ثيابه


انا وان جتني زله ؛من الجاهل وهو كذاب تركت القافله تمشي ؛؛ وراهـاتنبح كلابه



وانا ليامن كشفت ان الخوي اصبح لسانه داب نزعت السم من عرقه وكسرت بمخلبي نابه




خلاص الليوم يافلانه ؛ كرهتك والقلوب اغراب وترى كل طير(ن) بكبد السماء يشبع مخلابـه




خساره مثلك بقلبي تضمه غرفة الاحباب وخساره غلطة العاشق ؛ يحطك اول احبابـه




بعد هذاتبين ارجع لجل عينك نصير اصحاب خسيتي واقلبي وجهك ؛ ولا كلمه ؛ ولاجابـه







منقول