أول مرة اطلب مسج .. لا تكسفوني!

للأسف أغلبهم مسحتهم..
أتمنى يعجبونج..


يوم القدر يرسم على الوجه ضيقه..
انت البشاير بالفرح والتهاني..
ويوم المراكب والبحور العميقة..
انت الشراع وطاري اسمك مواني..
ويو الغلا يجمع صديق بصديقه..
يكفي معك حضن الصداقة احتواني..



من يقول ان الغلا حده حدود!!
ومن يقول ان الهوى جامل أحد!!
جيت لك بالوعد يا أحلى الوعود ..
جيت لك بالشوق واللهفة بعد..
بنثر حروفي على أرضك ورود..
وافتخر اني خويك للأبد..



وفي هالمسج بس للأسف معاها صورة مكتوب عليها أحبك واااااااايد
وتحتها مكتوب..
قال النبي عليه الصلاة و السلام : "إذا أحب أحدكم أخاه فليخبره انه يحبه"

والسمووووووووووووحه..

انت الفرح والفرح انتي
وان جار الزمن اقول اخ تي
انا لك مرفا وانت حصني
انت الفرح بقلبي
تعالي يا ريم الفلا
حرامات انام وانت مو بحضني

[CELL=filter: glow(color=silver,strength=5);][ALIGN=center]وعليكم السلام ورحمة الله وبركاته
هلا اختي الفاضله ليلة صيف
هذي مجموعة مسجات واتمنى ان تنول على اعجابج
*************
يا مرحبابك يا كريم المواجيب
انت الاصل وغيرك من الناس هافي

خوتك يا صاحبي طيبن على طيب
ودي ازورك لو على الرجل حافي

قدرك ترى من فوق روس المراقيب
وزنك ذهب وظن ماهو بكافي
===============
سلام احلى من عبير النواوير
للي غلاهم داخل الدم جاري

من راس منهو مايحسب المخاسير
يبيع عمره لاغدا الكل شاري

للصاحب اللي خوته يا عرب غير
غايب وهو دايم على البال طاري
===============
مرت بي الذكرى وانا خاطري شين
ذكرى زمان فات عنا وولى

هلت على خدي دموع من العين
كني غريب عن دياره مجلى

ناديت باعلى الصوت وين المحبين
اللي معاهم قلبي يتسلا

واخص انا صاحبي كامل الزين
اللي ليا جيته رحب وهلا
===============
خزنت لك بالقلب عشرة كلايين
ماهو رصيد فلوس لكن موده

زكاة حبك هي غناة المساكين
من الساحل الشرقي الى حد جده

بمشي معك والله على العسر واللين
والموت والمقسوم ماحد يرده
===============
سلامي للعيون الي تناظر شاشة الجوال
غلاها من غلى عمري عسى ربي يخليها
===============
لو يطير الطير والا ما يطير
لو حدث بالكون فجوه وانقسام
ولو الاحمدي تصير في وادي عسير
ولو حدث تغيير في كل النظام
يستدير الكون كيفه يستدير
يحترق يشتب لو يصبح حطام
ما تغير قيمتك وسط الضمير
قدرها يزداد عام بعد عام
===============
حلفت باللي غسي الشمس مناك
والصبح بامره يظهر الشمس منا

ان اسعد الايام شوفك ولقياك
وان اتعس الايام لا غبت عنا

ودك تلاقيني وودي بلقياك
لكن ظروف الوقت ما ساعدتنا
===============
مهما ابعدتني عن مواصلك دنياي
تبقى عديل الروح مهما جفيتك

لا لاتقول اني على الود نساي
انت القريب اللي بروحي فديتك

اعلمك يا صاحبي ليه انا جاي
حسيت قلبيك يحتريني وجيتك
===============
ذكرتك وارتف موج الغلا وفجر اعماقي
ذكرتك يا بعد شمس تغيب ونورك الباقي
===============
شخص اليا منه مضى لي معه يوم
اندم على ايام مضت قبل ما القاه

احتاج له لا صار في صدري هموم
ولو ينكسر ساقي تسندت يمناه

جعل المعزه بيننا دايم الدوم
انت الصديق اللي من الصعب انساه
===============
لي علتن بين الضلوع المهاديف
يتعب خبير الطب ما يكتشفها

العين تدمع كنها وابل الصيف
والكبد عاصوف المصايب عصفها

واسبابها فرقا القلوب المواليف
اللي من الفرقا ضلوعي قصفها
===============
اشياء كثيره ما تخليني انساك
اعيشها واطرد بقايا سرابك

لك ذكريات باقيه لو فقدناك
صوتك وضحكاتك وكلمة هلابك
*************
واسمحيلي بالتقصير اختاري اللي ينول على اعجابج والله لا يجيب الزعل بينكم انشاء الله

وتقبلي تحياتي[/CELL]

السلام عليكم ورحمة الله وبركاته

و الله اخواني كفو و ما قصرتوا

يعطيكم العافية و جعلها الله في موازين حسناتكم

اختي عيون عربية

المسج حلو مره

ربي يعطيك العافية

اخي عابر سبيل

اشكرك على مرورك

و على المسج الحلو

اخي المجهول

اشكرك من الصميم على جهدك

و على المسجات اللي كل واحد احلى من الثاني

سامحني على التعب

و عوضك الله بالجنة

لكم اخوتي مني كل الشكر و التقدير