تعالوا ردوا علي تكفون

السلام عليكم ورحمة الله وبركاته
اخباركم بنات علومكم؟

خواتي عندي استفسارات عن بعض الاشياء واللي يعافيكم وخاصة انا توني بكر حامل ولا اعرف ولا شي عن الحمل وامي مدري كيف احس انها ما تعرف لهذي الاشياء ما تقولي سوي كذا وكذا


*وش فايدة عرق السوس طبعا ابي فايدته للشعر وللبشره وللجسم وشربه برضوا ؟ وهل هو ياثر على الحامل ولا لا اذا شربته ؟

•هل الحلبه زينه للحامل في بداية الشهور قصدي الرابع مثلا ؟ ولا مضره ؟ لاني ابي تغذيني وتغذي الجنيني لان الدكتوره قالت لي يوم رحت لها الجنين صغير مره وهذا انتي في الشهر الرابع لان وزني نقص كيلوين يوم حملت والمفروض يزيد ما ينقص ؟ (واذا عندكم اعشاب او اشياء زينه للحامل في الشهر الرابع تشربها ولا تاكلها قولوا لاني خايفه كثير انا من نقص هالوزن )

•النشا هل صحيح شربه مع مويه يقوي الظهر ويصلبه للحامل لان انا ظهري والمشيمه نازله حيل وقالوا لي الراحه التامه عاد زوجة اخوي قالت لي اشربي نشا مع مويه زينه للظهر بس المشكله انا اذكر امي كانت تعطينا هالمحلول يوم كنا صغار عن الاسهال تكرمون وبصراحه انا الحين معي امساك قوي واخاف يزيد اذا اخذت النشا مع المويه وش رايكم جماعه ؟

•السفرجل هل صحيح اكله يحمر الجنين ويورده ويسمنه ؟

•المرميه والشاي الاخضر والبابونج هل مضر للحامل او لا ؟ طبعا في بداية الحمل ؟

•صبغ الشعر ولو خصل بسيطه وحده ولا اثنتين مضر للحامل ولا لا ؟ طفشت من لون شعري والله ابي اغير على الاقل تتغير نفسيتي من الحمل

•هل الجماع يؤثر على الجنين او لا لان بعض الناس يقولون يؤدي الى اسقاط الجنين ؟

•واخيرا............ اختي توها امس والد وجابت ولد الحمد لله المشكله انه معها بواسير تخيلوا يا جماعه معها بواسير قبل الولاده باسبوعين والله يعلم بحالها ما تعرف تنسدح ولا تدخل دورة المياه وخايفه انها تولد وهي بهذي الحاله المهم يوم ولدت تقولي نسيت البواسير ولا كانهم موجودين احس اني بعالم ثاني مو عارفه وشو احاتي ياهي الولاده ولا الحاله النفسيه ولا ولا ........ المهم جماعه الحين ماتقدر تسوي عمليه علشانها توها والد وصعبه قولولي شي يعالج او يخفف من ألمهم .. انا سمعت عن عشبه او ثمره مره هي ويسخنونها على النار ويحطونها بشاش ويحطونها على الموضع اللي فيه ..بس المسكله ما اعرف اسمها اللي يعرف واللي يعافيه يقولي ؟

تحياتي لكم