النجم طاح

النجم طاح
قصيده


للقائد المعلم الشيخ زايد رحمه الله
هذه القصيده اهديها للمنتدى وكل امارتي

ومحب للاب زايد


النجم طاح ورفرف القلب ملتاع

والنفس من هول العذاب مخطوفه


هذا خبر ولا السما لمست القاع

أحس كن الكون يهتز جوفه


صدمه عنيفه تجعل القلب يرتاع

زايد رحل ما عاد نقدر نشوفه

يارب زايد جاك للعفو طماع

ضيف نبيل ويستحق المروفه

يارب كرم منزله وانت شفاع

تراه في دنياه يكرم ضيوفه

ياما شمل جوده مساكين وجياع

ويا ما نشر في كل دار معروفه


شيخ معاريفه تسجل وتنذاع

يعطي ولا يبخل ونفسه عطوفه


فضايله تشهد لها كل الاصقاع

ويشهد له التاريخ بأنصع حروفه

حاز الغلا من كللا الامه بالاجماع

شيخ فريد ما تعدد وصوفه

ابو خليفه وافي المد والصاع

الخير دايم والوفا ما يطوفه

رحل وطيبه بين كل البشر شاع

يالله عسى أعماله عليه مخلوفه


يارب زايد جاك للعفو طماع

ضيف نبيل ويستحق المروفه