خبريني شو نوعية الاستشوار الي تستخدمينه وبخبرج عن الي استخدمه والي يخلي شعري توووب

السلام عليكم ....


انا استخدم elchimمن شركة نزيه ...... و استخدم قبله حمامات زيت وماسكات وقبل ابدى اسشور استخدم سترة اليوكو ...... و بعده مسحه من كريم صانسيلك لانه ريحته حلوه في الشعر و تغطي على ريحة اللاستشوار.....



استخدمه في المناسبات بس لانه مش مستعده اقصف شعري وانا اتعب واعالج واخر شي ادمره بهالطريقه :D2


قوته 2000 من شركة نزيه


وانا شعري عادي مايل للجاف .... عشان جذي محتاج للترطيب اكثر من الاستشوار :up:

شكله الموضوع متعبنكم السشوار وقصصه

اني بالصراحة


وبكل صدق


ما أسشور شعري لأنه مسشور رباني قليلة المرات اللي اسشوره فيها يمكن كل 5شهور بس

وأصلاً بدون سشوار يكون الشعر أحسن

بس الأهل يستخدمون سيروم كريستال قبل السشوار وبعده كريم لبعد السشوار ويطلع شعرهم ممتاز

يالله بالتوفيق

السلام عليكم ورحمة الله وبركاته

مشكووووووووورة اختي ام سعيده على الموضوع القيم

من زمان وانا محتاره في نوعية السشوار المناسب لشعري اولا انا شعري من النوع الكيرلي لا والافرو بعد

وسؤالي هو شو رايج في آلة الفرد الي اتييج مثل حديدتين مسطحتين متجابلتين يحطون الشعر في نصها ويفردونه؟؟

وثانيا شو رايج بالنسبة للسشوارات الي يبيعونها في التلفزيون هذي الي تدور بروحها ((شي بالحراره وشي من دون))

واسمحيلي ثجلت عليج

أما ما اسشور شعري الا نادر حق المناسبات
صح هو مب سايح بس ناعم عادي مثل ما يقولون
الصراحه ما أحب الشعر السايح الطايح وخاصه شعري خفيف واذا ساح بيكون حجمه وايد ضئيل :down:
وإذا بسشوه اسوي حمام زيت قبلها وبعدين احط سيروم كريستال واسشوه بس احسه يدهن الشعر ويخليه ميت مافي حجم !!!

اما كل مرة أغسله إذا كنت مستعيلة وراي طلعه طبعا انشفه عالماشي واروح

وسشواري من شركة KEUNE الصراحه قديم بس ماشاءالله خوش سشوار وكنت شارتنه من مركز التجميل من زمان بس كل شي قديم زين .. وما أعرف كم قوته

بس يستخدمون مثله لين الحين في صالون هالمركز ولونه اسود


ودي اسير اسشور شعري في الصالون بس اخاف يطيح روحه خفيف والصالون ما يقصرون يشدونه شد ويحرقونه بعد :confused:

السلام عليكم ورحمة الله وبركاته..

تسلمون احبائي على الرد وان شاء الله الكل يستفيد..

عزيزتي ELSAMRAH ما انصحج باي واحد منهم كله جذب وما منهم فايده.. ربيعتي خذت واحد منهم ولا شافت منه نتيجه وخسارة بيزات والثاني بو اللي يدور شفته في الكارفور بغيت اشتريه جربته وشغلته حسيت انه ما منه فايده كيف يستخدمونه قوم بو اللي شعرهم طويل!؟ :down:

السلام عليكم ورحمة الله وبركاته..

تسلمون احبائي على الرد وان شاء الله الكل يستفيد..

عزيزتي ELSAMRAH ما انصحج باي واحد منهم كله جذب وما منهم فايده.. ربيعتي خذت واحد منهم ولا شافت منه نتيجه وخسارة بيزات والثاني بو اللي يدور شفته في الكارفور بغيت اشتريه جربته وشغلته حسيت انه ما منه فايده كيف يستخدمونه قوم بو اللي شعرهم طويل!؟ :down:

الاستشوار اللي استخدمه اسمه فورمولا 3000

السلام عليكم ورحمة الله وبركاته


بس اختي ام سعيده مب صعب انج تستخدمين الاستشوار الي من دون مشط الي بمشط اسهل :pain:

لانج لازم اتيودين مشط بايد والسشوار بايد :pain::pain: واااااايد صعب

السلام عليكم ورحمة الله وبركاته..

عزيزتي ELSAMRAH في البدايه كانت صعبه الحين تعودت حتى الكل يستغرب مني :D2

اما انا استخدم استشوار زقزاق من شركه نايشونال وقوته 700 واط فقط لكن احسه يسوي شعري حلو ومااحس اني محتاجه لاستشوار اقوى منه
وفي نفس الوقت ماحس يطلع لي قشره كثر وعن جفاف شعري فهو بالاصل جاف واحط دهان صانصيلك 7 زيوت قبل لااستشوره واغسل شعري ليله وليله يعني استشوره ليله وليله :cool2:

تحياتي لكن

ام سراج :up:

انا شعري ناعم بس نوعية شعري أشوي يصير مثل الحلزونات
يعني مهو سايح
وعندي سشوارين
الأول مثل الي يستخدمونة في الصالونات
بس ما أدكر أسمة
وهو يسوي الشعر أيهبل
والثاني (BRAUN(Power stylerوأستخدمة للأيام العادية ادا كنت حابة أسشور شعري وقوتة1000
بس عندي مشكلة
وما أدري أشلون أحلهة
هي أن شعري بسرعة يخترب
اي انة ينفش بسرعةوخصوصاً في الصيف
فأدا صارت عندنا مناسبة دايماً أسوية تسريحة لأني أعرف شعري بسرعة يخترب
فلي عندهة نصيحة لي حتى لا يروح تعبي أدراج الرياح تفيدني

السلام عليكم ورحمة الله وبركاته..

تسلمون عزيزاتي على الرد والمتابعه الطيبه والتشجيع الطيب..

عزيزتي زمن الوصال اذا ما تبغين شعرج ينفش استخدمي القليل من الكريم بالمرز.. قليل جدا علشان لا يبين دهني.. مثلا خوات زوجي يستخدمون القليل من الجل والله يطلع روعه..

شكراً أم سعيدة على النصيحة
وبجرج وبشوف أشلون أتكون النتيجة
والله يعطيك العافية حبيبتي

:shy::shy:

عزيزتي أشكرك على الموضوع المفيد
واتمنى الكل يستفيد من خبرات الاخرين

ونتمنى المشاركة الفاعلة
لتبادل التجارب، ونقيم الافضل

تقبلوا تحياتي
اختكم
الشيخة

السلام عليكم ورحمة الله وبركاته..

مشكورين على المشاركه والتشجيع عزيزاتي.. ويا ريت انزيد التفاعل..

:up:

لو سمحتي ام سعيده فورمولا 2000 من وين خذتيه وكم سعره

السلام عليكم ورحمة الله وبركاته..

عزيزتي أم شمايل فورمولا 3000 اشترته من محل اللي يبيع ادوات الصالون في الشارجه السوق الي قريب من كورنيش الشارجه..

السلام عليكم ورحمة الله وبركاته..

عزيزتي أم شمايل فورمولا 3000 اشترته من محل اللي يبيع ادوات الصالون ودورت في الشنطه على بطاقتهم كانو معطيني اياه.

اسم المحل: قصر الجمال في شارع جمال عبد الناصر مجابل قرية المحاميد فالشارجه..

تسلمين اختي ام سعيده على الرد