موضـوع للتجديــد :ما قلتـي لنـا هديــة زوجــك لك لمّــا قمتــي بالسلامـة مـن الـولادة

الصراحه بصيح :cry:

لان تعبت وايد بحملي وولادتي قيصريه بعد طلعت روح ويبت الولد الي يتمناه ( عبدالله )

لالالالالالالالالالالالالالالاكن حسيته عادي ما ادري

ولا يابلي شي حتى كنت متوقعه على الاقل باقه ورد مع اني كنت اسبوع بالمستشفى

اتصدقون صيحتوني

وبعد المستشفى توقعت هديه ولو غرشت عطر قوم بو 20 بس للاسف مافي شي

حتى انا قلت له وين هديه ولاتدي ........ كان يرد يقول اصبري الحين ما عندي فلوس
(لاكن قبل لا انا اولد كنت والده اخته قبلي باسبوعين وخذ لها خاتم الماس )

اشمعنه اخته

وانا صارلي 4 شهور والده ولا عزمي ولا سولي سالفه

وكل ما فاتحته بالموضوع يقول ما عندي

بس للعلم اهو كان دايما اييب لي هدايا حتى عيد ميلادي سوالي مفاجاء خواتم ذهب وعطور مع باقه كبيره
وكيكه عليها اسامينا وكانت مفاجاء رتب كل شي وانا في بيت اهلي

وعيدميلادي كان لما كنت حامل بالسابع

بس بعد كنت متوقعه حتى ولو شي بصيييييييييييييييييييييييط اي شي حتى لو كلام ولا مشاعر

ما ادري انا طولت بس بخاطري كلام لان واااااااااااااااااااااايد شاله بقلبي

احسه تغير وايد بعد الولاده فعلا انا ما ابالغ بس التغييير واضح

ليش يعني معقوله الريييل يتغيرون بعد ميصير عندهم عيال (يعني بالاول كان رمنسي مهمتم اكثر
الحين لالالالالالالالالالالالالالا

اسمحولي على الاطاله

اختكم ام عبدالله

واللة موضوع جميل مرموم بس انا لسة اول حمل لى وما بعرف هيهادينى اية بس من الكلام البنت نفسى اتفتحت للولادة ههههههههههه عايزة اعرف اية اللى هيحصل بس لسة بدرة امامى 7 شهور للولادة .

تسلمين مرموم على مواضيعج الحلوة مثلج...

مثل مااتشوفين شريط الحمل....بعدني ماربيت....انشالله أدخل فالمستقبل القريب و اخبركم بالهدية....بس اشوف اهم شي الاهتمام بالزوجة و الفرحة بالمولود اهم من كل هدية....

مشكورة مرموم على هالموضوع الحلووو

انا لما رحت المستشفى ما كنت ادري اني راح اولد لان كان باقي اسبوعين تقريبا على موعد ولادتي ورحت لان نزل علي ماي .. وطبعا كنت مع زوجي بروحنا وهناك خلوني عندهم لما ولدت " رحت الصبح وولدت الليل " واذكر ان مرتين يدخلون علي زوجي غرفة المخاض وكانوا مسويين لي طلق صناعي ويدخل ويشوفني اعاني واصرخ من الألم وهو يبين عليه انه خايف وحسيت دمعته بعيونه .. اول مرة قعد بس 5 دقايق وحسيته بيصيح وقام بيطلع قلت له خلك معاي بس هو قال ما اقدر اشوفج حبيبتي تتألمين جذي .. انا بطلع .. وكان يقعد برا يقرأ القرآن عشان الله يسهل علي .. وثاني مرة توه داخل دقيقتين بس وجت الدكتورة طلعته لانها كانت بتفحص علي وكان قبل ولادتي بحوالي ساعة ونص ..
اما بعد الولاده وعلى رغم الالم والمعاناة اللي تحملتهم من الصبح الى الليل الا اني كنت ابغي اخبر زوجي بنفسي اني ولدت بس ما خلوني خصوصا ان موبايلي ما كان معاي .. بس اتذكر لما كملوا خياطه وكل شي وطلعوني من غرفة المخاض الى غرفة الاستراحه وكنت انا حزتها دايخه ومغمضة عيوني وهم يمشون السرير تفاجأت ببوسة على جبيني ولما فتحت عيوني شفت زوجي يبتسم لي ويهنيني السلامه وطبعا اناكنت مو قادرة اتكلم من التعب بس ابتسمت له وشفته يسأل الممرضة عن البيبي وهي أشرت له وين يروح وودتني انا الغرفة ..
احلى هدية كانت في اول يومين هي فرحته الكبيييييييرة بالبيبي وخوفه عليي لان حصل نزيف اثناء الولادة ونقص دمي واااااايد .. اول ليله طبعا يقول انه ما عرف يرقد طول الليل وكان يتمنى الشمس تطلع بسرعه عشان يجي لنا ويوم ثاني من الساعه 8 الصبح هو عندنا وكنت استمتع لما اطالعه شلون يطالع البيبي وشلون يتعامل معاه وشلون يخاف عليه وووو ...

وبالنسبة لهدية قومتي بالسلامة فهي كانت عبارة عن ساعه حلووووووة والكل حسدني عليها لان ستايلها كان غريب ومميز " فريده من نوعها يعني " ..

وبعد ما تعافيت من آلام الولاده وكبر حسوني شوي بدت العزايم ..

والحمد لله ان زوجي من النوع اللي يحب اليهال يعني وايد ساعدني على ولدي كان يسهر معاي ويساعدني في تحميمه وتلبيسه ويلعب معاه ويأكله وكل شي .. صاير ام ثانية اضافة لانه ابوه ..
وهذا كله انا اعتبره من احسن الهدايا اللي قدمها وللحين قاعد يقدمها زوجي لي ..

عسى الله يخليهم ليي ويفرحنا بشوفة حسين معرس >>> مستعجلة :shy:

معلش طولت عليكم وايد ...(a)

السلام عليكم و رحمة الله و بركاته

الله يفرحكم كمان كمان بأزواجكم و عيالكم...اللهم آمين...

و تشوفوا دايما الفرحة بعيونهم...:)

انا زوجي كانت ريوله مو شايلته من الفرحه وهذا الشعور حسيته من نظرته لي ولبنتي لولو عقب الولاده وكان يايب معاه كاميرا بعد الولاده وقال صوريني مع لولو وبعد ما طلعت يابلي تلفون هديه لان تلفوني انباق في المستشفي

up

up

up

:clap: موضوع أكثــــــــر عن رائع مشكوره اختي مرموم على هالموضووع طبعا مواضيعج دايما مميزه :up:
انا الحين في الشهر التاسع وهذا اول بيبي ما ادري شو بيهديني زوجي ...
ادعولي انه الله يسهل عليه..