هذا الشعر والا بلاااااش.. الي تبغي تعرف سر غلاظة وطول الشعر!؟

مشكوره اختي ام سعيده على هاي الطريقه وانشالله بتجربها :clap:

السلام عليكم ورحمة الله وبركاته[/ALIGN


هذي اول مشاركه لي معكم , لفتت انتباهي المعلومه وهي الاكتفاء

بغسل الشعر مره بالاسبوع ,, كنت اشوف بنات شعورهم غليظه

وماشاءالله غير مقصفه وصحيه وأسالهم يقولون مانغسله كثير بس

بصراحه اشوفها صعبه شوي بالنسبه لي لان شعري دهني ,,

وربي يوفق الجميع ..


ملاحظه بسيطه للاخت ام سعيده الله يعافيك حبيبتي لو تكرمتي تغيرين

نمط الخط وكبريه لأني أصدع وأنا أقرأ مواضيعك :) ولا احب شي يعكر

استمتاعي بالقراءه وسلمت يداك على ماابدعت ..

السلام عليكم ورحمة الله وبركاته..

عزيزتي عرموشة :D2

السلام عليكم ورحمة الله وبركاته..

miss_teen مشكوره على الرد..

mazahy ولا يهمج من اليوم ان شاء الله ببدء اغير الخط واكبره شوي علشان خاطر عيونك :shy:

السلام عليكم ورحمة الله وبركاته..

بنات حد جرب الطريقه؟
ردو عليي خبر حق الي جرب بليز؟
علشان الكل يستفيد؟

السلام عليكم ورحمة الله وبركاته

اختي الغاليه أم سعيده

مشكورة اختي عالملعلومة

ولكن عندي مداخله بسيطه الا وهي

ان ترك الزيت في الشعر لمدة طويله يقوم بحرق الشعره ويقسيها .... وصدقوني هذا عن تجربه شخصية

اللهم اني بلغت

السلام عليكم ورحمة الله وبركاته..

عزيزتي لحظه يعتمد على نوعية الزيت.. اذا كان حار لفروة الراس او عادي.. مثال زيت الزيتون حار فهو يؤدي الى حرق البصيلات اذا تم لفتره طويله على الراس؟!

انشاء الله نجرب:smile:

السلام عليكم ورحمة الله وبركاته..

ان شاء الله عزيزتي وتردين علينا خبر شو صار؟!

مستحيييييييييييل اغسل شعري مره وحده في الاسبوع ..

اصلاً على طوووووووووول تطلع لي قشره ..وما اقدر اتحمل ..

تحس انه هذا ينفع للي شعرهن صحي وويقاوم اسبوع كامل بدون

غسيل ..خخخخخخخ

بصراحه ما فهمت شي والسبب الخط مرة مو واضح
ياليت تغيرين الخط لاني اتعب وانا اقراء
معليش لاتزعلين

ماشاء الله دايم مواضيع ام سعيده ماعليها
كلام كلها كشخه مثلها:)

:clap::clap:

السلام عليكم ورحمة الله وبركاته..

تسلمون عزيزاتي على الرد..

والي ما تشوف الخط تقدر اتكبر الصفحه تدخل الView وبعدين font size وبعدين تكبر الخط على الحجم الي تباه وانا كم من مره عدت الطريقه..

فاتمنى من الاخوات يقرون ردود البنات وردودي قبل الرد او السؤال لان الاساله تتكرر وانا راده عليها قبل؟!

وحتى اني ذكرت الي ما تقدر تغسل شعرها مره وحده تقدر تغسله مرتين في الاسبوع او 3 يعتمد..

السلام عليكم ورحمة الله وبركاته


انا انشاء الله اختي بجربها وان شاء الله خير

مع احترامي لرايكم


الغسيل اليومى مفيد للشعر لأنه يشيل الاوساخ من الفروه ويخلى الشعر يتنفس ويطول وغلط الوحده ما تغسله لأن الاوساخ تتراكم على المسام وتسكر المسام وما تخلى الشعر يتنفس ومع لبس الشيله اليومى يستوى الشعر فظيع :down:

حتى ان الذي يقول لك قصى شعرك من الاطراف عشان يطول كلام غلط لأن الشعر يطول ويتنفس من فوق مو من تحت. وسألو اى دكتور متخصص فى الجلديه وبعدين احسن طريقه للشعر اللى يتساقط هو انك ما تمشطين الشعر وهو مبلول لأن الشعر يكون فى اضعف حاله، اتنشفينه بالسشوار الهواء فقط ويوم ينشف اتمشطينه .

واى استفسار انا حاضره :shy:

السلام عليكم ورحمة الله وبركاته
بسم الله الرحمن الرحيم
أختي أم سعيده؟
يعني كيف ما أغسل شعري الا مرة وحده في الاسبوع؟؟؟
تقصدين اني ما أغسله بالشامبو أو ما أغسله نهائيا؟
المشكلة لما أغسل جسمي فقط بدون شعري أحس ان الرطوبة الي في الحمام عزكم الله تسوي لي حكة ؟؟
لو تتفضلين وتشرحين لي كيف كنتي ما تغسلين شعرج لأني أحتاج شعر ما عندي شعر :smile:

السلام عليكم ورحمة الله وبركاته..

عزيزتي واقعيه..

تغسلين الشعر مره بالاسبوع بالشاميو والماء..
يعني كل خميس او كل جمعه..
وهذا يعتمد على نوعية الشعر اذا كان دهني فاغسليه كل اسبوع مرتين..

يعني بعد ثلاثة ايام تغسلين شعرج بالماء والشامبو..

واذا تحسين انه الرطوبه تجيس شعرج في cover بلاستيك يبيعونه لتغطيت الشعر عند الاستحمام غطيه وريحي عمرج..

مشكورة أختي أم سعيده

وإن شاء الله بجرب هالطريقة وتكون النتيجة طيبة
ومن الحين أدعيلج ان شاء الله الله يهنيج ويسعدج دنيا وآخرة

السلام عليكم ورحمة الله وبركاته..

تسلمين الواقعيه على الرد حبيبتي