وش عاد كيري فاز والاّ انتصر بوش ** كل الدروب اتقودنا للخسارة !!

[poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]

( نص نبطي )


ياكثر مافينا دراويش وخْتوش = وياقل مناّ من فهم بالاشارة !

وياكثر مافينا وجاهات وكروش = وياقل مناّ من يعيش بجدارةش

نلبس مذلّتنا على الراس طربوش= ونقول حناّ ساس كل الحضارة

مصيرنا يصرخ على كف مربوش = يعوث فينا عوث ذيب المغارة

وش عاد كيري فاز والاّ انتصر بوش = كل الدروب إتقودنا للخسارة

مافيه بالكفّار أصلي ومغشوش = واحد هدفهم ماتهم العبارة

بقلوبهم كره العرب رسم منقوش = مافيهم اللي في ضميره طهارة

ياللي سهرت الليل حاضن لك دشوش= إتّابع الأصوات في كل حارة

من ينتخب كيري ومن ينتخب بوش = ومن رشحوا للكونقرس والوزارة

عزاه ياأمة لمثلك هي إتحوش = ألين عيشتها زهود ومرارة

المجد ماياتي بخدعة ودنبوش = المجد عزم رجال موت وجسارة

المعتدي لاصار ضاري على الهوش = مايردعه لطف القبيل إوّقاره

مايردعه غير المدرّب على النوش = يكسر مجاديفه وينفض غباره

المسكنة ماتهزم سْلاح وجْيوش = والظلم ماله غير دحر ونماره

درب الشرف ماهو بالأزهار مفروش = رحلة كفاح وموت ماهي زياره

العز مايُشرى بجاهات وقروش = العز نارٍ تلتهب بالحرارة !

نبغى طرب والبرتقالة وعلّوش = ماهي بشاير خير إلاّ دعارة

كم ضاع منّا مجد وانهارت عروش = وكم مات حلم وكم تهاوت منارة

شعر \ حمدان بن سالم العنزي




[/poet]