حيرتوني يالبنات بليز ساعدوني ( وبذات بنات قطر لا تهملوني )

الثنتين بنفس المستوى :up:

انا من راي اتروحين المحل عند ماك

وتتدخلين غرفة


وتجربين البودره على ويهج كله

وترجعين البيت

واتشوفين النتيجه:up:

ياعزيزتي لاتزعلين
اولا بشرتج جافه يعني انوع الاساس الجافه مثل الكيك لاتناسب بشرتك بتاتا فابتعدي ابتعاد كلي عن سمر كيك

استخدمي كريم اساس سائل وافضل نوع من ماركة كانيبو وماركة ماك فاختاري واحده منهم وليس الاثنين معا .


دائما وابدا استخدمي الخطوة الاولى كريم مرطب لبشترك قبل وضع كريم الاساس السائل تقريبا بربع ساعه او نصف ساعه .

الخطوه الثانيه امسحي وجهك بثلجه قبل وضع كريم الاساس السائل بدقيقتين تقريبا ثم امسحي وجهك بالمنديل على شكل التربيت .

الخطوه الثالثه لابد ان تكون طريقة توزيع كريم الاساس على وجهك هي الطريقه الصحيحه وهي :

بان توزعي الاساس بالاصبع بان تضعي اصبعك السبابه على الاصبع الذي بجانبه وتقومين بتوزيعه على كامل الوجه بطريقة التربيت او باسفنجه رطبه ( شبه ناشفه ) وبنفس طريقة الاصبع توزعين السائل على وجهك .

الخطوة الاخيره تقومين بتوزيع البودره المنثوره او المضغوطه على وجهك ويفضل ان تكون من نفس الماركه لكي تعطيك نتائج رائعه .


وعلشان خاطر جمالك :cool2: ماتهم الخساير .

تحياتي لك واتمنى ان تعجبك نصيحتي . لانها انسب طريقه لبشرتك الجافه .

وعلى قولة القايل اسأل خبير مكياج ولا تسأل طبيب ( طبعا من عندي تغيير المثل ) (a)

اختك في الله / الموناليزا

بما ان بشرتج جافة فماتحتاجين بودرة كفايه كريم اساس ومن رايي تاخذين عينات من عندهم وتجربينها وانت اللي تقررين بعدين ايش اللي يناسبج

ميمي بيبي


والله فكرتج حلوووه يالغاليه
هذا اللى بسويه وامري لله

وبجرب كانيبو بعد لان فاديا حتطه لي يوم طلبتها
لاحد الاعراس بس كانت وايد سائله


تسلمين ياختي وبارك الله فيج واشكرك
على ردك

الف شكر:shy:

الموناليزا

هلا ياختي والله مادري كيف اشكرك
عن جد وايد استفدت من ردك

الف الف شكر

بس اختي ابي اقولك شئ ولكني مستحيه مالي خبره فيها وايد

انا اسمع دائما اني بشرتي جافه كل ماحط سمر كيك
او اللى يمكيجوني يقولولي نفس الكلام
بس في نفس الوقت وجهي يعرق بسرعه
واللى اعرفه اذا يعرف بسرعه
يعني دهني

والله مهب عارفه هو دهني ولا جاف

بس بتوكل على الله وبجرب طرقتك
والله كريم

تسلمين ياعمري
الله يجزيك خير
والله يعطيك الف عافيه

اختك شهد

ام ياسمينا الف شكر يالغاليه
انا عجبني رايك ياختي والله
يوفق

انا بحاول اخذ العينه اذا امكن

الف شكر يالغاليه وبارك الله فيك

حبيبتي شهد انا اعاني من نفس مشكلتج والصراحه افتكيت من هالشي باني احط كريم مرطب قبل كريم الاساس واستخدمت كريم اساس ماك النوع اللي كانه سايل في علبه مدوره وعن نفسي ما استخدم بودره لانه بعد فتره تخلي كريم الاساس يبين متشقق

اختي شهد


انا عندي نفس مشكلتج ان بشرتي مررره جاافه وكنت واايد اعاني عشان ماقدر احط اي شي الا يبين بعد ربع ساعه كان ويهي متشقق


بعدين قلت اروح ماك واشوف سالت الفلبنيه اللي هناك وعطتني على طول كريم اساس كانه كريم في علبه مدوره لكن شنووو رووووعه :up:

من هذاك اليوم دوم اروح اخذه من عندها

تحياتي
سحابه

شعاع القلوب والسحابه البيضا

من رايكم اخذ فقط كريم اساس ماك
مااخذ بودره

والله مقتنعه في كلامكم لان فاديا حطتلي كانيبو
كريم اساس وبودره
ماجا اخر الاعرس اللى من جمب شفايفي وبعض مناطق ثانيه
كانه متشقق

كل اشوي كنت اعدل فيه

بجربه واكيد برد عليكم

والله يعين

تسلمون ياخواتي والله اني فرحانه انكم رادين علي


عن جد فرحتي انكم تحاولون تساعدوني اكبر من فرحتي
اني لقيت حل لمشكلتي

الله يخليكم يارب ويسعدكم ويبارك فيكم

الف الف الف شكر فديتكم

انصحج تاخدين كريم ماك مع البودرة المضغوطه بعد من ماك

ميزة بودرتهم انها ماتجفف البشرة ويبين طبيعي ومع الوقت تتحول كريم


انا من زمان استخدمهم وااايد ناسبوني

وان شاء الله يناسبونج انتي بعد :cool2:

يالله ادا شريتي بشرينا بالنتيجه :shy:

حبيبتي محلات مكياجي بالستي مجابل كارفور

نور الدوحه

هلا يالغاليه فعلا هذا اللى بسويه

انا بشتري كريم وبودره وبجربهم مع بعض وكل واحد لحاله

لين مااااوصل لنتيجه ارتاح لها

تسلمين على النصيحه يالغاليه
بارك الله فيك
الف شكر

ميمي بيبي


تسلمين يالغاليه اها عرفت مكانه وان شاء الله بروحله علشان
جلوسات ويارب القى عااااااااد


:D2 مايكون خلص كل شئ حلو عندهم

الف شكر ياعمري

هلا عيوني شهد:smile::smile: قبل الاساس حطي كريم مرطب اي كريم عندج امسحيه بخفيف على وجهك وبعدين اساس عندج ماك وكانيبو وبعدين بودرة بعد ماك او كانيبو :smile:

بس بالدرجه الاولي عندي كانيبو :up::up:

لكن سمر كيك اتركيه :down::down:هو اللي يخرب البشره ويخليها جافه ومشققه وبعد مدة من الاستعمال تسبب لج حفر ونقوط بويهج تركيه بسرعه :down::down:

شهوده حبيبتي


لاتزعلين وضيق صدرج شوفي انا ماك وكانيبو موليه ماطاح على
بشرتي وسويت نفس الاخت ميمي ماقالت دخلت وجربت البودر وكانت
:eek2: ووووواو على ويهي ويم وصلت البيت وحطيتها طلعت ووع لونها
مسمرني وشكلي باهت عطيت البودره لختي لانه كانت الاضاءه اقوه
بالمحل فبتشوفين البودره ممتازه وكانيبوا بعد هالماركه ماتطلع تمام علي





بس باعلمج طريقه توخر الجفاف اللي بويهج وانا بشرتي كانت
تعبانه بما اني كنت بالجامعه وبعدين شغل فلازم ميك اب مع ان الميك اب اللى احطه دايما هادي حتى البنات يعتقدون اني مو حاطه شي


صج قرقيه يبا اختصري :pain:



شوفي اول ماتقعدين من النوم اتكونين امجهزه من الليل ربع ليمونه
وشوية ماء ورد بااااااااااااارد يعني مطلعته توج من الثلاجه خذي الليمون
وفركيه بويهج بس خفيف مو بالقوه وبعد ماتوزعينه على ويهج وتحملي
يحوش منطقه العين واللي حولها لانه يمكن يحرقها لج لانه قوي عليها
خذي قطنه وبلليلها بماي الورد ومسحي ويهج عدل وبعدين لماينشف
غسلي ويهج بس بالماي الفاتر ونشفيه بفوطتج الخاصه لويهج وحطي
كريم حول العين وكريم ضد الشمس اللي لنهار وحطي السمركيك او
كونسيلر وكملي الميك اب مالج وقولي لي شنو طلع ويهج استمري
وبتشوفين الفرق وبالتوفيق :up:

8
8
8
ليمون وماااي ورد للبشره الجافه :s2

انا قريت مره انه الليمون وماء الورد خاص حق البشره الدهنية .. بس مادري اذا حد عنده خبره يفيدنا بهالشي :)

ارجوك تخلصي من سمر كيك بسرعه تراها وااااااااااايد مضره بالبشره .... هذا قبل لان كان مافي غيرها الناس كلهم يستخدمونها .. عندج bn انا دايما انصح فيها ... وايد حلوه لجميع انواع البشرات ... من كم يوم زميلتي وجهها مثل مانقول متسلخ مسكينه خدودها صايره حمراء كانها محترقه من بودرة ماك لانها تحطها بدون اساس وماركب على وجهها اي اساس عطيتها bn تجربها وطلعت روعه عليها وتقول بااااااااااارده والحمد لله حطتها لمده 7 ساعات ماصار شي في وجهها ...

شريت ماك كانت تجنن لما جربتها بالمحل ولما رجعت البيت طلعت سمرة
وقمت اخلطها ببودرة بيضاء :pain::pain:

مع ان ماك تجنن على الوجه وتخلي وجهك كانه مافي بودرة طبيعي بس اضائتهم زفته :down::down::down:


كانيبو دايما يمدحونها بس ماركبت على وجهي :down::down:

استخدم لانكوم للجامعه لانها خفيفه وماتبين

للطلعات ماكس فاتر وجيرلان و كريستيان ديور و استي لودر وجيرلان بودرتها فضيعه

الماركتين ما حبيتهم