زوج اختي وزوجة اخوه

السلام عليكم ورحمة الله وبركاته..

الله يهدي زوجها..

عزيزتي الرياييل جذيه.. كم تتعدل حرمتهم يشوفونها عاديه :D2 والعاديات يشوفونهم حلوات!؟
انا يوم اتعدل واتكشخ وارتب حالي زوجي يطنشني..

ولما اكون مبهدله وشعري منكز يبقق عينه ويقولي محلوه!؟ "هذا على ايام الحمل كنت ما اهتم في نفسي احس اني مول ما اقدر ارتب حالي وزوجي كل يوم يقولي ما شاء الله حلوه؟!؟!:D2

هذا الشي عادي جدا.. بس قوليلها تصبر.. وهي باسلوبها بتجذبه.. خليها ذكيه جدا وخليها اتبين له انها تغار بس بحد معقول..

انا زوجي كان يمدح حريم اخوانهمن ناحية الشكل.. وكلما قال شي ارد عليه بشي لدرجه انه يضحك عليي..

مثال يقول انهم حلوات اقوله ما يعرفون يحطون مكياج.. يقول انهم انيقات اقول ما يعرفون يلبسون مثلي full fashion يقول شعرهم طويل اقوله شو عرفهم بالموضه والاصباغ والتسريحات الحلوه الي اسويها.. لدرجه يوم اروح بيت اهله الكل يتطالعني منبهر:shy: اوني عاد fashion

قولي حق اختج هاي سوالف الرياييل وخليها عاديه.. وهي تقدر اتغيره بنفسها الحين زوجي مول ما يقول اي شي وكلما قال شي ارد عليه باسلوب حلو ومحترم يضحك ويقولي ما بلقى مثلج شفتي عاد :up:

السلام عليكم ورحمه الله وبركاته..

عزيزتي أخت امالغاليه ..

بما أنني متزوجه فإني أحس بشعورك الآن..
ولكنك جديده على أمور الزواج..
وهذه الأمور تحدث في كل البيوت.. لا تقلقي ..
فأول شهر من الزواج كله مشاكل وحساسيه ..
لكن بعد مرور مده على الزواج يبدأ الإستقرار ..
وهذه عن تجربه شخصيه وتجربه أخواتي وصديقاتي..

عزيزتي .. نصيحه مني لا تتصيدي أخطاء زوجك..
فإنك سوف تتعذبين إذا وضعتي كل غلطه منه في رأسك..
بل إلتمسي الأعذار له في كل موقف...

عزيزتي الغاليه..
إنت تقولين إنه كان يناظر زوجه أخيه..
وإنت ما أدراك.. قد تكون عينه عليها .. وفكره في مكان آخر..
وخاصه إنك تقولين أنه من النوع الخجول..
صدقيني هذا يحدث بيني وبين زوجي ...
أراه أحيانا يناظر التفلزيون.. وهو مندمج..
ولكني أكتشف أنه في عالم آخر ..

ثانيا عزيزتي..
فهمت من كلام أختك إنك ما شاء الله عليك .. تحبين التغير..
لكن على فكره ليس كل زوج يحب التغير في زوجته..
فقد يكون زوجك من النوع الذي يحب أن تكون زوجته طبيعيه بسيطه..
فحاولي أن تكوني بسيطه معه .. فإذا لم تتغير النتيجه..

فعليك بالمبــــــــــــــــــادره..
حاولي .. أن تتوددي له .. وتكسري خجله..
أقيمي حفلات شاي بسيطه بينك وبينه..
أغميريه بالهذايا والرسائل الغراميه..
دلليه في غرفه النوم وبين أهله..
وصدقيني سوف ترين النتيجه..

وإليك هذا الدعاد .. إدعي به عسى أن ربك يهديه..
( اللهم ألقي محبتي في قلب زوجي.. وألقي محبته في قلبي.. وأجمعنا دائما على خير..)

السلام عليكم ورحمة الله وبركاته

(( قالت لي اختي انها زوجة اخوه كانت متغطيه بس عبايتها وايد ملفته مشغوله بألوان وايد واضحه من فوق لين تحت ))

عزيزتي يمكن زوجها يطالع حرمة أخوه بسسب العباية الملطخة بألوان

والملفتة مستغرب من بلاوي هالحريم وكل يوم اشياء غريبة وعجيبة انا

نفسي وانا حرمة حالي من حالهم ، اقعد اطالعهم مستغربة وما انزل عيني

من هالاشكال والعبي الغريبة وافكر كيف هذي جذي ...

وبما أنهم حديثين العهد بالزواج تصبر الزواج عقبات وتنحل بأذن الله شوي

شوي مع الزمن ومرور الوقت ...

العـــــــــتب

السلام عليكم ورحمة الله وبركاته

وهنا الحكمه في عدم لبس العباء الي مابقى لون مادخل فيها وزوج أختك ماجذبته غير الألوان الي في عباية زوجة أخوه:smile:

وماتحاول تقول لزوجها شئ يمكن مايقصد بيه وتفتح عيون زوجها على شئ هي المفروض تشيله من راسها هي بعد:pain:

والأزواج أغلبهم كذا مايعبرون بالكلام لما يشوفو الزوجة في قمة جمالها ولما تتزين وتتعدل لهم يعني أصبح الأمر عادي عن الزوجات لكن في أساليب تقدر تتطلع كلام الغزل والمدح من فم زوجها وهي وشطارتها

وهي لازالت في بداية حياة جديده ومع الوقت راح تتفهم أشياء كثيره

وربي يوفقها ويسعدها ويرزقها الذرية الصالحه

ولكم مني كل التقدير والأحترام

مملكة القلوب

.........

الله المستعان على عيون الرياييل

مب لازم الشكل يجذب

خليها تجذبه بكلامها

بتصرفاتها الحلوة

ولا تحطي الشكليات هي المهمة

...

السلام عليكم ورحمة الله وبركاته

بصراحة أختي البنات كفّوا و وفّوا...

يعني خليها ما تمسك كل غلطة على زوجها...و لا شيء مثل هذا يزعلها بهذه الطريقة...

تحاول دايما ما يكون في اختلاط في بيتها...بين زوجها و عيلة أخوه...منعا للمشاكل...طبيعي الرجل ينجذب للشيء الملفت...

تحاول تفهمه أكثر...يمكن لأنها حديثة عهد بالزواج...في أشياء كتير محتاجة تعرفها عن زوجها...و محتاجة دايما تفتح معاه أسلوب حوار و مصارحة...علشان ما تتعب في المستقبل.

و ما تحاول يكون في نكد و مشاحنات في البيت...و لا تعاتبه كتير...لأن الأزواج يكرهوا هذه الطريقة...

دايما تكون بشوشة و ضحوكة و خفيفة حركة...و تشيع جو من البهجة في البيت...و هذه الأشياء أهم بكثير من الشكل...


و إن شاء الله يا رب ما يشوف غيرها في الدنيا بعد ذلك...

بسم الله الرحمن الرحيم
والله شكل زوج اختك ما انجذب بس اكيد قعد ايطالع العباءة ومستغرب من الألوان عباله داخل حديقة ولا شي خلها تشيل عن راسها هالأفكار ولا تعكر علي نفسها واكيد زوجها يحبها ويشوفها حلوة واحلي البنات بس مسكين حرام من خجله يستحي ما يقول بس اكيد فرحان بزوجته وبجمالها الله يهنيها وانشاءالله دووم اتظل جميلة بنظر زوجها والله يوفق الجميع

[CENTER]السلام عليكم

العباءة واللون جذبت

لكن قلبه مشغول بزوجته الجميلة

وتحياتي
مرايم السعودية

حرام عليكم يمكن المسكين كان يطالع العباية ويقول في نفسة شو مسوية هذي بعمرها

ويمكن كان يتحمد ربه ان زوجته ما تسوي هالحركات

حرام عليكم يمكن الريال مافي نفسة شي ويمكن سرح على عباية البنية يعني باله لافي البنية ولا في العباية بعد يمكن يفكر في شي بعيد تماما عن اللي في بالها

تقبلوا مداخلتي

الله يريح قلبها

شوفي يا أختي
انا متزوجة وحاسة بمعاناة اختش
بس قولي ليها اتحاول اتغير تصرفها يعني تخلق ليه اجواء رومانسية في الغرفة اتخليه احب إن يتواجد في الغرفة

السلام عليكم ورحمة الله وبركاته

قوليلها الطريق قدامها طويل ،، والله يعطيها طولة العمر والصحة والعافية
اذا هي بتوقف وبتدقق على كل كلمة ونظرة ما بتخلص
وخليها دايما تحط الظن الحسن في بالها ،، ومو كل رجال لازم يكون روميو
المهم ان المرأة دايما المفروض تكون جولييت
الصبر ثم الصبر ثم الصبر
" ومن صبر لابد يحمد بالاخير "

أم سعيدة ذكرت شي حلو خليها تبين إنها تغار بس بالمعقول.......وفي الشرع لايجوز أبدا أن تبدي المرأة زينتها إلا لزوجها

وحاولي تقولي لها تجذبه بالكلام المعسول وتبين إهتمامها فيه ولا تدقق على أخطاؤه لأن الرجل ممكن يستغل ها النقطة لصالحه

ويعاندها او يثير غيرتها بشكل غلط..........والله يوفقها