يصير لكم مثلي ؟؟

جربي كماااادت البابونج وابتعدي عن السهر والأرهاق


اذا مانفع معاج .. روحي حق دكتور


يمكن فقر الدم هو السبب


وماتشوفين شر


مع تحياتي :)

اظن انج تراجعين طبيب يكون احسن لج عزيزتي..
لا تلعبين بعمرج

رايي من راي البنات حبيبتي...


اذا كان السواد من السهر راح يخف لما تعدلين نومج ... والتجاعيد هم راح تروح او تخف لما تستعملين مرطب للعين قبل ما تحطين المكياج بـ 10 دقايق على الاقل حق تمتصه البشره...



وإذا ما خف السواد فيمكن بسبب المرض ((فقر الدم)) فلازم عيوني تراجعين الطبيب... وما تشوفين شر

روحي للدكتوووور احسن :up: وخاصة انها منطقة ما نقدر نلعب فيهااا بالخلطات

انا استخدم حاليا كريم لتخفيف السواد من استي لودر اذا اتعرفين هالماركه لاني يوم رحت المحل شافتني خبيره التجميل ونصحتني استعمله واشوفه لين الحين ماشي حاله معاي يعني المنطقه فتحت شوي بس يباله فتره لين ما ايكون نفس لون البشره وبعد انصحج باستشاره الطبيب :up:

انا اعاني نفس مشكلتج بالضبط

ومن فتره بسيطه نزلت الموضوع

ونصحوني يزاهم الله خير بزيت اللوز

ادهنه على عيوني قبل لانام وماشاء الله حسيت بتحسن من اول مره:up:

واستخدمت كونسيلر من كريولان للعين بس درجه غامجه

عشان مايطلع الاساس خضر تحت عيوني

وكان احسن كونسيلر جربته بحياتي:up:

جربت من قبله كانيبو وفور ايفر الي تتكلمين عنه ومانفع بريال

هلا اختي حبيت بس اقولك عن تجربه اختي كانت نفسج تعاني من هالات سوده موطبيعي واااضح :eek2:واستخدمت كونسيلر بدرجه وااايد غامجه لكن شوفايده لانها تدرس معاي بالجامعه مع الحر يصير مزرق على اخضر كانه حد ضاربها وخاشته بالمكياج:down: فقلت لها اكيد فيج شي مستحيل رحنا الطبيب وطلع عندها فقر دم :down:وكان هالشي السبب الاول والرئيسي للهالات السوده:up: حتي عندي صديقه نفس الشي لما تتعب بسبب فقر دم يطلع لها هالات سوده واااااضحه :down:


اهم شي تعالجين من فقر الدم والله يشافيج اختي :smile:


اختي بنت ند الشبا

حبيت اقولج ان استي لودر ماركه يهوديه :down::down:

رائي من رائ البنات اهمـ شي تراجعين الطبيب اذا سببه فقر دمـ

اما اذا نتيجة السهر قللي من السهر واستخدمي مرهمـ من ماركه


طبيه لتخفيف التجاعيد والسواد

وعندك ماركة ONAGRINE


امي تستخدمها عشان التجاعيد والسواد اللي حوالين عينها

وقد حطيته مره في موضوع مشابه لموضوعك

وهذا هو الكريمـ " لمحاربة التجاعيد والسواد "

اسمه " كريم ستركتورا بالبيوكاب"

وتجي منه كبسولات والكبسولات افضل بكثيرمن الكريم


لان الكبسوله تفتحينها

وسيده تحطينها علي محيط العين والكريم كل ماتفتحين وتسكرينه

تتاكسد مكونات وتقل النتائج المرجوهـ منه

>>


تحياتي للجميع

اول شي شوفي شنو سبب الهالات السوداء

بعدين عالجي المشكلة ومع الوقت بتخف اكيد عندج كريم اوباجي
للهالات السوداء بصراحة نفع معاي

نامي عدل واكلي عدل

وقبل تحطين المكياج حطي كريم مرطب على كامل الوجة حتى حول العيون عساس ما يتكتل الكريم وتبان التجاعيد

بعدها حطي الكونسيلر

وانصحج بكونسيلر استي لودر على شكل قلم

اتمنا اكون افدتج

مشكورين حبايبي كلكم عالرد وانشالله ناوية اروح للدكتور لأن زوجي قالي لازم اوديج تشوفين حل مع هالسواد ..


ميمي بيبي بغيت اسالج وين حصلتي ماركة كاولاين ولازم آخذ درجة غامقة ؟؟ لأن صح اذا حطيت فاتح تطلع المنطقة خضرة مادري اشلون شكلها .؟؟

في محل مكياج اسمه قنطار

واخذي الكونسيلر الي ايج في علبه بلاستيك ويكون داخل دائره

مو الاسطوانه الصبع معليج منها

موجود في المجمع الي احذه مجمع السد بلازا اظن اسمه البستان وسعره اعتقد70 ريال

لازم درجه اغمج من لون بشرتج بدرجه واحده مو اكثر

وبتقولج اخذي بعد لون فاتح عشان اتحطينه فوقه معليج منها

جربي الخلطات الطبيعيه واهم شي اخذي استشارة طبيب مختص

وحتى لو كان الكونسيلر هذا يغطي لفتره مؤقته ,, و مو حلوه زوجج يشوفج جذي

وهم ما يصير تكونين متمكيجه 24 ساعه

اعرفي سبب السواد وعالجيه

ولا يقصون عليج البياعات كل وحده توصف لج شي مسويه روحها ام العريف

انا ما خليت شي طبيعي ولا شغل تجميل ماسويته وكله ما نفع لما رحت للطبيب قال لي هذا بالوراثه يعني تشكيلة عينج جذي ممكن يخف بس مو وايد وانسي انه يروح نهائي

اول مادخل محل مكياج البياعات من كل صوب يقولون لي عن كريماتهم

اقول لهم وراثه ماكو حلو ،، وانا ماشيه:confused:

السلام عليكم ورحمة الله وبركاته
(u)(u)(u)(u)(u)(u)(u)(u)(u)(u)(u)
و الصلاة والسلام على سيد المرسلين_محمد_عليه الصلاة والسلام
وجزاك الله خير على الموضوع
(u)(u)(u)(u)(u)(u)(u)(u)(u)(u)(u)
و انا انصحج بالخلطات الطبيعية لو مافادتج

أتأكدي انها مستحيل تظرج:up:

(u)(u)(u)(u)(u)(u)(u)(u)(u)(u)(u)
مع تحياتي

DeeeeeeeeeB

هلا والله انه نصيحتي لج انج تاخذين خيالر
بس يكون بارد من الثلاجه
وتقطعينه شرايح وتحطينه فوق عينج
يريح اعصاب العين
وبالتوفيق:smile:

مشكورين كلكم عالرد ..

ميمي بيبي تقدريت تقولين لي من وين شريتي زيت اللوز ؟؟

من عند العطار وال استعمله زيت اللوز الحلو