كيف اقدر اعرف اذا في حمل قبل ما يمر شهر عليه

ألف الحمدلله على سلامتج يا عروس اللولو:smile:

إحتمال كان عندك حمل:up:

بس بعد نزول الدول .. ما نقدر نتاكد :o

لأني هرمون الحمل تلاشى و إنتهى

و الله بيعوض عليج كل خير بإذنه

الحمد لله على السلامه اختي:smile: واذا كان فيه حمل وراح:pain: الله يعوض عليج ان شاء الله :smile:
بس اتصدقين انا بعد كان فى بالي نفسسسسسسس سؤالج:cool2:
اشلوووووون الوحده تعرف انها حاااااامل قبل لا يمر الشهر عليه؟؟
:o:o

الحمد لله على سلامتك

انا اعتقد انك كنت حامل لان امي لما سقط جنينها سالتها الدكتورة شفتي دم وبس ولا شيء ابيض قالت بس دم قالت لها نامي وريحي عشان ما يطيح وبعد ساعة امي شافت شيء ابيض وقالت لها الدكتورة ان هذا الجنين سقط

الجنين في الشهور الاولى الثلات يكون عبارة عن قطعة لحمة بيضة يكبر حجمها مع مدة الحمل يعني بالشهر الاول راح تكون صغيرة وايد وايد


الله يعوضك خير

وانا معك انتظر الرد على سوالك لاني لما حملت بولدي الوحيد ما دريت الا بعد ما بدات اتوحم

السلام عليكم ورحمة الله وبركاته

حمدالله على السلامة اختي
عني انا عرفت اني حامل بطفلي الثالث وانا في ثاني اسبوع تصدقون؟
انا ما صدقت

لما كان زوجي مسافر يتني الدورة ورجغ زوجي من السفر قبل ايام من موعد الدورة الثاني انتظرت الدورة اسبوع وقلت يمكن اني غلطانه المهم كنت شاكة بس قلت لازم يعدي شهر ورحت لدكتورة عشان عندي عوار في خاصرتي مش عشان الحمل وسالت عن الدورة وسوت لي تحليل واكدت اني حامل ولما سوت لي سونار
قالت اني حامل باكثر من اسبوعين
وقلت لها لا زوجي رجع بس من اسبوعين
قالت عمر الجنين 3 اسابيع الا
يحسب عمر الجنين قبل الاخصاب يوم تكون البويضة مو يوم الاخصاب
طبعا رديت البيت فيني وحام من ثاني اسبوع تصوروا:s2

والحين ولدت بالسلامة :smile: وكان نفس الموعد اللى عطتني اياها ما شاالله عليها شاطرة


وربيعتي كانت مريضة عندها الالام مزمنه في الظهر وصعب انه تحمل فكانت تراجع الدكتورة كل اسبوعين حتى اكدت لها انها حامل باسبوعين فقط


على العموم انصحج اختي ان تريحين بالج ولا تستعجلين لانه هذا ياخر الحمل ويسبب اظطراب في الهرمونات واحسن انتظري بعد شهر مش كل يوم والثاني تروحين تكشفين بلا فايدة بالعكس ممكن تردين مضايقة وهذا ما يساعد على الحمل انسي وتوكلي على الله وتسلي بالمنتدى جان فاضية وملانة


والله يخلف عليج لاحقة على عوار الراس:pain::D2

اختي فوانيس مشكورة على ردج الراقي

عسولة ... انا اختي عرفت بثالث اسبوع بس لمل فحصت بالسونار عند الدكتورة .. و الله يسلمج من الشر


umadil صدق كانت قطعة بيضاء لزجة شوي صغيرة طول رايبة الاصبع .. الله يعوض علي و على امج ان شاء الله و مشكورة الغالية


ام امون وهجور .. ما أدري شو اللي خلاج اتفكرين اني كل يوم و الثاني اسير افحص .. سبحان الله هو اللي يعطي و هو اللي ياخذ .. بعدين الوحدة اللي معرسة وين اتكون فاضية و ملانة و فوق راسها مسؤولية بيت و ريل ..... دنيا عجايب

الله يعوض عليج ان شاء الله

الاحساس كافي
انا في اعيالي كنت احس اني حامل فيهم باحساسي

والثالث حسيت فيه بس طنشت ومااهتميت قلت لا مااعتقد
:D2

ولين ماعرفت الا وانا في الرابع :D2

اختي الغالية الظاهر انج فهمتيني غلط ما قصدت اجرحج


وبعدين اعرف كيف الوحده منا تشتاق لليهال وما قصدت اغلط عليج

وسامحيني ترا اللي توها والدة يصييير عندها صعوبة في الكلام وتوصيل المعلومة...


وما ادري احس اني متمملله ونوع من الفراغ وعشان جذييه اقعد على المنتدى والا......


الشغل والهموم ....تراها ابد ما تخلص


وبعد سامحييني...

اذا سامحتيني بغيت اقولج اني عرفت بالفحص العادي اول عقب بالسونار حددت عمر البيبي



والسموحة

:pain:

منووووي ...الله يعوض على الجميع ياربي و يرزقج باللي تتمنينه يارب




ملاذ الحب ... الله يقطع ابليسج ضحكتيني و انا ما فيني ضحكة .. الله يحفظهم يا رب و عقبال الخامس



ام امون وهجور .... صدقج احساس الحمل احساس وايد حلو و فرحة سبحان الله .... مع اني وقفت المنع قبل رمضان بس ما اتوقعت اني احمل بسرعة ... بس يا فرحة ما تمت ... و الحمد الله على كل حال .. و الحمد الله على السلامة و ما اتشوفين شر .. و صدقج اللي توها والدة ما تتبرض مثل اول ... و صحتها ما اترد مثل اول الا عقب كم شهر .. الله يعينيج

و استعيني بالله


ام رشووود :pain: :pain: مشكورة اختي على المرور

ربي يرزقج بدرزن عيال قولي امين ونفرح فيج ان شاءالله جريب حبيبتي :smile:

الله يكون بعون الجميع

انا كملت السنة من تركت الحبوب وما صار حمل وكلة يقولولي كل شي

تمام مع اني في عيالي كنت من اترك الحبوب احمل بسرعة

وما عارفة شو السبب

وكل شهر اقول انا حامل ويطلع ما في

احيانا احس بدوخة ولوعة وبعدين بايام تنزل الدورة