في شنو كنتي تتوحمين .. يلله دخلي وقولي ؟؟

:smile::smile:

في حملي الاول كنت اتوحم على زيتون اسود

والثاني على ثوم احب اكثر منة في الاكل

والثالث آيس كريم بو نص كان ريلي ييب لي ايس كريم من باسكن روبنز

وما احب اكلة بس مالبونص يقولي انتي وية فقر

والرابع كان مشمش

يعني وحامي كان معقول

وصح كنت اكره ريلي واكون عصبية لمدة اربع اشهر

سلام عليكم حبيت الشارك معكم

انا افحملي الاول قبل اعرف اني حامل اتوحمت على بيدزا هت وفي الشهر

التاسع اتوحمت على طين البطاطس

وبحملي الثاني اتوحمت على الحبش المشوي

وفحملي هذااتوحمت على الشطه مع اني مااطيقها والطماطم

والفلافل يعني الحوار

السلام عليكم رحمة الله وبركاته

تسمين يا اختي على هذي الموضوع الحلو
بس للاسف ذكرياته ما كانت حلوه
انا يا اخواتي الحبيبات ما كنت اتحمل لا ريحت بعض الاكلات يعني مره البشكاره امسويه سندويجات وفيهن مايونيز وانا اصلانا ما احبه فيوم شميته من بعيد ركضت الحمام عزكم الله ورجعت وحتى ريحه
حجرتي كانت قبل الحمل دومها عطر لاني كنت عروس يديده ودوم غرفتي فيها عطر طبعا مع الحمل كرت هذي الريحه وصرت من عند باب الحجره اول ما ادخل ارجع وريلي وحليله بعد كان ايي ويسولف معاي وانا ما اتحمل ريحته ولا ريحت ملابسه ويوم يقعد ايسولف استاذن منه واسير ارجع واردله وانا وحليلي استحي اقوله ريحتك ما تعيبني وبعد ما اردله يقعد يسولف ويسولف وانا كل شوي استاذن منه واسير ارجع:o وبعد كان وحامي فظيع في الجامعه كنت كل ساعد استاذن من المحاضره واسير ارجع وحتى في وقت الامتحانات ما كنت اقدر اقعد طول فترة الامتحان لدرجه ان مره طلعت وما خلوني ارد اكمل امتحاني وتميت على هذي الحال طول فتره الحمل يعني تمت متواصله لين الشهر السادس تقريبا وتمت متقطعه في السابع والثامن لاني ولدت في هذا الشهر ( الثامن ) ونزل وزني 7او 8 في الفتره الاولي ،بس مره وحده اشتهيت شي وللاسف ما حصلته ( ما اعرف اذا بتذكرونه ،اشتهيت السويس رول اللي فيه من داخل اسكريم فنيليا ودوروه في كل مكان ما حصلوه:down: وهذي كل قصتي مع الوحام والحمد لله انا الحين طلعت من الاربعين وعندي بنتوتي الله يحميها ويخليها وسامحوني على التطويل :smile:

بصراحه راح تضحكون علي كان وحمي على الرمل وكنا لما نطلع واشوف رمل اموووووووووووووت في احساس يجيني موطبيعي ولما اشوف الطعوس انهبل ودي يرموني عليها واكل لحد ما اشبع


والحمله الثانيه شوفو على كرهي لريحه الدخان وشكله وعلى حبي له وانا حامل اموت على ريحته وبس هذا هو وحمي والله يستر من الباقي

آآآآآآآآآآآآآآخ والله مشكلة هالوحام :D2

يلله ننطر الباقي :smile:

تبون تعرفون انا على شنو توحمت


ياخوفي بس تضحكون علي

انا توحمت على الشامبين " هذا المشروب الكحولي "

كنت كل ما اشوف الافلام واشوف الغرشة يروح خاطري فيها

لاحول هذا مو وحام

هذا استوى قلة حيا لووووووووووووووووول

ويوم قلت حق ريلي

قالي شوفيج انتي اكيد تخبلتي

وتم ماسكها علي لين الحين دايما يذكري بوحامي ويضحك علي

ويقولي خلاص

مافي داعي تحملين اذا تتوحمين على هالسوالف هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه



هيه وكنت وااااااااااااااايد احب اطالع افلام اجنبية

تحياااااااااتي للجميع


اختكم

n3nooo3aa

السلام عليكم


انا حامل في شهري الرابع احس عمري عاديه اشتهيت اشياء اكلها ما ادري هذا وحم ولا شو يعني مثلا اشتهيت الملفوف واكلت منه بس مب واااايد :eek2::eek2:


واشتهيت الاندومي هذا اكلت منه وايد ثلاث جلاسات كاملات ما ادري هذا وحم ولا بيتهيالي:shy::shy:


واحب اكل بطيخ وزيتون وهذا كل شي وسلامتكم



السلام علكيم

في حملي الاول توحمت على شيبس تسالي الحااار واعبيه شطه:eek2:
والحوامض بشكل عام





في حملي الثاني بسكويت اولكر اللي ورقته حمرا
مع سن توب


كرتون ورا كرتوووون

أنا توحمت على التمر هندي وأكله مثل المجنونه..

والليمون والملح ومخلل الخيار:smile:

:D2

انا بداية حملي كرهت صوت مروحة الحمام :s2:s2:s2


وكنت احب أكل مانجو الاخضر والملح والفلفل الاحمر تخيلوا
كنت اقصصه فيالبيت واحطه بعلبة واوديه معاي الدوام !!!!!!!!!!!!

وبعدها كنت اذا كا اكلت لم
ة ساعة اكره طعم فمي وكنت اكل علكة كثير دايما في شنطتي متوافر بكل النكهات
بس كنت اكل EXTRA علشان اسناني

آآآآآآآآآآآه وتذكرت بعد كرهت اهل زوجي
ما كنت احب اشوفهم ابدا

والله ذكرتونى فى ايام حمالى والله كانت ايام :smile:

انا اتوحمت على ( اللازانيا ) كنت اشتهيها بطريقه مش طبيعيه :o

بعد اتوحمت على الكافى (نوتيلا) و (فان فير ) :smile:

وماكنت احب اتغدا الا ( عيش لين وروب مع اجار ) :smile:

:cool2::D2

السلام عليكم ورحمة الله وبركاته

:D2:D2:D2:D2

موضوووووووووووووع رائع :up:


بالنسبه لي كان حملى عااااااااقل


كنت امووت في الفلفل :D2

:D2:D2
يالله فكرتوني بالذي مضى ....
انا عن نفسي اتوحمت على خل وليمون وطراشي كتيييييييييير لدرجه اتوقعت ان ولدي ينزل من دون شعر انحرق شعره مسكين هههههههه:D2

بس الحمد لله نزل طيب بس افتكر مره تعبت من هذا الوحم لدرجه ان كنت ابكي لو ما اكلت خيار بخل ههههههههههههه

توحمت اني كرهت زوجي كرهته وييييييع ما احبه يقرب مني بس من بعيد لي بعيد 9 شهووووور الحمل :pain::eek2: وكرهت بعد معجون الاسنان كان يلوع جبدي وكرهت ريحة الزقاير تخليني ارجع كرم السامع(القارئ):D2

الوموضوع حلو وممتع :clap:

بالنسبة لية كان وحمي سئ جداً غير عن حملي الأول اللي مر بدون اي وحم

الأفندي هذا شكلي بكفخة لاجاء من اللي شفتة أول شئ كرهت بيتي واحس انة فية ريحة بالذات الصالة وأحسها ثقيلة دم

وثاني شئ كرهت عطر زوجي وع ولا أتخيل اشوف القارورة وفكرت اني اكسرها وارتاح بس مدري وين حطها عني :D2

وثالث شئ كان نفسي في كرز ما حصلتة إلا في بداية الشهر الرابع يعني قرادة ماعاد أبغاه :down:

اهم شئ انها عدت على خير وانا الحين على ابواب الخامس :up:

السلام عليكم و رحمة الله و بركاته
هذا الموضوع وايد حلو و أحيانا يضحك
خلوني أقولكم على شو توحمت

في اول حمل توحمت على سمك و ليمون مع إني ما أحب لا الليمون ولا السمك و على فكرة كنت أكل بس راس السمك و خاصة العيون و المخ.

أما في الحمل الثاني فتوحمت على سندويشة براتا و كيما و على شبس مع لبن أب, بس الشبس كان لازم يكون حبات دوائر بنكهة الجبن والكيس كان لازم يكون لونه برتقالي.:D2

مشكورين مشكورين مشكورين كلكم ... على الرد ..


والله يقومكم ويقومني معاكم بالسلامة ..


اففف سالفة الوحام سالفة معجون الاسنان كان يلوع جبدي وارجع منه دايماً